####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00119
Uniform title: śaktisaṃgamatantra tārākhanda
Editor : baṭṭācārya b

Description: 
Transcribed from  śaktisaṃgamatantra  critically edited  by  Benoytosh Bhattacharyya, In three Volumes  Vol. II  tārākhanda Baroda Oriental Institute  1941


Notes: 
Transcribed by the staff of Muktabodha under the direction of Mark Dyczkowski.


Revision 0: Sept. 16, 2008

Publisher : Baroda Oriental Institute
Publication year : 1941
Publication city : Baroda
Publication country : India
####################################################

श्रीगुरुभ्यो नमः |

श्रीशक्तिसङ्गमतन्त्रम् |

ताराखण्डः || २ ||

प्रथमः पटलः


आदिनाथ उवाच

कालि कालि महाकालि प्रिये दक्षिणकालिके |
कादिहादिमताधीशे षष्टिसिद्धिप्रदर्शिनि  || १ ||

सब्रह्मरूपिणि शिवे रहस्यमपि कथ्यताम् |
पूर्वं संसूचितं देवि न मह्यं कथितं त्वया || २ ||

तन्मे कथय देवेशि यदि मे करुणा तव |

श्रीकाल्युवाच

रहस्यं सर्वगोप्यं यत्तदेव कथ्यते शृणु || ३ ||

एकं दशं शतं देव सहस्रं त्वयुतं तथा |
गदितं नियुतं देव तदेव लक्षवाचकम् || ४ ||

ततश्च प्रयुतं देव दशलक्षप्रवाचकम् |
कोटिश्च दशकोटिश्च त्वर्बुदं च दशार्बुदं || ५ ||

खर्वश्च काष्ठखर्वश्च निखर्वं दिङिखर्वकम् |
जलधिश्चान्तमध्यं च वृन्दमब्जं ततः परम् || ६ ||

लयश्चैव महेशान ततः प्रोक्तो महालयः |
शंखश्चैव महाशंखः पद्मं च महापद्मकम् || ७ ||

मुकुन्दः कुन्दनीलश्च महानीलश्च शंकर |
मकरः कच्छपश्चैव परार्धं तदनन्तरम् || ८ ||

पारे परार्द्धं च तथा चातः संख्या न विद्यते |
अनन्तं तत्तदग्रे स्यादित्युक्तं कालिकागमे || ९ ||

दशोत्तरक्रमाज्ज्ञेया संख्या चैषा महेश्वर |
आगमग्रन्थसंख्या च कथ्यते शृणु साम्प्रतम् || १० ||

पंचाशद्वै महाभारो ग्रन्थसंख्या प्रकीर्तिता |
एकं दशं शतं ज्ञेयं सहस्रं नियुतं तथा || ११ ||

प्रयुतमर्बुदं खर्वं वृन्दखर्वं निखर्वकम् |
शङ्खं पद्मं समुद्रोऽथ मध्यमं वान्त्यमेव च || १२ ||

पराख्यं परमे चैव परार्द्धं तत्परार्द्धकम् |
दशोत्तरक्रमेणैव संख्या लक्षणसंग्रहे || १३ ||

द्वात्रिंशदक्षरं यत्र स ग्रन्थेति निगद्यते |
सैव श्लोकेति गदितस्तारानेत्रसमुद्भवः || १४ ||

एतन्मध्ये महेशानि सर्व यामलडामराः |
तंत्राणि त्वर्णवश्चैव चूडामणिशतत्रयम् || १५ ||

चिन्तामणिः कल्पतरुः कल्पाः सर्वे प्रतिष्ठिताः |
कामधेनुः पारिजातस्त्वमृतं दर्पणं तथा || १६ ||

सोपानसंहिताश्चापि तथोपसंहितादयः |
सांख्यायनावर्तनत्वात्तथा मूलावतारकाः || १७ ||

पुराणान्युपसंख्यानि रहस्यानि बहूनि च |
बृहद्रहस्योज्जाबाले हृदयानि बहूनि च || १८ ||

कौमुद्यादीनि देवेश तथैव चन्द्रिका शिव |
पातंजलादिकादीनि तथा सारस्वतादिकाः || १९  ||

उपतंत्राणि सर्वाणि पर्यायाम्नायकागमाः |
बृहत्संज्ञानि देवेश यथायोगक्रमेण च || २० ||

उपशब्दो बृहच्छक्तिस्तन्त्रयामलगोचरः |

श्रीशिव उवाच

ग्रन्थ नाम त्वया प्रोक्तं कियत्कुत्रं स्थितं वद् || २१ ||

कियद्वैमर्त्यलोकेषु स्वर्गपातालयोः कियत् |

श्रीकाल्युवाच

पंचाशद्वै महाभारैः षट्त्रिंशत्संख्यकं भुवि || २२ ||

मनुसंख्या स्वर्गलोके पाताले दश वै स्थिता |
एवमागमसन्दोहः कथितस्ते मया तव || २३ ||

शैवं शाक्तं गाणपत्यं सौरं वैष्णवमेव च |
महावीरं पाशुपतं वैष्णवं वीरवैष्णवम् || २४  ||

प्. ३) वीरशैवं तथा चान्द्रं स्वायम्भुवमनन्तरम् |
पांचरात्रं गारुडं च केरलं शाबरं तथा || २५ ||

श्रीसिद्धशाबरं देव तथैव कालशाबरम् |
कुमारीशाबरं देव विजयाशाबरं तथा || २६ ||

कालिकाशाबरं दिव्यशाबरं वीरशाबरम् |
श्रीनाथशाबरं देव तारिणीशाबरं परम् || २७ ||

श्रीशम्भुशाबरं रुद्रसंख्या शाबरजातयः |
रक्तघोरस्तथा शुक्लो घोरविण्मूत्रकस्तथा || २८ ||

वीणाघोरस्तथा नीलः सर्वभक्षाभिधस्ततः || २९ ||

घोराघोरस्तथा सिद्धो घोराश्चैकाष्दश स्मृताः |
मायाकापालिकं चापि वीरबौद्धागमौ तथा || ३० ||

जैनागमो रक्तशुक्लपटसंबंधिजातयः |
चीनभेदास्तु बहवो द्विशतेति प्रकीर्तिताः || ३१ ||

बौद्धानां शतभेदाः स्युर्दश पाशुपते स्मृताः |
कौले भेदाष्टकं चावधूतं वैदिकशास्त्रकम् || ३२ ||

यथावर्णानुधर्मेण योजनीयं प्रयत्नतः |
ध्येषु येषु च वर्णेषु ये ये धर्माः प्रकीर्तिताः || ३३ ||

तेषु तेषु च ते धर्मा योजनीयाः प्रयत्नतः |
ब्राह्मणेन तथा कार्यं ब्राह्मण्यं न विनश्यति || ३४ ||

अथान्यवर्णेष्वेवं हि कर्तव्यं मृडशंकर ईश्वर |
एतद्ग्रन्थरहस्यं च यो जानाति स चेश्वरः || ३५ ||

एतद्धि ग्रन्थबाहुल्यान्नोक्तमत्र मया तव |

श्रीशिव उवाच

शिवतत्त्वे सूचितं यत्तद्वदस्व प्रियंवदे || ३६ ||

सिद्धविद्या महाविद्या लघुविद्या तथा मता |
त्रिधातु कथ्यमाना हि पुनर्मर्त्ये न दर्शितम् || ३७ ||

तदेव कथ्यतां देवि संख्या चादौ वद प्रिये |

श्रीकाल्युवाच 

दशसंख्या महाविद्या तस्या नामानि वच्म्यहम् || ३८ ||

प्. ४) सिद्धविद्या महाविद्या विद्येत्येवं गुणक्रमः |
चतुर्युगादिरूपेण कथं सिद्धा च किंविधा || ३९ ||

का वा सिद्धाः सत्ययुगे का वा सिद्धिर्महेश्वर |
का वा सिद्धाश्चान्ययुगे सर्वं ते कथ्यते शृणु || ४० ||

सत्ययुगे सिद्धविद्या सुन्दरी भुवनेश्वरी |
काली तारेति देवेश सिद्धविद्याः प्रकीर्तिताः || ४१ ||

कालिका सिद्धविद्या च सर्वदैव महेश्वर |
छिन्नमस्ता च बगला मातङ्गी कमला तथा || ४२ ||

एता एव महाविद्या विद्यां संशृणु बल्लभ |
धूमावती भैरवी च विद्यात्वेन प्रतिष्ठिताः || ४३ ||

काली तारा महाविद्या षोडशी भुवनेश्वरी |
भैरवी चिन्नमस्ता च विद्या धूमावती तथा || ४४ ||

बगला सिद्धविद्या च मातङ्गी कमलात्मिका |
एता एव महाविद्याः सिद्धिविद्याः प्रकीर्तिताः || ४५ ||

वीरनाथमते देव युगभेदात् त्रिधा गतिः |
काली चिन्ना सुन्दरी च सिद्धविद्या च तारिणी || ४६ ||

बगला कमला धूमा महाविद्यान्तरं भवेत् |
मातङ्गी भैरवी चैव त्रिपुटा शूलिनी तथा || ४७ ||

वनदुर्गा च त्वरिता विद्यात्वेन महेश्वर |
तोतला त्रिपुटा माया कान्हेशी भ्रमरांकिका || ४८ ||

भोगवती तथा क्लिन्ना हंसारूढा च कुक्कुटी |
त्रिकंटकी च देवेश महाविद्या प्रकीर्तिताः || ४९ ||

नित्यामतमिदं  प्रोक्तं शृणु कुब्जामतं शिव |
वज्रप्रस्तारिणी भोगवती पद्मावती तथा || ५० ||

महामधुमती सिद्धिर्मृतसञ्जीविनी तथा |
अघोरा राजमातङ्गी मातङ्गी हिंगुलाम्बिका || ५१ ||

कालरात्रीति देवेश महाविद्याः प्रकीर्तिताः |

श्रीशिव उवाच

सामान्यतः छिन्नयोक्तः विशेषो बहु तत्र च || ५२ ||

मया ज्ञातोऽस्ति विश्वेशि शिष्यभावं भज प्रिये |
प्. ५) देवेश शोतुमिच्छामि सिद्धविद्यादिनिर्णयम् || ५३ ||

श्रीशिव उवाच

सिद्धविद्या महाविद्या भेदत्रयक्रमेण च |
विद्यामंत्रक्रमेणैव द्विधा तातिः प्रकीर्तिता || ५४ ||

स्त्रीपुंनपुंसकत्वेन त्रिधा जातिः प्रकीर्तिता |
चतुर्युगक्रमेणैव भेदभेदान्तरं शिवे  || ५५ ||

सत्ये काली च श्रीविद्या कमला भुवनेश्वरी |
सिद्धविद्या महेशानि त्रिशक्तिर्बगला शिवे  || ५६ ||

महाविद्या सत्ययुगे मातङ्गी भैरवी शिवे |
धूमावती च विद्या स्यात्त्रेतायां शृणु पार्वति  || ५७ ||

काली तारा सुन्दरी च सिद्धविद्याः प्रकीर्तिताः |
मातङ्गी भुवना लक्ष्मीर्महाविद्याः प्रकीर्तिताः || ५८ ||

धूमावती भैरवी च विद्यात्वेन महेश्वरि |
द्वापरे कालिका तारा रोचिनी भैरवी तथा || ५९ ||

सिद्धविद्या महेशानि सुन्दरी भुवना रमा |
धूमावती महाविद्या मातङ्गी कमला तथा || ६० ||

विद्यात्वेन महेशानि धूमा च बगला शिवे |
विद्यात्वेन महेशानि कलौ काली तु केवला || ६१ ||

काली तारा चिन्नमस्ता सिद्धविद्याः कलौ मता |
सुन्दरी भैरवी लक्ष्मीर्मातङ्गी भुवनेश्वरी || ६२ ||

महाविद्या महेशानि धूमा च बगला शिवे |
विद्यात्वेन महेशानि कलौ संकीर्तिता मया || ६३ ||

उन्मत्तभैरवमते भेदोऽन्यः कथ्यते शृणु |
काली तारा महाविद्या षोडशी भुवनेश्वरी || ६४ ||

भैरवी छिन्नमस्ता च विद्या धूमावती तथा |
बगला सिद्धविद्या च मातङ्गी कमलाम्बिका || ६५ ||

त्रयोदश महाविद्या युगभेदात्त्रिधा.पि च |
एता एव महविद्याः त्रियुगं व्याप्य संस्थिताः || ६६ ||

कलौ काली कलौ काली कलौ काली तु केवला |
साधिता कालनाथेन प्रत्यक्षा कालिका कलौ || ६७ || 

प्. ६) कलौ कालीं विहायाथ यः कश्चित्सिद्धिकामुकः |
स चक्षुषा विना रूपं दर्पणे द्रष्टुमिच्छति || ६८ ||

कलौ कालीं विहायाथ यः कश्चिद्राज्यमिच्छति |
स हि शीतनिवृत्यर्थं हिमशैलं निषेवते || ६९ ||

कलौ कालीं बिहायाथ यः कश्चिन्मोक्षकामुकः |
स भोजनं विना नूनं क्षुन्निवृत्तिमभीप्सति || ७० ||

कलौ कालीं बिहायाथ यः कश्चिच्छक्तिमिच्छति |
स च शक्तिं विना देवि मनसा * * यथा || ७१ ||

कलौ कालीं बिहायाथ यः कश्चित्भक्तिकामुकः |
स सिद्धान्नं परित्यज्य तृणाद्भोजनमिच्छति || ७२ ||

कलौ कालीं बिहायाथ यः कश्चित् काम्यमिच्छति |
स तु दुःखनिवृत्यर्थे पापानि कुरुते सदा || ७३ ||

स दरिद्रो महामूर्खो मम द्रोही स एव तु |
युगत्रयेऽपि देवेशि कलिपूर्वेषु तत्त्वतः || ७४ ||

अन्यां विद्यामपि भजन्सिद्धिमाप्नोति मानवः |
कलौ काली स्पर्शमणिर्नान्यविद्या कदाचन || ७५ ||

श्रीमहाकालिका विद्या कलौ पूर्णफलप्रदा |
अज्ञानाज्ज्ञानतो वापि सलीलं वा सहेलया || ७६ ||

स्मृताऽपि सिद्धिदा काली सकृदेव महेश्वरि |
चतुर्युगानां राज्ञी वै कालिका परिकीर्तिता || ७७ ||

विद्याराज्ञी सिद्धविद्या कलौ शीघ्रफलप्रदा |
नामैक्याद्रूपसाम्याच्च महाविद्या प्रकीर्तिता || ७८ ||

कलिर्हि यस्या दासश्च पादपूजां करोति च |
सकृन्नाम स्मृतं येन कालिकाया महेश्वरि || ७९ ||

तस्य सेवापरः सोऽयं कलिबाधा न तस्य हि |
कलिर्यच्छति वित्तानि हेमश्रीशैलभूरुहान् || ८० ||

स्वयमागत्य यत्नेन ददाति प्रतिवासरम् |
एतद्वै सिद्धिबाहुल्यं मया वक्तुं न शक्यते || ८१ ||

वरदानेषु च रता तेनेऽयं दक्षिणा स्मृता |
सेयं दक्षिणकाली तु सिद्धिभूमिरितीरिता || ८२ ||

कालिका षोडशी तारा वामाचारप्रिया मता |
छिन्नमस्ता च बगला वाममार्गाधिदेवता || ८३ ||

प्. ७) मातङ्ग्याद्या महादेवि वाममार्गेण सिद्धिदाः |
कमला भुवना बाला तथा धूमावती शिवे || ८४ ||

दक्षिणाचारयोगेन सिध्यत्येव न संशयः |
वामाचारेणापि तथा सिध्यत्येव महेश्वरि || ८५ ||

भैरवी वामसंतुष्टा बाला दक्षिणवामगा |
वसंतसुन्दरी विद्या तथा सङ्गीतसुन्दरी || ८६ ||

वामदक्षिणयोगेन सिध्यत्येव न संशयः |
रेणुका दक्षिणाचारा त्वन्या देव्यश्च दक्षिणाः || ८७ ||

मर्दिनी वाममार्गेण प्रत्यक्षा भवति ध्रुवम् |
बालायामुभयाचारः श्रीविद्यां तथैव च || ८८ ||

लोपामुद्रा दक्षिणेति त्रिषु लोकेषु विश्रुता |
सैव वामप्रिया देवी वामाच्छीघ्रफलप्रदा || ८९ ||

काली तारा छिन्नमस्ता सुन्दरी बगलामुखी |
भैरवी चैव मातङ्गी वामाचारप्रिया सदा || ९० ||

मातङ्ग्या वगलामुख्यां दक्षिणाख्योऽपि वर्तते |
मातङ्ग्यां लघुमातङ्ग्यां सुमुखी वामतत्परा || ९१ ||

क्वचिद्गणेशरुद्रेषु विष्णुसौरस्वयम्भुवे |
वामाचारो वैदिकेऽपि भैरवा वामतत्पराः || ९२ ||

क्षित्रपाला वामपराश्वीनाः कापालिकास्तथा |
तथा पाशुपता देव वाममार्गे प्रतिष्ठिताः || ९३ ||

बौद्धाश्च केरला ये च वीरवैष्णवशांभवाः |
चान्द्रास्त्वघोरा देवेशि वामद्वार परायणाः || ९४ ||

बार्हस्पत्यादयोऽप्यन्ये भेदा वामपरायणाः |
चीना वामपरा देवि बौद्धाचारपरायणाः || ९५ ||

गोपालसुन्दरी विद्या तथा नृसिंहसुन्दरी |
श्रीब्रह्मसुन्दरी विद्या तथैव वामसुन्दरी || ९६ ||

सुन्दरीगणपो देवि तत्पूर्वोऽपि हयाननः |
यक्षिण्याद्याः सर्वविद्याः कामिनीयोगनायिकाः || ९७ ||

वाममार्गेण सिध्यन्ति नान्यथा सिद्धिदाः क्वचित् |
एवं च दक्षिणामूर्तिर्हयग्रीवगणेशयोः || ९८ ||

प्. ८) वामदक्षिणयोगेन उभयाचारतत्परा |
शैवे शाक्ते गाणपते सौरे स्वायम्भुवे तथा || ९९ ||

चान्द्रे चीने पांचरात्रे वैष्णवे वेदिकेऽपि च |
कापालिके महेशानि वामार्गोऽत्र कारणम् || १०० ||

वाममार्गप्रकारेण सर्वं सिध्यति नान्यथा |
वाममार्गं विना देवि न हि सिध्यन्ति देवताः || १०१ ||

तोतला तुलजा दुर्गा त्रिपुटा त्रिजटासुरी |
वामाचारेण सिध्यन्ति दक्षिणे क्षोभकारकाः || १०२ ||

अत्रार्थे प्रत्ययो देवि सिद्धभैरव एव च |
अन्यथा भ्रममाणोऽयं नरो भवति नान्यथा || १०३ ||

सुन्दरी वामदक्षस्था कालिका वाममार्गगा |
काली तारा चिन्नमस्ता सुमुखी च मतङ्गिनी || १०४  ||

बगला देवदेवेशि वाममार्गपरायणा |
वामाचारं विहायाथ कालीं तारा च भैरवीम् || १०५ ||

महापिशाचिनीं देव छिन्नमस्तां विशेषतः |
योपासनं कर्तुकामस्तस्य पातो मविष्यति || १०६ ||

स दरिद्रो मम द्रोही सुतहारी प्रजायते |
विशेषात्सर्वमन्त्रेषु कुलाचारः प्रकीर्तितः || १०७ ||

तदा सिद्धाः सर्वविद्या नात्र कार्या विचारणा |
सुरेश्वरी महाविद्या शाक्ते सर्वा महेश्वरि || १०८ ||

मंत्रमण्डलगा विद्या वामाचारेण सिद्धिदाः |
वामाचारेण सिध्यन्ति ह्यप्सरादिगणाः शिवे || १०९ ||

वाममार्गं विना देवि न हि सिध्यन्ति कुत्रचित् | वामाचारः 
प्रधानोऽत्र सर्वेषु दर्शनेषु च || ११० ||

आदौ शाक्तं ततः शैवं वैष्णवं गाणपं तथा |
सौरं चान्द्रं जैनधर्मं स्वायम्भुवमनन्तरम् || १११ ||

वामे चान्तर्भविष्यन्ति चैते वैजातिजातयः |एवं दर्शनमार्गेष्पि 
न हि वामे करोति चेत् || ११२ ||

तस्य सिद्धिर्न देवेशि मम वैरी प्रकीर्तितः |
सर्वस्मादधिको वामधर्मः प्रोक्तः कुलागमे || ११३ ||

तत्रापि कालिकाताराविधौ प्रियतरः स्मृतः |
वाममार्गे परित्यज्य यः कालीं भक्तितोऽर्चयेत् || ११४ ||

प्. ९) तस्य क्रिया च बिफला महापशुरितीरितः |
तत्रम्नायेऽपि देवेशि श्रेष्ठमध्यमभेदतः || ११५ ||

अधमस्तु तृतीयः स्यात्त्रितयं त्रितयं त्रिषु |
यथाक्रमेण तत्र स्यात्तत्र शृणु हि चोत्तमम् || ११६ ||

षड्दर्शनादिमन्त्राणां षट्सु स्थानेषु योजनम् |
तत्र पूर्णाभिषेको हि पूर्णरूपः प्रकीर्तितः || ११७ ||

तत्र पर्यायभेदोऽपि वाममार्गप्रधानतः |
शैवे च वैष्णवे शाक्ते सौरे सुगतदर्शने || ११८ ||

बौद्धे पाशुपते सांख्ये मंत्रकालमुखेष्पि च |
दक्षिणे वामाः सिध्यन्ति वैदिकादिध्वपि प्रिये || ११९ ||

विनालिपिशिताभ्यां तु पूजनं निष्फलं भवेत् |
एवं दशसु विद्यासु षडाम्नाये तु वामता || १२० ||

मध्यमाम्नाय आख्यातः कनिष्ठं संशृणु प्रिये |
कुब्जादिभेदैर्देवेशि पूर्वाम्नायादि कल्पनम् || १२१ ||

कथितस्ते कनिष्ठोऽत्र सूक्ते पूर्वं प्रकीर्तितम् |
कादिः काली महाशक्तिर्हादिस्त्रिपुरसुन्दरी || १२२ ||

कादिहादिप्रभेदेन द्विधाम्नायार्थसंहतिः |
कुलर्णवे तंत्रकौले वीरचूडामणावपि || १२३ ||

सिद्धान्ते त्रैपुराख्ये च तथा ज्ञानार्णवद्वये |
श्रीमूर्तिसंहितायां च तथैव समयार्णवे || १२४ ||

एतत्तन्त्रे मुख्यधर्मो वामाम्नायहिकारणम् |
कादित्त्वाद्ब्रह्मरूपत्वं हादित्वाच्छिवरूपता || १२५ ||

ब्रग्नरूपे महाचारे न दिवा न निशा प्रिये |
न वा प्रयासकरणं नास्ति शुद्ध्यादिकारणम् || १२६ ||

स्वेच्छया सर्वमेतद्धि तस्माद्विधा महोत्तमा |
कादिः कालीति शक्तिश्चेत्युपक्रम्य प्रकीर्तिता || १२७ ||

कादिकाली हादिकाली कलौ काली तु केवला |
सुन्दर्या हादिरूपत्वं शिवतां शृणु पार्वति || १२८ ||

हादित्वाच्छिवरूपत्वं शिवरूपत्वभावना |
कायक्लेशादिकं स्नानं न्यासपूजादिकं बहु || १२९ ||

एवं च क्रमबाहुल्यात् कलौ सिध्यति वा न वा |
तस्मात्सर्वयुगे दिवि काली तारा फलप्रदा || १३० ||

प्. १०) सुन्दर्यां तु कुलाचारो राजसः परिकीर्तितः |
दिव्योऽपि कीर्तितो देवि काली राजसतामसौ || १३१ ||

दिव्योऽपि वीरबाहुल्यं तेन शीघ्रफलप्रदा |
कादिस्तु कामराजो हि हादिर्लोपा परेरिता || १३२ ||

इदं वटेशसम्मत्या पारिभाषिकमीरितम् |
कादयो मनवः सन्ति बहवः परमेश्वरि || १३३ ||

न तत्र कादिता क्वापि हादावपि महोत्तमे |
हादयो मनवो देव षट्त्रिंशत्पद्मसंख्यकाः || १३४ ||

न तत्र हादिता क्वापि षोडश्यामेव हादिता |
कादित्त्वं कालिकायां च तेन प्रोक्तः कहात्मकः || १३५ ||

काल्यामपि हादिकादिभेदाः सन्त्येव भूरिशः |
न तत्र कादिहादित्वं लोपायां न तु हादिता || १३६ ||

लोपायां सुन्दरीभेदः कामराजादयो यथा |
इत्येवं कादिहादित्वं हादिः श्रीषोडशी परा || १३७ ||

हादौ तु नियमाः प्रोक्ता यमसंयमनादयः |
कादौ तु नियमो नास्ति स्वेच्छया धर्ममाचरेत् || १३८ ||

नित्याश्लिष्टं कादिमतं परिभाषामयं मतम् |
शक्तिसङ्गमनामानं महाकादिमटं शिवे || १३९ ||

कादिहादि तद्द्वयं च त्रितयं यत्र तिष्ठति |
चिच्छक्तिः कादिरूपा स्याद्वादिश्चिज्ज्ञानगोचरा || १४० ||

चिदानन्दस्वरूपाख्यं शिवशक्त्यात्मकं महत् |
शक्तेः प्राधान्यं काल्यां च सर्वदा परिकीर्तितम् || १४१ ||

सुन्दर्यां तु क्वचित्क्वापि सम्येषु प्रधानता |
काल्यां शक्तिं विहायाथ यः कश्चिज्जपमाचरेत् || १४२ ||

स दरिद्रो महादुःखी योगिनीचर्वणः स तु |
सुन्दर्यां ब्रह्मचारित्वं काले चानन्दरूपता || १४३ ||

एवं हि कादिहादीनां संज्ञा प्रोक्ता महेश्वरि |
सर्वप्रपंचसिध्यर्थं गोपनार्थं महेश्वरि || १४४ ||

गौडकेरलकाश्मीरसम्प्रदायानुसारतः |
दीक्षा विद्याविधौ कार्या तारायां च विशेषतः || १४५ ||

जाकुकायां  च सुन्दर्यां पूर्णदीक्षादि विंशतिः |
कादिहादिमतद्वन्द्वे हाभिषेकविधिं चरेत् || १४६ ||

प्. ११) स्वस्वविद्या गुरुणां च नामानुकूलतश्चरेत् |
दक्षकाश्मीरगौडाख्यनानाभेदप्रविस्तरैः || १४७ ||

अमुकानन्दनाथान्तनामाज्ञां च प्रदापयेत् |
पूर्णाभिषेकः सुन्दर्यां षोडश्यामेव कीर्तितः || १४८ ||

अभावे लघुषोडश्यां परिभाषामनावपि |
राजराजेश्वरी विद्या पञ्चमी परसुन्दरी || १४९ ||

श्रीमहाषोडशी पूर्णा पूर्वदीक्षितपूर्तिदा |
अन्यभेदेऽपि कर्तव्यं संक्षेपात्परिकीर्तितम् || १५० ||

तथा कामकला काली दक्षिणायामपि स्मृता |
महाविद्यासु सर्वासु ह्यभिषेकः शुभावहः || १५१ ||

तत्र स्वस्वमतेनैव नामदानं प्रकीर्तितम् |
काली तारा छिन्नमस्ता त्वेकरूपास्ति पार्वति || १५२ ||

तथा नवाक्षरी काल्यामुच्यते सृष्टिकाविधौ |
गुह्यकाली सैव विद्या तत्त्वानां नवकैर्युता || १५३ ||

सप्तप्रेतसमासीना महागुह्येश्वरी परा |
दशवक्त्रा कार्यमत्र नाम ध्येयं स्वकल्पतः || १५४ ||

गुरुणोक्तप्रकारेण सम्प्रदायानुकूलतः |
यथा दशसु विद्यासु गुरवः सन्ति पंक्तिशः || १५५ ||

तथा दशसु विद्यासु षोढान्यासाः प्रकीर्तिताः |
ते ते पूज्याः सपर्यादौ सर्वसिद्धिप्रदायकाः || १५६ ||

सुंदर्यामपि देवेशि कामराजादिके तथा |
स्वप्नावल्यां च लोपायां मधुमत्यादिभेदतः || १५७ ||

स्वर्वत्र भिन्ननामानो गुरवः परिकीर्तिताः |
कालीक्रमागमोक्तेन कालिका फलदा ध्रुवम् || १५८ ||

कुलार्णवोक्तसन्मार्गात्सुन्दरी फलदा क्वचित् |
अर्णवाः सर्वसामान्याः सर्वधर्मषु तद्गतिः || १५९ ||

विना पूर्णाभिषेकेण कालीं तारां च सुन्दरीम् |
ये जपन्ति नरा देवि ते नरा यमकिंकराः || १६० ||

तस्मात्तु सर्वथा कार्यस्त्वभिषेकः शुचिस्मिते |
आम्नायैर्गादिकादीनामभिषेको ध्रुवं चरेत् || १६१ ||

साङ्गद्वेये महेशानि पुरैव कथितं मया |
परायामपि देवेशि तत्र प्रासादयोगतः || १६२ ||

प्. १२) भेदाष्टकेऽपि गदिता सम्प्रदायनुकूलतः |
आम्नायविद्याभेदेऽपि ह्यभिषेकविधिः स्मृतः || १६३ ||

दशलक्षप्रभेदैश्च कालीविद्या कलौ स्थिता |
दशपूर्वैः सप्तलक्षैः सुन्दरी कीर्तिता भुवि || १६४ ||

त्रिनिखर्वा तु तारा स्याच्छिन्नाआः खर्वमात्रकम् |
पंचाशीतिसहस्रैश्च लक्षपंचकसंयुता || १६५ ||

भुवनेशीमहाविद्यां बगलां शृणु सादरम् |
तत्त्वलक्षा तु बगला सहस्रनवतिर्गता ||१६६ ||

धूमावती महाविद्या षडशीतिस्तु भैरवी |
मातङ्गी नेत्रलक्षा च कमला लक्षपञ्चका || १६७ ||

एते शृङ्खलिकायोगात्प्रस्तारात्तु विनिर्गता |
सामान्यमुख्यभेदेऽपि दीक्षानाम प्रकीर्तितम् || १६८ ||

सप्तसप्ततिभेदेन सुन्दरी तु प्रतिष्ठिता |
चत्वारिंशत्प्रभेदेन भैरवी भुवि कीर्तिता || १६९ ||

भुवनेश्याष्टभेदा स्यान्मातङ्गी पञ्चधा स्मृता |
कमला शतभेदा च षट्त्रिंशद्बगला स्मृता || १७० ||

धूमावती पञ्चभेदा तारा त्रिर्वा त्रयोदश |
दशधा कालिका चिन्ना तथा षोडशधा स्मृता || १७१ ||

श्रीकाल्या दशभेदानां भेदे दीक्षा प्रकीर्तिता |
दक्षिणा सूर्ययुग्मा च स्मशाना दशधा स्मृता || १७२ ||

भद्रकाली षोडशधा कालकाली तथाष्टधा |
गुह्यकाली च नवधा सप्तधा कामकालिका || १७३ ||

नवधा धनकाली च सिद्धकाली त्रयोदश |
चन्द्रकाली विंशतिधा हंसकाली च सप्ततिः |
एवं भेदोऽपि कर्तव्यः किमन्यच्छ्रोतुमिच्छसि || १७४ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे परिभाषा नाम प्रथमः 
पटलः || १ ||



द्वितीयः पटलः |

श्रीदेव्युवाच

देवेश श्रोतुमिच्छामि ह्यभिषेकस्तुतिं पराम् |

श्रीशिव उवाच


सुन्दरी तारिणी काली क्रमदीक्षात्रिगामिनी || १ ||

क्रमपूर्णो महेशानि क्रमाच्छम्भुर्भविष्यति |
पूर्णाभिषेकपूतात्मा यत्र कुत्र मृतोऽपि चेत् || २ ||

स एव देवीरूपः स्यात् स देशो धन्यतामियात् |
विना पूर्णाभिषेकेन पशुरूपे शिवोऽपि च || ३ ||

विना पूर्णाभिषेकेन देवता न प्रसीदति |
विनापूर्णाभिषेकेन कालीं तारां च यो जपेत् || ४ ||

तस्य क्रियां हरिष्यामि वातुलो जायते नरः |
पूर्णाभिषेकयुक्तस्य यत्किञ्चिदमृतं भवेत् || ५ ||

तस्य क्रिया च सफला देवता सुप्रसीदति |
पूर्णाभिषेकयुक्तो हि मंत्रान्दृष्ट्वा जपेच्छिवे || ६ ||

तत्क्षणात्सिद्धिमाप्नोति नात्र कार्या विचारणा |
विना पूर्णाभिषेकेण गुरुधर्मेश पार्वति || ७ ||

न जपो न तथा होमो न पूजा पूर्णता क्वचित् |
गुरुं विनापि देविशि ह्यभिषेको तु यं जपेत् || ८ ||

तं सभेदं साधयित्वा सिद्धिं दातुमथार्हति |
पूर्णाभिषेकयुक्तो हि नमस्कारं न कारयेत् || ९ ||

षडाम्नायोपदेशश्च यत्र जागर्ति पार्वति |
ऊर्ध्वाम्नायादिराज्ञी तु श्रीमहाषोडशी परा || १० ||

काल्यां तु कामकालीयं तत्रापि दक्षिणेश्वरी |
षडाम्नाये शाम्भवे च गुह्यकाली शुभोदया || ११ ||

दक्षिणा कालिका विद्या सिद्धविद्या परात्परा |
चतुर्युगेश्वरी काली कलौ तरवै केवला || १२ ||

सर्वदैवतकालीयं चतुर्यामेन सिद्धिदा |
अन्या विद्याश्च देवेशि बहु *? सफलप्रदाः || १३ ||

प्. १४) सुन्दरी तु कलौ  नैव कूटोच्चारोऽपि नो कलौ |
समुदायैर्भवेत्कूटं तत्कूटमम्यसेत्सदा || १४ ||

कलौ मुखाद्यशुद्धत्वात्कूटोच्चारो न जायते |
तस्मात्स्वरं तु प्रत्यर्णे दद्यात् यत्नेन संजयेत् || १५ ||

अथवा स्यात्कामराजं लोपामुद्रां च वा जपेत् |
सर्वदा सिद्धिदा काली कलौ स्मृतिफलप्रदा || १६ ||

सहेलं वा सलीलं वा यस्याः स्मरणमात्रतः |
षष्टिसिद्धीश्वरो देवि देवीरूपो भवेच्छिवे || १७ ||

शाबरं केरलं शैवं वैष्णवं सौरगाणपम् |
चान्द्रं स्वायम्भुवं चीनं मिलित्त्वा पद्ममात्रकम् || १८ ||

अङ्गमन्त्रा महेशानि नवत्यर्बुददोटयः |
त्रिंशन्निखर्वषड्वृन्दं पञ्चत्रिंशच्च पद्मकाः || १९ ||

मंत्राः प्रोक्ता महेशानि बिन्दुप्रस्तार चाङ्कतः |
भाषाभेदाद्देशभेदात्सप्तपर्यायभेदतः || २० ||

आगमाम्नायभेदेन नाथसिद्धादिभेदतः |
शैवे सौरे वैष्णवे च गणेशेष्वपि यत्नतः || २१ ||

मुख्ये सेकं प्रकुर्वीत तत्तन्नाम प्रदापयेत् |
पूर्णाभिषेकषोढा च लघुपूर्वमहत्तथा || २२ ||

पंचषोढाः परिज्ञाताः किमुत सिद्धिसाधनम् |
षट्शाम्भवगतिप्राप्तां साङ्गां विद्यां सभेदजाम् || २३ ||

समंत्रां चैव विज्ञात्वा दीक्षा कार्या हितेच्छुना |
प्रथमं कालिका कृष्णा रक्ताभा सुन्दरी ततः || २४ ||

द्वयोः काली मुख्यरूपा सिद्धिदां नीलभास्वरा |
उत्पत्तिर्दशविद्यानां देवानामपि पार्वति || २५ ||

सूक्ते संकथितं देवि द्वयोराम्नायभेदतः |
पातञ्जले विमर्षिण्यां सारे सिद्धान्तसम्मते || २६ ||

कुलचन्द्रोदये देवि भास्करे शेखरे तथा |
तरङ्गिण्यर्णवे देवि प्रकाशे संहिताविधौ || २७ ||

अम्यानि डामरादीनि तत्रापि कीर्तिता प्रिये |
प्रतिशक्तौ तु तंत्राणि षष्टिवेदान्तगानि च || २८ ||

प्. १५) सूक्तान्यपि तथा सन्ति स्मृतिश्रुत्यादिकं तथा |
षडाम्नाये महादेवि तथा षट्दर्शनादिके || २९ ||

भिन्नभिन्नानि तन्त्राणि संहितादीन्यपि प्रिये |
शैवे द्वात्रिंशत्तन्त्राणि चोपतन्त्राणि वै शृणु || ३० ||

शतत्रयं पञ्चविंशत्संख्यकानि महेश्वरि |
असंख्यातानि चोक्तानि दशविद्याक्रमात्क्रमः || ३१ ||

महाविद्या सिद्धविद्या तथा विद्याक्रमेऽपि च |
महानीलक्रमेणैव काली शीघ्रफलप्रदा || ३२ ||

महाचीनक्रमेणैव तारा पूर्णफलप्रदा |
दिव्यचीनक्रमेणैव छिन्नमस्ताविधिः स्मृता || ३३ ||

गन्धर्वाख्यक्रमेणैव पञ्चमी भुवि दुर्लभा |
महागन्धर्वमार्गेण षोडशी फलदायिनी || ३४ ||

सौभागाख्यक्रमेणैव बगला फलदा कलौ |
जीवचक्रक्रमेणैव भैरवी भुवि कीर्तिता || ३५ ||

महाधूमक्रमेणैव फलदा धूम्रनायिका |
राजमार्गक्रमेणैव मातङ्गी सकलेष्टदा || ३६ ||

ब्रह्मभावक्रमेणैव दिव्यमार्गक्रमेण च |
पशुमार्गक्रमेणापि मातंगी कमला सदा || ३७ ||

दशक्रमेण देवेशि दशविद्याः फलप्रदाः |
काल्यादित्रितये देवि एकोऽपि परिकीर्त्तितः || ३८ ||

एकद्वित्रिविधा देवि कोटिधानन्तरूपिणी |
अङ्गाङ्गकैर्नामभेदैर्नाना नाम विधायिनी || ३९ ||


इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे अभिषेकस्तुतिर्नाम द्वितीयः 
पटलः || २ ||



तृतीयः पटलः

श्रीशिव उवाच

तव रूपं महातारे पूर्वं तु नीलरूपकम् |
ततो वै सुन्दरीरूपं रक्तवर्णं परात्परम् || १ ||

लोकान्तरे च त्वरिता वसुदुर्गा च शारभे |
धनेशी कालचामुण्डा वाराही कृष्णपूर्विका || २ ||

अन्नपूर्णा महाविद्या कलौ कल्पऽवरप्रदा |
कुलाचारप्रसनास्या कुलाचारफलप्रदा || ३ ||

वनदुर्गा तूग्रदुर्गा तथैव सर्वमङ्गला 
वज्रप्रस्तारिणी काली तारेति नामवाचका || ४ ||

अनंतरूपसंयक्ता केवलं दक्षिणेश्वरी |
डामरे वामभेदेऽपि चोत्तराम्नायडामरे || ५ ||

वशिन्याम्नायके देवि वाम एव क्रिया स्मृता |
ब्रह्ममाला मुण्डमाला तद्दधाना तु कालिका || ६ ||

नारिकेलभवा माला सिद्धमाला प्रकीर्तिता |
शैवमाला तु रुद्राक्षैस्त्रिगत्या विनियोजिता || ७ ||

शिवप्राधान्याच्छैवं स्याच्छाम्भवः सम्प्रकीर्तितः |
शक्तेः प्राधान्याछाक्तं स्याच्छिद्रूपाहं चिदात्मिका || ८ ||

एतद्विलोपनाल्लोपामुद्रा विद्येयमीरिता |
अल्पाचारादधर्मत्वात् भ्रष्टत्वादपि शांकरि || ९ ||

सुन्दरी श्रीमहाविद्या राजराजेश्वरी |
न्यासजालैः सदाचारैः कलौ क्लेशेन सिध्यति || १० ||

स्वस्वपापिष्ठदिवसाः सम्भवन्ति कलौ युगे |
पापबाहुल्यतो देवि सुन्दरी न प्रसीदति || ११ ||

ब्रह्ममालाधारणात्तु ब्रह्मविद्या प्रकीर्तिता |
शिवमालाप्रियत्त्वाच्च महापरशिवात्मिका || १२ ||

अत एव महेशानि कादिहादिमतद्वयम् |
कादिहादिमतं देवि द्वयं यस्याति शांकरि || १३ ||

द्वितये दीक्षितो यस्तु कालीतारामयो ध्रुवम् |
एवं कादिमतं विद्धि नित्या क्लिन्ना न दृश्यते || १४ ||

प्. १७) द्वितये दीक्ष * * प्तिर्भाग्यपारो न लभ्यते |
मुण्डमाला गले धार्या तत्र कादिमते शिवे || १५ ||

मुण्डं रुद्राक्षसहितैर्धारणं तारिणीविधौ |
केवलं मुण्डमाला तु सर्वसिद्धिपराम्बिका || १६ ||

नारिकेलमयी माला तदभावे प्रकीर्तिता |
एतस्या धारणादेवि किं तद्यन्न करे स्थितम् || १७ ||

स्मशाने भोजनं कार्यं तद्भस्म धारयेच्छिवे |
* * * * मृतैर्देवीमर्चयेत्तर्पयेच्छिवे || १८ ||

* * नन्दपरो भूत्वा * * यत्नेन संविशेत् |
* * * सनमेतद्धि कालीतारामयं  परम् || १९ ||

* * नैव समालापात्सुभगः साधको भवेत् |

श्रीदेव्युवाच

मुण्डमालाधारणं तु कथं कार्यं बदाधुना || २० ||

श्रीशिव उवाच

रुद्राक्षवद्धारणं च काली मुण्डमयी परा |
रुद्राक्षै रुद्रमन्त्रैश्च मुण्डाक्षैः कालिकामनुः || २१ ||

मुण्डं शिवस्य कण्ठे तु वर्तते येन हेतुना |
तेनेयं मालिका सिद्धा रुद्रभूषणरूपिणी || २२ ||

रुद्राक्षाः साधकैर्नैव ध्रियन्ते सुन्दरीमते |
नारिकेलमयी माला सर्वविद्याविधौ धृतिः || २३ ||

सर्वस्मान्मुण्डमालेयं कलौ जागर्ति केवला |
कालिका ब्रह्मविद्येयं निर्गुणा चित्स्वरूपिणी || २४ ||

येन केन प्रकारेण साधनीया पराम्बिका |
स सिद्धः सिद्धिदो लोके बहु किं परचण्डिके || २५ ||

पारे परार्द्धप्रमुखैस्तदन्तैरपि पार्वति |
महिमां वर्णितुं शक्तो न हि कोऽप्यस्ति भूतले || २६ ||

इति श्रीशक्तिसंगममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे मालाविधानं नाम 
तृतीयः पटलाः || ३ || 


चतुर्थः पटलः

श्रीदेव्युवाच

देवेश ब्रूहि यत्नेन चाम्नायादिविनिर्णयम् |

श्रीशिवे उवाच

आम्नायो नवधा प्रोक्तश्चोत्तमादिप्रभेदतः || १ ||

त्रेभेदे बहुभेदत्वं त्रितयं त्रितयं त्रिषु |
उत्तमं शृणु तत्रादौ शैवादिदर्शनेन च || २ ||

शाक्तं शैवं वैष्णवं च सौरं गाणपमेव च |
बौद्धं च देवदेवेशि दर्शनानि च षट्क्रमात् || ३ ||

षड्दर्शनस्य षण्मन्त्रा ऊर्ध्वाम्नाये प्रकीर्तिताः |
अनेनैव प्रकारेण पूर्वदक्षिणपश्चिमाः || ४ ||

उत्तरार्धेत्यूर्द्धसंज्ञा षडाम्नायाः प्रकीर्तिता |
अयं श्रेष्ठो निगदितो देवलोके विराजते || ५ ||

मध्यमः कुत्र कुत्रापि तिष्ठत्येव न संशयः |
मध्यमः सूचितो देवि दशविद्यादिभेदतः || ६ ||

ऊर्ध्वाम्नाये महाषोढा उत्तरे तारिणी स्मृता |
कनिष्ठश्चैव षट्चक्र भेदैरेवं त्रिधा शिवे || ७ ||

अयं हादिमते प्रोक्तः शृणु कादिमतेऽधुना |
पूर्वोक्त एव श्रेष्ठः स्याद्दशविद्यादिमध्यतः || ८ ||

महः कामकला काली तूर्ध्वाम्नायेऽत्र देवता |
दशकाल्या दिभेदैश्च कनिष्ठः परिकीर्तितः || ९ ||

शाक्तं शैवं वैष्णवं च गाणपं सौरमेव च |
ऊर्ध्वं पूर्वं दक्षयोगे प्रत्यक् चोदक् च पार्वति || १० ||

क्रमेण योजनाद्देवि तदन्यः परिकीर्तितः |
बौद्धाम्नाये चेन्द्रकाश्च गन्धर्वाद्यप्सरादयः || ११ ||

इन्द्रजालादिकं देवि पातालाम्नायमध्यगम् |
पूर्वाम्नाये वामकौलौ दिव्यदक्षौ तु दक्षिणे || १२ ||

 पश्चिमे वीर कौलाश्च उत्तरे वाम एव च |
ऊर्ध्वदिव्यौ महेशानि पाताले पशुमार्गकः || १३ ||

प्. १९) तदिच्छया तु तन्मार्गः कीर्तितः परमोत्तमे |
ब्रह्मकाली सिद्धरूपा हानिरुद्धसरस्वती || १४ ||

शिवरूपी चित्स्वरूपी श्रीमद्गन्धर्वसुन्दरी |
तत्रापि ब्रह्मवीराया योगं संशृणु पार्वती || १५ ||

षट्त्रिंशच्छक्तिमध्ये च संपूज्या चोत्तरोत्तरम् |
उत्तरा कादिहादीनां मतभेदाद् द्विधा स्मृता || १६ ||

पार्वतीया कादिरूपा हादिर्मातंगिनी परा |
मातंगिनी तु या नारी सा नारी * * * यदि || १७ ||

सापि * *  यदि भवेत्सापि प्रथम * * * |
आषोडशाद्नूढा तु प्रोक्ता सर्वोत्तमोत्तमा || १८ ||

ईदृग्विधा पार्वतीया केवला कालिका स्मृता |
ईदृग्विधां समानीय सुन्दरीं * * लालसाम् || १९ ||

न्यस्त्वा शक्तवादयो न्यासान् तस्याः सर्वाङ्गके प्रिये |
एवं भूतं जीवचक्रं  * * चक्रं प्रपूजयेत् || २० ||

सांगां सावरणां देवि सार्ध्यस्थापनपूर्वकम् |
सबल्यन्तं च सम्पाद्य संलोक्य * * मण्डलम् || २१ ||

संजपेत्परमेशानि ध्यानपूजापुरः सरम् |
* * ध्यानं प्रकुर्वीत स सिद्धो भुवि जायते || २१ ||

एतस्यालामतो देवि प्रार्वतीयां च पुष्पिणीम् |
पूजयेदेवेशि त्वभावे स्त्रियमप्यलम् || २३ ||

पूर्वोक्तान्यतमां बीक्ष्य सामरस्यप्रयोगतः |
निर्गुणोऽहं तया युक्तः सगुणः प्रभवाम्यहम् || २४ ||

सगुणोऽहं तया युक्तो निर्गुणः प्रभवाम्यहम् |
ब्रह्मज्ञानाद्भवेन्मुक्तस्तद्रूपा * * रेव च || २५ ||

* * शक्तिं निहायाय कालीं तारां च यः स्मरेत् |
स दरिद्रो महापापी वीरहा सैव सम्मतः || २६ ||

एतद्भ्यासबाहुल्यात्किं तद्यन्न करे स्थितम् |
तत्र मुण्डासनं वापि द्वाविंशत्यासनानि च || २७ ||

एतन्मध्ये ग्राह्यमेकं तत्र जप्त्वा तु तारिणीम् |
वीरासनं समादाय वीरमालां कराम्बुजे || २८ ||

प्. २०) वीरपात्रं वीरशक्तिं वीरविद्यां ततो जपेत् |
आनखान्तं च सन्धार्या महामोहनमालिका |
एवं तद्रूपतां कृत्वा ब्रह्मकालीमयो भवेत् || २९ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे आम्नायादिविनिर्णयो नाम 
चतुर्थः पटलः || ४ ||


प~चमः पटलः

श्रीदेव्युवाच

ब्रह्मत्वं कथमित्युक्तं वदस्व मयि शंकर |

श्रीशिव उवाच 

अथातः संप्रवक्ष्यामि तच्छृणुष्व प्रियंवदे || १ ||

* * संयोगे यत्सौख्यं सामरस्यात्मकं परम् |
परानन्दरसो मुक्तिरिति संख्या प्रकीर्तिता || २ ||

* * * ऽधिकतो देवि शिवजन्म प्रजायते |
* * * ऽधिकतो देवि कन्यारूपी स्वयं शिवा || ३ ||

साम्याद्देविशि ब्रह्मत्वं निर्गुणोऽयं निराकृतिः |
निर्गुणत्वं कथं देवि तदेव कथ्यते शृणु || ४ ||

क्रियमाणस्ततो देवि बुद्धिस्तु कुण्ठतां गता |
तदेव निर्गुणत्वं च निराकारत्वमम्बिके || ५ ||

अनेकधा वर्ण्यमानमेकमेवास्ति केवलम् |
यथा यथा यस्य बुद्धिस्तथा तेन प्रवर्ण्यते || ६ ||

वर्णनाशक्तिरूपं च तद्ब्रह्म परिकीर्तितम् |
पूर्वं संवर्णितं यत्तु सगुणं तत्प्रकीर्तितम् || ७ ||

अवर्ण्यं यन्महेशानि निर्गुणं तत्प्रकीर्तितम् |
ब्रह्मानन्दसमुत्पत्तिर्निर्गुणाऽपि पृअदृश्यते || ८ ||

निर्गुणां समता खण्डे न खण्डसमता परे |
एवं समरसानन्दो मुक्तिरित्यभिधीयते || ९ ||

* * * * द्भवं सौख्यं ब्रह्मानन्देति तं विदुः |
तदुद्भवे महासौख्यं परब्रह्मेति कीर्तितम् || १० ||

शक्तिदर्शनजं सौख्यं स्वर्ग इत्यभिधीयते |
सौख्यानन्दो भवेन्मुक्तिरित्युक्तं कालिकागमे || ११ ||

पुनर्गमागमं सौख्यं विरक्तिः परिकीर्तिता |
बिपरीतं ब्रह्मतत्त्वं महानन्दस्तदुद्भवः || १२ ||

प्. २२) आलोकनं ब्रह्मपदस्पर्शनं ब्रह्मदर्शनम् |
संयोगो ग्रहणं देवि वियोगः संक्रमः स्मृतः || १३ ||

ध्वनिर्वाद्यादि देवेशि संक्षेपतो मतं शिवे |
परतत्त्वे स्वात्मशक्तौ स्वात्माकारे शिवे सदा || १४ ||

शरीरस्थे * * * * सामरस्यं विलोक्यते |
एतदभ्यासकार्यार्थं शक्तिसंभोगभावना || १५ ||

इदं सुखं यथा देवि तथा कुण्डलिनी शिवि |
सौख्यानन्दे समायाते सति निर्गुणता मता || १६ ||

असिधाराव्रताख्येयं कालिका कीर्तिता भुवि |
शक्तियोगाच्छिवे ब्रह्मरूपत्वं कीर्तितं मया || १७ ||

सब्रह्मभावनां कृत्वा पूर्वं परशिवः स्थितः |
सर्वसंहारकं कर्म कृत्वोद्दण्डं विधाय च || १८ ||

बृहद्दण्ड विहायाथ शिवो ध्यानपरो ह्यभूत् |
ध्यानस्य संश्रुतिर्जाता सा ब्रह्मभावनां गता || १९ ||

तदभ्यासनिमित्तार्थं शक्तेराकर्षणं कृतम् |
देव्या ज्ञातं शिवो भ्रष्टो मार्गच्युतिपरायणः || २० ||

शिवस्य बुद्धिस्मरणं दत्तं देव्या कृपा कृता |
एवं बुद्धिः कृता देव्या शिवो यातु ममोत्तरे || २१ ||

मानसे धृतमात्रेण शिवेनाकर्षणं कृतम् |
शिवाकर्षणकं कर्म मम मिथ्यात्वदायकम् || २२ ||

इत्येवं मानसे धृत्वा मंत्रः काल्या प्रकाशितः |
कालिका कामसुरता महाकालसमन्विता || २३ ||

सा एव आदिनाथोक्तं परब्रह्मेति गीयते |
सच्चिदात्मस्वरूपेयं ब्रह्मरूपाऽथ निर्गुणा || २४ ||

त्वया स्वनिर्मिता शक्तिः शिवाग्रे स्वर्गमागता |
साधनार्थं मया दत्तेत्येवं श्रीकालिकाऽब्रवीत् || २५ ||

सदाशिवः परशिवः पूर्वाभ्यासेषु तत्परः |
एवं शक्तेः साधना च्च  काली काम्यमुपागतः || २६ ||

काल्यग्रे शिवशक्तिस्तु या काल्या निर्मिता पुरा |
अतिगर्वान्वितः शम्भुर्द्वितीया सुन्दरी मम || २७ ||

पूर्वा काली महाविद्या सा वै सुन्दरिका न हि |
एकस्मिन्दिवसे देवि द्वाभ्यां शक्त्या समन्वितः || २८ ||

प्. २३) प्रपञ्चमूलो हि शिवः कालाभ्रसन्निभा वदेत् |
द्वितीयवाक्येऽपि तथा घोरदंष्ट्रेति संवदेत् || २९ ||

तृतीयवाक्ये देवेशि द्वितीयां सुन्दरी प्रति |
त्रैलोक्यसुन्दरी प्राणप्रिये मम स्वरूपिणी || ३० ||

इत्युक्ता दक्षिणा देवी ब्रह्मरूपाद्यचण्डिका |
आदिशक्तिः पूर्णरूपा क्रोधाविष्टा वभूव च || ३१ ||

तदा तु सुन्दरं रूपं सौभाग्यार्णवकं परम् |
राजराजेश्वरीरूपं विभ्रती परमेश्वरी || ३२ ||

तदा परशिवः शम्भुर्विस्मयाविष्टलोचनः |
प्रकर्षेण तु पञ्चानां संयोगो युगपद्भवेत् || ३३ ||

प्रपञ्चातीतशालेन गदिता परमेश्वरि |
महाप्रपञ्चरूपा वै कोटिब्रह्माण्डनायिका || ३४ ||

षोडशी वै तदा जाता महाश्रीचक्रनायिका |
आद्या श्रीदक्षिणाकाली द्वितीया कालभैरवी || ३५ ||

तृतीया राजराजेशी विद्या या परिकीर्तिता |
तस्याः कृपाकटाक्षेण राजराजेश्वरो ह्यभूत् || ३६ ||

न्यासजालादिकं सर्वं पूजामंत्राण्यनेकधा |
तदैव च षडाम्नाया ऊर्ध्वाम्नायादिकाः प्रिये || ३७ ||

पूर्वा प्रकृतिरूपा स्यान्मूलविद्या प्रियंवदे |
तदाम्नायप्रपञ्चोऽयं निर्मितः परमेश्वरि || ३८ ||

काद्यं मतं कादिमतं  हाद्यं हादिमतं प्रिये |
ककारो ह्यादिभूतस्तु हकारस्त्यन्तगो मतः || ३९ ||

क्षकारो मेरुसंज्ञस्तु स्वराः षोडश कीर्तिताः |
कहेत्येवं  महामंत्रस्तूत्तराम्नायगोचरः || ४० ||

उत्तराम्नायराज्ञी च श्रीमहातारिणी तु सा |
सुन्दरी कालिकारूपा श्रीमहाब्रह्मतारिणी || ४१ ||

तारिणीद्वितयं देवि सर्वदा तिष्ठति प्रिये |
एवं युग्मात्मको मन्त्रः कादिहादिमतात्मकः || ४२ ||

प्रथमः कादिवर्णो वा हादिकः प्रथमोऽथ वा |
कादिः प्रथमवर्णः स्यात् हादिश्चरम ईरितः || ४३ ||

प्. २४) वीरेश्वराणां गणना नास्त्येव प्रियवादिनि |
मातृकेति तथेत्युक्ता तदक्षरसमन्विता || ४४ ||

सम्पूर्णमातृका देवि विद्यात्वेन न संशयः |
तस्मात्कादिमतं चाद्यं कीर्तितं प्रियवादिनि || ४५ ||

कादिहादिश्चादिवर्णैर्गृह्यते यदि भाविनि |
कादिहादिस्तु सर्वत्र मंत्रः प्रोक्तो महेश्वरि || ४६ ||

ककारार्द्ब्रह्मरूपत्वं सुन्दरी परशिवात्मिका |
कलौ कादिमतं पुण्यं पूर्वमेकं स्थितं प्रिये || ४७ ||

एवं संसारसिध्यर्थं प्रपञ्चो निर्मितः पुरा |
आगमे बहवो भेदाः षड्दर्शनप्रकारजाः || ४८ ||

अन्येऽपि कोटिशो भेदाः सन्त्येव प्रियवादिनि |
धर्मशास्त्रं चतुर्वेदाः पुराण व्याकृतिस्तथा || ४९ ||

न्यायमीमांसावेदान्तसांख्यपातञ्जलं तथा |
काव्यदिबहवो भेदाः प्रपञ्चा एव कीर्तिताः || ५० ||

यदारभ्य धृतं रूपं सुन्दरं परमेश्वरि |
तदारभ्य प्रपञ्चोऽयं सर्वत्र परिवर्तते || ५१ ||

यदि कादिमतं चैकं वर्तते सत्यवादिनि |
तदा पुमांसो देवेशि महाकालस्वरूपिणः || ५२ ||

स्त्रियः श्रीकालिकारूपा भवन्त्येव न संशयः |
इत्येवं हि प्रपञ्चार्थे शाक्तं वैष्णवशाम्भवम् || ५३ ||

गाणपं सौरबौद्धं च षड्दर्शनमितीरितम् |
मतानि बहुसंख्यानि संजातानि सुरेश्वरि || ५४ ||

वैदिके शास्त्रनिन्दा स्याच्छाक्ते वैष्णवनिन्दितम् |
वैष्णवे शैवनिन्दा स्यात्सौरे गणपतेस्तथा || ५५ ||

गाणपत्ये सौरनिन्दा सौरे वीरस्य निन्दनम् |
चीने जैनस्य निन्दा स्यात् जैने कापालिकस्य च || ५६ ||

कापालिके बौद्धनिन्दा बौद्धा नानाविधाः मताः |
एवं भिन्नमतान्याहुः पुराणाद्येषु शाम्भवि || ५७ ||

वेदानां चैव शाखा वै वहवः परिकीर्तिताः |
एवं निन्दा समापन्ने भेदे जाते महेश्वरि || ५८ ||

प्. २५) नैकत्र तु मनो लग्नं न कस्य प्रियवादिनि |
सर्वत्रान्योन्यनिन्दा तु प्रपञ्चेन प्रकाशिता || ५९ ||

भिन्नं भिन्नं प्रशंसन्ति निन्दन्ति च परस्परम् |
न विद्या सिद्धिमाप्नोति संभ्रमन्ति पिशाचवत् || ६० ||

अन्योन्यं यदि निन्दा न तदैवैक्यं प्रजायते |
तस्मादैक्यसुसिध्यर्थः कालिका भवतारिणी || ६१ ||

पुनर्वै दैत्यनाशार्थं रूपं सुन्दरमेव तु |
संबिभ्रती महादेवी शुम्भाद्याखिलनाशिनी || ६२ ||

सप्तप्रेतैकपर्यङ्कराजिते शवहृच्छिवा |
श्वेतरूपमहाकालहृदयाम्भोजवासिनी || ६३ ||

कोटिकालानलज्वाला सेवनीया विधानतः |
सर्वं सर्वादिभूतेयं कोटिसिद्धिप्रदायिनी |
इति संक्षेपतः प्रोक्तं किमन्यच्छ्रोतुमिच्छसि || ६४ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यतारासंवादे ब्रह्मवीरायोगो नाम पञ्चमः 
पटलः || ५ ||



षष्ठः पटलः

श्रीदेव्युवाच

देवेश श्रोतुमिच्छामि शक्तिकोणविनिर्णयम् |

श्रीशिव उवाच 

त्रयोऽग्नयस्त्रयो ग्रामाः देवाश्चापि त्रयो गुणाः || १ ||

भावत्रयं तथा शक्तित्रयी नाडी त्रयात्मिका |
त्रिधा सिद्धिस्त्रितत्त्वाख्यं पात्रत्रयमयाद्भुतम् || २ ||

त्रिकोणवासिनी काली वीरसिद्धा वरप्रदा |
ध्येया ज्ञेया कलौ देवि नान्यविद्या कदाचन || ३ ||

सुन्दरी शिथिला देवि राजसी गुप्तदर्शना |
दशकोटिप्रजापाद्वै कदाचिद्वरदा भवेत् || ४ ||

कलौ काली कलौ काली कलौ काली च केवला |
श्रीमत्कादिमताधीशा कलौ शीघ्रफलप्रदा || ५ ||

सदा पञ्चमकारैश्च पूजयेत्कालिकाम्बिकाम् |
शक्तिं विना न हि जपेत् न शक्तिः कारणं विना || ६ ||

सदा पञ्चमरूपोऽहमित्येवं परिभावयेत् |
एवं भावसमायुक्तः षोढान्यासपरो भवेत् || ७ ||

दशविद्याविधौ देवि दशधा भिन्नभिन्नतः |
श्रीविद्यायां महेशानि षोढापञ्चकमीरितम् || ८ ||

लघुषोढा पूर्वषोढा महाषोढा तृतीयका |
चतुर्था मंत्रषोढा च पञ्चमी गुह्यषोढका || ९ ||

षोढाषट्कं कालिकायां भेदभेदान्तरेण च |
लघुषोढा महाषोढा गुह्यषोढा तृतीयका || १० ||

मंत्रषोढा शक्तिहंसी दिव्यषोढा रसाभिधा |
षोढाद्यचक्रकं क्रोधे चिन्ना या वह्निसंज्ञिका || ११ ||

श्यामलाया तथा देवि चान्यासु द्वितय शिवे |
लघुषोढा महाषोढा द्वितयं परमेश्वरि || १२ ||

प्रत्येकं षडृषित्वं च सध्यानं च समाचरेत् |
ऋषिच्छन्दादिकं यत्र कीर्तितं परमेश्वरि || १३ ||

प्. २७) तदेव तत्र गदितमनुक्ते मूलदेवता |
ध्यानं छन्दादिकं स्तोत्रं देवीवत्सर्वमेव तु || १४ ||

अयुतं च पुरश्चर्या न्यसनक्रममार्गतः |
इति संक्षेपतः प्रोक्तं सर्वमेतत्किमिच्छसि || १५ ||

श्रीदेव्युवाच

क्रमेण दशविद्यायां कुल्लुकार्चाविधिं वद |

श्रीशिव उवाच

काली तारा तथा छिन्ना सुन्दरी बगलामुखी || १६ ||

मातङ्गी श्यामला लक्ष्मीः सिद्धविद्या च भैरवी |
धूमावती क्रमेणैव महाविद्या दशैव तु || १७ ||

काली कूर्चं वधू माया फडंता कुल्लुका मता |
अघोराख्यो ऋषिः प्रोक्तो विराट्छन्दः प्रकीर्तितम् || १८ ||

देवता कुल्लुका काली बीजं मायाभिधं मतम् |
कामशक्तिस्तथा कूर्चं कीलकं परिकीर्तितम् || १९ ||

डड्दीर्घाढ्येन कामेन षडंगन्यासमीरितम् |
ध्यानपूजादिकं सर्वं कालिकावत्समाचरेत् || २० ||

माया रमा तथा कूर्चं तारिणी कुल्लुका मता |
तारिणीकुल्लुकायाश्च विरूपाक्षो ऋषिः स्मृतः || २१ ||

उष्णिक् छन्दः समाख्यातं देवता नीलतारिणी |
कूर्चबीजं तथा माया शक्तिर्वधू च कीलकम् || २२ ||

मायाया तु षडङ्गानि सर्वनीला सरस्वती |
वज्रवैरोचनी प्रोच्य संबुद्ध्यन्ते सवर्म च || २३ ||

अतिकालो ऋषिः प्रोक्तो गायत्र्यं छन्द ईरितम् |
हबीजं मु/ तथा शक्तिः कीलकं रोचनी मता || २४ ||

शिवं  षड्दीर्घयुक्तेन षडङ्गं न्यासमाचरेत् |
ध्यानपूजादिकं सर्व छिन्नावत्समुपाचरेत् || २५ ||

संपत्प्रदायाः प्रथमं बीजं श्रीभैरवीमनौ |
विकरालो ऋषिः प्रोक्तः पंक्तिछन्दः प्रकीर्तितम् || २६ ||

देवता भैरवीनाम्ना कुल्लुका परिकीर्तिता |
ह/ बीजं सौ/महाशक्तिरमन्त्रं कीलकं मतम् || २७ ||

षड्दीर्घाढ्येन बीजेन षडङ्गन्यासमाचरेत् |
ध्यानपूजादिकं सर्वं बालावत्समुपाचरेत् || २८ ||

प्. २८) सुन्दर्या कुल्लुका देवि सम्प्रोक्ता द्वादशाक्षरी |
वाग्भवं कामराजं च लज्जा च त्रिपुरे पदम् || २९ ||

शी च भगवती प्रोच्य तदन्ते ठद्वयं वदेत् |
सुन्दरी कुल्लुकायास्तु ऋषिरानन्दभैरवः || ३० ||

गायत्री छन्द आदिष्टं वाग्भवं बीजमीरितम् |
लज्जा शक्तिर्महेशानि कामबीजं च कीलकम् || ३१ ||

देवता त्रिपुरेशी च षडङ्गेति द्वयेन च |
ध्यानपूजादिकं सर्वं सुन्दरीवत्समाचरेत् || ३२ ||

मातङ्गी बगला लक्ष्मीर्धूम्रोच्छिष्टक्रमे शृणु |
तारं कूर्चं नारसिंहैः पञ्चानां कुल्लुका मता || ३३ ||

ऋषिर्भैरवनामा च यावच्छन्दांसि पार्वति |
देवता सैव बीजादि स्वस्वदेवक्रमेण वै || ३४ ||

ध्यानपूजादिकं सर्वं स्वस्वदेववदाचरेत् |
इति संक्षेपतः प्रोक्तं कहरूपं शृणु प्रिये || ३५ ||

कहेश्वरी महाविद्या द्रुतं सिद्धिफलप्रदा |
कहेति द्व्यक्षरो मन्त्रो यस्य वक्त्रे विराजते || ३६ ||

स एव कालीरूपः स्यात्तारादेहमवाप्नुयात् |
कहेति पुष्पिणी मुख्या तत्सर्वं सर्वदा चरेत् || ३७ ||

ऋतुस्रातां समादाय तस्या * * प्रपूजयेत् |
* * पूजनमात्रेण त्रैलोक्यविजयी शिवः || ३८ ||

त्रिकोणसंज्ञा * * स्यात्तत्रस्थो बिन्दुरूच्यते |
त्रिकोणमध्ये साङ्गां वै तथा सावरणां प्रिये || ३९ ||

सरहस्यां प्रपूज्याथ तत्र यन्त्रं विभावयेत् |
कृत्वाऽवरणपूजां च यत्किञ्चित् जपति प्रिये || ४०  ||

तत्सर्वं सिद्धिदं देवि नात्र कार्या विचारणा |
तथा यदुच्यते देवि शुभं वा यदि वाऽशुभम् || ४१ ||

तत्सर्वं यत्नतो देवि कर्तव्यं हितमिच्छता |
* * * * मृतैर्देवि तर्पणं सर्वदा चरेत् || ४२ ||

ब्रह्मरूपा सिद्धरूपा प्रसन्ना कालिका भवेत् |
उत्तमा * * पूजा स्याद्यन्त्रपूजा च मध्यमा || ४३ ||

अधमा मूर्तिपूजा च पादपूजा वृथा भवेत् |
* * पूजा नाभिपूजा कोणभावे प्रकीर्तिता || ४४ ||

कोण तदीये विद्यन्ते नाड्यस्तिस्रः प्रधानिकाः |
अम्बु स्रवति चान्द्रीया पुष्पं स्रवति भानवी || ४५ ||

बीजं स्रवति चाग्नेयी त्रिकोणमध्यगा स्मृता |
आग्नेयीनाडिकां बीक्ष्य पूज्य जाप्य प्रतर्पयेत् || ४६ ||

* * * * मृतैः कुण्डगोलोत्थैः स्वस्वपुष्पकैः |
स्वयम्भूकुसुमैर्देवि पूजयेत्कालिकां सदा || ४७ ||

मुण्डमाला गले धार्या महाशङ्ख कराम्बुजे |
ध्यायेत् * * मुखे हाला कामबाला तवाग्रतः || ४८ ||

नरमाला दन्तमाला स्मशान योनिमण्डलम् |
एवं यः कुरुते देवि त्रिशक्तिसिद्धिमाप्नुयात् || ४९ ||

अन्यथानन्तजापैश्च वीरसाधनकोटिभिः |
त्रिशक्तयो न सिध्यन्ति किमन्यछ्रोतुमिच्छसि || ५० ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यतारासंवादे शक्तिकोणविनिर्णयो नाम षष्ठः 
पटलः || ६ ||



सप्तमः पटलः

श्रीदेव्युवाच

देवेश श्रोतुमिच्छामि यक्षिणीमण्डलं शुभम् |

श्रीशिव उवाच

गन्धर्वाप्सरसो यक्षकिन्नरा गुह्यकादयः || १ ||

एतेषां देवदेवेशि मण्डलानि बहूनि च |
यक्षिणीमण्डलं चादौ ततो गन्धर्वमण्डलम् || २ ||

अप्सराकिन्नरीयुग्मे ततो गुह्यकयुग्मकम् |
भूतिनीनागिनीयुग्मे कुष्माण्डमण्डलं ततः || ३ ||

महाक्रोधेन क्रोधेन श्रीपार्षन्मण्डलेन वा |
अन्यथा नैव सिध्यन्ति लक्षकोटियुगैरपि || ४ ||

महाविद्यामहायक्ष्या मण्डलं सिद्धमण्डलम् |
महायक्षश्च यक्षिण्यो महायक्षश्च यक्षकः || ५ ||

कस्मिन्को वा भवेद्यक्षो महायक्षश्च को भवेत् |
यक्षिणी का च कस्यां च महायक्षी तु का भवेत् || ६ ||

एतदज्ञानतो देवि नहि सिध्यन्ति कुत्रचित् |
पूर्वोक्तमण्डलान्यत्र सिध्यन्ति विद्यया ध्रुवम् || ७ ||

आदौ काली च तद्यक्षी महामधुमती परा |
द्वितीया भ्रामरी या च सुन्दर्याः सुरसुन्दरी || ८ ||

भैरव्याश्चन्द्ररेखा च भार्या च भगिनी सुता |
मता शाली केलिकुञ्ची श्वश्रूश्च शालमञ्जिका || ९ ||

यक्षिणीरूपमाख्यातं महायक्षी च मातृका |
तारायास्तारिणी यक्षी किंकटा पद्मनायिका || १० ||

चिन्नाया लम्पटा यक्षी बगलाया बिडालिका |
कमलायास्तु धनदा भुवनेश्याः शृणु प्रिये || ११ ||

त्रैलोक्यमोहनी यक्षी मातंग्याः शृणु यत्नतः |
श्रीमनोहारिणी प्रोक्ता धूमावत्याः शृणु प्रिये || १२ ||

भीषणी यक्षिणी प्रोक्ता दशमण्डलमीरितम् |
दशविद्याविधौ देवि महायक्ष्यः प्रकीर्तिताः || १३ ||

प्. ३१) यद्विद्यायाश्च या यक्षी सा तस्याः सेवका मता |
तस्याश्चोपासको यो हि तस्य सा सिध्यति ध्रुवम् || १४ ||

अन्यमन्त्रं जपन्मर्त्यो यां काञ्चिद्यक्षिणी जपेत् |
न तस्य फलसिद्धिः स्याद्यक्षिणीकोपमाप्नुयात् || १५ ||

दशमण्डलयक्षिण्या भेदा वै कोटिशः स्मृता |
तेऽपि वै दशविद्यानां भेदाः सिध्यन्ति नान्यथा || १६ ||

भूतमण्डलमप्यत्र सिद्धं भवति निश्चितम् |
एतद्यो वै न जानाति तस्य यक्षी कथं भवेत् || १७ ||

अथाष्टनायिका यक्ष्यः सिध्यन्त्यत्र महेश्वरि |
षट्त्रिंशदत्र यक्षिण्यो यक्षिण्यः षोडश प्रिये |
विद्यासिद्धौ प्रसिध्यन्ति नान्यथा नाशमाप्नुयात् || १८ ||

इति श्रीशक्तिसंगममहातन्त्रराजे उत्तरभागे द्वितीयखण्डे 
श्रीमदक्षोभ्यतारासंवादे यक्षिणीमण्डलं नाम सप्तमः 
पटलः || ७ ||



अष्टमः पटलः

श्रीदेव्युवा

विद्यासिद्धिं विना देव सिध्यति न हि वा वद |
यक्षिण्यादिमहासिद्धिस्तस्य हस्ते कथं भवेत् || १ ||

श्रीशिव उवाच

एतज्ज्ञानवशाद्देवि सर्वं  सिध्यति नान्यथा |
अप्सरोमण्डलं देवि किन्नरीमण्डलं तथा || २ ||

गन्धर्वमण्डलं देवि सिद्धगुह्यकमण्डलम् |
पिशाचमण्डलं चैव भूतिनीमण्डलं तथा || ३ ||

नागिनीमण्डलं देवि डाकिनीमण्डलं तथा |
कुष्माण्डमण्डलं देवि तथा शाबरमण्डलम् || ४ ||

दशविद्याक्रमेणैव श्रीक्रोधमण्डलेन वा |
पार्षन्मण्डलयोगेन सर्वाः सिध्यन्ति सिद्धयः || ५ ||

मण्डलत्रितये देवि अप्सराद्याः सुसिद्धिदाः |
मन्त्रसिद्धिविधानेन सर्वाः सिध्यन्ति केवलम् || ६ ||

काली तारा सुन्दरी च त्रियोगात्सिध्यति ध्रुवम् |
अन्यथा नैव सिध्यन्ति नात्र कार्या विचारणा || ७ ||

इति संक्षेपतः प्रोक्तं दीक्षां तत्र शृणु प्रिये |
कादितन्त्रोक्तमार्गेण पूर्णदीक्षा प्रकीर्तिता || ८ ||

बृहत्-श्रीक्रमतंत्रोक्ता ऊर्ध्वम्नायस्वरूपिणी |
सुधाशांभवतंत्रोक्ता शान्तिनिर्वाणरूपिणी || ९ ||

पराताण्डवतंत्रोक्ता शाम्भवाख्या प्रकीर्तिता |
शक्तिसङ्गमतंत्रोक्ता शाम्भवाख्या प्रकीर्तिता || १० ||

ऊर्ध्वाम्नायपरिज्ञानं पराप्रसादचिन्तनम् |
महाषोढापरिज्ञानं नाल्पस्य तपसः फलम् || ११ ||

पर्यायनित्यविज्ञानं नित्यानित्यप्रपूजनम् |
षष्टिजपप्रकारश्च नाल्पस्य तपसः फलम् || १२ ||

पञ्चषोढापरिज्ञानं शक्तिन्यासस्य चिन्तनम् |
नामपारायणं नाम मंत्रपारायणं तथा || १३ ||

प्. ३३) युगानित्यापरिज्ञानं नाल्पस्य तपसः फलम् |
पूर्नाभिषेकषट्कं च कालिकामंत्रचिन्तने || १४ ||

नीलसाधनकं कर्म नाल्पस्य तपसः फलम् |
चरणत्रयचिन्ता च शाम्भवादौ परिक्रिया || १५ ||

काली तारा नामधर्मो नाल्पस्य तपसः फलम् |
अनिरुद्धसरस्वत्याः समा विद्या न चास्ति वै || १६ ||

एतस्या ज्ञानमात्रेण किन्न सिध्यति भूतले |
श्रीविद्यायां महेशानि वीरसाधनमाचरेत् || १७ ||

अहोरात्रे कलौ तारा सुन्दरी सुप्रसीदति |
सुन्दर्यां नीलगान्दर्वौ कर्तव्यौ सिद्धिमिच्छता || १८ ||

महादिव्यक्रमेणैव महावीरक्रमेण च |
महानीलक्रमेणैव कादिहादिकहात्मिका || १९ ||

सिध्यन्त्येव महेशानि ए ह्रीं श्रीं च पशुक्रमात् |
अन्या दिव्यक्रमेणैव एता अपि महेश्वरि || २० ||

स्वयम्भूपुष्पक्रमतः साधना भैरवीमनौ |
स्वजातपुष्पक्रमतः साधना भैरवीमनौ || २१ ||

स्वयम्भूक्रमयोगेन किन्न सिध्यति भूतले |
वाचा सर्वं तु भवति वाग्भवं तेन कीर्तितम् || २२ ||

वाग्भवं ब्रह्मरूपं च ह्यर्धनारीश्वरः स्वयम् |
शिवशक्त्यात्मकं बीजं यो जानाति स साधकः || २३ ||

वाग्भवं सर्वमूलं तु शक्तिचक्रात्मकं प्रिये |
शक्तेः समरसानन्दसंयोगे यत्सुखं प्रिये || २४ ||

तत्सौख्यरूपं देवेशि वाग्भवं बीजमीरितम् |
निर्गुणं तु निराकारं सच्चिदानन्दविग्रहम् || २५ ||

निर्द्वन्द्वं निरहङ्कारं तद्ब्रह्म परिकीर्तितम् |
ईदृशं तु परं ब्रह्म मुखादुच्चर्यते कथम् || २६ ||

मुखादुच्चार्यते सर्वं वाग्भवं मुखमुच्यते |
वाचा सर्वं संभवति जगत्स्थावरजङ्गमम् || २७ ||

शिवशक्त्यात्मकं देवि वाग्भवं बीजमुत्तमम् |
शक्तिः सचेतना प्रोक्ता जडः परशिवो मतः || २८ ||

प्. ३४) विना शक्त्या निर्गुणस्य मुखादुच्चारणं कुतः |
तस्माच्छक्तिं विहायाथ सर्वत्र जडता मता || २९ ||

मुखे शक्तिसमायोगाद्ब्रह्मसंज्ञाऽभिधीयते |
मुखे शक्तिः स्थिता नित्या वाक्शक्तिरिति कीर्तिता || ३० ||

अर्द्धनारीश्वरं रूपं वाग्भवं कीर्तितं प्रिये |
सर्वादिभूतं तु मुखं परब्रह्म प्रकीर्तितम् || ३१ ||

मुखादुच्चारणं देवि सर्वेषां जायते प्रिये |
वाग्भवं तेन सम्प्रोक्तं ब्रह्मरूपं सनातनम् |
वाग्भवं मुखमित्युक्तं मुखं ब्रह्म प्रकीर्तितम् || ३२ ||

इति श्रीशक्तिसंगममहातन्त्रराजे उत्तरभागे द्वितीयखण्डे 
श्रीमदक्षोभ्यतारासंवादे यक्षिण्यादिमहासिद्धिविनिर्णयो 
नामाष्टमः पटलः || ८ ||



नवमः पटलः

श्रीशिव उवाच

अथासनानि वक्ष्यामि सर्वकार्यार्थसिद्धये |
मृद्वासनं समारूढं कोमलं चूडकं तथा || १ ||

योनित्वग्विष्टरमप्यस्थि भूम्यासनं तथा |
कूर्चासनं तथा देवि तथैव सुरतासनम् || २ ||

मुण्डासनं तथा देवि पञ्चमुण्डासनं तथा |
त्रिमुण्डमेकमुण्डं वा आसनार्थे प्रकीर्तितम् || ३ ||

चिताऽपि आसने शस्ता श्मशानं सर्वयोत्तमम् |
चूडकं च तथा प्रोक्तं तथैव च शवासनम् || ४ ||

मृतासनं तथा प्रोक्तं महाशवमथासनम् |
वीरासनं महेशानि महावीरासनं तथा || ५ ||

योनिपुष्पासनं देवि दीर्तितान्यासनानि च |
तत्रादौ सम्प्रवक्ष्यामि मुण्डानां लक्षणं शुभम् || ६ ||

अस्य साधनमात्रेण साक्षाच्छिवमयो भवेत् |
ब्रह्मक्षत्रियविट्शूद्राश्चतुर्धा चास्थिजातयः || ७ ||

श्वेता रक्ता तथा पीता कृष्णा वैडूर्यका मता |
इत्थेतन्मुण्डरहस्ये प्रोक्तं देवि महेश्वरि || ८ ||

सद्यः कृतं त्रिरात्रस्थं सप्तरात्रस्थगं तथा |
त्रिसतरानगत्र्य(?)स्थमुत्तमादिक्रमाच्छ्रुणु || ९ ||

उत्तमं मध्यमं चैव हाधमं हाधमाधमम् |
सद्यः कृतं तु यन्मुण्डमुत्तमं परिकीर्तितम् || १० ||

त्रिरात्रमध्यगं मुण्डं मध्यगं परिकीर्तितम् |
षड्रात्रोत्तरगं मुण्डमधमं परिकीर्तितम् || ११ ||

त्रिसप्तरात्रमध्यस्थं कीर्तितं हाधमाधमम् |
सद्यःकृतं तु यन्मुण्डं सर्वकार्ये प्रकीर्तितम् || १२ ||

त्रिरात्रमध्यगं मुण्डं मालायन्त्रे प्रकीर्तितम् |
षड्रात्रोत्तरगं मुण्डं पात्रकार्ये विनिर्दिशेत् || १३ ||

त्रिसप्तरात्रमध्यस्थं मालायन्त्रादिके मतम् |
षण्मासमध्यगं मुण्डं सामान्यं तदुदीरितम् || १४ ||

प्. ३६) श्री देव्युवाच

कालिकपरिशिष्टे तु ह्यन्यथा परिकीर्तितम् |
त्रिरात्रमध्यगं मुण्डं मालार्थे परिकीर्तितम् || १५ ||

षड्रात्रोत्तरगं मुण्डं सामान्यं तदुदीरितम् |
सद्यःकृतं तु यन्मुण्डं सामान्यं तदुदीरितम् || १६ ||

श्रीशिव उवाच

सद्यःकृतं तु यन्मुण्डं मालायन्त्रे प्रशस्यते |
पात्रार्थसाधने शस्तं ह्यभावात् सप्तरात्रिकम् || १७ ||

सद्यःकृतं तु यन्मुण्डं साधानार्थं प्रकीर्तितम् |
उत्तमं मुण्डमादाय हस्तमात्रं खनेद्बुधः || १८  ||

कुलवृक्षस्य मूले वा स्मशाने वा चतुष्पथे |
निर्जने शून्यगेहे वा तस्योपरि जपं चरेत् || १९ ||

बलिं दत्त्वा प्रयत्नेन दिक्पालेभ्यो विशेषतः |
दिग्बधभूतशुद्ध्यादीन् कृत्वा वै जपमाचरेत् || २० ||

यावत्संख्यं मनुं तप्त्वा तद्दशांशेन होमयेत् |
सिद्धमुण्डं पुरा कृत्वा मालादीन्कारयेत्प्रिये || २१ ||

स्वेच्छामृतं द्विवर्षं च वृद्धं स्त्रियं द्विजं तथा |
अन्नाभावे मृतं कुष्ठं सप्तरात्रोर्ध्वगं तथा || २२ ||

एवं चाष्टशवं त्यक्त्वा वीरसाधनमाचरेत् |
वीरासनमिदं प्रोक्तं कालिकाप्रीतिकारकम् || २३ ||

सप्तरात्रोत्तरं प्राप्तं चान्तरिक्षे स्थितं शवम् |
शूले निपातितं वाऽपि पात्रार्थे शस्यते प्रिये || २४ ||

अन्तरिक्षे स्थितं देवि षण्मासोत्तरगं तथा |
मालिकायां प्रशस्तं च त्वधःस्थं सप्तरात्रजम् || २५ ||

शनिभौमादिने वापि शरीरे मृतसंभवे |
चतुर्दश्यां पौर्णमास्याममायां दीपकोत्सवे || २६ ||

संक्रान्त्यां चाष्टमीयुक्ते तथा दुर्गोत्सवे प्रिये |
एवं वीरदिने देवि तथा वीररणागमे || २७ ||

जाते मुण्डे शुभं शस्तमथ शूलादिके स्थितम् |
खड्गेन हननं कृत्वा गृहीत्वा जपमाचरेत् || २८ ||

प्. ३७) सहस्त्रमणिभिर्माला धार्या सर्वाङ्गके प्रिये |
रुद्राक्षवद्धारणं स्यात् कालीमन्त्रण शुध्यति || २९ ||

माला तु त्रिविधा प्रोक्ता उत्तमा मध्यमाऽधमा |
दन्ताक्षमालया चैव राजदन्तेन मेरुणा || ३०  ||

उत्तमा मालिका प्रोक्ता कालिकाकर्षिणी परा |
कर्णनेत्रन्तरस्थो यो महाशङ्केति कीर्तितः || ३१ ||

महाशङ्खमयी माला पञ्चाशन्मणिनिर्मिता |
मध्यमा मालिका प्रोक्ता ताराजापे प्रकीर्तिता || ३२ ||

अस्थिभिर्वा नृमुण्डैर्वा किञ्च वा नृललाटजाम् |
देहे देहान्तरस्था वा माला प्रोक्ता किनिष्ठिका || ३३ ||

छिन्नादेव्या विधौ देवि एवं हि त्रिविधा मता |
सम्मुखौ यौ उभौ दन्तौ राजदन्तौ प्रकीर्तितौ || ३४ ||

करालास्यमहाकाल्या दानवा भक्षिताः पुरा |
त्रैलोक्यवासिनौ दन्तौ राजदन्ताविति स्मृतौ || ३५ ||

राजदन्तेति संज्ञा वै देव्या पूर्वं कृता प्रिये | 
यौ दैत्यचर्वको दन्तौ मम कार्यकरावुभौ || ३६ ||

तस्मात्प्रीतेन मनसा मेरुकार्ये नियोजितौ |
कालिकासंहितायां च मतमन्यत्प्रकीर्तितम् || ३७ ||

मुखं देव्या महेशानि येन दन्तेन राजते |
तेन कारणतो देवि राजदन्तेति कीर्तितम् || ३८ ||

अन्यत् शृणुष्व दन्तेषु राजते राजदन्तकः |
सूर्याग्निसोमसूत्रैश्च माला कार्या प्रयत्नतः || ३९ ||

वसया मज्जया वाऽपि नटिभिर्वा शुभा मता |
स्वयम्भुवाक्ता या नाडी सा नाडी सर्वतोत्तमा || ४० ||

स्वयम्भुवाक्तं यत्सूत्रं तत्सूत्रं सर्वतोत्तमम् |
पण्यस्त्रीनिर्मितं सूत्रं कुमारीनिर्मितं तथा || ४१ ||

ततो द्विजेन्द्रपुण्यस्त्रीनिर्मितं ग्रन्थिवर्जितम् |
कुण्डाक्तं चैव गोलाक्तं स्वयम्भुवाक्तं तथैव च || ४२ ||

ततो मातङ्गिनीहस्तात् प्राप्तं तु सर्वतोत्तमम् |
नाड्या संग्रथनं कार्यं रक्तेन वाससा प्रिये || ४३ ||

इयं तु सिद्धिदा माला कालिकाकृष्टिकारिणी |
या काली सैव तारा स्यात् या तारा सैव कालिका || ४४ ||

प्. ३८) या काली सैव छिन्ना स्यात् या छिन्ना  सैव तारिणी |
या सुन्दरी सैव काली सर्वसिद्धिप्रदा मता || ४५ ||

चतसॄणां न भेदोऽस्ति भेदभाक् नरकं व्रजेत् |
मालापात्रासनं चैव चतसॄणां शुभं मतम् || ४६ ||

मन्त्रध्याने विशेषोऽस्ति तथा नाम्नि विरोधता |
प्रयोगादिविशेषोऽस्ति सुन्दर्यामेव पार्वति || ४७ ||

तिसॄणां न विशेषोऽस्ति त्रिशक्तिरिति कीर्तिता |
श्मशानेषु च वाह्येषु कालिका तिष्ठते सदा || ४८ ||

तस्माद्वीरासनं शस्तं तथैव वीरसाधनम् |
वीरासनादिकं कर्म तथैव वीरसाधनम् || ४९ ||

समन्त्रं सबलिं चैव सदिग्बन्धादि चोच्यते |
अखण्डाङ्गं शवं शस्तं सखण्डं मुण्डमुच्यते || ५० ||

रक्ताक्तं यदि देवेशि तदा त्याज्यं प्रयत्नतः |
प्रमादाद्यदि देवेशि नहि त्यजति साधकः || ५१ ||

तदैव मरणं तस्य हान्यथा शुभमेव हि |
इत्थेतत्कथितं देवि संक्षेपेण लवाज्ञया |
वीरासिद्ध्यादिकं कर्म शृणु यत्नेन साम्प्रतम् || ५२ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यतारासंवादे आसनकथनं नाम नवमः 
पटलः || ९ ||



दशमः पटलः

श्रीशिव उवाच

अथातः संप्रवक्ष्यामि वीरसिद्धेश्वरीं पराम् |
यस्या विज्ञानमात्रेण महाकालसमो भवेत् || १ ||

पादुकाखण्ड्गवेतालधातुवादश्च यक्षिणी |
गुटिकाञ्जनसिद्धिश्च गुप्तिश्च तिलकः शिवे || २ ||

सर्वं संभवति क्षिप्रं नान्यथा शाङ्करं वचः |
कालिका तारिणी छिन्ना त्रिशक्तिरिति ईरिता || ३ ||

त्रिशक्तिविषये देवि साधनेयं प्रकीर्तिता |
मुण्डकोपासनं नाम सर्वसिद्धिप्रदायिका || ४ ||

साधना कालिकारूपा मुण्डदुर्गाऽभिधातु सा |
रणवीरं महावीरं तथा पाशगलानपि || ५ ||

शूलप्रोतान् यष्टिविद्धान् षट्त्रिंशदस्त्रविद्धकान् |
सर्पादिजीवनष्टान् वै गजव्याघ्रविदारितान् || ६ ||

अपमृत्युमृतान्देवि शवनाहृत्य पार्वति |
महावीरैर्महामुण्डैर्दुर्गं कृत्वा प्रयत्नतः || ७ ||

रणवीरं समारभ्य महावीरान्तकं शिवे |
आसनार्थं प्रकर्त्तव्यं परितो मुण्डदुर्गकम् || ८ ||

दिननन्दाष्टाद्रिरसैः सहस्रैः पञ्चभिश्च वा |
अभावे त्रिसहस्त्रेण मुण्डदुर्गे समाचरेत् || ९ ||

तारासारूप्यचक्रं तु स्वाग्रे संलिख्य पार्वति |
पात्रार्थं च तथात्मार्थं देवार्थमपि पार्वति || १० ||

स्नानं त्यक्त्वा प्रयत्नेन साधयेद्दुर्गसाधनम् |
दुर्गेऽरण्ये नदीगर्भे तडागे शून्यवेश्मनि || ११ ||

रणे श्मशाने देवेशि त्रिपथे वा चतुष्पथ |
कुलवृक्षे चैक वृक्षे शिवदेवगृहेऽथ वा || १२ ||

एकलिङ्गे प्रयत्नेन मुण्डदुर्गं प्रसाधयेत् |
एके संसाधिते देवि त्रैलोक्यसाधितं भवेत् || १३ ||

प्. ४०) वीरसाधनसामग्रीं पुरतः स्थाप्य पार्वति |
वीरवेषो दयायुक्तो खादिरानन्दशकीलकान् || १४ ||

अन्तर्बन्धबहिर्बन्धौ कृत्वा यत्नेन पार्वति |
वीरसाधनवत्कृत्वा सर्वं यत्नेन पार्वति || १५ ||

यावदमे समायान्ति मुण्डानि परमेश्वरि |
तावदिष्टा भवन्त्यत्र दशविद्याक्रमेण च || १६ ||

काली तारा तथा छिन्ना सुन्दरी बगलामुखी |
इष्टाः पञ्च विशेषेण भविष्यन्ति क्षणेन च || १७ ||

या या बलिर्याच्यते तैः सा सा देया प्रयत्नतः |
वरो ग्राह्यः प्रयत्नेन वीरयन्त्रप्रपूजकैः || १८ ||

वीरजापी वीरपात्री वीरमालासनी शिवे |
मुण्डदुर्गे नरः स्थित्वा क्षणात् त्रैलोक्यसिद्धिभाक् || १९ ||

भीतिं तु तृणवत्कृत्वा महावीरो दिगम्बरः |
शिवरूपो नरो भूयान्नात्र कार्या विचारणा || २० ||

घटी पञ्चकयोगेन सर्वसाम्राज्ययोगके |
इष्टाः पञ्च भविष्यन्ति महाविद्यास्वरूपिणः || २१ ||

इष्टसिद्धिं सर्वसिद्धिं प्रदास्यन्ति क्षणे क्षणे |
गोपनीयाः कलौ देवि साधकेन हितेच्छुना || २२ ||

गोपनीया साधनेयं स्वयोनिरिव तारिणि |
त्रैलोक्यराज्यं सत्काव्यं महाश्रुतिधरी कला || २३ ||

शापानुग्रसामर्थ्यं मुण्डदुर्गभवं फलम् |
बिन्दुं त्रिकोणं सूर्यं च ततोऽष्टदलभूषितम् || २४ ||

वृत्तं भूपुरसंयुक्तं वज्राष्टकविभूषितम् |
बिन्दुं सिन्दूरवर्णं च त्रिकोणं दिव्यवर्णकम् || २५ ||

सूर्यं घुसृणवर्णं च दले वर्णाष्टकं शिवि |
वृत्तं च कालिकावर्णं भूपुरं श्वेतवर्णकम् || २६ ||

चतुर्वर्णं चतुर्द्वारं तारास्वाराज्यचक्रकम् |
शूलाष्टकविभूषाढ्यं तत्रिकोणे त्रिशंक्तयः || ३७ ||

तत्तद्वर्णानि बीजानि कामेशी दिक्सुरेश्वरी |
प्रचण्डेति महेशानि महाकाली ततो दले || ३८ ||

प्. ४१) रुद्राणी च तथोग्रा च घोरा भीमा तथाम्बिका |
महारात्रिभैरवीति ततो वैरोचनाष्टकः || २९ ||

पद्मान्ताकादयः पूज्याः कुल्लका मुर्ध्निं पूजयेत् |
अक्षोभ्यं पूजयेत्तत्र सर्वमन्यच्च पूर्ववत् || ३० ||

एवं कालीमयं चक्रं कृत्वा का साधनं चरेत् |
चतुरान् साधकान्दूरे स्वरुरून्दूरदेशकान् || ३१ ||

कृत्वा संसाधयेद्देवि किं तद्दन्न करे स्थितम् |
इति संक्षेपतः प्रोक्तं किमन्यच्छ्रोतुमिच्छसि || ३२ ||

श्रीदेव्युवाच

देवेश श्रोतुमिच्छामि रहस्यातिरहस्यकम् |

श्रीशिव उवाच

काली तारा तथा छिन्ना चतुर्थी सुन्दरी मता || ३३ ||

एवं दशसु विद्यासु वीरसाधनमाचरेत् |
शैवे गाणपते चान्द्रे बौद्धे स्वायम्भुवे तथा || ३४ ||

वैष्णवे सौरमन्त्रेषु गारुडे केरलेषु च |
एतेषु देवदेवेशि वीरसाधनमाचरेत् || ३५ ||

वीरसाधनकं कर्म वैदिके नाचरेत् शिवे |
केरलेष्वपि देवेशि वीरसाधनकं न च || ३६ ||

वैदिकेऽप्याचरेद्देवि यदि वै तादृशो मनुः |
केरलेऽप्याचरेद्देवि यदि क्रूरो मौर्भवेत् || ३७ ||

मुख्या तु साधना काल्यां तारायामपि कीर्तिता |
या काली सैव तारा स्यात् छिन्नायामपि संमता || ३८ ||

एवं पाशुपताद्येषु वीरसाधनमाचरेत् |
बगलाद्यासु विद्यासु वीरसाधनमाचरेत् || ३९ ||

वीरसाधनकं कर्म विहाय सिद्धिकामुकः |
स चक्षुषा विना रूपं दर्पणे द्रष्टुमिच्छति || ४० ||

तस्मात्तु साधना मुख्या दशविद्यासु पार्वति |
तारिणी ब्रह्मरूपा स्यात् कालिका ब्रह्मसुन्दरी || ४१ ||

छिन्नाद्या ब्रह्मसिद्धिः स्यात् सुन्दरी ब्रह्मचिद्घना |
एवं सर्वत्र देवेशि ब्रह्मत्वं व्याप्य तिष्ठति || ४२ ||

प्. ४२) मुख्यत्वं सर्वविद्यासु तत्रापि कालिका कलौ |
एकद्वित्रिविधा देवि दशधा शतधा शिवे || ४३ ||

लक्षधा कोटिधा देवि तथा चानन्तरूपिणी |
अङ्गाङ्गकैर्नामभेदैः कालिकेति प्रगीयते || ४४ ||

सर्वाद्या कालिकाशक्तिः सैव तारा च कुल्लुका |
सुन्दरी छिन्नमस्ता च कालिकैव प्रकीर्तिता || ४५ ||

यावद्धि वर्णितुं शक्या तावत्सगुणतां गता |
वाच्यातीता यदा जाता तदा निर्गुणतां गता || ४६ ||

जिग्वाकोटिसहस्रैस्तु वक्त्रकोटिशतैरपि |
महिमां वर्णितुं चास्या न शक्नोमि महेश्वरि || ४७ ||

अशक्यत्वं यदा जातं तदैव ब्रह्म कीर्तितम् |
निर्गुणत्वं तु किन्नाम वर्णनाशक्तिगोचरम् || ४८ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे वीरसिद्धेश्वरी कथनं 
नाम दशमः पटलः || १० ||



एकादशः पटलः

श्रीशिव उवाच

निर्गुणत्वं तथा प्रोक्तं किमन्यच्छोतुमिच्छसि |

श्री काल्युवाच

आदिनाथ महाकाल सर्वभूतहितां वर || १ ||

स्वतः श्रुता महाविद्या दशसंख्यासमन्विताः |
लघुपूर्वा महाविद्या दशसंख्यैव कीर्तिताः || २ ||

त्रयोदश महाविद्या विरूपाक्षेण कीर्तिताः |
तथा षोडश वै विद्या भैरवेण प्रदर्शिताः || ३ ||

देवीमते महाविद्या सिद्धविद्याऽपि देवते |
त्रिशक्तिः कथिता देव त्रिशक्तिस्त्रिविधा मता || ४ ||

काली तारा छिन्नमस्ता त्रिशक्तिः परिकीर्तिता |
बाला पञ्चदशी देव षोडशी त्रिरिति स्मृता || ५ ||

त्रिशक्तिलक्ष्मीः छिन्नायां त्रिशक्तित्वं च कीर्तितम् |
सर्वं त्वया निगदितं पूर्वोक्तं तत्र कीर्तितम् || ६ ||

यत्किमप्यतिगोप्यं हि प्रायशः परमेश्वर |
गोप्यद्गोप्यतरं देव तदद्य कथयस्व मे || ७ ||

ईश्वर उवाच

सहस्रनामस्तोत्रेषु कवचेष्वपि पार्वति |
तत्कवचादिकं प्रोक्तं सा वै कार्या पुरष्क्रिया || ८ ||

यत्र नोक्ता पुरश्चर्या तत्र किं वा विधीयते |
अयुतं तु पुरश्चर्या स्तोत्रमात्रे प्रकीर्तिता || ९ ||

सहस्रनामकवचे पुरश्चर्या त्वियं मता |
एवं पुरष्क्रिया कृत्वा दशांशहवनादिकम् || १० ||

तर्पणं मार्जनं देवि कुत्रचित्परिकीर्तितम् |
महाकालमतेनोक्तं तत्रस्थं चेत् समाचरेत् || ११ ||

ब्रह्मणभोजनं चान्ते सर्वथा कारयेत् प्रिये |
विप्रसन्तोषणेनैव सर्वं सिध्यति पार्वति || १२ ||

हवनं तु कथं कार्यं पुरश्चर्या कथं भवेत् |
स्हस्रनामरूपं च कीदृशं परमेश्वरि || १३ ||

प्. ४४) तथा कवचकं देवि किं रूपं परिकीर्तितम् |
शिवदेव्यास्तु संवादो ब्रह्मरन्ध्रेति कीर्तितम् || १४ ||

अन्ये श्लोकाः केशतुल्या ऋषिः शिव इतीरितः |
छन्दो मुखं भवेद्देवि देवता हृदयं भवेत् || १५ ||

बीजं गुह्यमिति प्रोक्तं शक्तिस्तु परगा मता |
सर्वोगकल्पनं देवि ह्यर्थवादः प्रकीर्तितः || १६ ||

स्तोत्रमध्ये स्थितं यद्यत्तत्सर्वं स्तोत्ररूपकम् |
एवं च देवदेवेशि स्तोत्ररूपं प्रकीर्तिअम् || १७ ||

तदेव कवचं देवि त्वाद्योपान्तं पथेत्प्रिये |
अङ्गहीने भवेन्नाशं सर्वथा परमेश्वरि || १८ ||

फलं स्तुत्यादिके देवि गतिरित्यभिधीयते |
आद्योपान्तं बिना देवि फलमर्धं प्रकीर्तितम् || १९ ||

अत्रार्थे प्रत्ययो देवि पञ्चाङ्गाद्याः यथा स्मृताः |
होमं कार्यं कथं देवि श्लोकान्ते हवनं च वा || २० ||

हवनं कवचादीनां शृणु यत्नेन साम्प्रतम् |
आद्योपान्तं पठित्वा तु पश्चात्तु हवनं मतम् || २१ ||

अथवा देवदेवेशि नामान्ते हवनं मतम् | 

श्रीदेव्युवाच

नामान्ते हवनं चोत्स्यात् उपोद्धाते कथं भवेत् || २२ ||

कवचादौ कथं कार्यं कवचं मन्त्ररूपकम् |
तत्र नामान्तकं वापि श्लोकान्तं परमेश्वर || २३ ||

सम्पूर्णं वापि कर्त्तव्यं होमकर्मणि शंकर |

ईश्वर उवाच

साङ्ख्यायनमते देवि गौडपाठविधिर्मता || २४ ||

पठनीयानि नामानि मध्यस्थानि महेश्वरि |
श्लोकार्धं पादमात्रं वा पादार्धं नाममात्रकम् || २५ ||

मध्यस्थं नामसाहस्रं पठेद्यत्नेन सुव्रते |
साङ्ख्यायनमतं प्रोक्तं उपोद्धातं शृणु प्रिये || २६ ||

उपोद्धातोपसंहारो श्लोकान्ते हवनं मतम् |
तदन्ते हवनं कुर्यात् इति साङ्ख्याअनोऽब्रवीत् || २७  ||

प्. ४५) कवचादावपि प्रिये मन्त्रान्ते हवनं भवेत् |
उपक्रमोपसंहारे श्लोकान्ते हवनं मतम् || २८ ||

आदौ पूर्णं तु सम्पठ्य तथैवान्ते महेश्वरि |
मध्ये नामानि पाठ्यानि पुरश्चर्या प्रकीर्तिता || २९ ||

काश्मीराख्यक्रमे देवि शृणु यत्नेन साम्प्रतम् |
स्तोत्रमावर्त्य संपूर्ण तदन्ते गणनां चरेत् || ३० ||

सम्पूर्णक्रमयोगस्तु काश्मीराख्यः प्रकीर्तितः |
सम्पूर्णहोमयोगस्तु कथितस्तु प्रियंवदे || ३१ ||

मार्जनाभिषेचनं कर्म कुर्यादत्र महेश्वरि |
काश्मीरकेरलाख्ये तु क्वचिद्भेदोऽस्ति पार्वति || ३२ ||

अनेनैव क्रमेणैव कवचे होम ईरितः |
कवचे तर्पणाद्यं वा कार्यं यत्नेन धीमता || ३३ ||

सारूप्यं कवचाख्यं तु सायुज्यं स्तोत्रमीरितम् |
सान्निध्यं नामसाहस्रं त्रितयं परिकीर्तितम् || ३४ ||

सालोका वाक् स्तुतिर्देवि तस्मात्पूर्णं पठेत्सुधीः |
अयमेव महादेवि केरलेऽपि प्रकीर्तितः || ३५ ||

पाठमात्रे त्विदं प्रोक्तं होमादौ परिकीर्तितम् |
कामरूपागमे होमाः लोकान्ते कवचं पठेत् || ३६ ||

कामरूपागमे नाम्नि मते चाक्षोभ्यनिर्मिते |
लोकान्ते हवनं प्रोक्तं श्लोकान्ते मार्जनादिकम् || ३७ ||

ततस्तंत्रोक्तबिधिना पुरश्चर्यादिकं चरेत् |
कवचं कवचरूपं स्यात् स्तोत्रं सहचरो भवेत् || ३८ ||

सहस्रनामस्तोत्रं तु सेनास्थाने प्रकीर्तितम् |
पूजा दुर्गस्वरूपः स्यात् बलिदानं तु मारणम् || ३९ ||

मन्त्रोराजपुरश्चर्या राज्यसम्पत्तिरीरिता |
सम्पत्त्या तु बिना राजा न शोभते महेश्वरि || ४० ||

सम्पत्तिमूलमेतद्धि सर्वमेव प्रकीर्तितम् |
होमोऽग्न्यस्त्रमिति प्रोक्तं पर्जन्यास्त्रं तु तर्पणम् || ४१ ||

जले दुर्गस्वरूपं च त्वभिषेकः प्रकीर्तितः |
ब्राह्मणानां भोजनं तु दुष्टसैन्यप्रभक्षणम् || ४२ ||

देवतागुरुविद्यैक्यं त्वात्मैक्यं परिभाव्य च |
प्. ४६) सर्वसिद्धिश्वरो भूत्वा त्रैलोक्याधिपतिर्भवेत् || ४३ ||

यथा च राजराज्यादौ शत्रुसैन्यभयं भवेत् |
सिद्धिराज्यं महादेवि तथैव परिकीर्तितम् || ४४ ||

दुर्गाद्यंस्त्रादिकं देवि देवराज्ये यथा मतम् |
तथैव सिद्धिराज्यस्य पुरश्चर्यादिकं मतम् || ४५ ||

मन्त्रो राजा गुरुर्मन्त्री गणेशो द्वारपालकः |
साधना शवमुण्डस्य सिंहासनमितीरितम् || ४६ ||

साधकेन तथा कार्यं येन सर्वं सुसिध्यति |
नैमित्तिकं च काम्यं च हयद्विरदिनौ मतौ || ४७ ||

होमधूमः पताका स्यात् तन्त्रस्तु सिद्धिभूमिका |
सिद्धिराज्याधिपे देवि किं न सिध्यति भूतले || ४८ ||

षोढान्यासादिकं सेना देवताराज्यदायिका |
यन्त्रं तु वज्रदुर्गं तु बीजयंत्रं त्वमेद्यकम् |
कवचादिपुरश्चर्या प्रोक्ता किं श्रोतुमिच्छसि || ४९ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे कवचादिपुरश्चर्या 
नामैकादशः पटलः || ११ ||



द्वादशः पटलः

श्रीदेव्युवाच

देवेश श्रोतुमिच्छामि भूतशुद्धिविनिर्णयम् |

श्रीशिव उवाच

त्रिविधा भूतशुद्धिर्हि केरलादिक्रमेण च || १ ||

पञ्चधा तत्त्वशुद्ध्या तु देहशुद्धिं समाचरेत् |
इत्थं  तु केरले प्रोक्तो भूतशुद्धिर्मया तव || २ ||

काश्मीरे भूतशुद्धिस्तु शोषणादिक्रमेण तु |
तत्त्वाव्याप्तिं कृते देवि पापं कास्ति महीतले || ३ ||

संहारक्रमयोगेन तत्त्वव्याप्तिर्महेश्वरि |
एवं क्रमे कृते देवि पापं तस्य क वर्तते || ४ ||

भूतसंशोधनाद्देवि पापं तस्याऽपि गच्छति |
देहनिष्ठं भवेत्पापं तत्पापं कुत्र विद्यते || ५ ||

तत्त्वव्याप्तौ महेशानि ब्रह्मैवाहं विभावना |
पुनर्वै मातृकाव्याप्त्यै देहशुद्धिं समाश्रयेत् || ६ ||

शोषणादिक्रमे देवि पापं भूताश्रयं शिवे |
भूतेसंशोधने जाते पापं कास्ति महेश्वरि || ७ ||

काश्मीराख्यः क्रमः प्रोक्तो गौडः काश्मीरवद्भवेत् |
चैतन्याख्यक्रमे देवि भूतशुद्धिं शृणु प्रिये || ८ ||

तत्त्वसख्यापन कृत्वा संहारक्रमयोगतः |
पापशोधनकं कर्म कुर्याद्यत्नेन पार्वति || ९ ||

संहारक्रमयोगेन शोषणादि समाचरेत् |
पापरूपस्य देवेशि सृष्टिमार्गेण वै स्थितिः || १० ||

सृष्टिमार्गेण देविशि पुनः सृष्ट्यादिकं चरेत् |
यथा युगादिके देव् सृष्टिस्थित्यादिकं भवेत् || ११ ||

तथैव परमेशानि भूतशुद्धिः प्रकीर्तिता |
चराचरो हि संसारः कुत्र गच्छति पार्वति || १२ ||

तथैव भूतशुद्धौ तु भावना योग एव च |
अनादिसिद्धा देवेशि सृष्टिभेदास्तथैव च || १३ ||

आगमाश्च महेशानि नव वैकृतिमादृता |
पुराणान्युपसंज्ञानि सर्वसिद्धिर्भवेच्छिवे || १४ ||

प्. ४८) एकस्य द्वारमाश्रित्य सा परा कालिका कला |
प्रकाशयति देवेशि जगदेतच्चराचरम् || १५ ||

मायापाशेन संबद्धान् क्षतान् कृत्वा महेश्वरि |
संसारचक्रे देवेशि भ्रामयामास या कला || १६ ||

श्रीविद्यायां तथा काल्यामूर्द्ध्वाम्नाये महेश्वरि |
तस्य दर्शनमात्रेण पापमन्यस्य गच्छति || १७ ||

स देशो धन्यतां याति समन्तात् कोटियोजनम् |
तस्य पुण्यफलं देवि मया वक्तुं न शक्यते || १८ ||

इति संक्षेपतः प्रोक्तं कुतः पापं महेश्वरि |
पारायणेन षोडश्याः कालिकायास्तथापि च || १९ ||

मन्त्रपरायणं देवि नामपारायणं तथा |
चक्रपारायणं देवि यन्त्रपारायणं तथा || २० ||

नाडीपारायणं देवि पञ्च पारायणं विदुः |
श्रीविद्यायां कालिकायां पञ्चपारायणक्रमात् || २१ ||

पारायणं नाम सन्ध्या तेन पापं न चास्ति वै |
निर्वार्णे न पापवार्त्ता परात् पूर्वं वदेत् शिवे || २२ ||

षट्शाम्भवे महेशानि षट्चक्रक्रमयोगतः |
पापं दूरतरं देवि केवलानां तु शोधनम् || २३ ||

अन्येषां भूतिशुद्धिस्तु त्रिविधा परिकल्पयेत् |
इति संक्षेपतः प्रोक्तं किमन्यच्छ्रोतुमिच्छसि || २४ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे भूतशुद्धिनिरुपणं 
नाम द्वादशः पटलः || १२ ||



त्रयोदशः पटलः

ईश्वर उवाच

कौलावधूतमार्गेषु तीर्थयात्रां न च व्रजेत् |
तीर्थाटनं च संन्यासं व्रतधारणमेव च || १ ||

उपवासं मुण्डनं च सर्वथा परिवर्जयेत् |
पूर्णाभिषेकः शिरसि तेन तत्र न मुण्डनम् || २ ||

कौलतीर्थानि भिन्नानि तत्र कौले वसेत् सदा |
एकस्यामेव देवेशि सन्ति पीठानि कृत्स्नशः || ३ ||

तत्पीठमधिपीठं स्यात् * * यामधिराजता |

श्रीदेव्युवाच

देवेश श्रोतुमिच्छामि कौलतीर्थानि सर्वशः || ४ ||

ईश्वर उवाच 

ब्राह्मणी तु गया प्रोक्ता राजाऽयोध्या प्रकीर्तिता |
वैश्या चावन्तिका प्रोक्ता शुद्धा तु मथुरा स्मृता || ५ ||

दासी मायापुरं देवि नटी गोदावरी मता |
मालाकारिणिका देवि चित्रकूटं प्रकीर्तितम् || ६ ||

कुम्भकारिणिका देवि श्रीपुरं परिकीर्तितम् |
उड्ड्यानं तु महदेवि(?) सौचिकी पौण्ड्रवर्धनम् || ७ ||

जालन्धरं कुविंदा च तन्तुवायी तु काञ्चिका |
असिमार्जनिका देवि कामरूपमिति स्मृतम् || ८ ||

रजकी पुष्करं प्रोक्तं चर्मकारी तु काशिका |
अयस्कारीगृहं देवि कोलापुरमिति स्मृतम् || ९ ||

शौण्डिक्यास्तु गृहं देवि नेपालमिति कीर्तितम् |
केदारपीठं देवेशि नापिती परिकीर्तितम् || १० ||

गोकर्णपीठं देवेशि त्वाष्ट्री वै परिकीर्तितम् |
उज्जयिनी भवेत्पीठं कलादिकमितीरितम् || ११ ||

कालेश्वरी त्वञ्चुकि स्यात् कैवर्त्ती हस्तिनापुरम् |
शौल्किकी राजगेहन्तु जयन्ती तैलकारिणी || १२ ||

कान्यकुब्जं मागधी स्यात्सर्वत्र गृहयोजनम् |
वेश्यागृहं प्रयागः स्याच्छ्रीशैलं तु कुमारिका || १३ ||

कैलासपीठमाभीरी क्षीरिका पुंश्चली भवेत् |
प्. ५०) हिरण्याख्यपुरं देवि स्वैरिणी परिकीर्तितम् || १४ ||

अट्टहासं च सैरन्ध्रीदूतिका मरुतेश्वरम् |
ओंकारपीठं देवेशि रण्डागृहमितीरितम् || १५ ||

प्रतिवेशिनिकागेहं मलयं पीठमीरितम् |
स्वजायाया गृहं देवि विरजापीठमीरितम् || १६ ||

कुट्टन्यास्तु गृहं देवि पूर्णचन्द्रमितीरितम् |
श्रीगारुडीगृहं देवि पीठं वै देवमातृकम् || १७ ||

आम्रातकेश्वरं पीठं चाण्डालीगृहमीरितम् |
पौत्रीगृहं कामकोटं प्रपौत्र्यैकाम्बरं मतम् || १८ ||

मातुलानी अनन्तः स्यात् संविधिन्याश्चरस्थिरम् |
राजकन्यागृहं देवि माहेन्द्रमिति कीर्तितम् || १९ ||

कन्यागृहं महादेवि जलेश्वरमितीरितम् |
स्नुषागृहं महेशानि विचित्रमिति कीर्तितम् || २० ||

भगिन्यास्तु गृहं देवि भृगुपीठमितीरितम् |
श्यालिकाया गृहं देवि महापथ इतीरितः || २१ ||

यवनी गदिता देवि मेरुकागिरिरेव च |
या स्यात् विवाहिता कन्या तद्गृहं वामनं स्मृतम् || २२ ||

श्रीकेलिकुञ्चिकागेहं हिंगुलायाभिधं भवेत् |
परस्त्री विंदुतीर्थं स्यात् सर्वतीर्थं रजस्वला || २३ ||

तानि सर्वाणि तीर्थानि मातङ्गीसंगमे सकृत् |
एतत्प्रोक्तं महादेवि किमन्यच्छ्रोतुमिच्छसि || २४ ||

श्रीदेव्युवाच

देवेश श्रोतुमिच्छामि चतुष्पीठस्य लक्षणम् |

श्रीशिव उवाच

रहस्यं च प्रवक्ष्यामि यज्ज्ञानादमरो भवेत् || २५ ||

श्यालकस्य तु या पत्नी कुरुक्षेत्रं च तद्गृहम् |
तत्कन्यायां गृहं देवि श्रीगौरीमुखसंज्ञकम् || २६ ||

तरुणी सुन्दरी रामा स्वभार्याभगिनी च या |
तज्जेष्ठा च महेशानि कनिष्ठादिक्रमेण च || २७ ||

ज्येष्ठा तु केलिकुञ्ची स्यात् कनिष्ठा केलिगेहिनी |
प्. ५१) चतुष्पीठानि देवेशि क्रमादुच्चरितं श्रुणु || २८ ||

कुरुक्षेत्रं महेशानि गौरीमुखमथापरम् |
पञ्चभद्रं केलिकुञ्ची म्हिनी पञ्चभद्रकम् || २९ ||

तद्गोष्ठी स्तोत्रपाठो हि तत्संगप्रणतिस्तथा |
* * स्पर्शो मेहेशानि श्रीघटस्थापनं मतम् || ३० ||

तत्संयोगः पूजनञ्च तद्वाचस्तु प्रसन्नता |
पुष्पाञ्जल्यादिकं चैव * * नाद्यं प्रकीर्तितम् || ३१ ||

कामस्थं काममध्यं च कामेन च पुटीकृतम् |
कामेन योजयेत्कामं कामं कामेन योजयेत् || ३२ ||

वारं वारं तु * * * पूजनावरणक्रमः |
तदालापस्तत्समाजं पूजा साऽत्र प्रकीर्त्तिता || ३३ ||

यन्त्रं त्रिकोणमित्युक्तं तत्रस्थं परमेश्वरि |
विसर्जनं वीजपातस्तद्धस्ता * * पूजनम् || ३४ ||

तदा तत्संयोगस्तद्ब्रह्म तद्धस्तपरिचुम्बनम् |
उपर्यधस्तात्तकृत्वा तत्संयोगी नरो भवेत् || ३५ ||

चतुष्पीठसमायोगं यः करोति महेश्वरि |
तस्य देवि प्रसन्नाऽस्ति नात्र कार्या विचारणा || ३६ ||

तत्पीठे तन्मुखे * * दत्त्वा यत्नेन पार्वति |
लिहन् जपं प्रकुर्वीत सर्वसिद्धीश्वरो भवेत् || ३७ ||

त्रिकोणामृतयोगेन कालिकां तर्पयेत्सदा |
वाग्मिता कविता चैव तद्धस्ते सर्वदा वसेत् || ३८ ||

तच्चक्रं पुष्पसंयुक्तं वीक्ष्य यत्नेन पार्वति |
दिक्सहस्रं जपेद्देवि सर्वसिद्धीश्वरो भवेत् || ३९ ||

संयोगीभूय जप्तव्यं चतुःप्रहरयोगतः |
यथालाभं च वा कुर्याद्भगिनी श्यालिका च या || ४० ||

केलिकुञ्ची विशेषेण सा शुद्धा स्त्री विशेषतः |
एवं क्रमेण यः कुर्यात् सर्वसिद्धिं स विन्दति || ४१ ||

इति संक्षेपतः प्रोक्तं किमन्यच्छ्रोतुमिच्छसि |

श्रीदेव्युवाच

चतुष्पीठानि प्रोक्तानि संक्षेपेण महेश्वर || ४२ ||

पीठशक्तेः स्वरूपं तु ह्यनुकल्पं च मे वद |

प्. ५२) श्रीशिव उवाच

नारी त्रैलोक्यजननी नारी त्रैलोक्यरूपिणी || ४३ ||

नारी त्रिभुवनाधारा नारी देहस्वरूपिणी |
पुरुषं च स्त्रियो रूपं यत्किञ्चिद्रूपमुत्तमम् || ४४ ||

नारीचक्रे सर्वरूपं यत्किंचिज्जगतीगतम् |
न च नारीसमं सौख्यं न च नारीसमा गतिः || ४५ ||

न नारीसदृशं भाग्यं न भूतं न भविष्यति |
न नारीसदृशं राज्यं न नारीसदृशं तपः || ४६ ||

न नारीसदृशं तीर्थं न भूतं न भविष्यति |
न नारीसदृशो योगो न नारीसदृशो जपः || ४७ ||

न नारीसदृशो योगो न भूतो न भविष्यति |
न नारीसदृशो मंत्रं न नारीसदृशो तपः || ४८ ||

न नारीसदृशं वित्तं न भूतं न भविष्यति |
तरुणी सुन्दरीं रम्यां यौवनोद्धतमानसाम् || ४९ ||

मदोन्मत्तं खञ्जनेत्रीं सदा * * भिलाषिणीम् |
* * मोद्युक्तहृदयां प्रार्थयेद्विधिपूर्वकम् || ५० ||

सर्वाभरणभूषाढ्यां षोडशाब्दां * * प्रियाम् |
ईदृक्विधां समानीय पूर्ववत्सर्वमाचरेत् || ५१ ||

प्रसूनतूलिकायां तु संस्थाप्य परमेश्वरि |
सर्वोपचारैः सम्पूज्य * * * * * नादिकम् || ५२ ||

साङ्गां सावरणां कालीं संपूज्य च प्रयत्नतः |
स्वयमक्षोभितो भूत्वा तस्याः क्षोभं समाचरेत् || ५३ ||

तया यदुच्यते वाक्यं तत्तथैव भविष्यति |
तग्देहदेहस्पर्शेन पूतमेत्तच्चराचरम् || ५४ ||

तस्या गेहे महेशानि तद्भावं च समाचरेत् |
नारीरूपं तु संचिन्त्य योगो जातेति भावयेत् || ५५ ||

योगवद्भावयेत्सर्वं तेन सिद्धिश्वरो भवेत् |
विपरीतं भाव्य जपेत्तेन सिद्धिश्वरो भवेत् || ५६ ||

स्त्रीस्वरूपः स्वयं भूत्वा स्वस्वरूपा तु कामिनी |
कुचकज्जलसीमन्तकङ्कणाभरणानि च || ५७ ||

प्. ५३) कृत्वा स्वदेहे सर्वं तु तस्यां पुरुषमाचरेत् |
यथा पुरुषसंयोगः क्रीड्यते स्त्रीत्रिकोणके || ५८ ||

तया स्त्रिया च कर्तव्यं * * धारणपूर्वकम् |
* * * तथा सर्वान्कुर्याद्यत्नेन पार्वति || ५९ ||

एवंविधे योगवरे दीक्षायोगं समाचरेत् |
सर्वं सफलतां याति कालीविद्याप्रसादतः || ६० ||

गोपनीयं गोपनीयं गोपनीयं प्रयत्नतः |
इति संक्षेपतः प्रोक्तं किमन्यच्छोतुमिच्छसि || ६१ ||

श्रीदेव्युवाच

सहस्र * * सन्दर्शान्मुक्तो भवति मानवः |
सहस्र * *  सन्दर्शाद्देवतादर्शनं ध्रुवम् |
चतुष्पीठानि प्रोक्तानि साधन. चिन्तनं वद || ६२ ||

श्रीशिव उवाच

श्यालकस्य च या भार्या कुरुक्षेत्रं प्रकीर्तितम् |
तत्कन्यायास्त्रि * * च गौरीमुखमितीरितम् || ६३ ||

शालिकायास्त्रि * * यत्पञ्चभद्राभिधं च तत् |
भार्या ज्येष्ठा तु या प्रोक्ता सा चात्र केलिकुञ्चिका || ६४ ||

तस्या * * विश्वभद्रं सर्वपीठोत्तमोत्तमम् |
एतासां व्यभिचारेण नामान्यन्यानि संशृणु || ६५ ||

स्वर्गद्वारं कामबिलं महापथाभिधं परम् |
वाञ्छामणिश्चतुर्थं स्याश्चतुष्पीठानि पार्वति || ६६ ||

वर्षषोडशपर्यन्तं पूर्वा पुण्योद्भवा मता |
द्वात्रिंशद्वर्षपर्यन्तममृतान्दोलिका मता || ६७ ||

ततोऽष्टवर्षपर्यन्तं सुधासागरनामकम् |
ततो दिग्वर्षपर्यन्तमानन्दव्रतनामकम् || ६८ ||

पूर्वाषोडशपर्यन्तं महासिद्धिमुखाभिधम् |
पञ्चपीठानि पूर्वं स्याद्धिराजक्रमेण च || ६९ ||

तत्कन्याया महेशानि शृणु यत्नेन साम्प्रतम् |
अथाषोडशपर्यन्तं योगवीणा प्रकीर्तिता || ७० ||

पुष्पिता चेद्धि ब्रह्माण्डं कीर्तितं वै चतुष्ककम् |
द्वात्रिंशद्वर्षपर्यन्तं साम्राज्यगुटिकाभिधा || ७१ ||

प्. ५४) ततोऽष्टवर्षपर्यन्तमानन्दतूलिका मता |
ततो दिग्वर्षपर्यन्तं सौभाग्यकमलं भवेत् || ७२ ||

अथ श्रीशक्तिकागेहलक्षणं शृणु पार्वति |
अथाषोडशपर्यन्तं महासाम्राज्यमण्डलम् || ७३ ||

स्वाराज्यमण्डलं देवि तदनन्तरगं भवेत् |
वैराज्यमण्डलं देवि ततः सर्वज्ञपीठकम् || ७४ ||

पूर्वषोडशपर्यन्तं द्वे प्रोक्ते ऋद्धिकामुकम् |
सर्वसिद्धिप्रदा देव्यः केलिकुञ्च्याः प्रकीर्तिता || ७५ ||

पूर्वाषोडशपर्यन्तं विश्वरूपाभिधं भवेत् |
षोडशोत्तरगं देवि षष्टिसिध्द्यभिधं भवेत् || ७६ ||

द्वात्रिंशदुत्तरं देवि सुन्दरीमोहनाभिधम् |
श्रीकालीमोहनाख्यं तु तदनन्तरमीरितम् || ७७ ||

चतुर्णमपि पुष्पे चेत्पुष्पिणीयोगमाहरेत् |
रुढिजातिक्रिया चेत्स्यादधिराजाधिपं जपेत् || ७८ ||

पीठानि कथितान्यत्र रूपगन्धननाम च |
प्रदद्याद्यत्नतो देवि परादिक्रमतोऽपि वा || ७९ ||

स्त्रीमात्रे परमेशानि योगोऽयं विनिवेद्यताम् |
साधको देवदेवेशि निविकल्पो जितेन्द्रियः || ८० ||

कामक्रोधादिरहितो घृणालज्जाविवर्जितः |
* * * * * * * * * * * * * * * * || ८१ ||

* * * * * * * * * * * * * * * * |
दृष्टदोषेऽपि देवेशि मनःक्षोभं न कारयेत् || ८२ ||

कृतमन्येन * * * * * * स्वस्य पार्वति |
निरन्तरं कृतं द्वित्रर्दपञ्चभिरेव वा || ८३ ||

एवं ज्ञात्वाऽपि देवेशि विकाररहितो यदि |
ईदृग्विधो निर्विकल्पः साधानार्गो न चान्यथा || ८४ ||

यदि दैववशाद्देवि * * चेद्व्यभिचारिणी |
तथापि तस्याः सन्तोषं कारयेद्यत्नतः शिवे || ८५ ||

अन्यथा नारकी भूयान्नात्र कार्या विचारणा |
सैव सृष्टिर्जगद्धात्री सैव कारणमीश्वरी || ८६ ||

तस्या निधारणं देवि कर्तुं केनात्र शक्यते |
तया यत्क्रियते देवि सर्वे सन्तोषरूपकम् || ८७ ||

प्. ५५) मन्यमानो महेशानि साधको भवति ध्रुवम् |
केलिकुञ्ची महादिव्यं सर्वलक्षणसंयुताम् || ८८ ||

तारुण्यामृतसंयुक्तां भावयेत् पूजयेत्सदा |
कादिहादिक्रमेणैव सर्वे सम्पादयेद्ध्रूवम् || ८९ ||

* * * सा चेत्तदा काली प्रकीर्तिता |
गन्धरूपयुता स्यात् चेत्सिद्धविद्यादिरूपिणी || ९० ||

शयने सुन्दरी प्रोक्ता रतिगोष्ठीषु तारिणी |
छिन्ना * * तु देवेशि माने हि बगला मता || ९१ ||

शृंगारकरणे देवि महालक्ष्मीः प्रकीर्तिता |
तस्याः समाकरणाञ्च मातङ्गी परिकीर्तिता || ९२ ||

संयोगवार्ता भुवना निद्रार्ता भैरवी मता |
सर्वान्तरायो देवेशि दूरात्सन्दृश्यते यदि || ९३ ||

हस्तेनायाति चेत् सा वै तदा भूमावती भवेत् |
स्वेच्छा * * स्पर्शकाली स्वेच्छया तु विपर्यये || ९४ ||

श्रीमहादक्षिणाकाली महासाम्राज्यनायिका |
स्वेच्छादौ चेत्पुष्पयुक्ता श्रीमहाकामकालिका || ९५ ||

बला * * सिद्धिकाली संक्षेपादिदमीरितम् |
स्त्रीमते योजनीयं हि केलिकुञ्च्यां विशेषतः || ९६ ||

आमूलान्तं च संवीक्ष्य सप्त * * * योगतः |
ओष्ठं * * नेत्रयुग्मं कपोले भालदेशके || ९७ ||

* * सप्तममादिष्टं तेन सिद्धिश्वरो भवेत् |
हस्ताहस्तितया धृत्वा दिक्सहस्रं जपेन्मनुम् || ९८ ||

कालिका वरदा तस्य नात्र कार्या विचारणा |
* * * समाचर्यं सहस्रं त्रिदिनं जपेत् || ९९ ||

त्रिकालज्ञो भवेद्देवि नात्र कार्या विचारणा |
* * * * * * दशसाहस्रकं जपेत् || १०० ||

साधकः साधनासक्तं कल्पद्रुमसमो भवेत् |
* * * * * * * * * * * * * * * || १०१ ||

दश साहस्रकं जप्त्वा दशविद्याधिपो भवेत् |
मुखे * * तु संदत्वा सहस्रदशकं जपेत् || १०२ ||

प्. ५६) महाकविवरो भूत्वा वादिराजो भवेद्ध्रुवम् |
चामरं रविबिम्बञ्च त्रिसूत्रश्च सरोरुहम् || १०३ ||

तिलपुष्पं चन्द्रबिम्बम् खञ्जरीटं च पार्वति |
पृथ्वीं विकसितां * * दश स्थानानि पार्वति || १०४ ||

प्रत्येकं दिक्सहस्रं च प्रजपेत्कालिकामनुम् |
कालिका वरदा तस्य क्षणमात्रेण जायते || १०५ ||

सर्वाभावे स्वस्त्रियां च कर्तव्यं साधनं वरम् |
चतुष्कपीठाभावे तु तत्तन्नामानि कल्पयेत् || १०६ ||

गन्धर्वोद्वाहयोगेन मौल्येनापि महेश्वरि |
द्रव्यदानेन देवेशि मननं कारयेत्प्रिये || १०७ ||

मननाज्जायते माता वरदात्री न संशयः |
प्रसूनतूलिकां कृत्वा उच्चस्थाने निधापयेत् || १०८ ||

पात्रासादनकं कृत्वा पूजाद्रव्याणि चानयेत् |
पञ्चषोढापरो भूत्वा तस्यां न्यासादिकं चवेत् || १०९ ||

साऽपि चेत्स्यात् मतङ्गोत्था साऽपि प्रथमं * * * |
अथवा केलिकुञ्चादि प्रतिमासादि * * * || ११० ||

यदि भाग्यवशाद्देवि लभ्यते वा न लभ्यते |
दीक्षितां देवताभक्तां घृणालज्जाविवर्जिताम् || १११ ||

जपासक्तां समासाद्य सर्वे संसाधयेच्छिवे |
तस्यां न्यासादिकं कृत्वा कामसोमकलादिकान् || ११२ ||

केशसंमार्जनं कृत्वा उपचारान् प्रकल्पयेत् |
स्पर्शं कृत्वा जपं कुर्याद् * * * पूजनाद्भवेत् || ११३ ||

साङ्गां सावरणां कालीं सम्पूज्य परिभाव्य च |
पूजासमाप्तौ देवेशि * * * * * * * || ११४ ||

यथा संख्यं जपेत्तत्र * * * * विकाशयेत् |
* * * * * * * * * * * * * * * * || ११५ ||

* * * * सहस्रं तत्र संजपेत् |
* * * * * * * * * * * * * * * * || ११६ ||

तया यदुक्तं देवेशि तदेव कारयेद्ध्रुवम् |
पूजां जानीहि देवेशि तयोक्तं योगमाचरेत् || ११७ ||

प्. ५७) योगं कृत्वा * * * तु तत्र यन्त्रं विलिख्य च |
तत्सर्वं प्रलिहन् देवि जपं कुर्याद्नन्दधिः || ११८ ||

पूजाजपो गोमकर्म तर्पणं मार्जनं तथा |
द्विजानां भोजनं चैव सर्वदा यत्र तिष्ठति || ११९ ||

शययाभंगो भवेत्पूजा जपो जल्पः प्रकीर्तितः |
प्रवेशनं होमकर्म तर्पणं  * * * भवेत् || १२० ||

तत्क्षालनं मार्जनं स्याद् दर्शनं द्विजभोजनम् |
ईदृग्विधं महापीठं स्वयम्भूसंज्ञकं परम् || १२१ ||

यस्य दर्शनमात्रेण यावन्त्यः सन्ति सिद्धयः |
स्वयमागत्य दासत्वं कुर्वन्त्येव न संशयः || १२२ ||

अनन्तयुगपर्यन्तं वीरसाधनकोटयः |
कृता येन महेशानि तत्तुल्यं निमिषाद्भवेत् || १२३ ||

इति प्रोक्तं षष्टिसिद्धिदातृसाधनमुत्तमम् |
त्रिसहस्रं वेदशतं  षट्पञ्चाशत्तु कीर्तितम् || १२४ ||

सूर्यसाहस्रकं देवि तथा कलाशतं शिवे |
द्विशतं पंचसंख्यं तु नायिकाकुलमीरितम् || १२५ ||

रहस्यातिरहस्यं च गोपनीयं स्वयोनिवत् |
वर्षाद्भूपो भवेत्सोहि नात्र कार्या विचारणा || १२६ ||

स एव कालीरूपः स्यान्नात्र कार्या विचारणा |
अथ वक्ष्ये महेशानि यौवनाङ्कुरमादितः || १२७ ||

सहस्रं च शतं नेत्रपञ्चाशदधिकं शिवे |
दिव्यादिव्ये च तद्द्वये चित्रिण्यादिक्रमेण च || १२८ ||

त्रैलोक्यभुवनान्येव तीर्थानि पीठपर्वताः |
पुरी वनानि ग्रामाश्च द्वीपाश्चैव क्रमेण च || १२९ ||

सागराश्च महापुर्यः समुद्राश्च प्रकीर्तिताः |
तथा नद्यादि देवेशि देशपर्यायतीर्थकम् || १३० ||

क्रमेण योज्यतां देवि नात्र कार्या विचारणा |
सुन्दरीपीठभेदं च वनानि वाटिकास्तथा || १३१ ||

प्राकाराश्चैव सोपानं नायिकाभेदतश्चरेत् |
चत्वारो नायिका देवि व्यत्ययांत्प्रतवाचकाः || १३२ ||

ब्रह्माण्डमेतद्देवेशि स्त्रीदेहे तिष्ठति प्रिये |
ब्रह्माण्डानामनन्तं च स्त्रीदेहे स्फुटमेव च || १३३ ||

प्. ५८) स्त्रीरूपं च जगत्सर्वं यत्किञ्चिज्जगतीमतम् |
तद्रूपपूजनाद्देवि पूजिताः सर्वयोषितः || १३४ ||

महाविद्याश्च योगिन्यो मातृकाः सर्वदेवताः |
यथायोग्यस्थानपीठे निवसंत्येव पार्वति || १३५ ||

शास्त्रात्सर्वं तु विज्ञाय यथायोगेन योजयेत् |
पूर्वोक्तमत्र पशूनां दिव्यानामेतदेव तु ||१३६ ||

वीराणामपि च तथा दिव्ये वीरे न भेदता |
समस्तज्ञानसंयोगाद् ब्रह्माण्डाख्यप्रदक्षिणा || १३७ ||

पृथ्वीप्रदक्षिणा देवि पशूनां परिकीर्तिता |
सा पृथ्वी शक्तियोनिः स्यात्त्रैलोक्यं योनिमध्यगम् || १३८ ||

* * प्रदक्षिणा देवि वीराणां परिकीर्तिता |
गुप्ता व्यक्ता द्विधा देवि पृथिवी परिकीर्तिता || १३९ ||

व्यक्ता गुप्ता महापुण्या तत्प्रदक्षिणमाचरेत् |
सर्वश्रेष्ठा महादेवि ब्रह्माण्डाख्यप्रदक्षिणा || १४० ||

पादमात्रकृते देवि परशम्भुः सदाशिवः |
शिव एव विजानाति फलबाहुल्यमत्र तु || १४१ ||

स्मरणाद्भाषणाद्देवि त्रैलोक्यं पूजितं भवेत् |
शक्ति * * * संप्रोक्तं शैवे तु विरहो भवेत् || १४२ ||

एतस्य लोपनाल्लोपा वृद्धावस्था प्रकीर्तिता |
शक्तिस्तारुण्यवाटी स्यान्नाभिकूपः प्रकीर्तितः || १४३ ||

* * घटौ महेशानि हास्यं पुष्पं प्रकीर्तितम् |
कामो द्वारं महेशानि तथा दशरसा शिवे || १४४ ||

नेत्रस्थानपञ्चकेन तिष्ठति परमेश्वरि |
सामरस्यरसो ब्रह्म स एवात्मा प्रकीर्तितः || १४५ ||

तद्वादनं ध्वनिः प्रोक्तस्तद्रसस्त्वमृतार्णवः |
उद्दीपना * * * स्तु सुगन्धः परिकीर्तितः || १४६ ||

मानसं भ्रामरं प्रोक्तं गतयः पक्षिणः स्मृताः |
मृगपश्वादिभेदानां गतयः परकीर्तिताः || १४७ ||

रागतालाश्च रागिण्यस्तद्वार्तालापनं भवेत् |
सर्वे हावाश्च देवेशि उत्खातारोपणं मतम् || १४८ ||

स्थायीभावाः सेचने स्याद्विभावाश्चावलोकनम् |
स्थानात्स्थानान्तरे यानमनुभावाः प्रकीर्तिताः || १४९ ||

प्. ५९) मालाकारः वसन्तः स्यात्कटाक्षाः कामानामताः |
नवोढप्रौढ * ध्यादि एकद्वित्र्यावलिर्मता || १५० ||

मालात्रुटिर्भवेन्मानो तन्नतिर्हा * नायकः |
मालत्यादीनि पुष्पाणि रतिहासी भवन्ति च || १५१ ||

* * न्तहासे देवेशि सौगन्धे केशरादिकम् |
एवं सर्वं तु विज्ञाय पञ्चगन्धाद्यकं शिवे || १५२ ||

तद्धर्मस्तु महेशानि मायाऽत्र परिकीर्तितः |
तद्वार्ताऽनुग्रहः क्रोधः शापश्च परिकीर्तितः || १५३ ||

तुष्टिः प्रसन्नता प्रोक्ता निन्दा क्षोभः प्रकीर्तितः |
ताटस्थ्यं चैव वैमुख्यं शक्तिरूपं प्रकीर्तितम् || १५४ ||

आग्नेयी स्वर्ग इत्युक्तः सौरीया नरलोकता || १५५ ||

चान्द्री पाताललोकत्वं त्रैलोक्यं कोणमध्यके |
बिन्दुधर्मस्तु पर्जन्यः सर्वं संक्षेपतो मतम् || १५६ ||

शयनं क्रीडनं नात्र्यं काव्यं तद्रूपचिन्तनम् |
काव्यालापाश्च ये केचिद्गीतकाव्याखिलानि च || १५७ ||

शब्दमूर्तिधरस्यैते विष्णोरंशा महात्मनः |
पुनः पुनः किं वक्तव्यं त्रैलोक्यं तन्मयं भवेत् || १५८ ||

चतुर्विंशतिवाद्यानि संयोगध्वनिरेव च |
कराकृष्टिर्मूर्छना स्यात् * * * मोचनं शिवे || १५९ ||

प्रोक्तः स्वर्गो महेशानि प्रवेशो मोक्ष एव च |
अन्यत्र निर्गमो मोक्षो मूढनां दुःखभागिनाम् || १६० ||

एतद्ज्ञानतो देवि फलं संसारजं शिवे |
अज्ञानादपि देवेशि फलमेवं प्रयच्छति || १६१ ||

ज्ञानादेव महेशानि किंतद्यन्न करे स्थितम् |
त्रिंशदुर्वुदषट्पद्मपञ्चवृन्दार्बुदानि च || १६२ ||

मेधादीक्षादिभिर्युक्तस्तस्य ज्ञानं प्रकाशते |
ज्ञानात् कीटोऽपि निर्मुक्तस्तद्योगं शृणु पार्वति || १६३ ||

जीवः कीटः पुरा भूत्वा भ्रमरं पश्यति प्रिये |
तदालोकनसद्भावाद् भ्रमरत्वं प्रजायते || १६४ ||

पुनः कीटो न हि भवेत्तारुण्यरूपतां गतः |
शून्यस्य भावना देवि शून्यरूपो हि नीरसः || १६५ ||

प्. ६०) यथा भवति देवेशि भावयोगोऽत्र कारणम् |
ब्रह्माण्डरूपा या शक्तिः परब्रह्मस्वरूपिणी || १६६ ||

चिच्छक्तिरिति विज्ञाता शून्यं तस्यास्तु कोणगम् |
अनन्तकोटिसंख्याता भ्रमरा यन्मुखोद्भवाः || १६७ ||

तस्याः परस्वरूपिण्याः सद्भावं तु समभ्यसेत् |
सुगमोऽयं परो भावश्चेतनापुरुषोऽपि वा || १६८ ||

शिवरूपः स च प्रोक्तः सर्वसिद्धिर्महेश्वरि |
भावयोगाद्भवेन्मेधादीक्षा सर्वोत्तमोत्तमा || १६९ ||

आदौ कामकला प्रोक्ता तत्र चिन्तामणिर्भवेत् |
ततो बाला स्पर्शमणिः कामेशी सिद्धकालिका || १७० ||

विद्याराज्ञी षोडशी च पश्यन्ती कामकालिका |
चरणेशी हंसकाली चतुश्चरणरूपिणी || १७१ ||

कुब्जिका गुह्यकाली च मेधादीक्षा समाचरेत् |
उभयत्र क्रमान्मेधादीक्षा प्रोक्ता महेश्वरि || १७२ ||

द्वुतूते दीक्षितो यस्तु महामेधाभिधो भवेत् |
जीवः कीटः पुरा भूत्वा भृगित्वमभिगच्छति || १७३ ||

ततः षट्चक्रसम्भेदं कृत्वा तद्रसभुग्भवेत् |
तत्तद्योगे महेशानि स्थापिते यन्त्रपीठके || १७४ ||

तेन मन्त्रान् लिखेद्देवि तस्योच्चारणमाचरेत् |
मन्त्ररूपो भवेत्तेन साम्राण्मेधा प्रकीर्तिता || १७५ ||

स्वयं शक्तिस्तद्द्वयं च शक्तिस्वक्रमयोगतः |
शैवशाक्ते शक्तशैवे तद्द्वयक्रमयोगतः || १७६ ||

चक्राणि चैव विज्ञाय उक्तमार्गेण पार्वति |
चक्राणि चैव निर्भिद्य स्वरूपं तत्स्वरूपकम् || १७७ ||

न कीटत्वं न भृंगित्वं स्वरूपेणैव देवता |
देवतारूपभावेन क्षणात्तद्रूपतां ब्रजेत् || १७८ ||

अर्धनारीश्वराख्यो हि त्वर्ध्वयोगः प्रकीर्तितः |
ब्रह्मनारीश्वराख्योऽयं महायोगः प्रकीर्तितः || १७९ ||

प्. ६१) दिव्यसाम्राज्यमेधाख्या दीक्षा प्रोक्ता ततः शिवे |
देवरूपा दिव्यरूपा मन्त्ररूपा महत्परा || १८० ||

सर्वरूपा सर्वपूर्वा महासाम्राज्यमेधया |
युक्ता दीक्षा मया प्रोक्ता बिन्दुवत् गोपयेत् कलौ || १८१ ||

एतद्दीक्षोत्तरं देवि नान्यदीक्षाऽस्ति कुत्रचित् |
अर्द्धं शिवो विजानाति काली जानाति पूर्णतः || १८२ ||

गुह्यकाल्यां सर्वमेतत्कुब्जिका सुन्दरी त्वतः |
कादिहादित्वकं सर्वं देवि तत्र प्रतिष्ठितम् || १८३ ||

नवतत्त्वा महाविद्या नवचक्रेश्वरी परा |
एतद्दीक्षासमायुक्तः केरली परिकीर्तितः || १८४ ||

चक्षुष्मत्याद्येतदन्तं केरली षष्टिसिद्धिभाक् |
मेधान्ता गदिता सिद्धिः सम्राङ्युक्ता नमोमयी || १८५ ||

चक्षुरुपान्तसंयुक्तः काश्मिरी तत्त्वसिद्धिभाक् |
नेत्रादिपूर्णदीक्षान्तो गौड इत्यभिधीयते || १८६ ||

अष्टसिद्धीश्वरः प्रोक्तः कला चन्द्रे कलानि च |
पात्राणि पूजने देवि यथायोगेन योजयेत् || १८७ ||

पंच वा परमेशानि गौडे दारिद्र्यकल्पना |
शक्तिर्मेधामयी प्रोक्ता तद्योगं च समभ्यसेत् || १८८ ||

दिव्ययोगो महेशानि तवाग्रेऽयं प्रकीर्तितः |
दिव्यचक्रे जीवचक्रे शालिग्रामे तथैव च || १८९ ||

बाणलिङ्गे महेशानि नावाहनविसर्जनम् |
प्रत्यक्षरूपाण्येतानि देवास्तिष्ठन्ति सर्वदा || १९० ||

अग्नौ दीपशिखामध्ये जले च दर्पणेऽपि च |
सूर्यबिम्बे चन्द्रविम्बे शालिग्रामशिलासु च || १९१ ||

स्फाटिके देवदेविशि सदैवावाह्य पूजयेत् |
यन्त्रं तु गृहमित्युक्तं बिन्दुः सिंहासनं भवेत् || १९२ ||

शालिग्रामो भवेद्गेहश्चक्राणि पीठसंचयः |
चक्रयुक्ते चक्रमध्ये हीने चोपरि भावयेत् || १९३ ||

बाणलिङ्गे स्फाटिकेऽपि हीरमारकते तथा |
तस्योपरि विभाव्याऽथ पूअयेद्यत्नतः शिवे || १९४ ||

प्. ६२) शालिग्रामे जीवचक्रं सर्वान्देवान् प्रपूजयेत् |
यो भावो यस्य वै प्रोक्तस्तेन भावेन तिष्ठति || १९५ ||

पुष्पमेकतमं स्थाप्य पूअयेत्परमेश्वरीम् |
बीजयुक्तं तु यद्यन्त्रं तद्यन्त्रं सिद्धिरूपकम् || १९६ ||

शालिग्रामोऽथवा यन्त्रं स्थाप्य चैकतमं शिवे |
दिव्यचक्रं यदा प्राप्तं जीवचक्रं तदा न च || १९७ ||

जीवचक्रं यदा प्राप्तं बाणलिङ्गं न चार्चयेत् |
बाणलिङ्गं यदा प्राप्तं शालिग्रामस्तदा न वै || १९८ ||

शालिग्रामो यदाप्राप्तस्तदाऽन्यत्र न पूजयेत् |
शालिग्रामं तथा मन्त्रं द्वयमेकत्र नार्चयेत् || १९९ ||

पञ्चायतनपक्षी चेद् द्वितीयं पूजयेत्सदा |
एकपीठे पृथक् पूजां वीना यन्त्रं करोति यः || २०० ||

देवताशापमाप्नोति रौरवं नरकं व्रजेत् |
शालिग्रामे तथा यन्त्रे विद्यमाने महेश्वरि || २०१ ||

देवः कुत्र वसेद्देवि स्थानाद्वितयकं भवेत् |
शालिग्रामो भवेद्यन्त्रं शालिग्रामो गृहं भवेत् || २०२ ||

यन्त्रं तु गृहमित्युक्तं गृहस्था देवता मताः |
प्रतिमा वा प्रकर्तव्या यथोक्ता शुभलक्षणा || २०३ ||

शालिग्रामे तथा यन्त्रे सहसैव प्रसीदति |
जीवचक्रे महेशानि प्रसन्नाऽस्ति निरन्तरम् || २०४ ||

जीवचक्रस्य विज्ञानी कलौ दुर्लभ एव च |
बालुकायां भवेत्तैलं बन्ध्या पुत्रं प्रसूयते || २०५ ||

खपुष्पमपि जायेत् अयोनिर्मनुजोऽपि वा |
जीवचक्रस्य विज्ञानी कलौ क्वापि न वै भवेत् || २०६ ||

अग्रस्थानं परित्यज्य भिक्षामटति दुर्मतिः |
तथा जीवं परित्यज्य परिधावति धावति || २०७ ||

अहो जीवस्य विज्ञानी शिवतुल्यो नरो भवेत् |
पश्यन् लिहन् स्पृशन् * * * भजन् ध्यायन् महेश्वरि || २०८ ||

यो जपेत्परमेशानि शिवतुल्यो नरो भवेत् |
जीवं जीवेन युज्जीत जीवं जीवेन योजयेत् || २०९ ||

जीवं जीवेन संयोज्य जीवन्मुक्तो नरो भवेत् |
अहो धन्यात्परो देवि जीवचक्री नरोत्तमः || २१० ||

प्. ६३) आनन्दात्मा धनान्दात्मा ज्ञानात्मा परमात्मवित् |
विज्ञानात्मा भवेद्देवि सकृज्जीवस्य दर्शकः || २११ ||

जीवचक्रं मुखे धृत्वा लक्षं जपति वादिराट् |
तद्रसं * * * * देवि लक्षं जपति कालिका || २१२ ||

जिह्वां दत्त्वा जपेल्लक्षं शक्तिपातकरो भवेत् |
* * दत्त्वा जपेल्लक्षं सर्वज्ञः साधको भवेत् || २१३ ||

आलोक्य प्रजपेल्लक्षं कविराट् साधको भवेत् |
* * दत्त्वा जीवचक्रे सप्तचुम्बनबिद्ध्रुवम् || २१४ ||

* * मुखं प्रदत्त्वा तु लक्षं जपति शङ्करः |
इति संक्षेपतः प्रोक्तं किमन्यच्छ्रोतुमिच्छसि || २१५ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे कौलतीर्थविनिर्णयो नाम 
त्रयोदशः पटलः || १३ || 


चतुर्दशः पटलः

श्रीदेव्युवाच

शक्तौ पूजाक्रमं देव कथयस्व ममाधुना |

श्रीशिव उवाच

शक्तिपूजां प्रवक्ष्यामि येन देवीमयो भवेत् || १ ||

नटी कापालिका वेश्या रजकी नापिताङ्गना |
मालाकारस्य कन्या च कुम्भकारस्य कन्यका || २ ||

कन्याष्टकमिदं प्रोक्तं कुलाष्टकमथ शृणु |
राजवेश्या गुप्तवेश्या देववेश्या तथैव च || ३ ||

नृत्ययात्रातीर्थवेश्या कुट्टिनी व्यभिचारिणी |
पञ्च * * हता वेश्या दश * * * * श्वरी || ४ ||

पञ्चविंशति * * च  * * तुष्टा प्रकीर्तिता |
पञ्चाश * * संयुक्ता * * सिद्धा प्रकीर्तिता || ५ ||

शत * * * * नन्दा सहस्रा * * सुन्दरी |
असंख्य * * संयुक्ता * * ब्रह्मपरा मता || ६ ||

कुलाष्टकमथेदानीं शृणु पार्वति तत्त्वतः |
मध्य * *  महेशानि * * माला महोत्तमा || ७ ||

विश्व * * सर्वयोनिः सर्वस्मादपि चोत्तमा |
कुलाकुलाष्टके देवि द्विविधा परिकीर्तिता || ८ ||

राजवेश्यादिकायुग्मं गौडे पुष्पोपचारिकम् |
माता पुत्री तथा पौत्री स्वसा चैव स्नुषानुजा || ९ ||

श्यालिका केलिकुञ्ची च मातृजाया तथाष्टमी |
कुलाष्टकमिदं प्रोक्तं सर्वसिद्धिप्रदायकम् || १० ||

तरुणीं सुन्दरीं रम्यां चञ्चलां * * लोलुपाम् |
गुरुभक्तां मन्त्रयुक्तां सर्वलक्षणसंयुताम् || ११ ||

ईदृग्विधां समानीय प्रसूनतूलिकोपरि |
* * तु कलशौ प्रोक्तौ सामान्यार्घ्यस्तु नाभिका || १२ ||

* * ध्वजो विशेषार्घ्यस्त्रिकोणं यन्त्रमीरितम् |
गमागमावृत्तिरुक्ता पुष्पं प्रहसितं स्मृतम् || १३ ||

आलापस्तु जपः प्रोक्तस्तवलोको वरः स्मृतः |
क्रोधस्तु निग्रहः प्रोक्तः करग्रहोऽभयं भवेत् || १४ ||

प्. ६५) * * पादप्रसारस्तु पृथिव्यास्तु प्रदक्षिणा |
* * * स्तोत्रपाठोऽत्र * * धारस्तपःक्रिया || १५ ||

गले पादस्य निक्षेपः सिंहासनमितीरितम् |
विपरीतं दोलिकाख्या पूजा प्रोक्ता महेश्वरि || १६ ||

विसर्जनं बीजपातो मुद्रा त्वालिङ्गनं भवेत् |
ओष्ठ * * देवि खेचरीयोग ईरितः || १७ ||

कपोल * * देवि गुटिका परिकीर्तिता |
ललाट * * देवि लबका परिकीर्तिता || १८ ||

नेत्रसं * * देवि अञ्जनं परिकीर्तितम् |
करसं * * देवि खङ्गसिद्धिः प्रकीर्तिता || १९ ||

* * * * * देवि मनोरथमयी गतिः |
* * * * देवेशि कालवञ्चनमीरितम् || २० ||

* * संलेहनं देवि ब्रह्मरूपं न संशयः |
आलोकनं पृथिव्यास्तु देवतादर्शनं भवेत् || २१ ||

सत्सङ्गिना सदा भाव्यं तामालोक्य जपेसदा |
कोटिब्रह्माण्डदानादि एकतः परिकीर्तितः || २२ ||

तच्छायालोकनं देवि सर्वाच्छ्रेष्ठतमं भवेत् |
तपस्या कोटितीर्थेषु यागानामपि कोटयः || २३ ||

देवालयानामानन्त्यं कृतं येन निरन्तरम् |
तेनेदं प्राप्यते देवि दर्शनं बिन्दुरूपिणः || २४ ||

ब्रह्मणो दर्शनं देवि शब्दब्रह्म मत्तरम् |
चन्द्रामृतं राहुभीत्या तथा स्वर्गामृतं प्रिये || २५ ||

राक्षसानां तु संभीत्या ओष्ठे * * विराजते |
चन्द्रामृतं चाधरोष्ठे * * स्वर्गामृतं प्रिये || २६ ||

सदा तिष्ठति देवेशि ज्ञानात् सिध्यति नान्यथा |
अज्ञानाद्विषरूपं स्यान्नात्र कार्या विचारणा || २७ ||

मुखे हाला करे माला * * शाला तु तच्छविः |
हृदये स्त्री कराला तु दीपमाला गृहाङ्गणे || २८ ||

न करोति नरो यस्तु स कथं मम पूजकः |
संयोगो ग्रहनं देवि महाकल्पान्ततो तथा || २९ ||

प्. ६६) सूर्यग्रहो यथा योगो विपरीते निशाकरे |
प्रमादान्मनसा वाऽपि नोहतोऽपि न मालयेत् || ३० ||

तया यदुच्यते वाक्यं तदेव कारयेत्प्रिये |
तथा योगे समारब्धे पूर्णयोगो वदा न च || ३१ ||

पुरुषस्य न संजातस्तेन संक्रीड्यते मुहुः |
ग्रस्तास्तः स तु विज्ञेयः सर्वपर्वोत्तमोत्तमाः || ३२ ||

स्वयं योगो समारब्धे स्वस्य पूर्वं तु * * * |
तथा कार्यं समाचर्य तस्य पातो न जायते || ३३ ||

ग्रस्तोदयः स विज्ञेयः सर्वसिद्धिप्रदायकः |
इदं रहस्यं परं प्रोक्तं दिवायोगं शृणु प्रिये || ३४ ||

तस्या स्वस्य क्रमेणैव तस्यास्त्वर्द्धोदयो मतः |
महोदयः स्वयोगे स्यात् वार्ता दशहरा स्मृता || ३५ ||

तद्वार्ताऽक्षयरूपाख्या तृतीया परिकीर्तिता |
इति संक्षेपतः प्रोक्तं विशेषं शृणु पार्वति || ३६ ||

मासद्वादशकं देवि क्रमेण परिकीर्तितम् |
ऋतुयोगे महेशानि महासाम्राज्यमीरितम् || ३७ ||

दिव्यादीनामिदं प्रोक्तं पशूनां शृणु पार्वति |
सूर्यचन्द्रग्रहे देवि अङ्गुलद्वितयोर्धतः || ३८ ||

सार्द्धद्वयाङ्गुलोत्तरं देचिदिच्छन्ति तान्त्रिकाः |
सूर्यग्रहे चतुर्यामं चन्द्रे यामत्रयं भवेत् || ३९ ||

वेधः प्रोक्तो महेशानि पूर्वयोर्दृष्टिवेधनम् |
न भोक्तव्यं तत्र देवि स्नानदानादिकं चरेत् || ४० ||

ग्रस्तोदयं समारभ्य ग्रस्तास्ते च महेश्वरि |
शास्त्रदृष्ट्या समालोष्य स्नानदानादिकं चरेत् || ४१ ||

कदा लग्नं कदा मुक्तिः सर्वं ज्ञात्वा प्रयत्नतः |
स्नानदानादिकं कार्यं नान्यथा शाङ्करं वचः || ४२ ||

नोपवासं प्रकुर्वीत जीवत्पुत्रो हि कर्गिचित् |
ग्रस्तास्ते पुर्वमुक्तस्य नोपवासः प्रकीर्तितः || ४३ ||

ग्रस्तोदये पूर्ववेधे न भोक्तव्यं कदाचन |
अत्र केचिदपीच्छन्ति पशवः शास्त्रमोहिताः || ४४ ||

प्. ६७) उपवासं प्रकृर्वीत ग्रस्तास्ते परमेश्वरि |
शास्त्रदर्शन सन्दर्शः प्रत्यक्षे पूर्णरूपता || ४५ ||

दिव्यानामपि देवेशि अङ्गुलद्वयतो भवेत् |
उपावासास्त्रिरात्रं तु शैवानां परिकीर्तितः || ४६ ||

विष्णुगाणपसौराणां द्विरात्रं परिकीर्तितम् |
शाक्तानां पूर्वरात्रं तु पुरश्चर्यायुतो भवेत् || ४७ ||

पुरश्चरणहीनानां नोक्तमेतन्मया तव |
चान्द्रे स्वायम्भुवे देवि द्विरात्रं परिकीर्तितम् || ४८ ||

नैमित्तिकं द्वयं यत्र तत्राल्पं काम्यवाचकम् |
इति संक्षेपतः प्रोक्तं सम्प्रदायफलं शृणु || ४९ ||

केरलश्चैव काश्मीरो गौडश्चैव तृतीयकः |
सम्प्रदायत्रयं प्रोक्तं सर्वसिद्धिप्रवर्तकम् || ५० ||

सम्यक् प्रदीयते ज्ञानं सम्प्रदायः प्रकीर्तितः |
कामादिदोषरहितः कादिहादिमतेश्वरः || ५१ ||

वाञ्छिता कल्पिता सिद्धिः मनोरथमयी तथा |
सर्वैश्वर्यं भवेदेवि लोके रत्नमिवापरः || ५२ ||

ललाटरेखां संमार्ज्य नवीनां निर्मितां चरेत् |
विद्यारश्मिमहामन्त्रमन्त्रमण्डलसंयुतः || ५३ ||

महाविद्यामण्डलेशः साम्राज्यमण्डलान्वितः |
अष्टाष्टकसमाउक्तः पञ्चपारायणान्वितः || ५४ ||

शाम्भवप्रश्नसंयुक्तो * * * * दिविद्भवेत् |
चतुःसन्ध्यासमायुक्तः पञ्चपारायणान्वितः || ५५ ||

वाञ्छाकल्पलतायुक्तो मन्त्रमण्डलनाम च |
महाविद्यासमायुक्तः पादुकादशकान्वितः || ५६ ||

पञ्चषोढासमायुक्तः कादिहादिमतेष्वपि |
यस्य प्राणमनो देवि मुर्तिस्फोटादिचालनम् || ५७ ||

हासनं कम्पनं वाक्यं मुखादुच्चार्यते स्फुटम् |
षष्टिसिद्धीश्वरो यस्तु केरलः परिकीर्तितः || ५८ ||

काश्मीरं शृणु देवेशि सावधानमना भव |
कार्पण्यादिविरहितः वामादिगुणसंयुतः || ५९ ||

उभयोर्ध्वाम्नाययुक्तो राज्यदातृत्वशक्तिवित् |
चतुर्विंशतिसिद्धानामाधिपो नरपुङ्गवः || ६० ||

प्. ६८) एकत्रोर्ध्वाम्नाययुक्तः स काश्मीरः प्रकीर्तितः |
उभयोर्ध्वाम्नाययुक्तो महाकाश्मीर ईरितः || ६१ ||

अथ गौडं महेशानि कथ्यते शृणु साम्प्रतम् |
गीर्वाणगणसंवादी गारुडादिप्रणाशकः || ६२ ||

श्रीमद्ज्ञानसरस्वत्याः पारगामी नरस्तु यः |
भुवनानन्दकृद्वीरः स्त्रीभक्तो विजितेन्द्रियः || ६३ ||

डामर्यादिकलायुक्तः पूर्णदीक्षासमन्वितः |
उक्ताधिकारसंपन्नः पूर्वमत्रापि पार्वति || ६४ ||

अष्टाष्टकादिसंयुक्तः समयाचारपालकः |
महाबलो महोत्साहो गौड इत्यभिधीयते || ६५ ||

पूर्वगौडो मध्यगौडो द्विविधः पूर्ववद्भवेत् |
इति गौडस्तु संप्रोक्तः सर्वसिद्धिप्रदायकः || ६६ ||

अणिमाद्यष्टसंयुक्तः श्रीगौडः परिकीर्तितः |
सम्प्रदायत्रये देवि विकल्पं पूर्वमीरितम् ||६७ ||

परमेशजपासक्तः सर्वसत्त्वदयान्वितः |
त्यागी भोक्ता विनीतश्च तिथिनित्याप्रपूजकः || ६८ ||

परनिन्दा परद्रोहो परीवादो महेश्वरि |
परस्त्रीपरवित्ते च षष्ठश्चैव प्रतिग्रहः || ६९ ||

वर्जयेत्सर्वमेतद्धि सङ्ख्यामन्यां शतं भवेत् |
प्रद्रोहं परीवादं परवित्तं प्रतिग्रहम् || ७० ||

परवार्तो विशेषेण शाक्ते पञ्च विवर्जयेत् |
वटुकस्य मतं प्रोक्तं शङ्करस्य मतं शृणु || ७१ ||

परान्नं परहस्तं च सर्वथा परिवर्जयेत् |
परहस्तः सर्वपुण्यजपपूजाहरः स्मृतः || ७२ ||

अन्यमन्त्रं जप्यमानस्त्वन्यदेवेषु तत्परः |
संप्रदायेन सम्भिन्नः सर्वदोषसमन्वितः || ७३ ||

लोलुपश्चैवपाषण्डः प्रोक्तः कलियुगे नरः |
तेन यत्क्र्यते पापं सदसद्वा महेश्वरि || ७४ ||

तद्धस्तभोजी देवेशि तदंशं लभते ध्रुवम् |
भित्ताहारी जपासक्तो गुरुभक्तो जितेन्द्रियः || ७५ ||

प्. ६९) सत्यवक्ता महेशानि नरश्चैव सदा भवेत् |
दानादिगुणसंयुक्तो हस्ताद्भोजनमाचरेत् || ७६ ||

विशेषेण महेशानि स्त्रीहस्तं परिवर्जयेत् |
स्त्रीशूद्रालापनं देवि कर्तव्यं न कदाचन || ७७ ||

इदं पशुमते प्रोक्तं दिव्यानां पूर्वमीरितम् |
पूर्वोक्तं शक्तिमानीय सर्वलक्षणलक्षितम् || ७८ ||

घृणालज्जादिरहितां समानीय प्रयत्नतः |
न्यासजालादिकं सर्वं पूर्ववत् परमेश्वरि || ७९ ||

* * विकसितं कृत्वा सर्वसौगन्धसंयुतः |
पूजयेद्देवताबुद्ध्या विकारपरिवर्जितः || ८० ||

* * * तु विधायादौ ततो ग्रहणमाचरेत् |
तत्कुण्ड * * * कुर्वन् जपं कुर्यान्निरन्तरम् || ८१ ||

तत्र * * ततो दत्त्वा जपं कुर्यादनन्यधीः |
* * * देवि जपेदकमनाः प्रिये || ८२ ||

पुनरालोच्य संजप्य सम्बुध्य परमेश्वरि |
सर्वसिद्धिश्वरो भूयाच्छिवतुल्यो नरो भवेत् || ८३ ||

तद्धस्तनिःसृतजलं दिव्यमुक्तासमं भवेत् |
हीरकः स्फटिको भूयान्मन्त्रः स्वर्णकरं भवेत् |
इति संक्षेप्ततः प्रोक्तं किमन्यच्छ्रोतुमिच्छसि || ८४ ||

इति श्रीशक्तिसङ्गमतन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे शक्तिपूजाकथनं नाम 
चतुर्दशः पटलः || १४ ||


पञ्चदशः पटलः

ईश्वर उवाच

स्त्रीस्वरूपं पुंस्वरूपं गवाक्षयोगवर्णनम् |
सिद्धेश्वर्यादिविज्ञानं वीरपत्न्यादिलक्षणम् || १ ||

चातुर्वर्ण्यकुले देवि चातुर्णां चाभिचारतः |
भिन्नतीर्थप्रकथनं तद्वेश्यातीर्थनिर्णयम् || २ ||

पञ्चाशत्पीठदेवीनां वेश्यात्वाद्व्यभिचारतः |
पञ्चाशत्पीठदेवीनां वेश्यात्वाद्व्यभिचारतः || ३ ||

कथ्यते देवदेवेशि सावधानमना भव |
सुन्दरीं तरुणीं रम्यां चार्वङ्गीं चारुहासिनीम् || ४ ||

गुरुभक्तां जपासक्तां महाकामकुतूहलाम् |
दर्शनान्मोहिनीं साध्वीं कटाक्षादिप्रमोचनम् || ५ ||

केशरञ्जनसंयुक्तां वस्त्ररञ्जनसंयुताम् |
गर्भ * * कलायुक्तां पुष्पोत्पाटनतत्पराम् || ६ ||

नानापाककलायुक्तां लेह्यपेयादिसत्कलाम् |
शययासंरञ्जनीं दिव्यां मुखवासादिरञ्जिनीम् || ७ ||

गीततालभृङ्गादिवीणावादनतत्पराम् |
काव्यालापसमस्यादिपल्लवादिसमन्वितम् || ८ ||

नानाचित्रकलायुक्तां सौरम्य * * न्विताम् |
* * शातनसंयुक्तां सत्कुचां करुणाकुलाम् || ९ ||

* * स्थूलदीर्घकरां नानाभरणभूषिताम् |
* * * * देवेशि ह्यविकारपरायणाम् || १० ||

* * * * * विकारपरिवर्जिताम् |
नायिकाष्टतुल्ययुक्तां क्रोधमात्सर्यवर्जिताम् || ११ ||

सर्वदोषविहीना या सा शक्तिः परिकीर्त्तिता |
पुंस्वरूपं महेशानि कथ्यते शृणु साम्प्रतम् || १२ ||

नानाविलासकुशलः सर्वशक्तिसमन्वितः |
तरुणः सुन्दरः शूरश्चिर * * * कारकः || १३ ||

दीर्घ * * दृढाघाती * * * च तत्परः |
कामशास्त्रकलायुक्तो मन्त्रनाड्यौषधान्वितः || १४ ||

प्. ७१) स्तम्भज्ञानी * * वृद्धिस्थूलदीर्घक्रियान्वितः |
मकारपञ्चकासक्तो गुरुभक्तो जितेन्द्रियः || १५ ||

सर्वकालं जपासक्तः सर्वतन्त्रार्थतत्त्ववित् |
आकर्षणवशीकारस्तथाच्चाटनतत्परः || १६ ||

ज्ञानविज्ञानसंयुक्तः कामादिदोषवर्जितः |
संगीतवाद्यवीणादि काव्यनाट्यकुलाग्रणीः || १७ ||

पल्लवानां तु विज्ञाता कुलभक्तो महोत्तमः |
* * * चालोच्य विकारादिविवर्जितः || १८ ||

स्त्रीस्वरूपस्य विज्ञानी देहज्ञानी तथापरः |
शापानुग्रहणे दक्षः सर्वभूतदयापरः || १९ ||

सर्वचक्रस्य विज्ञानी दिव्याम्बरविभूषितः |
दिव्याभरणसंयुक्तः सर्वसौगन्धसंयुतः || २० ||

सर्वदा धूपगेहस्थस्त्रैकाल्य ज्ञानवित्परः |
स्त्रीरूपज्ञानसम्पन्नः सर्वदा तत्स्वरूपवान् || २१ ||

समस्याकोशविज्ञानी गेहरञ्जनसंयुतः |
ईद्दग्विधो महेशानि साधनार्हो न चाऽन्यथा || २२ ||

तत्रापि कालिकाभक्तः कलौ दुर्लभ एव च |
एवं गुणान्समालोच्य सस्मितास्यो महेश्वरि || २३ ||

साधनां कारयेद्देवि नान्यथा शाङ्करं वचः |
त्रिधा त्रिशक्तिसंजापी गवाक्षे योगमभ्यसेत् || २४ ||

देवालये नदीतीरे रम्ब्ये वा यत्र कुत्रचित् |
धूपामोदगृहं गत्वा भूतशुद्ध्यादिसंयुतः || २५ ||

ऋषिच्छन्दादिषोढान्तं कुल्लुकान्तं महेश्वरि |
कृत्वा ध्यात्वा महेशानि गवाक्षे दृष्टियोजनम् || २६ ||

अङ्गुष्ठादिशिखान्तं हि समालोच्य जपं चरेत् |
भ्रामरं सूर्यबिम्बं च त्रिवेणीपुष्करं तथा || २७ ||

तिलपुष्पं खञ्जरीटं चम्पकं कामरूपकम् |
अमृतं पुष्पितं देवि सङ्गीतं वाद्यमेव च || २८ ||

प्. ७२) समालोच्य जपेद्देवि कामगेहे विशेषतः |
एकद्वित्र्यादिक्षान्तं समालोच्य जपं चरेत् || २९ ||

तत्रेष्टपुष्पिनीं दृष्ट्वा कृत्वा संयोगमादरात् |
गवाक्षयोगसमर्थ्यात् जपं कुर्यादनन्यधीः || ३० ||

अष्टावधानी देवेशि भवत्येव न संशयः |
अथवाऽन्यप्रकारेण साधनान्तरमुच्यते || ३१ ||

कुलजां युवतीं वीक्ष्य * * * प्रदापयेत् |
* * * कारयेद्देवि गवाक्षमभ्यसेत्तथा || ३२ ||

* * * विलिहन् देवि स्वरसं च ततः परम् |
एवं मासाष्टकं कुर्यात्सिद्धिदाता न चान्यथा || ३३ ||

दशावधानी देवेशि भवत्येव न चाऽन्यथा |
वीरपत्नीं समानीय शवशययां समाचरेत् || ३४ ||

वीरसाधनवत्कृता शवमासाद्य यत्नतः |
* * * * * स्थाप्य सप्त * * * योगतः || ३५ ||

गवाक्षयोगमासाद्य तत्रैव परमेश्वरि |
वर्षमात्रं जपेद्देवि कालीतुल्यो नरो भवेत् || ३६ ||

शतावधानी देवेशि भवत्येव नरोत्तमः |
अथवाऽन्यप्रकारेण साधनान्तरमुच्यते || ३७ ||

महाशवमध्यभागे भूमा वासाद्य यत्नतः |
मृदुचूडकमुण्डानि कोमलं च चतुर्थकम् || ३८ ||

क्रमेण दिक्षु संयोज्य तत्र शक्तिं समानयेत् |
आसनं तत्र सन्दत्वा महाव्याघ्रासनं तथा || ३९ ||

तस्योपरि समानीय * * * विधाय च |
स्पर्श षट्कासनं कृत्वा जपं कुर्यादनन्यधीः || ४० ||

वर्षमात्रं जपेद्देवि समयादिषु तत्परः |
सहस्राद्यवधानं तु कर्तुं शक्तो नरो भवेत् || ४१ ||

कुंकुमं केशरं चापि समानीय प्रयत्नतः |
वामहस्ते तु संस्थाप्य दक्षिणे यन्त्रमालिखेत् || ४२ ||

प्. ७३) वामेन तर्पणं कुर्यात्सहस्रमयुतञ्च वा |
शक्तेर्मुखं समालोक्य तर्पणं सर्वदा चरेत् || ४३ ||

सर्वसिद्धीश्वरी भूयान्नात्र कार्या विचारणा |
सिद्धेश्वरीलक्षणं च कथ्यते शृणु साम्प्रतम् || ४४ ||

यस्या विवाह्यते कन्या सा चेद्वीराङ्गना यदि |
सापि * * यदि भवेत्तदा सिद्धेश्वरी मता || ४५ ||

केलिकुञ्ची महेशानि व्यभिचारपरायणा |
कुलीनस्य तु या भार्या सापि * * भवेद्यदि || ४६ ||

वागीश्वरीति विख्याता महापीठेश्वरी परा |
श्यालिका यदि चे * * * * स्वादनतत्परा || ४७ ||

विशालाक्षीति सा प्रोक्ता सर्वसिद्धिप्रदर्शिका |
श्यालकस्य तु या कन्या सा यदा व्यभिचारिणी || ४८ ||

कामाख्येति च विज्ञेया सर्वसिद्धिकरा भुवि |
तत्पत्यास्तु गृहे देवि शत * * वधिर्भवेत् || ४९ ||

महाराजेश्वरी ख्याता त्रैलोक्यसिद्धिदायिका |
वीरपत्नी स्वयं वीरा प्रोक्ता श्रीमन्महेश्वरी || ५० ||

तत्सुता कुलविद्यानामाद्या श्रीत्रैपुराम्बरा |
तत्सुता भुवनेशानि शक्तस्य शाङ्करी कला || ५१ ||

दिव्यस्य विमला प्रोक्ता पूर्णस्य कालिका स्मृता |
ऊर्ध्वादि सर्वसाम्राज्यमेधान्तं परमेश्वरि || ५२ ||

विद्याराज्ञीं समारभ्य हंसकाल्यन्तगं भवेत् |
विलोमेन महेशानि तद्भार्यानाम कीर्त्तितम् || ५३ ||

गुरुपत्नीति कामेशी तत्सुता बालिका स्मृता |
लोपामुद्रा तत्स्नुषा स्याच्चातुर्वर्ण्यक्रमं शृणु || ५४ ||

द्विजस्त्री यदि चे * * सा प्रोक्ता कुलसुन्दरी |
त्वरिता सैव सम्प्रोक्ता व्यभिचारपरायणा || ५५ ||

क्षत्रियस्य तु कन्या च स्नुषा * * दियोगतः |
कौलिनी माधवी देवि वाराही कामसुन्दरी || ५६ ||

मोहिनीति क्रमेणैव व्यभिचारक्रमेण च |
वैश्यस्त्री यदि चे * * व्यभिचारपरायणा || ५७ ||

प्. ७४) स्वप्नावती भोगवती नित्या क्लिन्ना च कुक्कुटी |
अघोरा सिद्धचामुण्डा सुतास्नुषा क्रमेण च || ५८ ||

शूद्रपत्नीसुता कुञ्ची * * वा व्यभिचारतः |
अश्वारूढा च धनदा कुब्जिका शबरेश्वरी || ५९ ||

अनङ्गमाला नीलाख्या क्रमेण परिकीर्त्तिता |
इति संक्षेपतः प्रोक्तं किमन्यच्छ्रोतुमिच्छसि || ६० ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे गवाक्षयोगवर्णनं 
नाम पञ्चदशः पटलः || १५ ||


षोडशः पटलः |

श्रीदेव्युवाच |

देवेश श्रोतुमिच्छामि नवरात्रस्य निर्णयम् |
नवरात्रे समायाते किं कर्तव्यं च तद्वद || १ ||

नवरात्रीति किन्नाम कथं जातं किमात्मकम् |

श्रीशिव उवाच |

नवशक्तिभिः संयुक्तं नवरात्रं तदुच्यते || २ ||

एकैव देवदेवेशि नवधा परिनिष्ठिता |
शयनं बोधनाख्यं च नवरात्रं द्विधा || ३ ||

शयनं चैत्रमासीयमाश्विनस्थं तु बोधनम् |
द्वाभ्यां तु समुपोष्यैव सर्वसिद्धिं लभेन्नरः || ४ ||

निराहारी फलाहारी त्वेकेभक्तो दृढव्रतः |
नक्तभोजी हविष्याशी यथाशक्त्या समाचरेत् || ५ ||

नवरात्रव्रतासक्तो नवनाथो भवेद्ध्रुवम् |
गौडकाश्मीरद्रविडमार्गेण विविधं भवेत् || ६ ||

अमायुक्ता न कर्तव्या प्रतिपत्कालिकार्चने |
अष्टम्यन्तं समाचर्य ततोऽष्टम्यान्तु होमयेत् || ७ ||

अर्धरात्रे समायता मूलविद्याऽपि पार्वति |
साऽष्टमी सर्वकार्याणां कर्त्रीं भवति || ८ ||

होमपूजादिकं तत्र कुर्याद्यत्नेन पार्वति |
द्वितीये दिवसे चेत्स्यात्तदेवोपोषणं चरेत् || ९ ||

प्रतिपद्युक्तमल्पं वा यदि न स्यात्परेऽहनि |
अमायुक्तं तदा कुर्यात्त्यक्त्वा षोडशनाडिकाः || १० ||

घटिकाः षोडश त्याज्या आद्याः प्रतिपदस्तु याः |
कलशस्थापनं कुर्यात्कल्याणं जायते ध्रुवम् || ११ ||

नवम्यां पारणं कुर्याद्दशम्यां तु विसर्जनम् |
काश्मीराख्यक्रमं देवि शृणु यत्नेन पार्वति || १२ ||

नवरात्रं निराहारो होमोऽष्टम्यां समाचरेत् |
नवम्यां विप्रभोज्यं स्याद्दिग्वेधे पारणां चरेत् || १३ ||

नवरात्रं निराहारो निर्विकल्पो जितेन्द्रियः |
अष्टमी नवमीसन्धौ होमोऽष्टम्यां समाचरेत् || १४ ||

प्. ७६) नवम्यां विप्रभोज्य स्याद्दशम्या पारणं चरेत् |
केरलाख्यः क्रमः प्रोक्तो निर्णयं शृणु पार्वति || १५ ||

तिथिक्षये तथा वृद्धौ यथोक्तेन तु वर्त्मना |
अष्टमीनवमीप्राप्तौ पूर्ववेधे न दुष्यति || १६ ||

अष्टम्यामर्धरात्रौ तु यत्किञ्चित्कुरुते नरः |
तत्तदक्षययमायाति नवदुर्गाप्रयोगतः || १७ ||

एकोत्तरप्रवृद्ध्या वा स्तोत्रजापादिकं चरेत् |
प्रथमेऽह्नि कृतं यावत्तावत्कुर्याच्च वा सुधीः || १८ ||

उदयास्तमयं जप्त्वा त्रैलोक्यविजयी भवेत् |
नवरात्रव्रते स्त्रीणा * * योगो यदा भवेत् || १९ ||

सैव देवी न सन्देहस्ताम्पूज्य विजयी कलौ |
ताम्बुलागुरुकस्तूरीदिव्याम्बरविभूषणैः || २० ||

शक्तीनां नवरात्रादौ ताम्बूलभक्षणं सदा |
सूर्योदयं समारभ्य पुनः सूर्योदयान्तरम् || २१ ||

तावज्जप्त्वा निरातङ्कः सर्वसिद्धीश्वरो भवेत् |
एकासनगतो भूत्वा नवरात्रे तु शाम्भवीम् || २२ ||

मुद्रामालम्बयेद्देवि नवनाथाधिपो भवेत् |
गृहारामे च कर्तव्या निर्ज्जने पर्वतेऽपि वा || २३ ||

अधोमुखं वा देवेशि नवरात्रं निरम्बुभुक् |
स्वमाच्छाद्य मृदा देवि तत्र संस्थापयेद् घटम् || २४ ||

यवाङ्कुरान्समारोप्य साम्भवीं मुद्रिकां चरेत् |
दृढासनी वा शयनी यथादिष्टं समाचरेत् || २५ ||

कापालिकावधूतानां व्रतमेततन्मयोदितम् |
आज्ञा भवति देवेशि तदैवोपोषणं चरेत् || २६ ||

आज्ञा यदि न जायेत तदां ग्रामाधिपस्य च |
देशाधिपस्य विप्रस्य पूजकस्य स्त्रियस्तथा || २७ ||

आज्ञां गृहीत्वा देवेशि वरं प्रार्थ्य सुखी भवेत् |
भक्तप्रीता महादुर्गा स्वयमाज्ञां प्रयच्छति || २८ ||

वीरशाक्त विधानेन चण्डदर्पव्रतं चरेत् |
जिह्वां संप्रोथ्य यत्नेन द्विवेदरसनाङ्गुलम् || २९ ||

प्. ७७) पुनरायाति सा जिह्वा तेन सिद्धीश्वरो भवेत् |
नवरात्रं समासाद्य महाष्टम्यां निशामुखे || ३० ||

देवीं सम्पूज्य यत्नेन सङ्कल्पं कामनान्वितम् |
शिरःपुष्पं कर्तयित्वा पूर्णमध्यकनिष्ठतः || ३१ ||

यन्त्रमध्ये निवेद्याऽथ शिवतुल्यो भवेद्ध्रुवम् |
पुनः शिरः समायाति महाचीनवरः स तु || ३२ ||

अथवाऽन्यप्रकारेण प्रयोगः कथ्यते शृणु |
नवरात्रं निराहारः श्रद्धाभक्तिसमन्वितः || ३३ ||

महाष्टम्यामर्धरात्रे अङ्गुष्ठात् मस्तकावधिः |
मांसान् संकर्त्त्य यत्नेन यथोक्तं कुण्डमारभेत् || ३४ ||

होमयेत्तत्र देवेशि देवी प्रत्यक्षतामियात् |
देवी देहो भवेत्तद्धि नात्र कार्या विचारणा || ३५ ||

अथवाऽन्यप्रकारेण प्रयोगः कथ्यते शृणु |
नवरात्रं निराहारो गुरुभक्तो महाव्रती || ३६ ||

कुण्डं पुरुषमात्रं तु कृत्वा तत्र विशेषतः |
पञ्चपल्लवकाष्ठानां वह्निं तत्र समाचरेत् || ३७ ||

अङ्गुष्ठान्मस्तकान्तं हि स्वदेहं होमयेद्व्रती |
अग्निशययां च वा कृत्वा देवीं पश्यति निश्चितम् || ३८ ||

न चापरक्रमेणैव लतागेहप्रवेशनात् |
भवेत्कल्पलतातुल्यः साधको नात्र संशयः || ३९ ||

अथवाऽन्यप्रकारेण प्रयोगः कथ्यते शृणु |
नवरात्रं निराहारो निर्विकल्पो जितेन्द्रियः || ४० ||

यं कंचिद्वै जपेन्मन्त्रं पत्रं पुष्पं फलं तथा |
मज्जनं दन्तकाष्ठं वा तद्गेहे भोजनं च वा || ४१ ||

जगत्त्रयं वशीकुर्यान्नात्र कार्या विचारणा |
अथवाऽन्यप्रकारेण प्रयोगः कथ्यते शृणु || ४२ ||

नवरात्रं निराहारो निर्विकल्पो दृढव्रतः |
यमुद्दिश्य क्रियां कुर्यात्तमेव वशमानयेत् || ४३ ||

भोजनं वाऽनयेद्देवि यस्य वश्यं समुद्दिशेत् |
कामबीजं साध्यनाम वशीकुर्विति चोच्चरेत् || ४४ ||

प्. ७८) स्वाहामुच्चार्य देवेशि प्रदीप्ते जठरानले |
होमयेद्यत्नतो देवि तद्गृहं वशमानयेत् || ४५ ||

अथवाऽन्यप्रकारेण प्रयोगः कथ्यते शृणु |
नवरात्रं निराहारः सत्यवादी जितेन्द्रियः || ४६ ||

सहदेवी वनं गृह्य (?) नवम्यां परमेश्वरि |
पूर्वोक्तमनुना देवि पत्रान् वा पिण्डमाहरेत् || ४७ ||

आजन्मान्तं वशीकुर्यात्तमेव सकुटुम्बकम् |
अथवाऽन्यप्रकारेण प्रयोगः कथ्यते शृणु || ४८ ||

नवरात्रं मौनयुक्तो वृक्षासनसमन्वितः |
पारणादिवसे प्राप्ते गोमुखं कारयेत्प्रिये || ४९ ||

पूर्वोक्तमनुना देवि होमयेज्जठरानले |
स्वगेहे तत्त्वरात्रेण तद्गेहे दिवसत्रयात् || ५० ||

आजन्मान्तं वशीकुर्यान्महादेवाधिकं नरम् |
अथवाऽन्यप्रकारेण प्रयोगः कथ्यते शृणु || ५१ ||

नवरात्रं निराहारो गुरुभक्तो महाव्रती |
वामाङ्गुष्ठोपरि स्थित्वा वेदरात्रं महेश्वरि || ५२ ||

दक्षाङ्गुष्ठोपरि तथा वेदरात्रं महेश्वरि |
नवम्यां पारणं कुर्याद्बिल्वपिण्डं प्रदापयेत् || ५३ ||

जगत्त्रयं वशीकुर्यान्नात्र कार्या विचारणा |
अथवाऽन्यप्रकारेण प्रयोगः कथ्यते शृणु || ५४ ||

होमं कुर्यान्महाष्टम्यां नवम्यां पारणं चरेत् |
सर्वस्वदानं कृत्वा तु त्रैलोक्यविजयी भवेत् || ५५ ||

अथवाऽन्यप्रकारेण पुरश्चरणमुच्यते |
गोमुत्राशी महेशानि नवरात्रं महेश्वरि || ५६ ||

यं कञ्चिद्वै जपेन्मन्त्रं नवम्यां होममाचरेत् |
नवम्यां पारणं कुर्याद्गोमुखेन महेश्वरि || ५७ ||

देवतादर्शनं भूयाद्रात्रौ स्वप्ने महेश्वरि |
अथवाऽन्यप्रकारेण प्रयोगः कथ्यते शृणु || ५८ ||

नवरात्रं जितग्रासो मौनव्रधरः शुचिः |
निर्द्वन्द्वो निरहङ्कारः सत्यवादी महामतिः || ५९ ||

प्. ७९) राजाकर्षणकामश्चेद्राजा सप्तदिगुन्मुखः |
पारणं चेच्छया कुर्याद्रात्रजापी सदा भवेत् || ६० ||

त्रैलोक्यं वशमायाति नात्र कार्या विचारणा |
संन्यासी शङ्करः प्रोक्तः कापाली कालभैरवः || ६१ ||

दिगम्बरो महाकालो ब्रह्मचारी वटुर्भवेत् |
कृष्णवर्णः स्मृतः कृष्णो गौरो ऋषिवरः स्मृतः || ६२ ||

रूपगन्धप्रभेदेन नाम प्रोक्तं महेश्वरि |
रूपजातिप्रभेदेन कुमारीनाम कीर्तयेत् || ६३ ||

गन्धभेदेन देवेशि दशविद्यादिकं भवेत् |
एवं ज्ञात्वा पारणं तु कुर्याद्यत्नेन शाम्भवि || ६४ ||

इति संक्षेपतः प्रोक्तं वाग्भेदं शृणु पार्वति |
वाक्सिद्धिर्द्विविधा प्रोक्ता शापानुग्रहकारिका || ६५ ||

महाकवित्वरूपैका द्वितीया परिकीर्तिता |
शापानुग्रहरूपाया भेदान्संशृणु || ६६ ||

मन्त्रद्वारा महेशानि स्वप्नद्वारा द्वितीयका |
प्रत्यक्षता तृतीया स्याच्चतुर्थी कर्णगोचरी || ६७ ||

आकाशगोचरा बाणसंख्याख्या परिकीर्त्तिता |
घटस्था दर्पणस्था च जलमण्डलमध्यगा || ६८ ||

एवमष्टविधा प्रोक्ता शापानुग्रहणी कला |
कवित्वाख्या महेशानि तद्भेदान् शृणु यत्नतः || ६९ ||

अष्टदिक्शतसाहस्रं महाश्रुतिधरी तथा |
दूतकाव्यं च घटिकाशतकाख्यं महेश्वरि || ७० ||

वाक्सिद्धिर्गदिता देवि लतारूपं शृणु प्रिये |
महाचीन द्रुमलतावेष्टितः साधकोत्तमः || ७१ ||

रात्रौ यदि जपेन्मन्त्रं सैव कल्पलतां भवेत् |
मुखे चन्द्रस्तु सीमन्ते रविः संकीर्तितो बुधैः || ७२ ||

नेत्रे कामः कर्णयुगे सनत्कुमार एव च |
अधरेऽमृतवाणीशो जिह्वायां तु सरस्वती || ७३ ||

कल्पद्रुमः कलियुगे कामधेनुर्ललाटयोः |
वाञ्छामणिः स्पर्शमणिः * * * परिकीर्तितौ || ७४ ||

प्. ८०) दक्षिणावर्तकम्बुस्तु कण्ठदेशः प्रकीर्तितः |
चिन्तामणिर्ह्डम्भोजे शेषो वेण्यां प्रतिष्ठति || ७५ ||

सप्तस्वर्गा मस्तकान्ते सप्तपातालकं नसि |
पादयोरवताराश्च जङ्घयोर्देवतागणाः || ७६ ||

नाभौ ब्रह्मा त्रिसूत्रे तु त्रिगुणात्मा सदाशिवः |
रोमावल्यां महाविष्णु * * ब्रह्माण्डगोलकम् || ७७ ||

पृष्ठवंशे राक्षसाश्च भाग्यलक्ष्मीर्मुखाम्बुजे |
दानलक्ष्मीः करयुगे हृदये करुणाभिधा || ७८ ||

* * युग्मे वीरलक्ष्मीर्देहः सौम्याभिधो भवेत् |
कुलशास्त्रे कीर्तिलक्ष्मीर्माने खड्गाभिधा भवेत् || ७९ ||

अनेककोटिब्रह्माण्डं * * मध्ये प्रतिष्ठति |
तत्त्वाग्निवेदभुवने द्वीपादौ लोकशक्तयः || ८० ||

वार्तालापे चतुर्वेदाः सर्वशास्त्राणि वै कटौ |
ब्रह्माण्डगोलके यच्च यत्किञ्चिज्जगतीतले || ८१ ||

तत्सर्वं शक्तिदेहे तु सर्वदा व्याप्य तिष्ठति |
शक्ति * * * मारभ्य मोक्षान्तपूर्वगं शिवे || ८२ ||

सर्वं तिष्ठति देवेशि क्रोधे संहारशक्तयः |
महामन्त्रास्तथा हासे महाविद्याः कटाक्षयोः || ८३ ||

वृक्षो जीवो लता जीवप्रदात्री परिकीर्तिता |
चीनद्रुमलतायास्तु माहात्म्यं परमेश्वरि || ८४ ||

विचित्रमेतद्देवेशि शृणु यत्नेन साम्प्रतम् |
अन्य वृक्षस्य मूलञ्च प्रोक्तं भूमितलं भवेत् || ८५ ||

एतद्वृक्षस्य मूलं तु मध्यभागे विराजते |
मध्ये भूमिर्महेशानि शाखाश्च परितः स्मृताः || ८६ ||

अधःशाखस्तूर्ध्वशाखो मूलं मध्ये च भूमिका |
जलं तत्रैव देवेशि प्रयागं तत्र कीर्तिता || ८७ ||

ब्रह्माण्डगोलं पुष्पं वै फलं बीजं च पार्वति |
तत्रैव तिठति प्राज्ञे वृक्षश्चलति सर्वदा || ८८ ||

वाणी वसति सानन्दा स्वेच्छाचारी निरङ्कुशः |
परमानन्दरूपा तु लता तस्याः प्रकीर्तिता || ८९ ||

प्. ८१) महानन्दस्वरूपाख्या चिदानन्दस्वरूपिणी |
पूर्णानन्दस्वरूपा सा महासमरसात्मिका || ९० ||

ब्रह्मानन्दस्वरूपा सा चिद्घनानन्दरूपिणी |
लता प्रोक्ता महेशानि संयोगानन्दरूपिणी || ९१ ||

जगत्त्रयं सैव सूते पञ्चभूतानि सैव च |
संहारकत्रीं सैव स्यान्मोक्षरूपा तु सा मता || ९२ ||

ब्रह्मारूपा तु सैव स्यान्मुक्तयस्तु चतुर्विधाः |
यन्मूलज्ञानमात्रेण सदा तिष्ठन्ति पार्वति || ९३ ||

सालोक्यश्चैव सारूप्यं सायुज्यं च तृतीयकम् |
सान्निध्यं च चतुर्थं स्यात्सर्वं शक्तौ प्रतिष्ठति || ९४ ||

नवशक्तिसमायुक्तो नवरात्राभिधो भवेत् |
कलावर्षं तु चैत्राख्यमाश्विनाख्यं तदुत्तरम् || ९५ ||

द्वाविंशद्वर्षपर्यन्तं कीर्तितं परमेश्वरि |
द्वात्रिंशद्वर्षपर्यन्तं प्रोक्ता दीपावली कला || ९६ ||

तदुत्तरं दारुणा स्यात्सर्वं शृणु महेश्वरि |
वर्षद्वादशपर्यन्तं मोहरात्रिः प्रकीर्तिता || ९७ ||

संयोगे योगनिद्रा स्यान्महानिद्रा विसर्जने |
आनन्ददीप्ता देवेशि विपरीता प्रकीर्तिता || ९८ ||

* * लापो सदा भूयात्सिन्दुराङ्कितभालकः |
* * साहस्रसन्दर्शान्मुक्तो भवति मानवः || ९९ ||

* * दर्शे दिव्य रूपः सिद्धो भवति मानवः |
भक्तियुक्तः प्रसन्नात्मा देवतातिथिपूजकः || १०० ||

अधोभागे वृक्षमूलमन्यवृक्षश्च तिष्ठति |
ऊर्ध्वे शाखास्तत्र पुष्पं फलं तत्र तदुत्तरम् || १०१ ||

शुष्कं बीजं भवेद्ब्रह्मा आलवालाञ्च मूलके |
जलं तत्र प्रदेयं स्याद्वृक्षकः पुरुषाधमः || १०२ ||

स्वमूलञ्च न जानाति पररक्षार्थमुद्यतः |
चीनद्रुमलतायास्तु मूलं चैवालवालकम् || १०३ ||

पुष्पं फलं तथा बीजमेकत्रैव प्रतिष्ठति |
स्वरक्षकः स्वयं देवि जलबिन्दुर्घटस्थितः || १०४ ||

प्. ८२) ध्वजस्तस्य च नालं स्यादिति सक्षेपतो मतम् |
सर्वमेकत्र सिद्धञ्च वृक्षे भिन्नं महेश्वरि || १०५ ||

पूर्ववृक्षस्तु निर्जीवः सजीवोऽयं महेश्वरि |
सर्वसिद्धः परः प्रोक्तो वृक्षोऽप्येवं महेश्वरि || १०६ ||

इति संक्षेपतः प्रोक्तं किमन्यच्छ्रोतुमिच्छसि |

श्रीदेव्युवाच |

देवेश श्रोतुमिच्छामि रहस्यातिरहस्यकम् || १०७ ||

यज्ज्ञानयोगतो देव त्रैलोक्यविजयी भवेत् |

श्रीशिव उवाच |

महाकल्पलतामूले विचिन्त्य स्वेष्टदेवताम् || १०८ ||

मनोतः समायोज्य चित्तं कोणगतं चरेत् |
तद्रूपः सन्महादेवि ध्यानयोगं समभ्यसेत् || १०९ ||

घटिकापञ्चकध्यानाद् वायुतुल्यो नरो भवेत् |
घटिकादशकध्यानात्पृथिव्यां जयमाप्नुयात् || ११० ||

घटीपञ्चदशध्यानाद्वह्निनाऽसौ न दह्यते |
घटिकाविंशतिध्यानात्सर्वाकर्षणकारकः || १११ ||

घटिकात्रिंशतिध्यानात्पूर्णसिद्धिमवाप्नुयात् |
अहोरात्रेण देवेशि मूलादीन्जपति प्रिये || ११२ ||

दिवसत्रितयध्यानादणिमाद्यष्टकं लभेत् |
ध्यानयोगं समभ्यस्य कुण्डलीध्यानभाग्भवेत् || ११३ ||

मार्गं विना महेशानि गतिश्चैव कथं भवेत् |
मार्गदर्शनकार्यार्थं लता प्रोक्ता किमिच्छसि || ११४ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे नवरात्रनिर्णयो नाम 
षोडशः पटलः || १६ ||


|| सप्तदशः पटलः ||

श्रीदेव्युवाच |

देवेश श्रोतुमिच्छामि रहस्यातिरहस्यकम् |

श्रीशिव उवाच |

रहस्यमपि देवेशि यन्न कस्यापि कीर्तितम् || १ ||

तदेव कथ्यते देवि यथावदवधारय |
ग्रहनं द्विविधं देवि बाह्याभ्यन्तरभेदतः || २ ||

चन्द्रकोटिनिका याङ्गं भवेदाभ्यन्तराभिधम् |
भावयोगात् क्रियायोगाद् द्विधा तत्रापि पार्वति || ३ ||

भावयोगो भवेच्छक्ते क्रिया योगविधौ स्मृता |
बाह्यं शृणु महेशानि सूर्यचन्द्रक्रमात् द्विधा || ४ ||

सूर्ये भेदत्रयं देवि चन्द्रे भेदत्रयं तथा |
सूर्योपरागो ग्रस्तास्तस्तथा ग्रस्तोदयः स्मृतः || ५ ||

चन्द्रेऽपि भेदत्रितयं शाक्तावपि त्रिधा त्रिधा |
सार्धद्वयाङ्गुलोत्तरं ग्रस्तास्तत्वं प्रकीर्तितम् || ६ ||

स्पर्शयुक्ते स्फुटत्वं च यस्मिन्काले प्रजायते |
स कालोऽक्षयरूपेण पुरश्चरणकर्मणि || ७ ||

चन्द्रसूर्यग्रहे देवि ग्रस्तावधि विमुक्तितः |
यावत्सङ्खयं मनुं जप्त्वा तावद्धोमादिकं चरेत् || ८ ||

पञ्चाङ्गं तावदेवस्याज्जपहोमौ समौ स्मृतौ |
सिद्धेश्वरीमतं प्रोक्तं सर्वसिद्धिप्रदायकम् || ९ ||

अथवाऽन्यप्रकारेण पुरश्चरणमुच्यते |
सूर्यचन्द्रोपरागे तु नाभिमात्रोदके स्थितः || १० ||

ग्रासाद्विमुक्तं पर्यन्तं कुर्यान्महेश्वरि |
तद्दशांशं होमयेद्धि तद्दशांशैस्त्रयं क्रमात् || ११ ||

दृष्टस्पर्शपुरश्चर्या दृष्टमुक्तौ समापनम् |
अनेन क्रमयोगेन सर्वसिद्धीश्वरो भवेत् || १२ ||

चन्द्रसूर्योपरागे तु नाभिमात्रोदके स्थितः |
नद्यां समुद्रगामिन्यां तडागे सङ्गमेऽपि वा || १३ ||

एकाङ्गुष्ठोपरि स्थित्वा ग्रासावधि विमुक्तितः |
पञ्चाङ्गां चाथ वाष्टाङ्गं दशाङ्गाख्यां पुरस्क्रियाम् 
|| १४ ||

प्. ८४) कुर्याद्यत्नेन देवेशि सर्वसिद्धीश्वरो भवेत् |
शास्त्रदृष्टया समालोक्य स्नानदानादिकाः क्रियाः || १५ ||

कर्तव्याश्च प्रयत्नेन नात्र कार्या विचारणा |
शास्त्रदर्शस्तु सन्दर्शः प्रत्यक्षे पूर्णरूपता || १६ ||

सूर्यग्रहणकालाद्धि नान्यः कालः प्रशस्यते |
मलापकर्षणं स्नानं कृत्वा पूर्वं विशालधीः || १७ ||

मुच्यमाने भवेद्दानं ग्रस्ते स्नानं प्रकीर्तितम् |
स्नानं मन्त्रोदितं कृत्वा तर्पणं त्वधिकारतः || १८ ||

सन्ध्यां तात्कालिकीं कृत्वा विमोक्षान्तं जपं चरेत् |
तावज्जप्त्वा निरातङ्कः सर्वसिद्धीश्वरो भवेत् || १९ ||

ऋतुस्नातां स्त्रियं ज्ञात्वा सूर्यचन्द्रग्रहान्तरे |
प्रतिपार्वणमासाद्य पिण्डं तस्यै प्रदापयेत् || २० ||

वन्ध्यापुत्रप्रदो योगः सर्वसिद्धिप्रदायकः |
सूर्योपरागे देवेशि स्नात्वा पूजां समाचरेत् || २१ ||

साङ्गां सावरणां पूज्य सबल्यन्तं महेश्वरि |
कुमारीपूजनं कृत्वा सर्वसिद्धीश्वरो भवेत् || २२ ||

सूर्योपरागे संप्राप्ते स्नात्वा पूज्य महेश्वरि |
तुला ब्रह्माण्डदानादि यथाशक्त्या समाचरेत् || २३ ||

देवतायै तन्निवेद्य सर्वसिधीश्वरो भवेत् |
चन्द्रसूर्यग्रहे देवि शतसंख्यां कुमारिकाम् || २४ ||

पूज्य सिद्धीश्वरो भूयान्नात्र कार्या विचारणा |
सूर्यग्रहे महेशानि काम्यहोमं चरन् शिवे || २५ ||

तर्पणं कुरुते यस्तु तस्य श्रीः सर्वतोमुखी |
मार्जनं तु प्रकर्तव्यं सर्वदुःखप्रशान्तये || २६ ||

सूर्यग्रहे समायाते परिधिर्यदि वै भवेत् |
पारिभद्राभिधो योगः सर्वसाम्राज्यदायकः || २७ ||

अल्प दृष्टे दिशा देवि मध्यग्रासे महेश्वरि |
मेघाच्छन्ने मुक्तिकाले स्नानदानादिकं चरेत् || २८ ||

जपमात्रं विधातव्यं मध्यग्रासे तु सूर्यवत् |
तारापिण्ड ग्रहे प्राप्ते तथा सूर्यग्रहेऽपि च || २९ ||

जपादिकं विधातव्यं शक्तिपूजां ततश्चरेत् |
सर्वसिद्धीश्वरी भूयान्नात्र कार्या विचारणा || ३० ||

प्. ८५) तारापिण्डोपरागे तु गुरुं सम्पूज्य देववत् |
सन्तोष्य तद्वरो ग्राह्यः सर्वसिद्धीश्वरो भवेत् || ३१ ||

तारापिण्डग्रहे प्राप्ते शवमानीय साधकः |
शवासने जपेद्देवि ग्रासानुग्रासतः शिवे || ३२ ||

सर्वसिद्धीश्वरो भूयात्तदन्ते शिवतां व्रजेत् |
सूर्योपरागे सम्प्राप्ते शुचिः पूर्वमुपोषितः || ३३ ||

ग्रासाद्विमुक्तिपर्यन्तं देहमांसानि होमयेत् |
सर्वसिद्धीश्वरो भूयाद्देवतां पश्यति प्रिये || ३४ ||

सूर्यग्रहः शिवः प्रोक्तश्चन्द्राख्यः शक्तिरेव च |
सूर्यग्रहे शक्तिदीक्षां पशुदीक्षां न कारयेत् || ३५ ||

चन्द्रग्रहे विष्णुदीक्षां पाञ्चरात्र न कारयेत् |
चन्द्रसूर्यग्रहे दीक्षा सर्वदीक्षा शुभा मता || ३६ ||

चन्द्रग्रहे शक्तिदीक्षा सर्वदीक्षोत्तमोत्तमा |
न वारतिथि ऋक्षादि न मासनियमस्तथा || ३७ ||

न योगकरणं वापि न विचारं समाचरेत् |
दमनोत्सवे च श्रवण्यां ग्रहनं यदि जायते || ३८ ||

समन्त्रश्च पुरश्चर्याविहीनोऽपि प्रसिद्धति |
चन्द्रसूर्यग्रहकालात् नान्यः कालः प्रशस्यते || ३९ ||

चन्द्रग्रहे पुरश्चर्या सर्वसिद्धिकरी मता |
घटिकार्धपूर्वमेव ग्रहणं परिवर्तते || ४० ||

तदा स्नानं विधातव्यं ग्रस्ते सङ्कल्पमाचरेत् |
विमोक्षान्तं जपं कुर्यात्सम्यक्ज्ञाते समापनम् || ४१ ||

सूर्याच्छादनमायाते घटिकार्द्धं विचारयेत् |
ततः समापनं कुर्यात्सिद्धो मन्त्रो भवेद्ध्रुवम् || ४२ ||

प्रमादात् गमिते योगे वसुविप्रान् प्रभोजयेत् |
यद्यदङ्गं विहीयेत तत्साङ्गे द्विजभोजनम् || ४३ ||

दशांशं हवनं कुर्ययात्तर्पणं तद्दशांशतः |
मार्जनं तद्दशांशेन दशांशेनाभिषेचनम् || ४४ ||

तद्दशांशं विप्रभोज्यं देवरूपो नरो भवेत् |
यद्यदङ्गं विहीयेत तत्संख्याद्विगुणो जपः || ४५ ||

द्वित्रिवेदवाणभेदैर्विप्रादीनां क्रमेण च |
अथवाऽन्यप्रकारेण पुरश्चरणमुच्यते || ४६ ||

प्. ८६) चन्द्रसूर्योपरागे तु मेरुसाधनमाचरेत् |
दुष्टमन्त्रोऽपि देवेशि क्रमेण सिध्यति ध्रुवम् || ४७ ||

अथवाऽन्यप्रकारेण पुरश्चरणमुच्यते |
सूर्योपरागे देवेशि शुद्धान्तःकरणो यती || ४८ ||

स्नात्वा यथोक्तविधिना सम्पूज्य जगदम्बिकाम् |
शिरःपुष्पं कर्त्तयित्वा देवतायै निवेदयेत् || ४९ ||

देवतां पश्यति शिवे वरदानपरां ध्रुवम् |
सूर्योपरागे सम्प्राप्ते स्नात्वा प्रोक्तेन वर्त्मना || ५० ||

शक्तिमानीय तद्गात्रे न्यासजालं प्रविन्यसेत् |
मद्यैर्मांसैस्तथा मत्स्यै * * * * * मृतैरपि || ५१ ||

देवतां तत्र सम्पूज्य साङ्गां सावरणां शिवे |
तत्र जिह्वां प्रदत्वा तु जपात्त्रैकाल्य विदभवेत् || ५२ ||

अतीतानागतज्ञानं वर्तमानं च पश्यति |
सूर्यग्रहे महेशानि * * मानीय सादरम् || ५३ ||

* * * * परिस्थाप्य जपेद्यत्नेन पार्वति |
त्रैलोक्यविजयी भूयान्नात्र कार्या विचारणा || ५४ ||

ग्रस्तोदयविधिर्देवि ग्रस्तास्तनिर्णयस्तथा |
पूर्वमेव मया प्रोक्तः शक्तियोगक्रमे शिवे |
इति संक्षेपतः प्रोक्तं किमन्यच्छ्रोतुमिच्छसि || ५५ ||

इति श्रीशक्तिसङ्गममहातत्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे ग्रहणलक्षणं नाम 
सप्तदशः पटलः || १७ ||


अष्टादशः पटलः |

श्रीदेव्युवाच |

पूजाचिह्नविधिं देव श्रोतुमिच्छामि साम्प्रतम् |

श्रीशिव उवाच |

यदाशाभिमुखो भूत्वा चक्रराजं समुद्धरेत् || १ ||

सैव प्राची महेशानि ताराछिन्नाविधौ स्मृता |
पूज्यपूजकयोर्मध्ये प्राची कालीविधौ स्मृता || २ ||

पुरन्दरमुखो मन्त्री पूजयेज्जगदम्बिकाम् |
देवीनामक्रमेणैव गौडे ताराविधौ स्मृता || ३ ||

स्ववामकालीदक्षाख्यक्रमेण कालिकाविधौ |
देवीपृष्ठदलारम्य गौडकाश्मीरयोर्विधिः || ४ ||

तदैवार्घ्यक्रिया देवि स्वदेवीक्रमतो द्विधा |
अर्घ्यश्च पीठपूजा च सिद्धासु कल्पितासु च || ५ ||

दिक्षु कार्या केरलाख्यकाश्मीरक्रमयोगतः |
अङ्गक्रमो महेशानि स्वस्वदेवीक्रमेण च || ६ ||

षट्कोणेषु षडङ्गानि वह्नीशादिक्रमेण वा |
बीजानां लेखनं देवि तथैव त्रिविधं मतम् || ७ ||

प्रसिद्धिदिक्क्रमेणैव केरलाख्यक्रमो भवेत् |
बीजलेखो गौडमार्गे कल्पितासु च दिक्षु च || ८ ||

प्रसिद्धदिक्षु काश्मीरे पीठ पूजनमीरितम् |
स्वसाम्मुख्यक्रमेणैव देवतां पूजयेत् || ९ ||

आग्नेययादिक्रमेणैव गौडे बलिचतुष्टयम् |
उग्रविधाविधौ देवि तिर्यग्भूत्वा प्रपूजयेत् || १० ||

गोपनीयं गोपनीयं गोपनीयं पुनः पुनः |
रहस्यातिरहस्यं च रहस्यातिरहस्यकम् || ११ ||

इति संक्षेपतः प्रोक्तं किमन्यच्छ्रोतुमिच्छसि |

श्रीदेव्युवाच |

देवेश श्रोतुमिच्छामि रहस्यातिरहस्यकम् || १२ ||

यन्न कस्य त्वया प्रोक्तं तदेव कथ्यतां शिव |

प्. ८८) श्रीशिव उवाच |

रहस्यातिरहस्यं च रहस्यातिरहस्यकम् || १३ ||

कथ्यते देवदेवेशि तत्र सावहिता भव |
अन्तरालं भवेत्प्राची पूज्यपूजकयोरपि || १४ ||

इयं छिन्नाविधौ प्राची विरूपाक्षस्य सम्मतम् |
देवपूजकयोरन्तः प्राची दिक्भैरवे मता || १५ ||

पूज्यपूजकयोर्मध्ये प्राची सैव तु केरले |
तद्दक्षिणं दक्षिणं स्यात् देवसाम्मुख्यमार्गतः || १६ ||

स्वदक्षिणक्रमेणैव भैरवे प्राग्विनिर्णयः |
यदाशाभिमुखो भूत्वा चक्रराजं समालिखेत् || १७ ||

सैव प्राची गौडमार्गे चीनमार्गक्रमे भवेत् |
पुरन्दरमुखो मन्त्री त्रिपुरा मुक्तमालिनी || १८ ||

देवीपृष्ठे तदा प्राची प्रतीची त्रिपुरा मता |
भानुर्यत्र सदोदेति सैव प्राचीति वैदिके || १९ ||

अपरा सूर्यसिद्धान्ते परिक्रमणमार्गतः |
स्वरसम्मुखे भवेत्प्राची देवीपृष्ठं तु पश्चिमम् || २० ||

सव्यं तु दक्षिणं विद्यात् दक्षिणं सव्यमेव च |
इति प्राचीक्रमः प्रोक्तः समताष्टकमार्गतः || २१ ||

तत्र नाथक्रमेणैव गुरुपंक्तिं प्रपूजयेत् |
देवतादक्षिणे देवि गुरुपंक्तिं प्रपूजयेत् || २२ ||

देवीमध्य त्रिकोणे तु गौडे तु गुरुपूजनम् |
दक्षवामऋष्ठपंक्तिक्रमेण गुरुपूजनम् || २३ ||

चैतन्याख्यमतं देवि त्रिरेखानन्दसम्मतिः |
त्रिपंक्तिक्रममार्गेण नाथमार्गे प्रपूजनम् || २४ ||

दक्षाङ्गं पुरुषश्रेष्ठं वामाङ्गं चण्डिकामनौ |
अत एव महेशानि वामहस्ते जपस्य च || २५ ||

समर्पणं निगदितं सर्वसिद्धिप्रदायकम् |
दक्षहस्ते तु पुरुषं जपान्तं तु समर्पणम् || २६ ||

गुरुपंक्तिर्वामभागे कल्पितप्राक्क्रमेण |
गुरुपूजाक्रमः प्रोक्तस्तर्घ्यद्वयक्रमं शृणु || २७ ||

प्. ८९) सामान्यार्घ्यविशेषार्घ्यौ द्वौ प्रोक्तौ यत्र पार्वति |
चतुष्पात्राणि सामान्ये घटस्त्वावश्यको मतः || २८ ||

यथा त्रिकोणं देवेशि बिन्दुना वर्जितं भवेत् |
यथा घटं विना देवि पूजा सर्वत्र वर्जिता || २९ ||

यथा दलं केशरेण वियुक्तं कर्मवर्जितम् |
तथा त्रिकोणं देवेशि बिन्दुना वर्जितं भवेत् || ३० ||

बिन्दुहीनं तु यद्यन्त्रं तद्यन्त्रं शववद्भवेत् |
बिन्दुयुक्तं तु यद्यन्त्रं तद्यन्त्रं सिद्धिदायकम् || ३१ ||

तथैवाष्टदलस्योर्ध्वं वृत्तं यत्नेन कारयेत् |
वृत्तं विना नाष्टदलं गर्भभूषणभेदतः || ३२ ||

पात्रद्वये महेशानि निर्णयं यत्नतः शृणु |
प्रोक्षणीपाद्यपात्रं च तथाचमनकं शिवे || ३३ ||

अर्घ्यश्च मधुपर्कश्च तथा पञ्चामृतं शिवे |
स्नानीयादि महेशानि सामान्यार्घ्येण वै भवेत् || ३४ ||

शिवपूजामपि शिवे सामान्यार्घ्येण केरले |
भैरवाणां प्रपूजा च सामान्यार्घ्येण गौडयोः || ३५ ||

विशेषार्घ्यं महेशानि गुरुपात्रं च भैरवे |
वीरपात्रं शक्तिपात्रं वीरपात्रं च योगिनाम् || ३६ ||

बलिपात्रं तथा देवि श्रीपात्रेण प्रकल्पयेत् |
केरलक्रम आदिष्टः श्रीसदाशिवसम्मतः || ३७ ||

बलिपात्रं वीरशक्तिं योगिनीपूर्वपात्रकम् |
विरूपाक्षमते प्रोक्तं वीरभद्रमतं शृणु || ३८ ||

सामान्यार्घ्यश्च श्रीपात्रमेकमन्यमहेश्वरि |
सामान्यार्घ्येण संसिद्धिर्विशेषार्घ्येण पूजनम् || ३९ ||

तृतीयेन महेशानि पाद्यादीनि प्रकल्पयेत् |
पञ्चाङ्गं कल्पयेद्देवि वीरभद्रमते शिवे || ४० ||

बटुकस्य मते देवि सामान्या प्रोक्षणी भवेत् |
देवीपूजा विशेषार्घ्ये सर्वं तार्त्रीयतश्चरेत् || ४१ ||

गुरूभैरववीरादिशक्तिश्च योगिनी तथा |
बलिपाद्यादि सर्वत्र तार्तीयेन समाचरेत् || ४२ ||

बटुकस्य मतं प्रोक्तमानन्दस्य मतं शृणु |
सामान्ये वीरपात्रं च शक्तिपात्रं विशेषके || ४३ ||

पगे नो. ९०, ९१, ९२ अन्द् ९३ मिस्सिन्ग्
 
प्. ९४) सम्प्रदायत्रयेणैव पात्राणां स्थापनं चरेत् |
महाकलामहानन्दवाणाग्निचन्द्रभेदतः || १०१ ||

स्थाप्य सम्पूजयेद्देवि पूर्वकल्पप्रभेदतः |
पात्रं प्राच्यां स्थानमध्ये पात्राणां चालनं यदि || १०२ ||

पुनरादि समारभ्य पात्राणां स्थापनं चरेत् |
पात्रसंघट्टनं देवि भूयात्प्रमादतः || १०३ ||

पुनः पात्राणि संस्थाप्य पूजयेज्जगदम्बिकाम् |
संस्थापिते पात्रवरे पात्रोत्सर्जनकं न हि || १०४ ||

विसर्जनमकृत्वा तु पुनस्तु पूर्ववद् यजेत् |
त्रिसन्ध्यं पूजयेद्देवि पात्रस्थापनमात्रतः || १०५ ||

स्थापितैरेकवारैस्तु तैः पात्रैः पूजयेच्छिवाम् |
विसर्जनोत्तरं देवि पात्राणामविसर्जनम् || १०६ ||

पूजा जाता महेशानि न कृतं च विसर्जनम् |
एवं क्रमेण देवेशि पूजयेद्गौडसम्मतम् || १०७ ||

पात्रासादनकं कर्म कृत्वादौ पूजनक्रमे |
सम्पूज्य देवतां तारां पात्राणां तु विसर्जनम् || १०८ ||

पुनः पात्राणि संस्थाप्य पूजां माध्याह्निकीं चरेत् |
पुनर्विसर्जनं कृत्वा पुनः स्थाप्य प्रपूजयेत् || १०९ ||

चैतन्याख्यः क्रमः प्रोक्तो महाभैरवसम्मते |
एवं क्रमेण देवेशि पात्रासिद्धिकरो भवेत् || ११० ||

पात्रं दिव्यमयं पश्येद्विशेषार्घ्यमय शिवे |
वीरपात्रं तु वीराणां शक्तीनां शक्तिपात्रकम् || १११ ||

अवीराणां महेशानि योगिनीपात्रमीरितम् |
गुरुपात्रं श्रीगुरूणां यतीनां भैरवाभिधम् || ११२ ||

कापालिकानां मुख्यं च बलिपात्रं प्रकीर्तितम् |
तद्भावेन तु शूद्राणां सर्वाभावे जलं पिबेत् || ११३ ||

दिव्यं देव्यग्रतः पानं वीरं वीरसमागमे |
अन्यथा पशुपानं च नरकार्थं प्रकीर्तितम् || ११४ ||

सामान्यार्घ्यविशेषार्घ्यावेकीकृत्य स्वयं पिबेत् |
घटद्रव्यं तु वीराणां वीराभावे स्वयं पिबेत् || ११५ ||

प्. ९५) स्थापयेत् याचकार्थं च पात्रे याचकसंज्ञके |
याचकार्थं च यत्पात्रं तत्पात्रं याचकं विदुः || ११६ ||

चक्रान्ते परमेशानि विशेषार्घ्यजलं शिवे |
देवीपीठे चक्ररूपं भ्रामयित्वा स्वयं मुखे || ११७ ||

क्षिपेद्देवेशि यत्नेन स्वयमादौ तु सङ्ग्रहेत् |
सामान्यार्घ्यजलेनैव जलं देव्यै समर्पयेत् || ११८ ||

ब्रह्ममन्त्रं समुच्चार्य देव्यै सर्वं समर्पयेत् |
महादिव्यामृतमयं पात्रं ज्ञात्वा महेश्वरि || ११९ ||

देवीस्वरूपं तद्ध्यात्वा गृह्नीयात्स्वयमादरैः |
मूलमन्त्रैश्च मन्त्रैर्वा अभिषिञ्चेत्स्वमूर्द्धनि || १२० ||

स्निग्धभूमौ तज्जलं तु क्षिप्त्वा मायां लिखेच्छिवे |
मन्त्रेणानेन देवेशि तिलकं कारयेद्ध्रुवम् || १२१ ||

यं यं स्पृशति हस्ताभ्यां यं यं पश्यति चक्षुषा |
स एव दासतां याति यदि शक्रसमो नरः || १२२ ||

इति सर्वं विधानेन ज्ञात्वा कर्माणि कारयेत् |
इति संक्षेपतः प्रोक्तकिमन्यच्छ्रोतुमिच्छसि || १२३ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे 
पूजाचिह्नविधिर्नामाष्टादशः पटलः || १८ ||


एकोनविंशतिः पटलः |

श्रीदेव्युवाच |

देवेश श्रोतुमिच्छामि आरार्त्तिकविनिर्णयम् |

श्रीशिव उवाच |

दशदीर्घविंशतिभिः पञ्चभिर्नवभिश्च वा || १ ||

अष्टभिस्तत्त्वसंख्याभिः कुर्यादारार्त्तिकं बुधः |
त्रिकोणं चैव षट्कोणं मध्ये बिन्दुं निपातयेत् || २ ||

तत्तद्विद्यामयैर्यन्त्रर्विशेषार्घ्यमयेन वा |
आदौ तु भैरवीयन्त्रं चक्रमुद्रां प्रदर्शयेत् || ३ ||

समस्तयोगिनीचक्रे परिवारसमन्विते |
आरार्त्तिकं गृहाणेदं देवते प्रीतिहेतवे || ४ ||

मन्त्रेणानेन देवेशि कुर्यादारार्त्तिकं बुधः |
माषैस्तिलैस्तण्डुलैर्वा गोधूमैर्यवजैरपि || ५ ||

ओदनोत्त्याः शर्करोत्त्या हरिद्राः केशरोद्भवाः |
अष्टगन्धोद्भवा गौडा दीपा यत्नेन कारयेत् || ६ ||

दीपानां रक्तपीतानां वश्यस्तम्भाभिधं पहलम् |
इति संक्षेपतः प्रोक्तं किमन्यच्छ्रोतुमिच्छसि || ७ ||

श्रीदेव्युवाच |

देवेश श्रोतुमिच्छामि पात्रसिद्धेस्तु लक्षणम् |

श्रीशिव उवाच |

पात्रं तेजोमयं पश्येत्पात्रसिद्धेश्च लक्षणम् || ८ ||

तत्पात्रबिन्दुग्रहणादेति देवस्वरूपताम् |
ऊर्ध्वोर्ध्वक्रमणं भूयात्पात्रस्पर्शमात्रतः || ९ ||

मृतरूपोऽपि देवेशि पात्रस्पर्शेन जीवति |
दुर्जना भैरवा विद्यापात्रं पश्यन्ति दीपवत् || १० ||

महाज्वालानिभं पश्येद्देवताहस्तदर्शनम् |
षडङ्गमपि संपश्येत्तत्र निर्याततेजसि || ११ ||

तेजोमध्ये समुद्यन्ति साधकाग्रे न संशयः |
पात्रं चलति देवेशि देवताग्रेऽतिसादरम् || १२ ||

प्. ९७) वाणीं वदति देवेशि शान्तिस्तोत्रमयीं पराम् |
दुष्टान्धीकरण देवि माषानां करवीरताम् || १३ ||

मद्यानां दुग्धतामेति मत्स्यानां मूलकन्दताम् |
यागे भैरवता देवि शक्तौ दीपस्वरूपता || १४ ||

होमकुण्डस्वरूपत्वं मंत्राध्वातत्त्वरूपता |
देवतारूपता देवि पात्रसिद्धेरियं मता || १५ ||

पात्रमासाद्य देवेशि यन्त्रं पीठे निवेशयेत् |
बीजहीनं तु यद्यन्त्रं तद्यन्त्रं शववद्भवेत् || १६ ||

बीजयुक्तं सिद्धिरूपं सजीवं परिकीर्तितम् |
जीवचक्रं यथा देवि तथा यन्त्रं सजीवकम् || १७ ||

प्रसिद्धप्राचीमार्गेण केरले बीजलेखनम् |
कल्पिता प्राक्क्रमेणैव गौडकाश्मीरयोर्लिपिः || १८ ||

स्वसाम्मुख्यक्रमेणैव चैतन्ये बीजमेलनम् |
स्ववामदक्षभेदेन नन्दनाथे क्रमाल्लिपिः || १९ ||

देवतादक्षवामाख्यक्रमाच्चिद्घनभैरवौ |
एवं लेख्यक्रमाज्ञानात्पूजनात्तत्र सिध्यति || २० ||

ध्यानरूपा महाविद्या यद्बिन्दौ दिव्य रूपताम् |
रूपमासाद्य देवेशि सदा तिष्ठति यत्र वै || २१ ||

यत्किंचित् लेखनेनैव तदेव सिद्धिदायकम् |
यन्त्रसिद्धिरियं देवि लक्षणाभिः क्षणे क्षणे || २२ ||

भवन्ति सिद्धिरूपाणि देहसिद्धिकराग्रके |
रहस्यातिरहस्ये च रहस्यं योनिवत्कुरु || २३ ||

इति सक्षेपतः प्रोक्तं घटसिद्धिं शृणु प्रिये |
यद्घटस्थापनेनैव देवता करगा भवेत् || २४ ||

सर्वचक्रं सर्वरूपं सर्वदेवमयं शिवम् |
आनन्दभैरवं पश्येद् घटमध्ये निरन्तरम् || २५ ||

तेजःस्वरूपो वाञ्छाख्यो मणिः कल्पलतामयः |
सुधारसमयीं वाणीं अमृतस्यन्दनिर्झराम् || २६ ||

वाणीं वदति देवेशि देवतानां निवेदनात् |
स्वयं करोति देवेशि स्वयं नीलासमो घटः || २७ ||

प्. ९८) तद्गेहगमनाद्देवि मूको वदति शारदाम् |
सहस्त्रशतधारां च महाश्रुतिधरो घटी || २८ ||

घटसिद्धिरियं प्रोक्ता सर्वशास्त्रमयी भवेत् |
षोडशोपचारसिद्धिर्बलिसिद्धिस्तथैव च |
भवत्येककरे देवि किमन्यच्छ्रोतुमिच्छसि || २९ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे आरार्त्तिकविनिर्णयो नाम 
एकोनविंशतिः पटलः || १९ ||


विंशतिः पटलः |

श्रीदेव्युवाच |

दशविद्यादिकं देव दश वै शक्तयः प्रभो |
पुरैव कथिताः स्वामिन् तत्क्रमान् वद साम्प्रतम् || १ ||

श्रीशिव उवाच |

रहस्यातिरहस्यं च कथ्यते तव भक्तितः |
महानीलक्रमेणैव कालिका सिद्धिदायिनी || २ ||

महानीलक्रमो देवि द्विविधः परिकीर्तितः |
सकलो निष्कलश्चेति तत्क्रमं शृणु पार्वति || ३ ||

खड्गहस्तः शिरोन्यस्तः सर्वदा मुक्तकुन्तलः | 
सदा मांसासवोल्लासहृदयाघूर्णलोचनः || ४ ||

सिन्दूरतिलकं भाले तु मदिरारसः |
न करोति नरो यस्तु स कथं मम पूजकः || ५ ||

रात्रौ पर्यटनं रात्रावेव प्रपूजनम् |
न करोति नरो यस्तु स कथं मम पूजकः || ६ ||

* * * * कर्म शक्तेरालिङ्गनं तथा |
करोति नरो यस्तु स कथं मम पूजकः || ७ ||

सिन्दूरबिन्दु भ्रूयुग्मे स्वयम्भूमुनिपत्रकम् |
रक्तचन्दनजं चापि त्रिपुण्ड्रञ्च ततो परि || ८ ||

कुचन्दने कज्जलस्य बिन्दुर्देयो महेश्वरि |
धूपाङ्गारत्रिपुण्ड्रस्य सत्त्वस्थाने प्रदापयेत् || ९ ||

महानीलक्रमे देवि तिलकः परिकीर्त्तितः |
श्मशानशायी मांसाशी संविदानन्दमानसः || १० ||

* * पश्यन् स्पृशन् गच्छन् सर्वकालं जपं चरेत् |
* * रमन् श्मशानस्थो मृदुचूडकसंयुतः || ११ ||

दन्ताक्षमालया देवि राजदन्तेन मेरुणा |
मालां कृत्वा जपेद्देवि सदा ताम्बूलचर्वकः || १२ ||

कपालपात्रं सम्पूज्य सदा ताम्बूलचर्वकः |
कपालपात्रं सम्पूज्य वीरसाधनतत्परः || १३ ||

कपालमालाभरणो * * * तत्परः |
सिन्दूउरतिलकं भाले पाणौ तु मदिरारसः || १४ ||

प्. १००) शक्त्यानन्दो नेत्रकञ्जे मुखे हालां गृहाङ्गने |
* * बाला करे माला शक्तिदोला हृदम्बुजे || १५ ||

रक्तचन्दनजा वापि स्वयम्भूकुसुमोद्भवा |
रक्तश्वेता द्विधा प्रोक्ता मुण्डास्थिदन्तजा प्रिये || १६ ||

* * * * * कृत्वा सर्वकालं जपेच्छिवे |
शक्तिद्रव्यं न संस्कार्यं सर्वमेतच्चराचरम् || १७ ||

अविकारी प्रहृष्टान्मा स्त्रीभक्तो विजितेन्द्रियः |
इदृग्विधो नरो देवि महानीलक्रमे मतः || १८ ||

राजदन्तमयी माला खरोष्ट्राश्वसमुद्भवा |
असक्तानां निष्कलः स्यात्तत्क्रमं शृणु पार्वति || १९ ||

विजयादुग्धकं पीत्वा सच्चिदानन्दमानसः |
स्फाटिकां मालिकां कृत्वा विहरन् जपमाचरेत् || २० ||

दिक्कालनियनो नात्र स्थित्यादिनियमो न च |
न जपे कालनियमो महामन्त्रस्य साधने || २१ ||

यस्मिन्मन्त्रे य आचारस्तत्र धर्मस्तु तादृशः |
भ्रान्तिस्तत्र न कर्तव्या स्वर्गो वा मोक्ष एव च || २२ ||

पञ्चचक्रक्रमः कार्यो गुरोराज्ञाक्रमेण च |
मृदुकोमलकं देवि चूडकं वाप्यचूडकम् || २३ ||

शवं वीरासनं वापि योनित्वगासनं च वै |
कामरूपासनं देवि सुरतासनमेव च || २४ ||

सिन्दूरासनकं देवि पर्वतासनमेव च |
सरोरुहासनं देवि तिलपुष्पं च खञ्जनम् || २५ ||

चन्द्रबिम्बं सर्पिणी च कम्बलासनमेव च |
प्रयागासनकं देवि महाप्रयागासनं तथा || २६ ||

मुनिचूडासनं वश्ये स्पर्शषट्कासनं तथा |
जिह्वास्पर्शासनं देवि वायुस्पर्शासनं च वा || २७ ||

आश्लेषासनकं देवि तथा मुण्डासनं तथा |
श्रीमुण्डसुरतं वापि श्रीवीर सुरतं च वा || २८ ||

पञ्चवीरासनं देवि सुरेन्द्रादिदिशा क्रमात् |
आवन्ती मथुरा काशी प्रयागाद्यासनं तथा || २९ ||

प्. १०१) लेहस्पर्शासनं चैव प्रयागत्रितयासनम् |
प्रत्येकमासनासक्तजघनासक्तमासनम् || ३० ||

तरुणं सुन्दरं शूरं सम्मुखे रणवर्तिनम् |
पलायनविशून्यञ्च चापलाद्यभिभूतकम् || ३१ ||

तरुणं सुन्दरं शूरं सम्मुखे रणवर्तिनम् |
पलायनविशून्यञ्च चापलाद्यभिभूतकम् || ३१ ||

शनिभौमदिने वापि पञ्चरात्रिदिने च वा |
सद्यः प्राप्तान् त्रिरात्रस्यान् शवानानीय पार्वति || ३२ ||

दिग्विदिक्क्रमयोगेन स्थापयेद्यत्नतः शिवे |
शून्यागारे पर्वते वा एकलिङ्गे चतुष्पथे || ३३ ||

पश्चिमाभिमुखं लिङ्गं वृषशून्यं च यत्र वै |
इदृक् स्थानं समासाद्य वीरवेषं समाचरेत् || ३४ ||

श्मशानदेवताभ्यश्च महाकालाय पार्वति |
बलिं दत्त्वा प्रयत्नेन दिक्पालेभ्यो बलिं हरेत् || ३५ ||

शवान् संक्षाल्य यत्नेन पूर्वोक्तेन तु वर्त्मना |
सर्वोपस्करसम्पन्नो दूरे चोत्तरसाधकान् || ३६ ||

अभिषेकविधिज्ञांश्च साधिकान् साधकान्प्रिये |
इदृग्विधान समानीय सशस्त्रान् दूरदेशके || ३७ ||

संस्थाप्य दश कीलान्वै दशदिक्षु निखानयेत् |
वीरार्गलेन मन्त्रेण त्वघोरास्त्रेण वा प्रिये || ३८ ||

जयदुर्गाख्यमनुना विद्यामण्डलकेन वा |
दिग्बन्धनमथाचर्यय मद्यमांसादिसंयुतः || ३९ ||

मत्स्यं मुद्रां * * * तत्र सर्वं समाचरेत् |
स्वस्वकल्पोक्तविधिना बलिसम्भारसंयुतः || ४० ||

गोनरेभाश्वमहिषछागमेषसमूषकान् |
मार्जारादिन् समानीय पिष्टजानथवा प्रिये || ४१ ||

स्वकण्ठ समरासीन्वै (?) कृत्वा यत्नेन पार्वति |
सर्वं श्मशानवत्कृत्वा जूटिकाबन्धनादिकम् || ४२ ||

अश्वारोह क्रमेणैव तत्र स्थित्वा जपं चरेत् |
प्रथमं प्रहरं त्यत्त्का तृतीयप्रहरावधि || ४३ ||

प्. १०२) एकद्वित्र्यादिवर्णानां मालामन्त्रादिकाः प्रिये |
उक्तमार्गेण देवेशि शक्तियोनौ शिवं यजेत् || ४४ ||

जपं कुर्यान्महेशानि देवता वरदा भवेत् |
कोटिकोटिप्रकारैश्च भयं तत्र प्रजायते || ४५ ||

सर्वं मिथ्यैव कृत्वा तु जपं कुर्यान्महेश्वरि |
यदि भाग्यवशाद्देवि स्त्रीरूपा संस्कृताक्षरम् || ४६ ||

मधुरं वक्ति या देवि सैव प्रोक्ता महेश्वरी |
मध्यभागान्महेशानि ब्राह्मणः संस्कृतं वदेत् || ४७ ||

समायाति महेशानि भैरवः परिकीर्तितः |
तया यद्याच्यते देवि तद्देयं तत्र पार्वति || ४८ ||

स्वस्य वाञ्छावरो ग्राह्यो वरं ब्रूहीति सा वदेत् |
तत्तथैव महेशानि भविष्यति न संशयः || ४९ ||

तच्छक्तियोनितत्त्वस्य * * प्रत्यक्षमाचरेत् |
सर्वसिद्धीश्वरो भूत्वा कालीरूपो नरो भवेत् || ५० ||

ब्रह्माण्डगोलके या च या काचिज्जगतीतले |
समस्ताः सिद्धयो देवि तस्य हस्ते व्यवस्थिताः || ५१ ||

सैव काली भवेद्देवि नात्र कार्या विचारणा |
भ्रान्तिं त्यत्त्का महेशानि सर्वं कार्यं महेश्वरि || ५२ ||

शुद्धौ चाशुद्धताभ्रान्तिः स कथं मम पूजकः |
पाने भ्रान्तिर्भवेद्यस्य घृणा स्या * * * || ५३ ||

र्ददृग्विधो नरो यस्तु स कथं मम पूजकः |
यद्यत्प्राप्तं महेशानि तत्सर्वं विनिवेदयेत् || ५४ ||

निष्कले नीलमार्गे च तिलकाद्यं च पूर्ववत् |
ताम्बूलभक्षणं कृत्वा संविद्दुग्धं सदा भजेत् || ५५ ||

स्त्रियं दृष्ट्वा जपेद्देवि शवभस्मान्समाहरेत् |
इत्याचारपरः श्रीमान् कालीरूपो नरो भवेत् || ५६ ||

पंचाशत्कुशतो ब्रह्मा तदूर्ध्वं विषरः स्मृतः |
कुशपत्रशतेनैव विष्टरं कारयेद्बुधः || ५७ ||

जीवन्यासं तत्र कृत्वा तस्योपरि जपं चरेत् |
ताम्बूलं योनिचक्रं च मुण्डमाला शवासनम् || ५८ ||

प्. १०३) सिन्दूरं खड्गकं देवि संविदासवयो रसः |
विना यः पूजयेत्कालीं रौरवं नरकं व्रजेत् || ५९ ||

कुलाचारं समासाद्य सर्वसिद्धीश्वरो भवेत् |
इति संक्षेपतः प्रोक्तं किमन्यच्छ्रोतुमिच्छसि || ६० ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे दशविद्यादिपूजाक्रमं 
नाम विंशतिः पटलः || २० ||


एकविंशतितमः पटलः |

श्रीदेव्युवाच |

देवेश श्रोतुमिच्छामि महाचीनक्रमं परम् |

श्रीशिव उवाच |

महाचीनक्रमो देवि कथ्यते क्षिप्रतो मया || १ ||

महाचीनक्रमेणैव तारा शीघ्रफलप्रदा |
ब्रह्मचीनो दिव्यचीनो वीरचीनस्तृतीयकः || २ ||

महाचीनो निष्कलश्च चीनः पञ्चविधः स्मृतः |
महाचीनक्रमो देवि द्विविधः परिकीर्तितः || ३ ||

सकलो निष्कलश्चेति सकलो बौद्धगोचरः |
निष्कलो ब्राह्मणानाञ्च द्वितीयं शृणु || ४ ||

न वक्तव्यं त्रिभुवने सारात्सारतरं परम् |
केचिद्देवा नराः केचिद्दानवा यक्षराक्षसाः || ५ ||

नागलोकः किन्नराश्च गन्धर्वाप्सरसां गणाः |
ये वा पशुमृगापक्षा ये केचिज्जगतीगताः || ६ ||

एते जडतराः सर्वे परस्परखलात्मनः |
कुकल्पे निरताः सर्वे कुमार्गदर्शनोत्सुकाः || ७ ||

एतेषां ब्रह्मविज्ञानमानन्दं ब्रह्मचित्सुखम् |
न जानन्ति महेशानि कथं तत्कथयामि ते || ८ ||

नित्यमुक्तस्वभावो यः तस्मै तद्व्रतमीरितम् |
क्षमस्व देवि चार्वंगि न वक्तव्यं मयानघे || ९ ||

श्रीदेव्युवाच |

नमस्ते वरदास्वामिन् करूणानिधये नमः |
अन्यदेवरता ये च तेऽपि त्वत्पदकांक्षिणः || १० ||

तेषामेवाधिकफलं मद्भक्तानां व्यवस्थितम् |
सिंहव्याघ्रादयो ये च ये च विघ्नानुकारिणः || ११ ||

रिपवश्च तथा पापा ये चान्ये दुष्टजन्तवः |
ते सर्वे विलयं चान्ति पतङ्गा इव पापके || १२ ||

गेहं दीपाशिखारं दृश्यते दुष्टजन्तुभिः |
केवलं प्रेमभावेन त्वयैव विभुना प्रभो || १३ ||

प्. १०५) किं वा शवमयो भूत्वा आसने पंचदेवता |
पृथिवी याति जडतां जडं तेजोमयं भवेत् || १४ ||

तेजो वायुस्तथा पृथ्वी आकाशं तत्प्रकाशकम् |
दानवा राक्षसा मर्त्या ये चान्ये देवतागणाः || १५ ||

राजानश्च तथा सर्वे चान्ये तत्पादवर्तिनः |
आज्ञां भजन्ति गन्धर्वाः किं पुनर्नरकिन्नराः || १६ ||

यत्र यत्र भवेद्वाञ्छा तत्र सिद्धिः करे स्थिता |
सदा तद्गामिनीं वाणीं भजते वातिनिश्चला || १७ ||

द्वन्द्वभावं परित्यज्य किमन्यद्बहुजल्पितैः |
मोक्षार्थीं लभते मोक्षं धनर्थीं लभते धनम् || १८ ||

अन्ते तु जायते गौरीलोके शिव इवापरः |
सिद्धो भवति मद्भक्त्या कथितञ्च मया तव || १९ ||

न वक्तव्यमभक्ताय परभक्त्य पापिने |

श्रीशिव उवाच |

महाचीनक्रमं देवि द्विविधं सूचितं पुरा || २० ||

महाचीनक्रमो देवि द्विविधैव प्रकीर्त्तितः |
तत्रैव देवदेवेशि त्रगुण्याद्भेदभाजनम् || २१ ||

स्नानादि मानसं शौचं मानसः प्रवरो जपः |
पूजनं मानसं दिव्यं मानसं तर्पणादिकम् || २२ ||

मानसो नियमः प्रोक्तो मानसं दन्तधावनम् |
सर्व एव शुभः कालो नाशुभो विद्यते क्वचित् || २३ ||

न विशेषो दिवारात्रौ न सन्ध्यायां महानिधि |
वस्त्रार्द्रं मानसं शौचं देहस्यशांदि वारिणा || २४ ||

शुद्धिं न चार्चयेदत्र निर्विकल्पमनाश्चरेत् |
नात्र शुद्धेरपेक्षास्ति न च मेध्यादिदूषणम् || २५ ||

य एवं नियमैर्मन्त्रं सर्वकामसमृद्धिदम् |
गद्यपद्यमयी वाणी सभायां तस्य जायते || २६ ||

तस्य दर्शनमात्रेण वादिनो निष्प्रभा मताः |
राजानोऽपि च दासत्वं भजन्ते किं परे जनाः || २७ ||

सर्वदा पूजयेद्देवीमस्नातः कृतभोजनः |
महानिश्यां शुचौ देशे बलिं मन्त्रेण दापयेत् || २८ ||

प्. १०६) स्त्रीद्वेषो नैव कर्त्तव्यो विशेषात् पूजनं स्त्रियः |
जपस्थाने महाशङ्खं निवेश्योर्द्धं जपं चरेत् || २९ ||

स्त्रियं गच्छन् स्पृशन् पश्यन् यत्र कुत्राप्यचूडके |
भक्ष्यं ताम्बूलमन्यांश्च भक्ष्यद्रव्यान्यथारुचीन् || ३० ||

मांसं मत्स्यं दधि क्षौद्रं संविदासवयो रसः |
उक्तान्यशेषभक्ष्याणि भुक्त्वा भक्ष्यं चरेज्जपम् || ३१ ||

दिक्कालनियमो नास्ति स्थित्यादिनियमो न च |
न जपे कालनियमो नार्चादिषु बलिष्वपि || ३२ ||

स्वेच्छानियम उक्रोऽत्र महामन्त्रस्य साधने |
वस्त्रासनगेहदेहस्पर्शस्पर्शादि वारिणा || ३३ ||

तैलं संलाप्य देवेशि ताम्बूलं बक्षयेत् सदा |
नानाम्बराणि संधार्य देहं वस्त्रेण मार्जयेत् || ३४ ||

मन्त्रस्नानं चरेद्देवि सर्वदा मद्गताशयः |
महाचीनक्रमे देवि विप्रस्नानमिदं भवेत् || ३५ ||

शुद्धिर्न चाचरेदत्र निर्विकल्पमनाश्चरेत् |
सुगन्धिश्वेतलौहित्यकुसुमैरर्चयेद्दलैः || ३६ ||

बिल्वैर्मरुवकाद्यैश्च तुलसीवर्जितैः शुभैः |
वर्जयेद्बिल्वपत्रञ्च मरुं यत्नेन वर्जयेत् || ३७ ||

केशान् संवर्द्धयेद्देवि सर्वदातैलभूषितः |
अष्टम्यां च चतुर्श्यां विशेषादिवसे सदा || ३८ ||

नाधर्मो विद्यते सुभ्र किंचिद्धर्मो महान् भवेत् |
स्वेच्छानियम उक्रोऽत्र प्रचरेद्धृष्टमानसः || ३९ ||

कृतार्थं मन्यमानस्तु सन्तुष्टो निजमानसः |
हरेर्नाम न गृह्णीयान्न स्पृशे तुलसीदलम् || ४० ||

नान्यचिन्ता प्रकर्तव्या नान्यनिन्दा कदाचन |
नान्यमन्त्रं जपेद्देवि निर्विकल्पः सदा भवेत् || ४१ ||

सद्यो मद्यं पिवेद्देवि मातङ्गीभिर्विहारवान् |
* * * * देवि जपं कुर्यादनन्यधीः || ४२ ||

ब्राह्मि भूते मदाचारे विकल्पः कः प्रियेऽस्ति वै |
भ्रूयुग्मे कुण्डले देवि सिन्दूरं तदनन्तरम् || ४३ ||

प्. १०७) कुचन्दनं त्रिपुण्ड्रं च ततः सकेशरं शिवे |
मुण्डमाला गले धार्या कपालं पाणिसङ्गतम् || ४४ ||

इत्याचारपरो नित्यं महाचीनक्रमी भवेत् |
सर्वदानन्दहृदयः सर्वदा भक्तसेवकः || ४५ ||

कर्णनेत्रान्तरस्थो सा महाशङ्खः प्रकीर्तितः |
पञ्चाशन्मणिमिर्माला गोनराश्वास्थिसंभवा || ४६ ||

माला कार्या महेशानि षष्टिसिद्धीश्वरो भवेत् |
सैव तारा महेशानि नात्र कार्या विचारणा || ४७ ||

श्रीदेव्युवाच |

शिव शङ्कर विश्वेश विश्वेश विश्वतारक शाश्वत |
वेदहीनाश्च ये धर्मास्तान् कथं ब्राह्मणश्चरेत् || ४८ ||

श्रीशिव उवाच |

साधु देवि मम प्राणप्रिये साधकसुप्रिये |
तद्भावनासमायातस्तद्भावमाचरेत्प्रिये || ४९ ||

यथा श्राद्धविधौ देवि मांसं मुख्यं प्रकीर्तितम् |
कलौ तत्र निषद्धं स्याद्ब्राह्मणानां महेश्वरि || ५० ||

आत्मार्थं वा परार्थं वा पशून् हत्वा पशुर्भवेत् |
यावन्ति तस्य रोमाणि तावद्योनिमवाप्नुयात् || ५१ ||

तस्यानुकल्पा माषाश्च मया प्रोक्तास्ति पार्वति |
सकलं तु मया प्रोक्तं निष्कलं शृणु पार्वति || ५२ ||

यथा तद्भावनायां तु न च दोषोऽस्ति पार्वति |
मण्डिबन्धादधः पाणिः पादौ गुल्फादधः शिवे || ५३ ||

मुखं प्रक्षालयेद्देवि चीनस्नानमिदं भवेत् |
जानुभ्यामवनि धृत्वा भूमौ मस्तकमानयेत् || ५४ ||

चीनमार्गे नमस्काराः कीर्तितास्ते मया तव |
पूर्वक्रमस्य देवेशि शक्रः प्रतिनिधिर्मम || ५५ ||

स्नानदानादिकं कृत्वा तथा पूजादिकं प्रिये |
न च स्नानं न मे देहो न च पापं ममासि वै || ५६ ||

किं स्नानं कस्य च स्नानमस्नातः कृतभोजनः |
सर्वमेव हृदम्भोजे मयि सर्वं प्रतिष्ठितम् || ५७ ||

प्. १०८) मयि ज्ञात्वा मन्त्रसिद्धिर्मम देवा वरप्रदाः |
तेजो रूपं जगत्सर्वं तारिणी तत्स्वरूपधृक् || ५८ ||

तत्तेजसा च संस्पर्शं संभाव्य जपमाचरेत् |
भावनावशमापन्नो भवेद्योगी महाकविः || ५९ ||

गुडार्द्रकरसेनैव सुरा तु तु ब्रह्मणस्य च |
तदभावे जलं देवि सम्भाव्य पूजनं चरेत् || ६० ||

तद्भावहृदयासन्नः सदा तद्गतमानसः |
द्वन्द्वभावं एरित्यज्य सर्वसिद्धीश्वरो भवेत् || ६१ ||

ब्रह्मा चैव वसिष्ठश्च तथान्ये च ऋषीश्वराः |
निष्कलक्रममार्गेण भजन्ति सततं शिवे || ६२ ||

ताराभक्ता महेशानि ब्राह्मणा एव कीर्त्तिता |
ब्रह्मविद्या महाविद्या सर्वत्र दुर्लभा कलौ || ६३ ||

रहस्यातिरहस्यं च गोप्तव्यं पशुसङ्कटे |
इति संक्षेपतः प्रोक्तं किमन्यच्छ्रोतुमिच्छसि || ६४ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे महाचीनक्रमो 
नामैकविंशतिः पटलः || २१ ||


द्वाविंशतिः पटलः |

श्रीदेव्युवाच |

गन्धर्वाख्यक्रमं देव कथयस्व मम प्रिये |

श्रीशिव उवाच |

गन्धर्वाख्यक्रमेणैव सुन्दरी भुवि दुर्लभा || १ ||

गन्धर्वाख्यक्रमो देवि कथ्यते शृणु साम्प्रतम् |
भ्रूमध्ये कुङ्कुमं देवि तदन्ते मलयागुरुम् || २ ||

अष्टगन्धत्रिपुण्ड्रञ्च मध्ये कस्तूरिकान्वितम् |
सुगन्धश्वेतलौहित्यपुष्पुष्पैः सम्भूषितो नरः || ३ ||

स्वस्तिकाङ्कितदेशस्थो रक्तप्राकारसंयुतः |
अष्टगन्धस्य धूपेन नानासौगन्धभूषितः || ४ ||

रक्तमाल्याम्बरधरो मुक्ताहारोपशोभोतः |
पूर्णाभिषेकः शिरसि तेन तत्र न मुण्डनम् || ५ ||

केशान् संवर्द्धयेद्देवि सौगन्धतैलभूषितः |
नानासौगन्धभोज्यैश्च राजयोग्यैर्महेश्वरि || ६ ||

आपो निसर्गतः पूताः किं पुनर्वह्नितापिताः |
सदा चोष्णोदके स्नायात्तदभावे यथोदकम् || ७ ||

गृहं चित्रैस्तु संचित्र्यं दर्पणोदरसन्निभम् |
वितानध्वजभूषाढ्यं घण्टानादपशोभिताम् || ८ ||

पञ्चवादित्रसंयुक्तं नानाघोषैः समन्वितम् |
अतिसूक्ष्माम्बरैयुक्तं स्वर्णपत्रादिरञ्चितम् || ९ ||

ग्रैवेयवलयाङ्गुल्य भूषितैर्भूषितः सदा |
नानामधुराभोज्यैश्च दुग्धपाकैरनेककैः || १० ||

नानाभोगेन संयुक्तो गन्धर्वाख्यक्रमो भवेत् |
इति संक्षेपतः प्रोक्तं किमन्यच्छ्रोतुमिच्छसि || ११ ||

इति श्रीशक्तिसङ्गमममहातत्रराजे उत्तरभागे द्वितीयखण्डे 
श्रीमदक्षोभ्य महोत्रतारासंवादे गन्धर्वाख्यक्रमो नाम 
द्वाविंशतिः पटलः || १२ ||


त्रयोविंशतिः पटलः |

श्रीदेव्युवाच |

छिन्नमस्ताविधौ देव क्रमं मे ब्रूहि सत्वरम् |

श्रीशिव उवाच |

दिव्यचीनक्रमेणैव छिन्नमस्ता फलप्रदा || १ ||

क्रमद्वयं महेशानि पूर्वमेव प्रकाशितम् |
एतस्यास्तिलको देवि भ्रयुग्मे च कुचन्दनम् || २ ||

तदन्ते रोचनापत्रं त्रिपुण्ड्रं दिव्यवर्णकैः |
श्मशानभस्मबिन्दुस्तु तन्मध्ये दापयेत्प्रिये || ३ ||

मुखे मुखं प्रदत्त्वा तु सर्वकालं जपेच्छिवे |
विशेषः कथितो देवि शक्तितत्त्वस्य पानकम् || ४ ||

इति संक्षेपतः प्रोक्तं भैरव्यां शृणु पार्वति |
स्वपुष्पक्रमयोगेन भैरवी भुवि दुर्लभा || ५ ||

स्वपुष्पाख्यक्रमो देवि कथ्यते शृणु साम्प्रतम् |
तरुणीं सुन्दरीं रम्यां तारुण्यामृतविग्रहाम् || ६ ||

तदा * * साभिलाषां * * * द्युक्तमानसाम् |
मन्त्रयंत्रसमायुक्तां समानीय महेश्वरि || ७ ||

* * तां च विधायादौ * * जपं चरेत् |
परस्परावलोकश्च कर्तव्यश्च परस्परम् || ८ ||

सदा तत्सङ्गिना भाव्यं तद्धस्तरचितं जलम् |
तद्धस्तरचितं भोज्यं तद्धस्तरचितं स्थलम् || ९ ||

तद्धस्तरचितं पुष्पं देवताभ्यो निवेदयेत् |
स्त्रियो देवाः स्त्रियः प्राणाः स्त्रिय एव हि भूषणम् || १० ||

स्त्रियः सृष्टिः स्त्रियः सर्गः सर्वं तस्यां प्रतिष्ठितम् |
स्त्रीद्वेषो नैव कर्तव्यो विशेषात्पूजनं स्त्रियः || ११ ||

तासां प्रहारं कौटिल्यं सर्वथा परिवर्जयेत् |
प्रमादात्कुरुते यस्तु तस्य पातो भविष्यति || १२ ||

इदृग्विधां समालोक्य सुन्दरीगेहसंस्थितः |
अविकारी यदा देवि साधनार्हो न चाऽन्यथा || १३ ||

विकार भावमाने च साधको नश्यति क्षणात् |
तत्कुण्डं च महेशानि क्षनाद्वि * * भवेत् || १४ ||

तथापि स्वस्य देहस्य विकारं नहि कारयेत् |
सापि चेद्देवदेवेशि ह्यविकारी यथा भवेत् || १५ ||

प्. १११) * * * तदीये विद्यन्ते नाड्यस्तिस्रः प्रधानिकाः |
अम्भः स्रवति चान्द्रीया पुष्पं स्रवति भानवी || १६ ||

बीजं स्रवति चाग्नेयी नाड्यो ज्ञेया त्रिह्दा * * |
पुष्पिणीमनुना देवि बलात् पुष्पं समानयेत् || १७ ||

द्राविणीमनुना देवि बलादृष्ट्या * * नयेत् |
उभयं चैव संगृह्य जपं कुर्यान्महेश्वरि || १८ ||

स्वयमेव भवेत् पुष्पं स्वपुष्पं तेन कीर्तितम् |
तथा कार्या महेशानि स्थैर्ययसङ्कारिणीजपात् || १९ ||

शक्तिश्च साधको देवि दम्पती दुर्लभौ मतौ |
बगलान्तासु देवेशि कल्पाद्यास्वपि यत्नतः || २० ||

क्रमोऽयं योज्यतां सम्यक् नात्र कार्या विचारणा |
कलिदोषवशाद्देवि नायं योगो भविष्यति || २१ ||

तस्मात्पाशवकल्पेन बालां संसाध्यतां शिवे |
बालायामुभयाचारो दक्षिणो मुख्य एव हि || २२ ||

शीघ्रञ्च सिद्धिमामा चेत् गवाक्षयोगमभ्यसेत् |
यत्र स्त्रीणां समूहोऽस्ति नदीनदसमुद्रके || २३ ||

यत्र स्नानं प्रकुर्वन्ति गवाक्षं तत्र कारयेत् |
तानालोक्य प्रयेत्नेन जपं कुर्यान्निरन्तरम् || २४ ||

सर्वाः सम्प्रीणयेद्देवि स्वर्णवस्त्रादिभिः प्रिये |
इति सक्षेपतः प्रोक्तं तिलकं शृणु पार्वति || २५ ||

घुसृणं वामहस्ते तु समानीय प्रयत्नतः |
शक्तिस्नपनतीरे तु गत्वा यत्नेन पार्वति || २६ ||

वामहस्ततले यन्त्रं विलिख्य यत्नतः शिवे |
अवशिष्टेन तिलकं कारयेत्परमेश्वरि || २७ ||

भाले कस्तूरिकाबिन्दुर्मुनि पत्रं सुचन्दनम् |
पट्टरङ्गनकं देवि घुसृणेन प्रकारयेत् || २८ ||

तन्मध्ये श्वेतादिव्यं च केशादि पूर्ववद्भवेत् |
दशविद्याविद्यौ देवि केशवर्द्धनमीरितम् |
इति संक्षेपतः प्रोक्तं किमन्यच्छ्रोतुमिच्छसि || २९ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे छिन्नमस्ताक्रमो नाम 
त्रयोविंशतिः पटलः || १३ ||


चतुर्विंशतिः पटलः |

देवेश श्रोतुमुच्छामि वगलाक्रमनिर्णयम् |

श्रीशिव उवाच |

सौभाग्याचीक्रमेणैव बगला शीघ्रदर्शिनी || १ ||

पीताम्बरधरो मन्त्री पीतभूषणभुषितः |
पीतमाल्याम्बरधरो पीतगेहसमास्थित्ः || २ ||

पीतपूजा परः प्रोक्तः पीतान्नप्रीतमानसः |
पीतद्रव्योपभोगी च पीतासनसमन्वितः || ३ ||

पीतहोमी पीतपुष्पी पीतशक्तिसमन्वितः |
रोचनां भुवि संदद्यात् कुङ्कुमं मुनिपत्रकम् || ४ ||

हरिद्रया त्रिपुण्ड्रं च तन्मद्ये खादिरं शिवे |
हरिचन्दनधूपेन धूपितः परमेश्वरि || ५ ||

सर्वं सर्वं तु सम्पाद्य क्रममार्गरतो भवेत् |
सृष्टिस्थित्यन्तसंहारः पूजा च त्रिविधा कलौ || ६ ||

केवला सृष्टिपूजा स्यात् गर्भकौलागमक्रमात् |
अर्चनं गौडदेशे तु स्थितिमार्गं कुमारिके || ७ ||

गुप्तकौलागमन्नाम गौडदेशार्चने विधिः |
कामरूपागमन्नाम संहारक्रमपूजने || ८ ||

गौडागमं चावलम्ब्य सांख्यायनमुनिस्तथा |
उक्तवाना गमे चैव स्थित्यर्चां शृणु पुत्रके || ९ ||

सर्वाङ्गसुन्दरीं रम्यां सर्वावयवशोभिताम् |
नवोढां पुष्पिणीं चैव प्रार्थयेद्विप्रकन्यकाम् || १० ||

कृष्णाष्टम्यां चतुर्दश्यां पौर्णमास्यां कुमारकः |
अथवा भौमऽवारे च निशायां भृगुवासरे || ११ ||

युवासितेन तैलेन कुर्यादभ्यज्जनं तथा |
तूलिकातल्पमानीय आस्तीर्योदङ्मुखे तदा || १२ ||

प्. ११३) तस्योपरि समस्तीर्य शेवन्तैर्जातिचम्पकैः |
कर्पूरं चैव कस्तूरीमिश्रितं चन्दनं तथा || १३ ||

सर्वाङ्गलेपनं कुर्याल्लक्ष्मीसूक्तेन बुद्धिमान् |
पर्यङ्कोपरि तां कन्यां चन्दनेन विलेपिताम् || १४ ||

ध्रुवा द्यौरिति मन्त्रेण कन्यां दक्षिणतोमुखीम् |
उन्मीखीशयनं कुर्यात् श्रीसूक्तेन कुमारकः || १५ ||

तस्याः * * प्रसार्ययाय * * नार्चनमाचरेत् |
न्यस्त्वा षोढाद्वयं चैव बगलापञ्चकं न्यसेत् || १६ ||

कन्यां चैव न्यसेदेवं तत्तदङ्गानि संस्मरन् |
पादं जपपुरं चैव मार्जयेन्मूलविद्यया || १७ ||

गन्धद्वारेति मन्त्रेण कुर्यात्कस्तूरिलेपनम् |
मूलमन्त्रेण सम्यक् च पुष्पमालां समर्पयेत् || १८ ||

निवेदयेत् द्रव्यशुद्धिं तत्रैव जपमाचरेत् |
शतमष्टसहस्रं च मन्त्रराजमिनं जपेत् || १९ ||

पुरश्चरणमध्ये च प्रतिमार्गञ्च वासरे |
अथवा पौर्णमास्याञ्च सौभाग्यार्चनमाचरेत् || २० ||

प्रयोगसिद्धिदं पुंसां मन्त्रसिद्धिकरं परम् |
एतत्क्रमं विना देवि प्रयोगो न भवेत्क्वचित् || २१ ||

तस्मात्सर्वप्रयत्नेन सिद्ध्यर्थं देवि भूतले |
सौभाग्याख्यक्रमं देवि विना सिद्धिर्न कोटिभिः || २२ ||

अभिमानाष्टकं त्यक्त्वा त्यक्त्वा वै दूषणत्रयम् |
त्यक्त्वा पञ्चेन्द्रियासक्तिं सौभाग्यक्रममाचरेत् || २३ ||

सुखदुःखे समे कृत्वा लाभालाभौ जयाजयौ |
शीतोष्णसमतां कृत्वा सौभाग्यक्रममाचरेत् || २४ ||

षोढाद्वयं च न ज्ञात्वा यः करोत्यर्चनं भुवि |
पतितः स भवेत्पुंसो रौरवं नरकं व्रजेत् || २५ ||

बाह्याभ्यन्तरयोर्देवि प्रभेदज्ञानयोर्विना |
पीतक्रमो न कर्तव्यो देवताशापमाप्नुयात् || २६ ||

संकल्पं च विकल्पं च त्यक्त्वा विज्ञानमानसः |
पीतक्रमं ततः कुर्ययान्नो चेद्भ्रष्टो भवेद्ध्रुवम् || २७ ||

प्. ११४) जितेन्द्रियः सुखं कृत्वा कुर्यात्पीतक्रमं शिवे |
सुखार्थं कुरुते योऽसौ देवताशापमाप्नुयात् || २८ ||

स्वस्यावेश विधिं चैव न ज्ञात्वा परमेश्वरि |
यः करोत्यर्चनं देवि न विप्रः पतितो भवेत् || २९ ||

यस्तु कन्यामनः क्षोभं करोति यजने शिवे |
भ्रान्तचित्तो भवेत्सद्यो वाचस्पतिरिवापरः || ३० ||

नोत्पादयेद्वेदनां च सन?श्चैव शरीरयोः (?) |
वेदनां जनयेद्यस्तु स नरः पतितो भवेत् || ३१ ||

स्वपत्नीं भ्रातृपत्नी वा गुरुभार्यामथापि वा |
अर्चयेद्यौवनोपेतां साङ्ख्यायनसमर्पिताम् || ३२ ||

दीक्षालयस्थां रजकीं कुलालगृहकन्यकाम् |
पुलिन्दकन्यकां वापि मृदुचूडकमादरात् || ३३ ||

अर्चयेदृषिपत्नीं च पूर्वोक्तलक्षणैर्युताम् |
अर्चनं विधिमार्गेण पूजा दुर्वाससोमतम् || ३४ ||

सर्वलक्षणसंयुक्तां पुष्पिणीमर्चयेच्छिवे |
मतङ्गमुनिनोक्तं च सद्यः सिद्धिकरं भुवि || ३५ ||

सिद्धिक्रमोऽयं देवेशि नास्ति सिद्धिर्गुरुं विना |
तस्मात्सर्वप्रयत्नेन गुर्वाज्ञापरिपालकः || ३६ ||

सिद्धो भवति देवेशि नात्र कार्या विचारणा |
इति संक्षेपतः प्रोक्तं किमन्यच्छ्रोतुमिच्छसि || ३७ ||

इति श्रीशक्तिसङ्गममहातन्त्रराजे उत्तरेभागे द्वितीयखण्डे 
श्रीमदक्षोभ्यमहोग्रतारासंवादे वगलाक्रमो नाम 
चतुर्विंशतिः पटलः || २४ ||


पञ्चविंशतिः पटलः |

श्रीदेव्युवाच |

महाराजक्रमं देव कथयस्व मम प्रभो |

श्रीशिव उवाच |

महाराजक्रमो देवि कथ्यते शृणु साम्प्रतम् || १ ||

नानाविचित्रसोपानमण्डिते चितमण्डपे |
सौधाट्टालकसंशोभिवितानध्वजसम्मिते || २ ||

नानोपवनसंयुक्त हंसमायूरशोभिते |
नानाचित्रगृहे रम्ये गजवाजिविराजिते || ३ ||

सर्वतोभद्रसंयुक्ते नानाभरणभूषिते |
धूपामोदसमायुक्त चित्रदीपैरलङ्कृते || ४ ||

रत्नसिंहासने रम्ये रत्नाभरणभूषिते |
जातिचम्पकपुन्नागकेतकीगन्धशोभिते || ५ ||

कर्पूरागुरुककस्तूरीरोचनाकुङ्कुमं तथा |
जटामांसीरसं गन्धसौगन्धगृहभूषितः || ६ ||

घण्टानिनादसंयुक्तः सर्वदा शुद्धमानसः |
आनन्दमग्नहृदयो दिव्यवस्त्रैरलङ्कृतः || ७ ||

दिव्यमाल्याम्बरधरो दिव्यवस्त्रैरलङ्कृतः |
ताम्बूलपूर्णवदनो रदछन्दविराजितः || ८ ||

देवपात्रैर्नृत्यपात्रैर्भोगपात्रैर्निनादिभिः |
नृत्यगीतैश्च वादित्रैश्चतुर्विंशतिवाचकः || ९ ||

सङ्गीतरागतालैश्च ध्वनिभिश्च निनादिभिः |
नानादेशीयभाषाभिर्गद्यपद्यैरलङ्कृतः || १० ||

नानाविचित्रभूषाभिर्भूषितः साधकोत्तमः |
समस्तराजचर्याणा मोहनाद्राजनायिका || ११ ||

श्रीमहाराजमातङ्गी सर्वदेवप्रमोहिनी |
तस्यास्तु तिलकं देवि कथ्यते शृणु साम्प्रतम् || १२ ||

प्. ११६) कुचन्दनं भ्रुवोर्मध्येऽगुरुसारस्तदन्तरे |
कस्तूरिकात्रिपुण्ड्रं च तन्मध्ये केशरं शिवे || १३ ||

महाराजक्रमो देवि कथितस्तु मया तव |
अथवा देवदेवेशि स्वयं गानपरो भवेत् |
इति संक्षेपतः प्रोक्तं किमन्यच्छ्रोतुमिच्छसि || १४ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे महाराजक्रमो नाम 
पञ्चविंशतिः पटलः || २५ ||


षड्विशतिः पटलः |

श्रीदेव्युवाच |

देवेश श्रोतुमिच्छामि रहस्यातिरहस्यकम् |
वद श्रीभुवनेशान्याः क्रमं परमदुर्लभम् || १ ||

श्रीशिव उवाच |

दिव्यभावक्रमेणैव भुवना शीघ्रासिद्धिदा |
हकारः शिवरूपत्वात् रकारः पापनाशकः || २ ||

हकारः कामरूपत्वात् मायारूपः प्रकीर्तितः |
ब्रह्माण्डमेतद्देवेशि मायया वेष्टितं भवेत् || ३ ||

यस्या मायां विना देवि न च किञ्चित्प्रभासते |
यद्भासारहितं किञ्चिन्न च तद् भासते क्वचित् || ४ ||

यद्भासासहितं देवि जगदेतत्प्रभासते |
यां विना तु महेशानि जगज्जडसमं भवेत् || ५ ||

गुरुदैवतमन्त्राणामैक्यं संभावयन् धिया |
त्रितेजस्त्वेकीकृत्याऽथ तत्र मूर्ति प्रकल्पयेत् || ६ ||

साङ्गां सावरणां ध्यात्वा तद्रूपस्तु स्वयं भवेत् |
गुरुरूपो भवेद्देवी देवीरूपो गुरुः स्मृतः || ७ ||

मन्त्ररूपो भवेदात्मा चात्मानस्तन्मयो भवेत् |
एवं क्रमेण देवेशि सदा तद्गतमानसः || ८ ||

त्रैलोक्यविजयी भूयान्नात्र कार्या विचारणा |
एतस्यास्तिलकं देवि कथ्यते यत्नतः शृणु || ९ ||

श्वेतचन्दनबिन्दुस्तु भ्रमध्ये तु प्रलेपयेत् |
गन्धसारं तदन्ते स्यात् त्रिपुण्ड्रं दिव्यवर्णतः |
रक्ताक्षताश्च तन्मध्ये तेन सिद्धीश्वरो भवेत् || १० ||

इति श्रीशक्तिसङ्गममहातन्त्रराजे उत्तरभागे द्वितीयख्ण्डे 
श्रीमदक्षोभ्यमहोग्रतारासंवादे भुवनेश्वरीक्रमो नाम 
षड्विंशतिः पटलः || २६ ||


सप्तविंशतिः पटलः |

श्रीदेव्युवाच |

देवेश श्रोतुमिच्छामि कमलाक्रमनिर्णयम् |

श्रीशिव उवाच |

भ्रूयुग्मे घुसृणं देवि सिन्दूरं तदनन्तरम् || १ ||

श्वेतत्रिपुण्ड्रं देवेशि तन्मध्ये केशरं शिवे |
स्नातः शुक्लाम्बरधरः शुक्लमाल्यानुलेपनः || २ ||

शुक्लभूषणभूषाध्यस्त्रिसन्ध्यं स्नानमाचरेत् |
हविष्याशी भूमिशायी मधुरान्नप्रियो नरः || ३ ||

भृगुवासरतो यत्तद्वितीयं भृगुवासरम् |
दिनवृद्धिक्रमेणैव कुमारीं पूजयेत्सदा || ४ ||

द्वितीयभृगुमारभ्य ग्रासयेद्दिनवृद्धितः |
प्रत्यहं पूजयेद्देवि नानावादित्रनिस्वनेः || ५ ||

दिनषोडशपर्यन्तं प्रत्यहं तु समाचरेत् |
पुनस्तद्दिनमारभ्य तद्दिनान्तं महेश्वरि || ६ ||

पूजयेत्प्रयतो नित्यं देवताभावतत्परः |
प्रदक्षिणा प्रकर्तव्या कलाभावक्रमेण || ७ ||

दीपास्तत्र प्रदातव्याः कलावृद्धिक्रमेण च |
ब्राह्मणान्भोजयेन्नित्यं कलाभावक्रमेण च || ८ ||

इत्याचारपरः श्रीमान् विश्वरूपो नरो भवेत् |
राजचिन्हानि सर्वाणि प्रयतः पूजयेत्सदा || ९ ||

सर्वसाम्राज्यलक्ष्म्यास्तु नाथो भूयान्न संशयः |
धनदा तस्य गेहस्था राजा च किङ्करो भवेत् |
इति संक्षेपतः प्रोक्तं किमन्यच्छ्रोतुमिच्छसि || १० ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे कमलाक्रमनिर्णयो नाम 
सप्तविंशतिः पटलः || २७ ||


अष्टविंशतिः पटलः |

श्रीदेव्युवाच |

देवेश श्रोतुमिच्छामि धूमावत्याः क्रमं शिव |

श्रीशिव उवाच |

धूमावत्याः क्रमो देवि कथ्यते शृणु पार्वति || १ ||

भ्रूमध्ये कज्जलं देवि भस्मबिन्दुं तदन्तरे |
मृत्त्रिपुण्ड्रं ललाटे स्याच्छवभस्म तदन्तरे || २ ||

कृष्णवस्त्राम्बरधरः कृष्णगन्धविभूषितः |
धूमवस्थाम्बरधरो धत्तूरमाल्यभूषितः || ३ ||

गुलधूपेन संयुक्तः श्मशानासनसंगतः |
धूम्रवर्णं जगत्सर्वं मन्त्रं धूम्रमयं भजेत् || ४ ||

काकपिच्छं चासनं स्यात् दन्ता कृष्णाः प्रकारयेत् |
ब्रह्मचारी मिताहारी निर्विकल्पो जितेन्द्रियः || ५ ||

सत्यवादी मिताहारो भूशायी कुशविष्टरे |
स्नानं त्रिषवणं कुर्यादुच्चाटनपरायणः || ६ ||

स्वचित्तं काकवत्कृत्या जगदुच्चाटयेद्ध्रुवम् |
इत्याचारपरो मर्त्यो धूम्रक्रमगतो भवेत् |
काकक्रमस्तु गदितः किमन्यच्छ्रोतुमिच्छसि || ७ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे धूमावतिक्रमो 
नामाष्टविंशतिः पटलः || २८ ||


एकोनवित्रिशतिः पटलः |

श्रीदेव्युवाच |

देवेश श्रोतुमुच्छामि ब्रह्ममार्गक्रमं शिवे |

श्रीशिव उवाच |

नेत्रयोः कज्जलं देयं सिन्दूरेण त्रिपुण्ड्रकम् || १ ||

हरिद्रा भ्रूयुगे देया श्वेतपत्रं समाचरेत् |
रक्तबिन्दुञ्च तन्मध्ये सर्वदा तद्गतो भवेत् || २ ||

भोजने शयने रात्रौ * * * सर्वदा जपेत् |
उच्छिष्टहस्ते देवेशि उच्छिष्टेन बलिं हरेत् || ३ ||

शक्त्युच्छिष्टं भुंजानः सार्वकालिकम् |
जपं कुर्यान्महेशानि रात्रावेव जपं चरेत् || ४ ||

ताम्बूलभक्षणं कृत्वा ताम्बूलानि च होमयेत् |
ताम्बूलभक्षी मांसाशी भुक्त्वा शौचं न कारयेत् || ५ ||

गृहं प्रलिप्य यत्नेन मार्जन्या मार्जनं चरेत् |
प्रजपेद्यत्नतो देवि नान्यथा सिध्यति ध्रुवम् || ६ ||

उच्छिष्टहस्ते देवेशि स्वदेहं प्रोक्षयेत्सदा |
उच्छ्ष्टहस्तः प्रजपेत् ब्रह्ममार्गः प्रकीर्तितः || ७ ||

ब्रह्ममार्गक्रमो देवि गदितस्तु मया तव |
अन्येन क्रमयोगेन सिद्धमार्गक्रमी भवेत् || ८ ||

सिद्धविद्या प्रसन्ना स्यात्प्रत्यक्षा वर दायिनी |
सुरेन्द्रोऽपि च दासः स्यान्मनुष्याणां च का कथा || ९ ||

रहस्यं कथितं भद्रे गोपनीयं स्वयोनिवत् |
इति संक्षेपतः प्रोक्तं किमन्यच्छ्रोतुमिच्छसि || १० ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंअवादे ब्रह्ममार्गक्रमो नाम 
एकोनत्रिंशतिः पटलः || २९ ||


त्रिंशतिः पटलः |

देवेश श्रोतुमिच्छामि क्रममालाविनिर्णयम् |

श्रीशिव उवाच |

पूर्वोक्तक्रमविद्यानां मालां शृणु महेश्वरि || १ ||

दन्ताख्यमाला कथिता महामाला तथैव च |
धिन्नमस्ताविधौ देवि नरास्थिमालिका तथा || २ ||

रक्तचन्दनजा माला त्रिपुरायां प्रकीर्तिता |
स्वयम्भूकुसुमाख्या तु भैरव्या परिकीर्तिता || ३ ||

गुञ्जामाला तु मातंग्यां धूम्रायां खरदन्तजा |
हरिद्राख्या तु वगलामुख्या माला प्रकीर्तिता || ४ ||

दन्तोत्था नरशङ्खोत्था नारिकेलमयी तथा |
अनयोर्न हि भेदोऽस्ति शिवशक्योर्यथा प्रिये || ५ ||

मालिका कमलाक्षस्य महालक्ष्म्याः प्रकीर्तिताः |
भुवनेश्याः स्फाटिकी स्यात्सिद्धविद्याविधौ शिवे || ६ ||

गुञ्जाख्यमालिका शस्ता तद्विद्याशक्तयः शृणु |
गन्धरूपजातिभेदैर्महाविद्या प्रकीर्तिता || ७ ||

तत्क्रमं देवदेवेशि शृणु यत्नेन साम्प्रतम् |
रूपगन्धक्रमेणैव नाम दद्यान्महेश्वरि || ८ ||

मातृपितृकृतं नाम त्यक्त्वा यत्नेन पार्वति |
स्वयं नाम प्रदद्याद्वै यथायोगेन पार्वति || ९ ||

या सा प्रथमशक्तिस्तु शुद्धान्तःकरणा द्विजा |
शुद्धा विमलसद्गात्री दिव्यगन्धा मनोरमा || १० ||

सा हि स्वप्नवतो देवी सर्वसिद्धिप्रदर्शिका |
या कृष्णा नीलकृष्णाभा मधुपिङ्गललोचना || ११ ||

साधकाकाकांक्ष्यहृदया पुंगन्धा निन्द्यगन्धिका |
तस्यां काली समायोज्या सा काली परिकीर्तिता || १२ ||

या स्यात्तृतीया गौरांगी मधुगन्धानुलेपना |
त्रिपुरा नाम सा देवी स्वपुष्पक्रमसाधिनी || १३ ||

प्. १२२) मदगन्धा तु या नारी मदस्खलनमन्थरा |
युक्ता चामिषगन्धेन महिषासुरमर्दिनी || १४ ||

मद्यगन्धा तु या नारी रक्तनेत्रातिनिष्ठुरा |
महोग्रतारा सम्प्रोक्ता महापापविनाशिनी || १५ ||

अश्वगन्धा तु या नारी दीर्घजङ्घा मनोहरा |
सा स्याच्चकितलोलाक्षी अश्वारूढा वरप्रदा || १६ ||

अमागन्धा च वदने पूतिगन्धा च सन्धिसु |
नीलकेशी च सा प्रोक्ता साक्षाद्दुर्गा मदोन्मुखी || १७ ||

सर्वलक्षणसंयुक्ता नानागन्धसमाकुला |
सुन्दरी चारुकेशी च दीर्घनेत्रा मनोहरा || १८ ||

नानाविलासकुशला कुलशास्त्रविचारिणी |
गुरुवक्षःस्थलाक्रान्ता मध्ये विरलदर्शिनी || १९ ||

सुन्दरी सा भवेद्गौरी सर्वकार्यप्रवर्तिनी |
दिव्यवर्णा कृशाङ्गी च दिव्यगन्धानुलेपना || २० ||

भुवनेशी मया प्रोक्ता कमलां शृणु पार्वति |
चार्वङ्गी चारुनेत्रा च कब्ज पद्मासनस्थिता || २१ ||

पीताभरणभूषाङ्गी कमला परिकीर्तिता |
गुञ्जाहारविभूषाढ्या श्यामचञ्चललोचना || २२ ||

चारुहासा तु मातङ्गी विद्या ख्याता महेश्वरि |
पिङ्गनेत्रा पिङ्गकेशा किंबिन्दुश्चातिहासिनी || २३ ||

धूमावती च सा प्रोक्ता सिद्धविद्यां शृणु प्रिये |
सर्वदा भोजनासक्ता बहुभोज्याति चञ्चला || २४ ||

त्रैलोक्यमोहनाकारा सिद्धविद्या प्रकीर्तिता |
लम्बवक्त्रा च लम्बोष्ठी पीतवर्णाति निश्चला || २५ ||

बगला सा महेशानि कीर्तिता तव सुव्रते |
दशविद्या इमाः ख्याताः शक्तिरूपेण पार्वति || २६ ||

त्रिधा भावं महेशानि मातृस्त्रीभगिनीक्रमात् |
क्रीडन्ति सततं देवि विद्या एव न संशयः || २७ ||

प्. १२३) दशक्रमा महेशानि दशविद्यासु यत्नतः |
सर्वधा कारयेद्देवि नान्यथा युगकोटिभिः || २८ ||

न हि सिध्यन्ति देवेशि दशपद्मजपेन वै |
तस्मात्सर्वप्रयत्नेन स्वस्वविद्याक्रमं चरेत् || २९ ||

स्वयम्भूकुसुमं देवि त्रिविधं कीर्तितं कलौ |
गौडकाश्मीरमार्गेण षड्विधं तच्च वै भवेत् || ३० ||

आषोडशादनूढायाः पुष्पमुत्तममीरितम् |
बलात्कारेण * * पुष्पं मध्यममीरितम् || ३१ ||

रजोयोगेन जातायाः कनिष्ठं कीर्तितं प्रिये |
काश्मीराख्यक्रमे देवि शृणु पुष्पक्रमं च || ३२ ||

आषोडशादभुक्तायाः पुष्पमुत्तममीरितम् |
बलात्कारेण * * पुष्पं मध्यमीरितम् || ३३ ||

रजोयोगेन स्वेच्छायाः कनिष्ठं परिकीर्तितम् |
पुष्पत्रयमिदं प्रोक्तं त्रिषु लोकेषु दुर्लभम् || ३४ ||

प्रति * * * पुष्पमनङ्गगन्धसंज्ञकम् |
रहस्यातिरहस्यं च न वक्तव्यं कदाचन || ३५ ||

गोपनीयं गोपनीयं गोपनीयं पुनः शिवे |
इति संक्षेपतः प्रोक्तं किमन्यच्छ्रोतुमिच्छसि || ३६ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यग्रतारासंवादे क्रममालाविनिर्णयो नाम 
त्रिंशतिः पटलः || ३० ||


एकत्रिंशतिः पटलः |

श्रीदेव्युवाच |

दशक्रमः शक्तयश्च त्वयोक्ताः परमेश्वर |
तत्क्रमाणां फलं देव कियत्कालेन जायते || १ ||

तत्सर्वं देवदेवेश पुरा रूपा क्रिया कथम् (?) |

श्रीशिव उवाच |

शृणु देवि प्रवक्ष्यामि रहस्यं तव सन्निधौ || २ ||

अष्टम्यां च चतुर्दश्यां पक्षयोरुभयो रपि |
नीलसाधनकं कर्म सर्वथा कारयेच्छिवे || ३ ||

प्रत्यहं क्रियतां देवि तदभावे महाष्टमी |
सत्ये च दशवर्षेण त्रेतायां हायनेन च || ४ ||

द्वापरे तद्द्विमासेन ह्यहोरात्रं कलौ युगे |
सिद्धिर्भवति देवेशि नीलमार्गे विशेषतः || ५ ||

सम्पूर्णदिवसं त्यक्त्वा रात्रौ याममपश्चिमम् |
अंत्य यामं च सन्त्यज्य मध्ययामद्वयम् || ६ ||

तन्मध्ये तुर्यनाडीषु कालिका वरदा भवेत् |
सोपानषोडशयुते नानाभूतगणैर्युते || ७ ||

नवसोपानतन्मध्ये सप्तमेन समाकुले |
तत्र स्थिता महाकाली परिवारगणैः सह || ८ ||

साधकाकाक्ष्यहृदया वह्निवेतालसंयुता |
श्रीमतोत्तरतंत्रोक्त कवचावरणैर्युता || ९ ||

कलावस्थैः समायुक्ता स्वयं याति ततः परम् |
महानील क्रमे देवि सङ्खयां शृणु महेश्वरि || १० ||

सत्ये विंशतिवर्षेण त्रेतायां हायनद्वये |
द्वापरे मासषट्कैस्तु कलौ मासद्वयोत्तरम् || ११ ||

अनेनैव क्रमेणैव छिन्नमस्ताविधिः स्मृता |
एतावद्धि विशेषोऽस्ति शक्तिसङ्गः सदा स्मृतः || १२ ||

गन्धर्वाख्यक्रमे संख्यां शृणु यत्नेन पार्वति |
शतं विंशतिदिग्वेदसप्तमारभ्य पार्वति || १३ ||

प्. १२५) वीरसाधनकं कर्म चतुर्मन्त्रैः समाचरेत् |
स्पुष्पाख्यक्रमे सङ्खयां शृणु यत्नेन पार्वति || १४ ||

ऋषिवेदवह्नियामयोगमार्गेण सिद्द्यति |
महाचीनक्रमे सङ्ख्यां शृणु यत्नेन पार्वति || १५ ||

षट्त्रिंशद्दशवेदाख्यषट्त्रिंशद्दिवसैः शिवे |
सत्यादिकलिपर्यन्तं महाराजक्रमं शृणु || १६ ||

अशीतिषष्टिषड्विश सप्तवर्षक्रमेण च |
सत्यादिकलिपर्यन्तं ब्रह्मभावक्रमं शृणु || १७ ||

सहस्रं शतकन्यूनं षष्टिवर्षेण पार्वति |
कलार्चनक्रमे देवि सङ्खयां शृणु प्रत्यत्नतः || १८ ||

सहस्रं षट्शतं वेदशतं षोडशहायनम् |
सत्यक्रमाच्च कल्यन्तं धूम्रभावं शृणु प्रिये || १९ ||

दिक्सहस्रं षट्सहस्रं सहस्रं पञ्चविंशतिः |
ब्रह्माभावे महेशानि कलौ च वत्सरत्रयं || २० ||

दशवर्षं मासषट्कं देवता वरदा भवेत् |
प्रत्यक्षदर्शने देवि संख्या प्रोक्ता मया तव || २१ ||

सिद्धमन्त्रे महेशानि पूर्वयोगेन सिध्यति |
पूर्वक्रमो महेशानि मन्त्रमात्रे प्रकीर्तितः || २२ ||

पूर्वक्रमेण देवेशि दुष्टमन्त्रोऽपि सिध्यति |
रहस्यातिरहस्यं च गोपनीयं स्वयोनिवत् || २३ ||

गोपनात् सिद्धिमाप्नोति नात्र कार्या विचारणा |
इति संक्षेपतः प्रोक्तं किमन्यच्छ्रोतुमिच्छसि || २४ ||

इति श्रीशक्तिसङ्गमतन्त्रराजे द्वितीयखण्डे 
श्रीमदक्षोग्रतारासंवादे क्रमफलकथनं 
नामैकत्रिंशतिः पटलः || ३१ ||


द्वात्रिंशतिः पटलः |

श्रीदेव्युवाच |

पूर्वं संसूचितं नाथ मुद्रासङ्केतकं तथा |
किं त्वया गोपितं स्वामिन् कथयस्व ममाधुना || १ ||

श्रीशिव उचा |

रहस्यातिरहस्यं च सारात् सारतरं शिवे |
कथयामि तव प्रीत्या रहस्यं गोपयेत् प्रिये || २ ||

केरलश्चैव काश्मीरो गौडश्चैव तृतीयकः |
सम्प्रदायत्रयं प्रोक्तं प्रत्येकं विविधं भवेत् || ३ ||

शुद्धगुप्तोग्रभेदेन नवधा परिकीर्तितम् |
दिव्यसिद्धमानवौघो दक्षिणामूर्तिशङ्करः || ४ ||

आनन्दभैरवः कालश्चाति कालक्रमेण च |
आनन्दभैरवमते पञ्चाशीति गुरुक्रमः || ५ ||

दक्षिणामूर्तिंसमत्या भेदत्रितयमेव च |
दशविद्याक्रमेणैव दश भेदाः पुरोदिताः || ६ ||

परतो शिवनिर्वाणं षट्शाम्भवक्रमेण च |
कादिहादिक्रमेणैव रश्मिपुंशक्तिभेदतः || ७ ||

षट्सहस्रं वेद शतं चतुःषष्टिः प्रकीर्तितः |
प्रकृतौ विद्यमानायां विकृतिर्न बलीयसी || ८ ||

सम्प्रदायत्रयं देवि प्रकृतिस्थानगोचरम् |
तत्त्वमुद्रा मकाराख्या भेदेन त्रितयं भवेत् || ९ ||

दुग्धे वृन्ताककं देवि सूरणं दुग्धमांसकम् |
कुमारी पञ्चपञ्चत्वमक्षरान्ते प्रकीर्तितम् || १० ||

* * * * सम्पूज्य न विकारं समाचरेत् |
बालायां तरुणायां च बालां सम्पूज्य पञ्चमम् || ११ ||

मद्यं मांसं तथा मत्स्यं मुद्रां मैथुनमेव च |
मकारपञ्चकं प्रोक्तं देवताप्रीतिकारकम् || १२ ||

गुडार्द्रकरसो देवि मुद्रा तु प्रथमा मता |
पिण्याकं लवणं देवि द्वितीया परिकीर्तिता || १३ ||

लशुनं तित्तिडी चैव तृतीया परिकीर्तिता |
सूर्यमण्डलसंकाशा चन्द्रमण्डलसन्निभा || १४ ||

प्. १२७) गोधूममाषसम्भूता सुन्दरी च चतुर्थिका |
शक्त्यालापः पञ्चमी स्यात्पञ्चमुद्राः प्रकीर्तिताः || १५ ||

श्रीदेव्युवाच |

मुद्रा नाम तु किं जातं तत्त्वं किन्नामकं भवेत् |
मकाराः किस्वरूपाश्च सर्वं कथय शङ्कर || १६ ||

श्रीशिव उवाच |

रहस्यं कथ्यते देवि शृणु यत्नेन साम्प्रतम् |
महादेव्या यथा प्रोक्तं तद्रूपं ब्रूयते यथा || १७ ||

तद्रूपधारणान्मुद्रा तद्रूपाद्विकृतिर्भवेत् |
विना मार्गं महेशानि गतिश्चैव कथं भवेत् || १८ ||

मार्गप्रदर्शनाद्देवि गतिः सर्वत्र दृश्यते |
तन्मार्गदर्शनार्थं हि मकाराः पञ्च कीर्तिताः || १९ ||

ज्ञात्वा फलमवाप्नोति नात्र कार्या विचारणा |
ब्रह्मा विष्णुश्च रुद्रश्च सदाशिवः || २० ||

एते पञ्च मकाराश्च पञ्च नामप्रकारकाः |
आत्मविद्या शिवा सर्वा पूर्णेति पञ्चमं विदुः || २१ ||

पञ्च तत्त्वानि देवेशि केरले कीर्तितानि च |
पञ्च मुद्रानामधरा स्यात्यानन्दो वच्मि संशृणु || २२ ||

ब्राह्मी च वैष्णवी रौद्री ईश्वरी श्री सदाशिवा |
पञ्च मुद्राः समाख्यातास्तत्त्वमामधराः शिवे || २३ ||

सन्तर्प्य कुण्डलीं शक्तिं पञ्च मुद्राविधानतः |
अलिना पिशितं मीनं मुद्रा मथुनमुत्तमम् || २४ ||

मकारपञ्चकं यत्र तत्र देवी न संशयः |
न मध्यं माधवीमद्यं शक्तिरसोद्भवम् || २५ ||

सुसुम्ना शङ्खिनी मुद्रा उन्मन्यनुत्तमं रसः |
सामरस्यामृतोल्लासं मैथुनं च सदाशिवम् || २६ ||

महाकुण्डलिनी शक्तिस्तद्योगार्थं महेश्वरि |
शक्तिः प्रोक्ता महेशानि न भोगार्थं मयेरिता || २७ ||

कुण्डलीसामरस्यार्थं स्वयम्भूलिङ्गमीरितम् |
एतदभ्यासयोगेन कुण्डलीरसवान् भवेत् || २८ ||

कुण्डली कीदृशी देव तद्रसः कीदृशो भवेत् |

श्रीशिव उवाच |

अवाच्यं यद्भवेद्वच्मि तद्रसस्तु यथा भवेत् || २९ ||

तथा समरसानन्दरसः सङ्कीर्तितो मया |
अज्ञानादपि देवेशि भोगवासनयाऽपि च || ३० ||

फलं संसारजं देवि गर्भरूपेण जाग्रति |
ज्ञात्वा फलमवाप्नोति त्रैलोक्यविजयी भवेत् || ३१ ||

तस्मात्तु पञ्चमी मुद्रा कीर्तिता तु मया तव |
संयोगामृतयोगेन कुण्डल्युत्थानकारणात् || ३२ ||

चान्द्रपात्रे यदा याति तन्मध्ये परिकीर्तितम् |
मणिपूरे दशदले सुषुम्नायां यदा गतः || ३३ ||

तत्करामृतयोगाद्धि द्वितीया परिकीर्तिता |
हृत्पद्मद्वादशारे तु शंखिनी कूर्मसंस्थिता || ३४ ||

सुधासागरक्रीडायां मत्स्यस्तत्र प्रकीर्त्तितः |
मुद्रा तृतीया गदिता चतुर्थीं षोडशच्छदे || ३५ ||

चन्द्रसूर्याग्निसंभिन्ना वर्तुला बिन्दुगर्भिता |
भगध्वजाख्यचणकैर्घटिता तु चतुर्थिका || ३६ ||

पञ्चमुद्रा मया प्रोक्ता मोक्षं भावफलाप्तये |
मकारपञ्चकेनैव ज्ञानमेतस्य जायते || ३७ ||

मकार रूपमार्गो हि कीर्तितस्ते मया तव |
इति संक्षेपतः प्रोक्तं किमन्यच्छ्रोतुमिच्छसि || ३८ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे मुद्रासङ्केतकं ना 
द्वात्रिंशतिः पटलः || ३२ ||


त्रयस्त्रिंशतिः पटलः |

श्रीदेव्युवाच |

देवेश श्रोतुमिच्छामि पूर्वोक्तं च रहस्यकम् |

श्रीशिव उवाच |

पञ्चमुद्राख्यसङ्केते मुख्यसङ्केतकं शृणु || १ ||

पानं पञ्चविधं प्रोक्तं महादिव्यादिभेदतः |
महादिव्यं तथा दिव्यं वीरश्चैव महापशुः || २ ||

पशुबन्धः पशुश्चेति पञ्चधा परिकीर्तितम् |
प्राणापानौ समाहारौ प्रत्याहारो मनःस्थिरम् || ३ ||

भानुमण्डलकं भित्वा इन्दुमण्डलमध्यगम् |
सुषुम्नावर्त्मनि नित्यं सुधाधारापकर्षिणी || ४ ||

दिव्यपानमिदं प्रोक्तं सर्वसिद्धिकरं परम् |
महादिव्यमिदं प्रोक्तं शृणु दिव्यं महेश्वरि || ५ ||

दिव्यं देव्यग्रतः पानमुत्तमं वीरपानकम् |
त्यक्तसर्वाशयोन्मूलवासनामल संचयः || ६ ||

कौलिकाचारयोगेन पञ्चतत्त्वेन तर्पयेत् |
षट्चक्रक्रमभेदेन हुनेद्द्रव्यं सममन्त्रकम् || ७ ||

ध्यानार्चनपरावस्था वीरापानमनुत्तमम् |
उद्वासनोत्तरं देवि वीरपानं तदुच्यते || ८ ||

वीरपानं द्विधा प्रोक्तं पशुपानं शृणु प्रिये |
वीरपाने पूर्ववीरः परस्तु पशुरित्यपि || ९ ||

आसक्तलोलुपो दम्भो मन्त्रार्थे त्वप्रसङ्गतः |
कामुकः कामनिर्देशः पशुपानं तदुच्यते || १० ||

सर्वै कुलीनैः स्थित्वा तु विना पूजां सुगर्वितैः |
यत्पानं क्रियते देवेइ पशुपानं तदुच्यते || ११ ||

अन्योऽपि शृणु देवेशि पशुपानक्रमं शिवे |
एकाकी मद्यपानी य एकाकी शक्तिभुक् प्रिये || १२ ||

माहेश्वरस्य संसर्गं न कदापि करोति चेत् |
पशुपानमिदं प्रोक्तं महादारिद्र्यदायकम् || १३ ||

प्. १३०) विना मन्त्रं विना दीक्षां गुरुमुखात्प्रिये |
यत्पानं क्रियते मुखैः पशुपानं विदुर्बुधाः || १४ ||

पशुस्तु त्रिविधः प्रोक्तः पूर्वेण सह भैरवे |
एकाकी पाननिरतः पशुरित्यभिधीयते || १५ ||

दीक्षितो निन्दको यस्तु द्वितीयः परिकीर्तितः |
अदीक्षितः क्रियीनो मन्त्रतन्त्रविवर्जितः || १६ ||

महापशुरिति प्रोक्तः कौलवामौ शृणु प्रिये |
वामं रामा रतियुता बलिपात्रं तु दक्षिणे || १७ ||

पानपात्रं महेशानि वामहस्तेन तर्पकः |
महाकौलो महेशानि भूमौ संस्थाप्य तर्पयेत् || १८ ||

हस्तद्वयेन चेद्देवि कौल इत्यभिधीयते |
वामदक्षव्यत्ययेन वीरकौलः प्रकीर्तितः || १९ ||

अलिपात्रं वामपाणौ दक्षहस्तेन तर्पयेत् |
वामगौडस्तु सम्प्रोक्तश्चतन्याख्यः स एव || २० ||

भूमौ स्थाप्य महेशानि हस्तयुग्मेन तर्पयेत् |
आनन्दाख्यस्तु सम्प्रोक्तो वाम इत्यभिधीयते || २१ ||

पूजायां देवदेवेशि केरले दक्षहस्ततः |
गौडे वामकरेणैव पूजां च तर्पयामि || २२ ||

तर्पयामि पूजयामि नमश्चैव त्रिभागशः |
आदौ मध्ये तथा चान्ते भिन्नं भिन्नं च वा प्रिये || २३ ||

दक्षेणैव महेशानि केवलं पूजयामि च |
तर्पयामि ततः प्रोच्य हृदाद्यन्ते समुच्चरेत् || २४ ||

एतेऽत्र सम्प्रदायाश्च मया प्रोक्ता महेश्वरि |
सिद्धचैतन्यनामा च विलासाख्यस्ततः परम् || २५ ||

सत्यचैतन्यनामा च सिद्धाख्यश्च तदुत्तरम् |
चैतन्यादि विलासी तु सिद्धप्रज्ञाभिधस्ततः || २६ ||

सिद्धप्रज्ञाभिधश्चैव दिव्यानन्दाभिधस्ततः |
सिद्धबोधनन्दसंज्ञो दिव्यचैतन्यसंज्ञिकः || २७ ||

प्. १३१) सिद्धबोधस्ततः प्रोक्तो दिव्यचैतन्यसंज्ञिकः |
दिव्यप्रज्ञाननाथाख्यो दिव्याद्वैतश्च शाश्वती || २८ ||

शाम्भवाद्वैतनामा च मेधाद्वैताभिधस्ततः |
एते षोडश संप्रोक्ताः केवलं तर्पणक्रमात् || २९ ||

अन्ये भेदा विस्तारेण रहस्ये परिकीर्तिताः |
गोपनीयं गोपनीयं स्वयोनिरपरा यथा |
इति संक्षेपतः प्रोक्तो मुद्रासङ्केत उत्तमः || ३० ||

इति श्रीशक्तिसङ्गममहातन्त्रराजे उत्तरभागे 
श्रीममदस्क्षोभ्यमहोग्रतारासंवादे पानसङ्केतकं नाम 
त्रयस्त्रिंशतिः पटलः || ३३ ||


चतुस्त्रिंशतिः पटलः |

श्रीदेव्युवाच |

विश्वेश श्रोतुमिच्छामि लतासङ्केतमुत्तमम् |

श्रीशिव उवाच |

लतासङ्केतकं देवि शृणु यत्नेन साम्प्रतम् || १ ||

मेधादीक्षां विना देवि न लतासाधनं भवेत् |
कादिहादिकला नाम लता प्रोक्ता मया तव || २ ||

बालादि शाम्भवान्तं च मेधापूर्वं प्रकाशिता |
श्रीस्पर्शकालीमारभ्य गुह्याम्बान्तं महेश्वरि || ३ ||

मेधादीक्षा महेशानि कादिहादिमतेऽपि च |
सर्वसाम्राज्यमेधा तु द्वयोर्योगे भवेत् प्रिये || ४ ||

मणिपूराद्बिलान्तं च बालामारभ्य योजयेत् |
मणिपूराद्बिलान्तं च स्पर्शमारभ्य योजयेत् || ५ ||

अथवा देवदेशि संहारसृष्टिमार्गतः |
सृष्टिः कादिर्यदा देवि संहृतिगोचरा || ६ ||

हादिः सृष्टिस्तदा काली संहारान्त क्रमाद् भवेत् |
परादि सर्वातीतान्तं ब्रह्म चारभ्य पार्वति || ७ ||

शान्त्यतीतान्तगं ज्ञात्वा शिवशक्त्या प्रबोधयेत् |
अथवा वर्णवेधेन केवलां वेधरूपिणीम् || ८ ||

चक्षुष्मतः समारभ्य साम्राज्यान्तं समाचरेत् |
मेधादिक्षायुक्तानां न च मुण्डनमारितम् || ९ ||

केशान् संवर्द्धयेद्देवि सर्वदा तैललेपनम् |
न श्मश्रून् कृन्तयेद्देवि यावद्वेधः प्रदृश्यते || १० ||

वाग्वेधः श्रुतिवेधश्च दृष्टिवेधस्तृतीयकः |
स्पर्शवेधश्चतुर्थः स्यात्क्रिया वेधस्तु पञ्चमः || ११ ||

अनुक्रमेण देवेशि जायन्ते साधनक्रमात् |
ब्रह्माण्डगोलके या च या काचिज्जगतीतले || १२ ||

समस्ताः सिद्धयस्तस्य साधकस्य पुरः स्थितः |
यस्य वीक्षणमात्रेण जायन्ते साधन क्रमात् || १३ ||

प्. १३३) स्वयमायाति पुरतो जयादीनां च का कथा |
निर्देशवर्तिनो भूत्वा वर्तन्ते चेटका इव || १४ ||

मनोरथमयी सिद्धिस्तस्य दासी सदा भवेत् |
अणिमा खेचरी वीक्षा गुटिका कामरूपिता || १५ ||

धातुवादश्च वेताला यक्षिण्यश्चिरजीविता |
परकायप्रवेशादि चराचरपुरी गतिः || १६ ||

षष्टिसिद्धीश्वरो भूयान्नात्र कार्या विचारणा |
षट्कर्माणि महेशानि वीक्षया सम्भवन्ति च || १७ ||

यावद्विभूमिका भूयात्तावत्कुर्यान्निरन्तरम् |
यदेव भूमिका जाता तदागन्धर्वमार्गतः || १८ ||

गन्धर्वमार्गाद्देवेशि शिव एव न संशयः |
साम्राज्यमेधायुक्तो हि लतासाधनमाचरेत् || १९ ||

अन्यथा कुरुते यस्तु पातो भविष्यति |
इति संक्षेपतः प्रोक्तं किमन्यच्छ्रोतुमिच्छसि || २० ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे लतासङ्केतकं नाम 
चतुर्स्त्रिंशतिः पटलः || ३४ ||


पंचत्रिंशतिः पटलः |

श्रीदेव्युवाच |

देवेश श्रोतुमुच्छामि लतारूपमथादरात् |

श्रीशिव उवाच |

लतारूपं महेशानि पूर्वमेव मयेरितम् || १ ||

सामान्यतः प्रवक्ष्यामि सावधानमना भव |
तरुणीं तु सुलावण्यां सुन्दरीं चारुदासिनीम् || २ ||

चंचलां कञ्जनेत्राश्च षोडशाब्दामपुष्पिताम् |
कटाक्षताडिनीं रामां सुगन्धां तनुमोहिनीम् || ३ ||

ईदृग्विधां समालोक्य सदा तत्सङ्गमाचरेत् |
तस्याः संचुंबनं कार्यमविकारेण चेतसा || ४ ||

नारीं निवीक्ष्य यत्नेन अविकारी नरो यदि |
विकारे जायमाने तु साधको नश्यति ध्रुवम् || ५ ||

सर्वदा तु निवीक्ष्यैनां तद्योगं शृणु सत्वरम् |
चरणान्मूलपर्यन्तं पीत्वा पीत्वा पुनः पिबेत् || ६ ||

तस्या नखशिखा ज्योत्स्नाखण्डितान्तस्तमो भवेत् |
कमठी कर्पराकारा प्रपदाञ्चितशोभया || ७ ||

स्निग्धान्तःकरणो वीरो निर्विकल्पः सदा भवेत् |
सुवृत्तजानुना चारु जङ्घोरुजघनाश्रयैः || ८ ||

नाभौ रोमावली वक्षःस्थलैः पीनपयोधरौ |
ग्रीवानयनपर्यन्तं केशाग्रैः प्रवरस्थितैः || ९ ||

यावन्मधुमदापूर्णौ निस्सीमैर्भावलोकितैः |
स्निग्धेन्द्रियश्च सन्तुष्टश्चतुर्वर्गसमन्वितः || १० ||

निवृत्तिकाले च पुनर्भावपूर्णामृतैर्निजम् |
मुखं बिन्दुवदाकारं समारभ्य महेश्वरि || ११ ||

साधकोत्तम इत्युक्तः श्लोकानां च चतुष्टयम् |
ध्यात्वा स्पृष्ट्वाऽथवा दृष्ट्वा एतत्कामकलान्वितः || १२ ||

क्षणं तत्र विमृश्यैतज्जयते भावसञ्चयः |
कुलेषु तत्कलारूपमङ्गले परिवर्त्य च || १३ ||

प्. १३५) कुले सञ्जायते यत्नात्कथं तत्कथयामि ते |
कुले साक्षाद्यतस्तत्त्वं स्वयं चिन्तिततत्त्वतः || १४ ||

तेन तत्कुलशास्त्रज्ञैः पूजनीयं प्रयत्नतः |
कुलदेवी चात्मदेवी निश्चला यस्य वर्तते || १५ ||

स धन्यः पुरुषो लोके निश्चलोदय एव सः |
यत्कुले कुलदीक्षा तु तस्मात्साऽपि स एव हि || १६ ||

अदीक्षितकुलासङ्गात्सिद्धिहानिः प्रजायते |
तत्कथाश्रवणं चेत्स्यात्तत्तल्पगमनं || १७ ||

स कुलीनः कथं देवि स कथं मम पूजकः |
गन्धरूपानुरूपेण नाम कुर्यान्निजेच्छया || १८ ||

मातृपितृकृतं नाम वर्जनीयं प्रयत्नतः |
परयोषाधिका ज्ञेया निजस्त्री प्रीतिवर्धनी || १९ ||

आगते स्वागतं कुर्याल्लीलायोगान्निजेच्छया |
तस्मादुत्थाय हस्ताग्रे धृत्वा संवेशयेत्ततः || २० ||

वामभागे समासीनां सुवर्णां कामरूपिणीम् |
ध्यात्वा कामकलां तत्र बिन्द्वादिपूर्णविग्रहः || २१ ||

केशविन्यासतिलकहारकेयूरयावकम् |
सर्वकलाविधानादौ कुलद्रव्याणि योजयेत् || २२ ||

हेतुयुक्तं सताम्बूलं दत्त्वा भुक्त्वा तु साधकः |
पश्येत् कुलपथं तस्या लौकिकालौकादिकम् || २३ ||

स्वयं चोद्भवपुष्पाणि कीर्तितानि कुलादिषु |
न करोति कुलाभिज्ञः शिवोऽपि नश्यति ध्रुवम् || २४ ||

दृष्ट्वा दोषादिकं तत्र स्नेहादपि न शिक्षयेत् |
भाषयेन्न कटूक्त्या वै कृते तु निष्फलं भवेत् || २५ ||

कुलशास्त्ररहस्यं तु कुलमूलं यतः प्रिये |
वरं कुलमत त्यागो वरं कुलगुरोरपि || २६ ||

न त्यागं पापं स्वकुलं दृष्टदोषादपि प्रिये |
कुलवृक्षस्थितः सोऽहं स्वकुलं पोषयाम्यहम् || २७ ||

तेन सर्वप्रयत्नेन रक्षणीयञ्च यत्नतः |
स्वकुले कुलबाहुल्यं यदि स्याद्भाग्ययोगतः || २८ ||

प्. १३६) समरूपं विधातव्यं वैपरीत्यं त्यजेद्बुधः |
पृथक् ध्यानं पृथक् स्थानं पृथक् पूजा पृथक् स्तुतिः || २९ ||

न कर्तव्या प्रयत्नेन किमेतैर्बहुजल्पितैः |
कुले तिष्ठामि देवेशि नात्र कार्या विचारणा || ३० ||

तासां विश्वासघातेन तद्देशश्चैव नश्यति |
प्रमोदादमृताख्यानं ममस्यान्नात्र संशयः || ३१ ||

कुलजाहं महायुद्धे वीरास्फालनिनादिनी |
न दोषमात्रमिच्छामि पातयामि यतो जगत् || ३२ ||

सौन्दर्यपतिविद्वेषः कटूक्तिः कलहादिकम् |
नीचानां गमनः चैव न चैव न वै तत्र वसाम्यहम् || ३३ ||

ब्रह्माण्डभाण्डसम्भेदात्तेन जीवेत्स सिद्धियुक् |
विना कुलेन संसिद्धिर्न कुत्रापि प्रविद्यते || ३४ ||

कुलालापानुसन्धायी कुलरूपं विचित्य च |
विहरेद्दिवसे चैव रात्रावाकृष्टितत्परः || ३५ ||

आनीय योषितः सर्वाः जात्यष्टकसमुद्भवाः |
गंधानुक्रमणादेव नामं कुर्यान्महेश्वरि || ३६ ||

एकजातिभवा वापि स्वरूपं पूर्वमीरितम् |
तन्मन्त्रं तत्र संयोज्य तेनैव पूजनं चरेत् || ३७ ||

शुद्धपुष्पैश्च नैवेद्यैर्लवणैर्मधुसंयुतैः |
पूजयित्वा यथापूर्वं साधयेन्निजसाधनम् || ३८ ||

तत्पुष्पेणैव नैवेद्यैस्तां कालीं परिपूजयेत् |
त्रिपुरानामिकां देवि रक्तं पुष्पेण पूजएत् || ३९ ||

गुणैः पूर्वोदितैर्युक्ता नाना वा एकजातयः |
रूपगन्धसमायुक्ता नामतः पूर्वमीरितम् || ४० ||

एवं कृत्वा तु बहुधा दृष्टादृष्टविभेदतः |
विशेषो ह्यत्र देवेशि किमन्यद्बहुजल्पितैः || ४१ ||

माययाच्छाद्य आत्मानं निजस्त्रीरूपधारिणी |
आगत्य * * * देवि तेनैव दृश्यते ध्रुवम् || ४२ ||

तस्मात्स्वदेशेनैवैतत् कर्तव्यं सिद्धिकांक्षया |
किं वा कामविलोपार्थं यतितव्यं सुरेश्वरि || ४३ ||

प्. १३७) कर्मदण्डं समादाय शिवसाम्यं विधाय च |
तद्गात्रं चक्रसूत्रेण वेष्टनं सप्तधा कृते || ४४ ||

पाशस्त्वं सर्वभूतानां रक्षणाय स्वयम्भुवा |
निर्मितोऽसि महाभाग दृढबन्धं विधीयताम् || ४५ ||

एवमामन्त्र्य तत्सूत्रं शिवाङ्गं सर्पवेष्टितम् |
जपेदशांशमासाद्य स्वीयमन्त्रं ततो जपेत् || ४६ ||

संहारस्वप्रबोधिन्या पुटितं प्रणवत्रयम् |
सुप्तमन्त्रः समाख्यातः श्वापदः सर्वजन्तुषु || ४७ ||

एवं कृत्वा स्वयं देवो महेशाधिक एव च |
कुले यदि स्याद्योगस्य चापल्यः स्मरलोलुपः || ४८ ||

तदा रक्षा विधातव्या न कार्या कर्हिचिद्बुधैः |
वरांगे शृणु मद्वाक्यमावयोः शुभहेतुकम् || ४९ ||

एतत्कार्यं समासाद्य कर्तव्यं तव चेष्टितम् |
एवमुक्त्वा निजं कार्यं विधाय साधकोत्तमैः || ५० ||

प्रवर्तनं न कर्तव्यं कुलयोगं महेश्वरि |
वीरपत्नीं वीरकन्या वीरांगनवरांगना || ५१ ||

नाकृष्य साधकैः कार्यं यावत्स्यान्मनसः स्थिति |
मनःक्षोभे तत्र जाते मूलयोगेन यत्फलम् || ५२ ||

तत्फलं जायते देवि सत्यं सत्यं न चान्यथा |
वीरपत्नी तु परमा स्वयमेव महेश्वरि || ५३ ||

सा स्मृता कुलविद्यानामाद्या चैव पुरातनी |
तद्वधूः परमेशानि सर्वमन्त्रप्रबोधिनी || ५४ ||

न्यायतोऽन्यायतो वापि गुरुपत्नी गुरुर्यदि |
वीक्षणादेव देवेशि सर्वार्थसाधको भवेत् |
इति संक्षेपतः प्रोक्तं किमन्यच्छ्रोतुमिच्छसि || ५५ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे लतारूपकथनं नाम 
पञ्चत्रिंशतिः पटलः || ३५ ||


षट्त्रिंशतिः पटलः |

श्रीदेव्युवाच |

शङ्कर श्रीमहादेव निशापूजां वद प्रभो |

श्रीशिव उवाच |

निशापूजा प्रकर्तव्या हेतुयुक्तः सदैव हि || १ ||

निजं कुलं समादाय स्वयं भैरवरूपधृक् |
कुलं च भैरवीरूपं तद्गात्रे न्यासविस्तरम् || २ ||

विन्यस्य सकलन्यासं नवयोन्यात्मकं तथा |
प्रसूनतुलिकामध्ये पुष्पप्रकरसङ्कुले || ३ ||

नानागन्धसमाकीर्णे कुलद्रव्येण यन्त्रकम् |
लिखित्वा पूजयेच्छङ्खे घटस्थापनपूर्वकम् || ४ ||

स्ववामभागे षट्कोणं तन्मध्ये ब्रह्मरन्ध्रकम् |
लिखित्वा तत्र कुम्भं च सौवर्णं राजतं तथा || ५ ||

ताम्रभूमिमयं वापि यद्वा लोहविवर्जितम् |
स्थापयेत्कलया देवि कुम्भे गन्धसुवासितम् || ६ ||

हेतुद्रव्यं ब्रह्मणादिभेदतः परिपूजयेत् |
तत्र मन्त्रं विलिख्यादौ द्यत्कुलसमुद्भवम् || ७ ||

ध्यात्वेष्टदेवतां तत्र जपेदष्टोत्तरं शतम् |
धेनुमुद्रां प्रदर्श्याथ अमृतं तद्विचिन्तयेत् || ८ ||

दृष्ट्वार्घ्यपात्रं नृत्यन्ति भैरवा मातरो गणाः |
इन्द्रादयः सुरा सर्वे नृत्यन्ति मधुलोलुपाः || ९ ||

ब्रह्मविष्णुमहेशाद्या नृत्यन्ति हर्षतत्पराः |
अर्घ्यभाण्डं द्विधा कृत्वा गुरवे चैकभागकम् || १० ||

एकं गुरुं समादाय एकेन देवतर्पणम् |
पीत्वा कुलरसं देवि नानालङ्कारभूषितम् || ११ ||

साक्षाद्यदि गुरुर्न स्यात्तदा तोये विसर्जयेत् |
आनन्दरूपवान् भूत्वा पूजयेत्परमेश्वरी || १२ ||

स्वस्वकल्पोक्तविधिना तत्तद्यन्त्रे प्रपूजयेत् |
विसर्जनं विधायाथ मन्त्रं वै प्रजपेत्ततः || १३ ||

तद्धि स्वरसमानेन अमृतं भुज्यते मया |
तच्चकोररसास्वादैः सम्यक् रसः प्रजायते || १४ ||

प्. १३९) तत्फलग्रहणादेव सुमेरोः शृङ्गरोहणं |
लतालिङ्गनमात्रेण सुधाधौतकलेश्वरः || १५ ||

मूलयोगे कृते तत्र जपेद्दश सहस्रकम् |
जपपूतं हविर्द्रव्यं गृहीत्वा तर्पयेत्ततः || १६ ||

विधाय तर्पणं देवि प्रदक्षिणमनुवजन् |
प्रणम्य स्तुत्वा कल्पोक्तस्तवेन तोषयेत्ततः || १७ ||

तस्मात्कुलं तथा योग्यं कृत्वा यत्नेन सञ्जपेत् |
कुलं शक्तिः समाख्याता तस्याः पूजादि कथ्यते || १८ ||

कुलाचारः स विज्ञेयो देवानामपि दुर्लभः |
कुलीनो जायते यस्मात्तत्कथं कथयामि ते || १९ ||

कुले साक्षाद्यतस्तत्त्वं स्वयं तिष्ठति तत्त्वतः |
मद्यं मांसं तथा मुद्रां मैथुनमेव च || २० ||

एभिरेव कृता पूजा कुलाचारः प्रकीर्तितः |
तेन तत्कुलशास्त्रज्ञैः पूजनीयः प्रयत्नतः || २१ ||

कुलं चात्मकुलं वापि निश्चलं यस्य वर्तते |
स धन्यः स च विज्ञानी कुलरूपः स एव च || २२ ||

कुलदीक्षा यतुकुले स्यात्स शिवः परिकीर्तितः |
यथा काली तथा तारा यथा श्रीभैरवी तथा || २३ ||

समपूजादिकं सर्वं प्रयोगं भावलक्षणम् |
वेदशास्त्रपुराणानि स्पष्टा वेश्याङ्गना इव || २४ ||

इयं तु शाम्भवी विद्या गुप्ता कुलवधूरिव |
सुगुप्तं कौलिकाचारमनुगृह्णन्ति देवताः || २५ ||

वाञ्छासिद्धिं प्रयच्छन्ति नाशयन्ति प्रकाशने |
अनाचारान्मधुपान् चक्रस्थान् शक्तिकौलिकान् || २६ ||

शिवगौरीधिया देवि भावयेन्नावमानयेत् |
कुलाचार गृहं गत्वा भक्त्या पापविशुद्धये || २७ ||

याचयेदमृतं चान्नं तदभावे जलं पिबेत् |
कुलाचारेण यद्द्रव्यं सर्वं दत्तं तु भक्तितः || २८ ||

नमस्कृत्य तु गृह्नीयादन्यथा नरकं व्रजेत् |
पूर्वोक्तं देवदेवेशि न सिद्धं स्यात्स्त्रियं विना || २९ ||

प्. १४०) स्त्रीसमीप प्रदेशो हि कामरूपाधिकस्तव |

श्रीदेव्युवाच |

पुरश्चरणलक्षैर्वा होमानामपि कोटिभिः || ३० ||

कोटिहोम दक्षिणाभिस्तस्मात्पूजनविस्तरैः |
न च सिद्धिं समायाति वनितासन्निधिं विना || ३१ ||

वनितासु सदा नाथ निवसामि निरन्तरम् |
वाराणसी कामरूपं जालन्धरमथापि वा || ३२ ||

अथवान्यानि पीठानि शाम्भवाख्यानि शङ्कर |
षट्चक्रं षोडशाधारं त्रितयं व्योमपञ्चकम् || ३३ ||

कुलचक्रे महादेव सर्वं नित्यं प्रतिष्ठति |
इतोऽपि किं महत्पुण्यं वक्तुं शक्नोमि शङ्कर || ३४ ||

कदाचिद्वनिता वापि वनिता वत सन्निधिम् |
विग्रहे नैव शक्नोमि देही देहं यथा प्रभो || ३५ ||

यादृशी तादृशी वापि व्याधिदारिद्र्यपीडिता |
विरूपा वा सुरूपा वा वतिता मम विग्रहा || ३६ ||

मयी स्याद्या दृशी भक्तिः साधकानां निरन्तरम् |
नूनं मेतादृशी कुर्याद्योषिन्मात्रेऽपि साधकः || ३७ ||

या नारी रूपसम्पन्ना सुदृशा गन्धशालिनी |
मम तस्याः परिज्ञेया शेषा तु शक्तिरीश्वरी || ३८ ||

बालां वा यौवनोन्मत्तां वृद्धां वा सुन्दरी तथा |
कुत्सितां वा महादुष्टां नमस्कृत्य विभावयेत् || ३९ ||

सर्वावस्थासु देवेशि योनिवन्धा तु साधकैः || ४० ||

साक्षाद्वा मनसा वापि नारी पूज्यैव दर्शनात् |
कदाचन कटूक्त्या तु साम्भाव्या वनिता जनैः || ४१ ||

स्त्रियो देवाः स्त्रियः प्राणाः स्त्रिय एव हि भूषणम् |
तद्धस्तरर्चितं भोज्यं तद्धस्तरचितं जलम् || ४२ ||

तद्धस्तरचितं पुष्पं देवताभ्यो निवेदयेत् |
तत्सङ्गिना सदा भाव्यमन्यथा स्वस्त्रियामपि || ४३ ||

* * र्देया न कुत्रापि साधकेन वधूः क्वचित् |
प्रत्यक्षदृष्टदोषेपि स्वस्त्रियो वा परस्त्रियः || ४४ ||

प्. १४१) सकृदपि न वक्तव्यो निन्दयेन्मनसापि न |
पूर्ववद्ध्यवहर्तव्या सर्वदा साधकेन सा || ४५ ||

मम निन्दा मम द्वेषो मम हिंसा ममार्दनः |
गुरुनिन्दा गुरुद्वेषो गुरुहिंसा तथैव च || ४६ ||

साधकेन वरं कार्यं वनिता नैव निन्दयेत् |
परं पूजां न कुर्वीत वरं बलिं परित्यजेत् || ४७ ||

कुलाचारं कुलद्रव्यं कुपंक्ति वरं त्यजेत् |
तथापि नैव योषाणां निन्दायां मानसं चरेत् || ४८ ||

किमिहोक्तेन बहुना वरं त्याज्यो भवन्मनुः |
तथापि नैव कर्तव्यं वनितानिन्दनादिकम् || ४९ ||

मातृवत्पूजयेन्नित्यं मातृवद्भावयेत्सदा |
साधकप्राणदानेन प्रीतिः स्याद्यदि कामिनी || ५० ||

प्राणान् दत्त्वापि कर्तव्या सुप्रीतिरनपायिनी |
स्वयं देहं समुत्सृज्य मोक्षमाप्नोति शाश्वतम् || ५१ ||

स्त्रीद्वेषो नैव कर्तव्यो विशेषात् पूजनं स्त्रियः |
स्त्रियं गच्छन् स्पृशन् पश्यन् विशेषात्कुलजां शुभाम् |
नारीं सम्पूजयेन्नित्यमुपभोगं न का कारयेत् || ५२ ||

इति श्रीसक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे निशापूजाकथनं नाम 
षट्त्रिंशतिः पटलः || ३६ ||


सप्तत्रिंशतिः पटलः |

श्रीशिव उवाच |

शृणु देवि वरारोहे रहस्यं महदद्भुतम् |
विना पूजां स्त्रियो * * सङ्गमे साधकोत्तमः || १ ||

सप्तजन्मदरिद्रत्वं नरके कोटिकल्पशः |
ब्रह्महत्या सुरापानं स्तेयं गुर्वङ्गनागमः || २ ||

एतत्पापकृतो दोषो जायते नात्र संशयः |
वीरो वाऽप्यथा दिव्यो न बुद्ध्वा नरके व्रजेत् || ३ ||

गुरुपूजाकृतिविधौ विद्योच्चारणकर्म तत् |
रहस्याख्यं कर्णकूपे दंशनं गण्ड * * || ४ ||

भूतशुद्धिपरिरम्भो संभावेन्द्रियनिग्रहः |
प्राणायामस्तवा कृष्टिः न्यासस्तस्याः समाहितः || ५ ||

परस्परावलोकश्च ध्यानकर्म प्रकीर्तितम् |
नखदन्त * * दीनि धूपदीपप्रतापनम् || ६ ||

तत्तत्तत्त्वविश्षोश्च प्रेम मुद्रा प्रकीर्त्तिता |
पूजनं गायनं स्तुत्यम् * * * विसर्जनम् || ७ ||

ज्ञति प्रोक्तं महेशानि रहस्यमपरं शृणु |
सत्यमेतद्विना * * * सङ्गान्मन्त्रो न सिध्यति || ८ ||

सङ्ग एव हि कर्तव्यः कर्तव्यं न च * * * |
पूजनीया सदा योषामद्भाव कृतनिश्चयः || ९ ||

तस्यां तु * * * देवि कर्तव्यं मम साधकैः |
मम भावस्वरूपा सा मत्स्वरूपा महं च सा || १० ||

यदि न * * देवि सा कथं भवतारिता |
भरता दृढपापेन सदृशो जायते नरः || ११ ||

मद्भावप्रतिपन्नापि अधिकारी न * * * |
यादृशी तु दृढे ज्ञाने मद्भावैकपरायणा || १२ ||

कदाचित्पतितां वापि कदाचिद्वापि पूतताम् |
कदाचित् गुरुतां याति कदाचिदपि शिष्यताम् || १३ ||

प्. १४३) इदृशं सर्वदा ज्ञानं निश्चयं यस्य योषितः |
स विष्णुः स शिवः साक्षात् स योग्यः सर्वकर्मसु || १४ ||

श्रीदेव्युवाच |

अहं हि जगतां धात्री जननी जन्मकारणम् |
सद्भावप्रतिपन्ना या साऽहमेव सुनिश्चितम् || १५ ||

कर्तव्या * * * नैव तस्या मनोविकारणा |
मोहाद्वा गुरुमौढ्याद्वा यदा यत्कुरुते सुधीः || १६ ||

वीरो वाऽप्यथवा दिव्यो अबुद्ध्वा नरकं व्रजेत् |
गुरुपत्नीम् द्विजपत्नी पितृपत्नीं प्रपूजयेत् || १७ ||

* * * नरकं यावत् तावत्कोटिगुणं भवेत् |
पापासम्भवमापन्ना नारी सर्वमयी ही सा || १८ ||

अहं च रोषसम्पन्ना नाशयामि तमीश्वर |
छिन्नशिरः शिरा तस्य द्वेषं पश्येद्भिया तपेत् || १९ ||

भया हतोऽपि पापात्मा प्राप्नोति नरकं महत् |
अथवा.पि चिरञ्जीवेन्महादुर्गतिदुर्गतिम् || २० ||

निरन्तरं रोग पीडा जायते तस्य पापिनः |
कदाचन शिरःपीडा कदाचित्तु गुरुज्वरः || २१ ||

कदाचित् गात्र्सन्तापः कदाचित्कर्णपीडनम् |
कदाचिदपि कण्डूः स्यात्कदाचित्तु विचर्चिकाम् || २२ ||

अनालोक्यं च बाधिर्यं खञ्जता तथा |
अन्येऽपि विविधा रोगाः कुष्ठाद्याः प्रभवन्ति हि || २३ ||

चक्षुर्नाशः श्रुतिच्छेदो नासाच्छेदस्तथैव च |
करच्छेदः पादच्छेदः शिरश्छेदोऽपि जायते || २४ ||

पशुपीडा राजपीडा वह्निपीडाऽपि जायते |
कुलं तस्मात्तु दोषेण भ्रियते नात्र संशयः || २५ ||

प्रार्थनामपि कुर्वाणो न लभेदन्नमुष्टिकम् |
मूलाहारः फलाहारः पत्राहारो जलाशनः || २६ ||

प्रायशो जायते पीडा तपःफलविवर्जितः |
तस्य स्यादसकृद्बन्धुद्रोहो भृत्याश्च तस्कराः || २७ ||

प्. १४४) स्वगोत्रकलहो नित्यं स्वगोत्रहिंसनं सदा |
सुहृद्भिः क्रियते द्वेषो रिपुणा बध्यते स तु || २८ ||

स्वयोषाऽपि विषं दद्यान्मित्रं वा सेवकोऽथवा |
औषधं च भवेत्तस्य महाहालाहले प्रभो || २९ ||

हितं पथ्यं सुहृद्वाक्यं न कदाचन रोचते |
हिता न वदनात्तस्य क्वचिद्वाणी बहिर्भवेत् || ३० ||

चारूक्ता बन्धुजा वाणी विपरीतेव जायते |
तदाज्ञाकारिणो न स्युः सुहृद्भृत्यादयस्तथा || ३१ ||

एकादशगृहस्थो हि ग्रहः पीडयते ध्रुवम् |
अन्यथा सिद्धिमापन्ना मन्त्राः स्युर्हतसिद्धयः || ३२ ||

एते ते कथिता दोषा योषि * * * सम्भवाः |
अधिकारविहीनानां अधिकारयुतेन हि || ३३ ||

ईश्वर उवाच |

अधिकारी भवेत्कीदृक् देवेशि भवदर्चने |
कथं स्यादधिकारश्च प्रागभ्यासप्रवर्तनम् || ३४ ||

महान्ममैव सन्देहो वर्द्धते जगदीश्वरि |
तदेव श्रोतुमिच्छामि सन्देहं छेदय प्रिये || ३५ ||

ममानुग्रहतो देवि तदेतद्वक्तुमर्हसि |

श्रीदेव्युवाच |

शृणु देव प्रवक्ष्यामि गुह्यात् गुह्यतरं महत् || ३६ ||

गोपितं सर्वतन्त्रेषु न देय यस्य कस्यचित् |
अहमेव परं ज्ञानमहमेव परा गतिः || ३७ ||

अहमेव परं ध्यानमहमेव परा श्रुतिः |
मत्तः परतरं विश्वे न किञ्चिदवलोकयेत् || ३८ ||

अहमेव जगत्सर्वं जगदेवाहमीश्वर |
मद्भावनावितानां हि भवद्वैतादृशी शिव || ३९ ||

 एवं ज्ञानविशिष्टः स्यादधिकारी भवेच्छिव |
ब्रह्माविष्णुमहेशादिसर्वदेवमयो हि सः || ४० ||

जायमानस्य बालस्य * * * * |
सम्पर्केण विकारो हि न यथा जायते क्वचित् || ४१ ||

साधकस्य तथा यस्य मतिः स्यादविकारिणी |
सोऽधिकारी भवेन्नित्यं यागादौ सह योषिता || ४२ ||

प्. १४५) मद्भावप्रतिपन्ना या मत्स्वरूपाऽहमेव सा |
विकारो नहि योषायां तस्यामर्पित एव हि || ४३ ||

एवं यस्य स्थिता बुद्धिः सोधिकारी न संशयः |
भ्रातु * * परित्यज्य सर्व * * विचारयेत् || ४४ ||

सङ्गमे साधकश्रेष्ठः शिववत् क्रीडते भुवि |
प्रथमन्यासकाले तु यावद्धैर्यं न जायते || ४५ ||

तावत्कामविलोपार्थं यतितव्यं प्रयत्नतः |
कामभावविलोपार्थं सङ्गं कृत्वैव * * * || ४६ ||

साधयेन्सर्वकार्याणि यावज्ज्ञानं न जायते |
ततो ज्ञाने समुत्पन्ने स्वच्छन्दं विहरेत् पुमान् || ४७ ||

एवं कर्तुमशक्तसु नाधिकारी कथञ्चन |
कुर्याज्जपं तथा होमं तर्पणं मार्जनं तथा || ४८ ||

द्विजानां भोजनं चैव योषित्सङ्गविवर्जितः |
साधकस्य भवेद्यस्तु यत्स्वरूपेष्टदेवता || ४९ ||

तद्वर्णसमतेजोभिः पूर्णं भुवनमण्डलम् |
भावनाभिः स्थिरीकृत्य देवताध्यानतत्परः || ५० ||

यथास्वरूपवर्णादि चिन्तयेद्यतमानसः |
एवं यस्य मनो नास्ति तस्य प्रतिनिधिः स्मृतः || ५१ ||

कुमार्यामेव कर्त्तव्यं न * * * कदाचन |
यतः स्या * * योग्यामविकाराय कल्प्यते || ५२ ||

न प्रयोगादिकं क्वापि गृहस्थो निजयोषितः |
कुमारी भोजनादेव कुमारीपूजनादपि || ५३ ||

कुमारीचिन्तनादेव त्रैलोक्यविजयी भवेत् |
इति संक्षेपतः प्रोक्तं गौडानां वीरयोषिताम् || ५४ ||

श्रीशिव उवाच |

शृणु यत्नेन देवेशि रहस्यातिरहस्यकम् |
विना मद्येन मांसेन पुंश्चलीसेवनं विना || ५५ ||

न मन्त्रसिद्धिमाप्नोति चन्द्रसौरक्रमार्चिते |
अलिना पूरितं पात्रं बलिना पूरितो अलिः || ५६ ||

प्. १४६) अलिं बलिं च रामाञ्च किन्न सिध्यति भूतले |
विशेषं शृणु देवेशि पूजाप्रकरणं तथा || ५७ ||

विजया सर्वदा प्रोक्ता ताम्रपात्रे पयस्तथा |
मधुमिश्रा तु विजया गौडब्राह्मणकर्मणि || ५८ ||

* * * नन्तरं सिर्द्धिमधुपानैर्विशेषतः |
नृत्यगीतादिभिः सर्वैर्गुरुशुश्रूषणैस्तथा || ५९ ||

अष्टम्यां च चतुर्दश्यां नवम्यां सङ्क्रमे तथा |
अमायां देवदेवेशि भौमे शुक्रग्रहत्रये || ६० ||

काली तारा स्थिता तत्र पूजनाद्वरदायिनी |
स्वशक्त्या सर्वदा पूज्यानन्तरा पञ्चपर्वणि || ६१ ||

नो चेन्मांसेन सम्पूज्यानन्तरा वत्सरो यदि |
अगम्यागमनं चैव तथाऽभक्ष्यस्य भक्षणम् || ६२ ||

सकृदुच्चारितो मन्त्रो दहत्यग्निरिवेन्धनम् |
पैष्टी गौडी तथा माध्वी तालखर्जूरसम्भवा || ६३ ||

नारिकेली तथा द्राक्षी पूगी चान्यैरुपस्कृता |
पैष्टी शूद्रस्य माध्वी च क्षत्रियस्य तथा द्वयम् || ६४ ||

पैष्ट्यादि सर्वं शूद्रस्य ब्राह्मणस्य न पिष्टजा |
ब्राह्मणेणैव दातव्या विना माध्वीं कथञ्चन || ६५ ||

अथान्येषु प्रकारेषु नाधिकारो द्विजन्मनाम् |
अथवा कुलमध्येन पूजयेत्कुलसुन्दरीम् || ३६ ||

योगिभिः पीयते मद्यं न मद्यं द्विजपिङ्गवैः |
न सद्यं पानयोग्यं स्यान्न मद्यं गुडमिश्रितम् || ६७ ||

अशक्तद्विज जातीनां विधिं शृणु प्रयत्नतः |
ब्राह्मणस्ताम्रपात्रे तु मधु मद्यं प्रकल्पयेत् || ६८ ||

अनुकल्पस्त्वशक्तानां नान्यथा पातकी भवेत् |
नो चेत्सिद्धिकरी देवि प्रजप्तैरपि कोटिभिः || ६९ ||

पुरश्चरणलक्षैश्च होमानामपि कोटिभिः |
ताम्बूलेन विना यस्तु कालिकां दशधा जपेत् || ७० ||

इह क्षोभमवाप्नोति परत्र नरकं व्रजेत् |
ताम्बूलं * * चक्रञ्च मुण्डमाला शवासनम् || ७१ ||

प्. १४७) सिन्दूरं खड्गकं चैव संविदासवयो रसः |
एतान्विहाय यः कश्चित्काली साधितुमुद्यतः || ७२ ||

इह क्षोभमवाप्नोति परत्र नरकं वजेत् |
कोट्यर्बुदयुगैर्देवि नहि सिध्यति तारिणी || ७३ ||

चिन्मयेऽयं निगदिता महाकालाय वै पुरा |
कालिकामनुजापी तु स्पृशेत्पातकिनं यदि || ७४ ||

स तु संस्पर्शमात्रेण ससिद्धिश्वरो भवेत् |
गद्यपद्यमयी वाणी भवेद्रक्षापरम्परा || ७५ ||

जायते देवदेवेशि काव्यकर्ता क्षणेन तु |
अतीतानागतं ज्ञानं वर्तमानं च पश्यति || ७६ ||

तस्मा * * र्मुख्यभूता सर्वसिद्धिप्रदर्शिनी |
* * चक्रं समालोच्य यत्किञ्चित्कुरुते नरः || ७७ ||

तत्तदक्षप्यमायाति छिन्नविद्याप्रसादतः |
कालीं विहाय यः कश्चित् सिद्धिमिच्छति कामुकः || ७८ ||

स चक्षुषा विना रूपं दर्पणे द्रष्टुमिच्छति |
शक्तिं विहाय यः कश्चित् कालिकां द्रष्टुमिच्छति || ७९ ||

स भोजनं विना नूनं क्षुन्निवृत्तिमभीप्सति |
कालीविद्या सिद्धविद्या महाविद्या प्रकीर्तिता || ८० ||

इयं विद्या त्रिधा देवि जप्यते स्मर्यतेऽथवा |
तदैव सिद्धिदा तस्य सा चान्यस्य वरप्रदा || ८१ ||

तस्याः सकाशान्मन्त्रोऽयं ब्राह्यो यत्नेन पार्वति |
पाणौ विचिन्त्य जप्तव्यः सिद्धिर्दिवसमात्रतः || ८२ ||

कृष्णाष्टम्यां चतुर्दश्यां मङ्गले वासरे निशि |
कृष्णपक्षे विशेषेण कारयेत्सर्वदा गृहे || ८३ ||

मृदुचूडकयो * * कोमले विष्टरेऽपि च |
एकलिङ्गे शून्यदेशे शून्यगेहे जलार्णवे || ८४ ||

श्मशाने कुलवृक्षे तु शवमुण्डे रणाजिरे |
स्वयम्भूकुसुमं वापि अथवा * * जं च वा || ८५ ||

एतेषु कालिका देवि स्वय तिष्ठति निश्चितम् |
एतान् स्थानात् शुभान् विद्धि महाकौलवरप्रदान् || ८६ ||

प्. १४८) श्मशानं तु समाश्रित्य यः यश्चित्कालिकां जपेत् |
तस्य काली प्रसन्नाऽस्ति नात्र कार्या विचारणा || ८७ ||

* * शवे श्मशाने वा कालिकां दशधा जपेत् |
तस्य काली प्रसन्नाऽस्ति नात्र कार्या विचारणा || ८८ ||

मुनिदिननरमुण्डं साधनार्हं सुशस्तम्
शशिदिननवमुण्डं दैवतं नोत्तमं च |
हुतवहदिनमुण्डं मालिकाद्येषु शस्तम्
तपनदिनसुमुण्डं मध्यमं कार्यपात्रे || ८९ ||

हायनायनमासैश्च कलामुत्पत्तिचन्द्रमा (?) |
साध्यादि क्रमतो सायं दिक्पात्रं परमेश्वरि || ९० ||

एवं सर्वं तु विज्ञाय मुण्डं लक्षणपूर्वकम् |
साध्यं सिद्धं सुसिद्धं च सुसिद्धेयं तथैव च || ९१ ||

वीरं च दैवतं दिव्यं क्रमेण परिकीर्तितम् |
इति संक्षेपतः प्रोक्तं शृण्वेतत्साधनं शुभम् || ९२ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे 
शक्तिसङ्गमरहस्यकथनं नाम सप्तत्रिंशतिः पटलः || ३७ ||


अष्टात्रिंशतिः पटलः |

श्रीशिव उवाच |

यः कश्चित् कुरुते वीरसाधनं सुसमाहितः |
स प्राप्नोति परां सिद्धिं देवैरपि सुदुर्लभाम् || १ ||

तस्मात् सर्वप्रयत्नेन कर्त्तव्यं सुसमाहितैः |
मञ्जुघोषे चीनमार्गे स्नाननत्यादिकं शृणु || २ ||

जानुभ्यामवनीं धृत्वा शिरसा स्पृश्य भेदिनीम् |
उत्थाय नमनं कुर्यात् स्थित्वा वा परमेश्वरि || ३ ||

एष एव नमस्कारश्छिन्नमस्ताविधौ शिवे |
मणिबन्धादधः पाणिः पादो गुल्फादधः || ४ ||

मुखं प्रकाल्य मन्त्रेण स्नानं छिन्नाविधौ स्मृतम् |
साधनायामिदं स्नानं कर्त्तव्यमादिकारणम् || ५ ||

कथ्यते चैव वेदोक्तं नहि ध्यानमनुत्तमम् |
भैरवेन पुरा प्रोक्तं सर्वसिद्धिकरं परम् || ६ ||

तस्मात् सर्वप्रयत्नेन कर्तव्या वीरसाधना |
न स्यात् परतरं किञ्चित् विद्यते शीघ्रसिद्धिदम् || ७ ||

चितासाधनयोगेन मृतकारोहणेन वा |
मृदुकोमलयोर्वाऽपि चूडकाचूडकेऽपि वा || ८ ||

* * त्वचि त्रिमुण्डे वा पञ्चमुण्डेऽथवा प्रिये |
साधनेयं महेशानि एतेषु परिकीर्तितम् || ९ ||

श्रीविद्यायां कालिकायां तारिण्यां भैरवी मनौ |
चण्डके बगलायाञ्च साधनेयं प्रकीर्तिता || १० ||

वज्रोदके समारभ्य स्वरक्षान्तं महेश्वरि |
रुदसंख्याऽत्र मनवो मञ्जुघोषेति पार्वति || ११ ||

एतज्ज्ञात्वा महेशानि विशेषज्ञानमाचरेत् |
ज्ञात्वा स्वगुरुवक्त्रात्तु मन्त्राचारकुलक्रमात् || १२ ||

वीरसाधनमात्रेण सर्वसिद्धिर्भवेद्ध्रुवम् |
सम्पाद्य सामिषान्नं तु स्वगेहे बलिमाहरेत् || १३ ||

मधुमांसं गुडमांसं महिषच्छागकुञ्जरैः |
ततो बलिप्रयोगार्थं पिष्टं पुष्पाद्यनेकधा || १४ ||

प्. १५०) गोदुग्धसंप्लुतं सर्वं कृत्वा यामोर्द्धतः शिवे |
सार्धयामोत्तरं देवि परितः सकृदेव च || १५ ||

शस्त्रपाणिर्निभयश्च चितास्थानं विशेषतः |
अन्यानवेक्षकान् दूरे स्थाप्य निर्भयमानसः || १६ ||

महावीरोरुचित्तश्च जितक्रोधो जितेन्द्रियः |
महाबलो दयालुश्च रक्षकोऽयं नरो भवेत् || १७ ||

चितावरुणदिग्भागे चोपविश्य महेश्वरि |
प्राङ्मुखोद्ङ्मुखो वापि यथोक्ताचमनं चरेत् || १८ ||

दत्त्वा मूलबलिं चादौ श्रीकरालस्य सम्मते |
ये के चात्र स्थिता देवा राक्षसाश्च भयानकाः || १९ ||

ते प्रयच्छन्तु मां सिद्धिं ममत्वेनानुकम्पया |
मन्त्रेणानेन तान् दत्वा षट्पात्रेषु बलिं हरेत् || २० ||

एकैकेन च संस्थाप्य देयं यत्नेन पार्वति |
चतुःपात्रं चतुर्द्वारे उदगारभ्य पार्वति || २१ ||

प्रदक्षिणक्रमेणैव पश्चिमान्तं महेश्वरि |
बलिं दद्याद्यथोक्तेन दुग्धेनोत्सर्गमाचरेत् || २२ ||

गोदुग्धेन विशेषेण उत्सर्गं तं समाचरेत् |
ओं ह्रां श्मशानेति जंभायेमं बलिं हरेत् || २३ ||

गृह्ण गृह्णापयद्वन्द्वं सर्वविघ्ननिवारणम् |
कृत्वा बलिं प्रयच्छेति द्वन्द्वं स्वाहा ततो बलिः || २४ ||

श्मशानजम्मदेवाय बलिं दत्त्वा प्रयत्नतः |
ओं ह्रीं भैरवभयानकेति श्मशानाधिप इत्यपि || २५ ||

सामिषादि पूर्ववत्स्यात् स्वाहान्तो बलिरीरितः |
ओं हूं स्मशानदेवेति इममित्यादि पूर्ववत् || २६ ||

ओं ह्रीं महाकाल श्माशानधिप इत्यपि |
इममित्यादि देवेशि पूर्ववत्तु समुच्चरेत् || २७ ||

ओं ह्रूं कालपदं प्रोच्य भैरवेति स्मशान वै |
साधनाधिपमुच्चार्य इममित्यादि पूर्ववत् || २८ ||

प्रणवं कूर्वबीजं च स्मशानवासिनीति च |
महाभीमे महाघोर स्वने च गृहाण वै || २९ ||

प्. १५१) इमं बलिं मातर्देहि सिद्धिमनुत्तमा वदेत् |
ह्रीं कालिका वह्निजाया इममित्यादि पूर्ववत् || ३० ||

महाकालसमीपे तु ततश्छागबलिद्वयम् |
ततो यथोक्तविधिना दिक्पालेभ्यो बलिं चरेत् || ३१ ||

स्वस्वविद्याङ्गदेवेभ्यो बलिं दत्त्वा प्रयत्नतः |
यथोक्तेन विधानेन प्राणायामं समाचरेत् || ३२ ||

षडङ्गाद्यं पूर्ववत्स्यात्स्वेष्टदेवं विचिन्त्य च |
अव्यग्रचित्तः प्रजपेन्निर्भयः साधकोत्तमः || ३३ ||

एकाक्षरे दिक्सहस्रं द्व्यक्षरे वसुसंख्यकम् |
सहस्रं देवदेवेशि त्र्यक्षरे नियुतार्द्धकम् || ३४ ||

अष्टोत्तरसहस्रं च महामन्त्रे प्रकीर्तितम् |
देवता यदि प्रत्यक्षा तदैव जपमुत्सृजेत् || ३५ ||

देवतापूजनं कृत्वा यदा देहीति भाषते |
देववाणी तु सा देवि तदा छागबलिं हरेत् || ३६ ||

तदभावे महेशानि गुडपायसयोर्बलिः |
वरं गृहीत्वा देवेशि सुखेन विहरेद्भुवि || ३७ ||

अत्रैव मृतके देवि पञ्चवर्षमिते शिवे |
इयञ्च साधना कार्या महावीरमतोदिता || ३८ ||

सार्धयामोत्तरं रात्रौ मृतकस्थल संगतः |
चतुष्पथे नदीतीरे श्मशाने वापि पार्वति || ३९ ||

अधोमुखं तु तं कृत्वा तदाऽवाहनकृन्मनुः |
मायाबीजेन यजनं हूंबीजेनोपवेशनम् || ४० ||

तस्योपरि महेशानि पूर्वोक्तमण्डलाष्टकम् |
देवीपूजादिकं कृत्वा ततो बल्यादिकं चरेत् || ४१ ||

नीलक्रमेण कर्तव्यं दिक्सहस्त्रं जपं चरेत् |
मन्त्रमात्रे महेशानि जपान्ते देवता वरा || ४२ ||

प्रत्यक्षे सति देवेशि ततश्छागबलिं हरेत् |
देहीति भाषेत द्वंद्वं वरं गृह्य द्विधा वदेत् || ४३ ||

संस्कृतं वक्ति या चाग्रे सा देवी कीर्तिता मया |
वीरार्गलाघोरयोश्च चक्रपाशुपतौ तथा || ४४ ||

जयदुर्गान्तं देवेशि पञ्चमन्त्राः प्रकीर्तिताः |
सिद्ध वीरक्रमो देवि मन्त्रषट्के प्रकीर्तितः || ४५ ||

प्. १५२) गणेशे क्रूरमन्त्रे च क्रमोऽयं परिकीर्तितः |
नीलक्रमो वा देवेशि महाचीनक्रमश्च वा || ४६ ||

गन्धर्वाख्यक्रमो वापि सौभाग्यार्चनकोऽपि वा |
क्रममेतत्पुरस्कृत्य त्रैलोक्यविजयी भवेत् || ४७ ||

महानीलक्रमे स्नानं मुखं प्रक्षाल्य यत्नतः |
कण्ठाधः स्नानमासाद्य मस्तके मार्जनं चरेत् || ४८ ||

वीरस्नानमिदं प्रोक्तं वीराणां सिद्धिदायकम् |
वीरगुरोर्महाविद्यां प्राप्य कालानलप्रभाम् || ४९ ||

वीरजापं च देवेशि तेन सिद्धीश्वरो भवेत् |
दिव्यगुरोर्महाविद्यां कालीं कादम्बरीनिभाम् || ५० ||

दिवाजापेन सिद्धिः स्यान्नात्र कार्या विचारणा |
पशुगुरोर्महाविद्यां महाकालाभ्रसन्निभाम् || ५१ ||

पशुजापेन देवेशि कलौ सिध्यति वा न वा |
रहस्यातिरहस्यञ्च मयोक्तं गोप्यतां शिवे |
इति संक्षेपतः प्रोक्तं मालाभेदं शृणु प्रिये || ५२ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे वीरसाधनं 
नामाष्टात्रिंशतिः पटलः || ३८ ||


एकोनचत्वारिंशतिः पटलः |

श्रीदेव्युवाच |

देवेश श्रोतुमिच्छामि रहस्यातिरहस्यकम् |
मुण्डासनमिदं ब्रूहि यद्यहं तव वल्लभा || १ ||

श्रीशिव उवाच |

रहस्यातिरहस्यं च तव स्नेहात्प्रकाश्यते |
चन्द्रत्रिपञ्चमुण्डानि वसुरन्ध्राभिधानि च || २ ||

दशमुण्डानि देवेशि रुद्रमुण्डानि पर्वति |
दिक्विदिक्क्रयोगेन कीलान्यारोप्य साधयेत् || ३ ||

महामुण्डं मध्यभागे परितो मुण्डसञ्चयः |
कालरात्रिदिने देवि वीररात्रिदिने तथा || ४ ||

मोहरात्रिदिने देवि शिवरात्रिदिने तथा |
अष्टम्यां च चतुर्दश्यां पक्षयोरुभयोरपि || ५ ||

मुण्डसाधनकं कृत्वा मालापात्रादिकं चरेत् |
यन्त्रं वा कारयेद्देवि त्रैलोक्याधिपतिर्भवेत् || ६ ||

अचूडकप्रकारेण वीरासनक्रमेण च |
मृतासनक्रमेणापि साधयेद्वीरसाधनम् || ७ ||

मृद्वासनं पूर्वभागे चूडकं दक्षिणे भवेत् |
कोमलं पश्चिमे प्रोक्तं मुण्डमुत्तरगोचरम् || ८ ||

वीरासनं मध्यभागे जप्त्वा त्रैलोक्यनायकः |
एकवीरं त्रिवीरं वा पञ्चाष्टनववीरकम् || ९ ||

दशवीरं रुद्रवीरमासनाय प्रकल्पयेत् |
मुण्डपक्षेऽपि देवेशि मध्ये वीरं महोत्तमम् || १० ||

मृद्वादिमध्ययोगेन साधनाभेदभाजनम् |
श्मशानं वा चिता शस्ता चास्थिभूम्यासनं तथा || ११ ||

योनित्वगासनं देवि दशाहमृतकासनम् |
एवं क्रमेण देवेशि आसनानि बहूनि च || १२ ||

एषामेकतमं कृत्वा कालीं तारां प्रसाधयेत् |
एकान्ते शून्यसदने पर्वते विपिने वने || १३ ||

प्रान्तरे शिवशून्ये च मातृगेहे सरित्तटे |
एकलिङ्गे शून्यदेशे श्मशाने रणमण्डले || १४ ||

प्. १५४) कुलवृक्षे एकवृक्षे यद्वा चित्राङ्किते स्थले |
गङ्गागर्भे चतुर्मार्गे त्रिपथे देवतालये || १५ ||

वेश्यालये वा देवेशि साधयेद्वीरसागरम् |
कीलान्यारोप्य यत्नेन दिक्पालेभ्यो बलिं क्षिपेत् || १६ ||

शूलस्थाने स्वयं गत्वा वीरवेषो महोत्तमः |
संविद्दुग्धं बलिरव्यं पञ्चगव्यं रसं तथा || १७ ||

खड्गं गृहीत्वा देवेशि स्वयं कर्त्तनमाचरेत् |
तत्र स्थित्वा जपं कृत्वा त्रैलोक्यं साधयेत्ततः || १८ ||

इति संक्षेप्तः प्रोक्तं किमन्यद्बहुजल्पितैः |

श्रीदेव्युवाच |

देवेश श्रोतुमुच्छामि रहस्यं पूर्वसूचितम् || १९ ||

श्रीशिव उवाच |

रहस्यातिरहस्यं च कथ्यते शृणु साम्प्रतम् |
शैवे शाक्ते गाणपत्ये चान्द्रे सौरे तथार्हते || २० ||

वैष्णवे वेदिके देवि नैवेद्यविनियोजनम् |
स्वर्णरत्नानि चान्यानि नानावस्त्राणि पार्वति || २१ ||

अनेकरससम्भोगं गुरवे विनिवेदयेत् |
गुरुपुत्राय तत्पत्न्यै तत्सुतायै निवेदयेत् || २२ ||

ब्राह्मणाय प्रदातव्यमभावे तु जले क्षिपेत् |
कूपेऽरण्ये गुहामध्ये तडागे वा क्षिपेत्प्रिये || २३ ||

महादेवस्य नैवेद्यं निर्माल्यत्वं प्रगच्छति |
भक्तायामृतरूपो हि नैवेद्यः परिकीर्तितः || २४ ||

अन्येषां चैव नैवेद्यं भक्षयेद्दापयेत्तथा |
शालिग्रामे बाणलिङ्गे नैवेद्या नैव दूष्यति || २५ ||

बलिद्रव्याणि देवेशि द्विधा भिन्नानि कारयेत् |
प्रयोगकाले देवेशि ब्राह्मणान्पूजयेद्व्रती || २६ ||

तावत्कापि न तन्तव्यं यावत्सिद्धिर्न जायते |
आरम्भान्तं समाप्याऽथ प्रायश्चित्तं ततश्चरेत् || २७ ||

अङ्गाङ्गिभावमासाद्य सर्वं संसाधयेद्व्रती |
कार्यमध्ये पुनः कार्यमङ्गाङ्गित्वं भवेच्छिवे || २८ ||

प्. १५५) पूर्वपीठं पुरा ज्ञात्वा विघ्नानुत्सार्य यत्नतः |
कार्याणि साधयेद्देवि चान्यथा नारकी भवेत् || २९ ||

कार्यान्तरे समारब्धे तत्र कार्यं न वै भवेत् |
न्यायाधिकरणं ज्ञात्वा पीठिकाज्ञानपूर्वकम् || ३० ||

अङ्गाङ्गित्वं पुरा ज्ञात्वा सर्वकार्याणि साधयेत् |
न हि कर्मणि कर्मणामारम्भस्तु क्वचिद् भवेत् || ३१ ||

कर्मणामपि चारम्भस्त्वङ्गाङ्गित्वाद्भविष्यति |
कार्ये जातेऽपि देवेशि सन्ध्यापूति समाचरेत् || ३२ ||

संकल्पबाधको भूयादन्यथा परमेश्वरि |
इति संक्षेपतः प्रोक्तं किमन्यच्छ्रोतुमिच्छसि || ३३ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे मुण्डासनकथनं 
नामैकोनचत्वारिंशतिः पटलः || ३९ ||


चत्वारिंशतिः पटलः |

श्रीशिव उवाच |

अथ मालाविधानं च कथ्यते शृणु पार्वति |
माला बहुविधा प्रोक्ता महाशङ्खदिभेदतः || १ ||

महाशङ्खमयी माला दन्तमाला स्वयम्भुजा |
वर्णमाला तथा देवि सर्वकार्यार्थसाधिनी || २ ||

वर्णमाला त्रिधा प्रोक्ता तत्क्रमं शृणु पार्वति |
पञ्चाशन्मणिभिर्माला पञ्चाशद्वर्णयोगतः || ३ ||

एतद्द्वयं समुद्धृत्य ह्यनुलोमविलोमतः |
माला शतमयी प्रोक्ता सर्वकार्यप्रदायिका || ४ ||

अकचटतपयशास्त्वष्टवर्गाः प्रकीर्तिताः |
अष्टवर्गं प्रकल्प्याथ त्वष्टोत्तरशती भवेत् || ५ ||

अष्टोत्तरशती माला सर्वकार्यार्थसिद्धिदा |
गुरोः पञ्च गणेशस्य त्रयं च परिकीर्तितम् || ६ ||

शेषमिष्टाय सन्दद्यात्तेन सिद्धीश्वरो भवेत् |
त्रयं गुरौ त्रयं देवि गाणपे परिकीर्तितम् || ७ ||

न्यूनातिरिक्ते द्वितयं शेषमिष्टाय योजयेत् |
अष्टोत्तरशती माला कथिता तव वल्लभे || ८ ||

अनुलोमविलोमेन मातृकार्णं शतं भवेत् |
मायावाक्कामश्रीयोगात् मातृकावर्णयोगतः || ९ ||

अनुलोमविलोमेन त्वष्टोत्तरशतं भवेत् |
मायाद्याद्यन्तसम्भेदात् पराबीजं नियोजयेत् || १० ||

माला पञ्चविधा प्रोक्ता सर्वसिद्धिप्रदायका |
सप्तकीलितसंरुद्धाः छिन्ना व्याकीर्णयोनयः || ११ ||

धनिवैरी व्ययी हनिः काणखञ्जादयोऽपि च |
तेऽपि सिद्धा भवन्त्येव नात्र कार्या विचारणा || १२ ||

महाशङ्खमयी माला तथा दन्ताख्यमालिका |
न देया यस्य कस्यापि गोप्या तु मातृजारवत् || १३ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे मालाविधानं नाम 
चत्वारिंशतिः पटलः || ४० ||


एकचत्वारिंशतिः पटलः |

श्रीदेव्युवाच |

देवेश श्रोतुमुच्छामि मालाग्रथननिर्णयम् |
कया कश्च प्रजाप्तव्यो न जप्तव्यश्च को मनुः || १ ||

सर्वं कथय देवेश यद्यहं तव वल्लभा |

श्रीशिव उवाच |

ध्रुवेण ग्रथनं कार्यं प्रत्येकं मणिकाक्रमात् || २ ||

सर्वमन्त्रमयी माला सर्वसिद्धिकरी परा |
तन्मन्त्रे देवतारूपं ध्यात्वा तु मालिकान्तरे || ३ ||

सर्वे मन्त्राः प्रजप्तव्याः सर्वकार्यार्थसिद्धये |
अथवा मातृकाभिश्च ग्रथनं कारयेत् प्रिये || ४ ||

पञ्चाशन्मणिभिर्माला क्षकारो मेरुसज्ञिकः |
अनुलोमविलोमेन माला शतमयी भवेत् || ५ ||

अष्टवर्गे प्रकल्पाथ माला त्वष्टोत्तरं शतम् |
मातृकामालया जापः सर्वत्रैव प्रशस्यते || ६ ||

रुद्राक्षस्फाटिकादीन् वै समानीय प्रयत्नतः |
ग्रथनं मातृकाभिश्च कारयेद्यत्नतः शिवे || ७ ||

सर्वदेवमयी माला द्रुतसिद्धिकरी परा |
तत्तन्मन्त्रमयीं देवीं तत्र ध्यात्वा जपक्षणी || ८ ||

जपं कुर्यात्प्रयत्नेन नात्र कार्या विचारणा |
सर्वसिद्धिप्रदा माला सर्वकार्यकरी परा || ९ ||

शक्तिमन्त्रेण संग्रथ्य शिवमन्त्रं जपेच्छिवे |
शिवमन्त्रेण संग्रथ्य शक्तिमन्त्रं जपेच्छिवे || १० ||

शिवशक्तयोरभेदेन माला कार्यकरी परा |
दन्ताख्यं चैव मुण्डाख्यं मत्स्यस्यापि मणिं प्रिये || ११ ||

नाड्या संग्रथनं कार्यं त्रिशक्तिमालिका मता |
काली तारा तथा छिन्ना स्वरूपा मालिका परा || १२ ||

सर्वसिद्धिपरा भूमिः सर्वदेवमयी परा |
ये नैव ग्रथ्यते देवि तमेव प्रजपेन्मनुम् || १३ ||

प्. १५८) इत्युक्तं च मया पूर्वं किं त्वया विस्मृतं प्रिये |
इदानीमन्यथा प्रोक्तं संशयोऽस्ति मम प्रिये || १४ ||

मातृकातारभिन्नानां शिवशक्तिविहीनके |
मालिकायामिदं नोक्तमन्यमालाविधौ मतम् || १५ ||

अन्यप्रकारग्रथने येनैव ग्रथने चरेत् |
तमेव प्रजपेन्मन्त्रं येनैव ग्रथनं चरेत् || १६ ||

मातृकादावपि शिवे मालां तन्मन्त्ररूपिणीम् |
ध्यात्वा जीवं प्रविन्यस्य नान्यथा सिद्धिरोधकृत् || १७ ||

इति संक्षेपतः प्रोक्तं किमन्यच्छ्रोतुमिच्छसि |

श्रीदेव्युवाच |

देवेश श्रोतुमुच्छामि रहस्यं परमाद्भुतम् || १८ ||

मालारहस्यं परमं कथयस्व महेश्वर |

श्रीशिव उवाच |

पूर्वोक्तानां मणीनाञ्च त्वभावे परमेश्वरि || १९ ||

गन्धरूपाश्च मणयो दन्तस्फाटिकसम्भवाः |
मणयो यत्नतः कार्याः सर्वसिद्धिमभीप्सुभिः || २० ||

मुण्डाभावे नारिकेलैर्मुण्डाधो मणयश्च वा |
गजहारिणखड्गाख्यस्वर्णसाम्बर शृङ्गजाः || २१ ||

रौप्यजास्ताम्रजाः कांस्यसीसनागमयाश्च वै |
मुण्डरूपाश्च मणयः सर्वसिद्धिमयाः स्मृता || २२ ||

अथ विद्यामयी देवि मालिका कार्यसाधिनी |
वैडूर्यनीलकाचाख्या मणयः सर्वकार्यदाः || २३ ||

बीजकीलकशक्तीनां मणयोद्रुतसिद्धिदाः |
कुल्लुकामालिका देवि विद्या वश्यकरी स्मृता || २४ ||

बीजाद्या वीर्यसंसिद्ध्यै कीलैष्कीलने स्मृता |
शक्तियुक्ता सर्वसिद्ध्यै जीवमात्रास्थिमुण्डधृक् || २५ ||

अस्थिमुण्डमयी माला शिवरूपप्रदायिनी |
तदाकारविशिष्टा या तत्तत्कार्यकरीष्टदा || २६ ||

प्. १५९) ताराकालीमयी माला ताराछिन्नामयी परा |
कालीछिन्नामयी वा या त्रितयं मुण्डबीजजा || २७ ||

सर्वसिद्धिपरा भूमिरनिरुद्धसरस्वती |
रत्नमात्रमयी माला रत्नमात्र समुद्भवा || २८ ||

रक्तचन्दनमुण्डोत्था तथाष्टगन्धमुण्डजा |
इति संक्षेपतः प्रोक्तं किमन्यच्छ्रोतुमिच्छसि || २९ ||

श्रीदेव्युवाच |

मातृकावर्णरूपा च माला संसूचिता वद |

श्रीशिव उवाच |

रहस्यमपि वक्ष्यामि वर्णबीजस्वरूपतः || ३० ||

मातृकावर्णरूपां च मालिकां कारयेच्छिवे |
जप्तस्तेन प्रकर्तव्यः सर्वदेवस्वरूपिणी || ३१ ||

सौवर्णताम्रतारोत्था खड्गोत्था गजदन्तजा |
रत्नजा स्फाटिकोत्था वा मातृका वर्णमालिका || ३२ ||

स्वर्णमाला सर्वसिद्ध्य रौप्यजा सकेलष्टदा |
ताम्रमाला सर्वशान्त्यै खड्गजा पितृमोक्षदा || ३३ ||

गजदन्तमयी माला सिद्धिदा बिल्वजार्थदा |
अर्कवक्षभवा पूर्वा शत्रोरुच्चाटकर्मणि || ३४ ||

एवं सम्पाद्य मालां तु जपेद्देवे समर्पयेत् |
देवस्य प्रतिमायन्त्रं दिव्यचक्रं विशेषतः || ३५ ||

पूजिते प्रतिमायन्त्रे धारणीयं द्वयं शिवे |
रत्नाढ्यमङ्गुलौ धार्यं स्वर्णरत्नमयं हृदि || ३६ ||

मुद्रारूपं हाररूपं कृत्वा यत्नेन धारयेत् |
सर्वसिद्धीश्वरो भूयान्नात्र कार्या विचारणा || ३७ ||

तत्रोपचारदेवानां नामानि शृणु पार्वति |
अन्नस्य देवता लक्ष्मीर्वैष्णवे तु प्रजापतिः || ३८ ||

सुवर्णं वह्निदैवत्यं रजतं चन्द्रदैवतम् |
हीरकं वारुणं ज्ञेयं रसानां पृथिवी स्मृता || ३९ ||

प्. १६०) जलस्य वरुणो देवो वीर्याणां वारुणेश्वरी |
कृशरस्य रमा देवी परमान्नस्य कालिका || ४० ||

घृतदीपे महाविष्णुस्तलदीपे वनस्पतिः |
गन्धर्वश्च तथा धूपे घृतं सूर्याग्निदैवतम् || ४१ ||

मधु वै वारुणं ज्ञेयं दधिक्षीरं महेश्वरः |
वनस्पत्यं महापुष्पं वैष्णवो गन्धर्हरितः || ४२ ||

मालायाञ्च तथा दुर्गा सर्वं देवीमयं च वा |
प्रतिमां पूजयेत् ज्ञात्वा नान्यथा सिद्धिरोधकृत् |
इति संक्षेपतः प्रोक्तं किमन्यच्छ्रोतुमिच्छसि || ४३ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे मालाग्रथनं 
नामैकचत्वारिंशतिः पटलः || ४१ ||


द्वाचत्वारिंशतिः पटलः |

श्रीदेव्युवाच |

देवेश श्रोतुमिच्छामि येन देवीमयो भवेत् |

ईश्वर उवाच |

रहस्यातिरहस्यं च कथ्यते शृणु साम्प्रतम् || १ ||

दशविद्याक्रमेणैव पञ्चायतनमार्गतः |
तथा दर्शनमार्गेण पूजनं सिद्धिदं कलौ || २ ||

तत्तद्देवस्यायुधानि तन्मुद्राबीजदर्शणम् |
कर्तव्यं यत्नतो देवि तदाचारपरो भवेत् || ३ ||

सर्वतोभद्रपीठं च देवीपीठं प्रकीर्तितम् |
एकाब्जं योगिनीपात्रे पञ्चाब्जं क्षेत्रपालके || ४ ||

नवाब्जं गाणपे प्रोक्तं बटुके लिङ्गचिह्नितम् |
पञ्चधा मण्डलान्यत्र पूजापीठे महेश्वरि || ५ ||

कालिकां वा तथा मायां बिन्दुचन्द्रविभूषिताम् |
एकाक्षरीं स्पर्शमणिं भालदेशे लिखेच्छिवे || ६ ||

तारातनौ बिन्दुमायां चन्द्रेण परिभूषिताम् |
एकाक्षरीं स्पर्शमणिं भालदेशे लिखेच्छिवे || ७ ||

छिन्नाक्रोधो बिन्दुचन्द्रभूषितैकाक्षरी भवेत् |
त्रिपिष्टपहरौ मायां बिन्दुचन्द्रेण भूषिताम् || ८ ||

एकाक्षरीं स्पर्शमणिं भालदेशे लिखेत्सदा |
काली तारा तथा छिन्ना त्रितयं विलिखेच्च वा || ९ ||

द्वयमेकं च वा लेख्यं तेन तद्रूपभाग्भवेत् |
लक्ंईहरौ बिन्दुमायाकलाभूषितमस्तकौ || १० ||

एकाक्षरीं स्पर्शमणिं भालदेशे लिखेत्सदा |
सौः सुन्दरीं स्पर्शविद्यां भालदेशे लिखेत्सदा || ११ ||

ऐं भैरवीं स्पर्शमणिं भालदेशे लिखेत्सदा |
धू/ धूम्राख्यां स्पर्शविद्यां भालदेशे लिखेत्सदा || १२ ||

व्लू/ स्पर्शाख्यां वसोर्धारां भालदेशे लिखेत्सदा |
द्रीमाकर्षकरीं विद्यां भालदेशे लिखेत्सदा || १३ ||

प्. १६२) आ/ सम्पत्करणीं विद्यां ह्री/ वश्यकारिणीम् कलाम् |
अमाकर्षकरीं विद्यां भालदेशे लिखेत्सदा || १४ ||

ह्री/ स्तम्भनकरीं विद्यां भालदेशे लिखेत्सदा |
ह्सौपरां षोडशीं विद्यां भालदेशे लिखेत्सदा || १५ ||

अन्यमन्त्रविधौ देवि बीजशक्तिं च वा लिखेत् |
काली तारा छिन्नमस्ता सुन्दरी बगलामुखी || १६ ||

पञ्चविद्याविधौ देवि दीक्षाहीनो गुरुर्यदि |
पूर्णाभिषेकिनं वीक्ष्य पुनर्दीक्षां समाचरेत् || १७ ||

ऊर्ध्वाम्नायैश्च सम्पन्नः प्राप्यते चेत्प्रियंवदे |
पुनर्दीक्षां चरेद्देवि पूर्णरूपोऽपि पार्वति || १८ ||

निर्वाणदीक्षिते प्राप्ते दीक्षणं सर्वथा चरेत् |
षट्शाम्भवसमायुक्तः प्राप्यते निर्गुणैरपि || १९ ||

शाम्भवं दीक्षणं कृत्वा शम्भुरूपो नरोऽन्यथा |
दरिद्रो विकलो भूयान्नात्र कार्या विचारणा || २० ||

मेधादीक्षासमायुक्तः कलौ दुर्लभ एव च |
मेधादीक्षासमायुक्तः प्राप्यते वा न वा प्रिये || २१ ||

मेधादीक्षासमायुक्तं शिवात्परतरो मतः |
सम्राण्मेधासमायुक्तः कालीतारामयो ध्रुवम् || २२ ||

दिव्यसाम्राज्यसंयुक्तो ब्रह्मरूपः सनातनः |
प्राप्यते चेन्महाभाग्यं साधकस्यात्र निश्चितम् || २३ ||

दिव्यमेधान्तसंयुक्तो यस्मिन्देशे विराजते |
स देशः कालिकातुल्यस्तारा तत्रैव तिष्ठति || २४ ||

तत्सकाशद्दिक्सणं चेत्किं तपस्याफले शिवे |
न वक्तुं शक्यते देवि शिवो जानाति नान्यथा || २५ ||

गोपनीयं गोपनीयं गोपनीयं प्रयत्नतः |
इति संक्षेपतः प्रोक्तं किमन्यच्छ्रोतुमिच्छसि || २६ ||



इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासम्वादे पूजासिद्धिकथनं नाम 
द्वाचत्वारिंशतिः पटलः || ४२ ||




त्रयश्चत्वारिंशति पटलः ||


श्रीदेव्युवाच |


देवदेव उमाकान्त प्राणात्प्राणतर प्रभो |
त्वया संसूचितं पूर्व विद्यानां सिद्धिनिर्णयम् || १ ||

तन्मे कथय देवेश यद्यहं तव वल्लभा |


श्रीशिव उवाच |


सारात्सारतरं देवि रहस्यमपि गोपितम् || २ ||

तव प्रीत्या महेशानि कथ्यते शृणु साम्प्रतम् |
काली तारा छिन्नमस्ता वीरसाधनमार्गतः || ३ ||

याममात्रेण सिध्यन्ति नात्र कार्या विचारणा |
साधनारहिते देवि वर्णलक्षद्वये शिवे || ४ ||

कालिका सिद्धिदा प्रोक्ता तारा श्रीशैवतत्त्वके |
छिन्नमस्ता चतुःषष्टिलक्षजापेन सिध्यति || ५ ||

चतुरशीतिलक्सैस्तु सुन्दरी सिद्धिदा क्वचित् |
बाला कोट्यर्धजापेन बगला पञ्चसप्ततिः || ६ ||

श्रीमहाराजमातङ्गी वर्णलक्षैस्तु सिध्यति |
सिद्धविद्या महेशानि मासलक्षेण सिध्यति || ७ ||

महालक्ष्मीश्च भुवना तथा धूमावती प्रिये |
विद्यागुणनयोगेन सिध्यन्त्येव न चान्यथा || ८ ||

विद्यानाम(?) महेशानि विद्यानामार्णयोगतः |
मातृकार्णकृतेनैव गुणानां भाजनं चरेत् || ९ ||

तावल्लक्षैर्महेशानि सिध्यात्येव न चान्यथा |
भैरवस्य तु योगेन शावरं सिद्धिदायकम् || १० ||

निर्मित नवनाथैस्तु आदिनाथस्तु भैरवः |
दशविद्याक्रमे देवि दशधा फलमीरितम् || ११ ||

एको मनुश्चेत्संसिद्धस्तदा सर्वेऽपि सिद्धिदाः |
षट्पञ्चाशद्देशभेदैः शावरे भेदभाजनम् || १२ ||

भैरवस्य तु संयोगाच्छाबरं सिद्धिदायकम् |
महाकालस्य संयोगाद् वटुकस्य च योगतः || १३ ||

शावरं सिद्धिदं देवि तच्च वै द्विविधं भवेत् |
नाथोक्तं शम्भुसम्प्रोक्तं नाथोक्तं द्विविधं भवेत् || १४ ||

(प्. १६४) शिवोक्तरूपभेदेन तत्र नाथभिधे शिवे |
चतुरशीतिसिद्धोक्तं नाथोक्तं द्विविधं भवेत् || १५ ||

एका चेद्देवता सिद्धा तदा सिद्धं जगत्त्रयम् |
तत्रापि बटुकेन सिद्धं स्थावरजङ्गमम् || १६ ||

अथाद्यो हेतुबटुको द्वितीयो बटुकः स्मृतः |
त्रिपुरान्तकबटुकस्तृतीयः परिकीर्तितः || १७ ||

वह्निवेतालबटुकश्चतुर्थः परिकीर्तितः |
अथाग्निजिह्वबटुकः पञ्चमः परिकीर्तितः || १८ ||

श्रीकालबटुको देवि करालबटुकस्तथा |
तथैकपादबटुको श्रीभीमबटुकस्तथा || १९ ||

त्रैलोक्यबटुकश्चैव श्रीसिद्धबटुकस्तथा |
दश वै बटुकाः ख्याताः कलौ प्रत्यक्षसिद्धिदाः || २० ||

मातृकासुतसंज्ञाख्या बटुकाः पूर्वमीरिताः |
महाक्रोधस्य योगेन सिध्यन्ति किन्नरीगणाः || २१ ||

कालिकायां महाकालश्चाक्षोभ्यस्तारिणीमनु |
त्रिपुरायां तु राजेशो बगलायाञ्च त्रयम्बकः || २२ ||

मातंग्यां तु महेशश्च भुवनेश्यां महेश्वरः |
नारायणो महालक्ष्म्यां महादेवोऽथ वा प्रिये || २३ ||

छिन्नायां तु करालः स्यात्सिद्धायां कुक्कुटेश्वरः |
धूम्रायां तु अघोरः स्यादिति संक्षेपतो मतम् || २४ ||

शक्त्या विना शिवे सूक्ष्मे नाम धाम न विद्यते |
शिवं विना चित्कलायां न कलात्वं क्वचिद्भवेत् || २५ ||

बीजाङ्कुरन्याययोगात् शिवशक्त्यात्मकं महः |
सदा जागर्ति देवेशि नानारूपाणि दर्शनम् || २६ ||

सर्वभावे तु बटुको महाकालस्तथैव च |
तारिण्यां बटुकः प्रोक्तः काल्यां कालः प्रकीर्तितः || २७ ||

श्रीक्रोधमण्डलं देवि पातालाम्नायगोचरम् |
यथा पराख्यमन्त्रे तु शिवशक्त्यात्मकं महः || २८ ||

सदा जागर्ति देवेशि व्याप्य ब्रह्माण्डमण्डलम् |
बिन्दुयुक्ता भवेच्छैवी सर्गान्ता शक्तिसंज्ञिका || २९ ||

प्. १६५) बिन्दुसर्गान्वितायां तु शिवशक्तिमयी कला |
बीजाङ्कुरन्याययोगात्सदा तिष्ठति तिष्ठति || ३० ||

वीरसाधनमार्गेण शिथिलोऽपि च सिध्यति |
शक्तिमन्त्रे शम्भुमन्त्रे शाबरे गाणपे तथा || ३१ ||

कौले बौद्धे वैदिके च क्रूरमन्त्रेऽपि पार्वति |
महाविद्याक्रमे देवि सिद्धविद्याक्रमे तथा || ३२ ||

विद्याक्रमेऽपि देवेशि वीरसाधनमार्गतः |
सर्वं सिध्यति देवेशि नात्र कार्या विचारणा || ३३ ||

जीवहीने यथा जीवो मृतसञ्जीवनीक्रमात् |
पुनर्जीवो यथा भूयात्तथा साधनयोगतः || ३४ ||

सर्वं सिध्यति देवेशि नात्र कार्या विचारणा |
मन्त्रमात्रे महेशानि वीरसाधनमाचरेत् || ३५ ||

बटुके हनुमन्मन्त्रे गारुडे चेटकेऽपि च |
वेताले धूमवेताले वीरसाधनमाचरेत् |
इति संक्षेपतः प्रोक्तं किमन्यच्छ्रोतुमिच्छसि || ३६ ||


इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे विद्यासिद्धिनिर्णयो नाम 
त्रयश्चत्वारिंशतिः पटलः || 




चतुश्चत्वारिंशतिः पटलः |


श्रीदेव्युवाच |


देवेश श्रोतुमिच्छामि सुन्दरीसाधनक्रमम् |


श्रीशिव उवाच |


रहस्यातिरहस्यं च तव स्नेहात्प्रकाश्यते || १ ||

गोपनीयं गोपनीयं गोपनीयं स्वयोनिवत् |
सिद्धमन्त्रपरो भूत्वा वीरसाधनमाचरेत् || २ ||

सर्वेषां जीवहीनानां जन्तूनां फलकृद् भवेत् |
नान्यत् सिद्धिप्रदं देवि वीरसाधनवर्जितम् || ३ ||

श्रीविद्या शिथिला देवि क्लेशसाध्या कलौ ध्रुवम् |
अल्पाचाराद्धर्मत्वाद् भ्रष्टत्वादपि पार्वति || ४ ||

कलौ पापसमाकीर्णे कस्य वै निश्चलं मनः |
सर्वदोषैः समायुक्तो वीरसाधनसंयुतः || ५ ||

स एव सिद्धिदो देवि नात्र कार्या विचारणा |
न वै सिद्धिर्न वै सिद्धिर्वीरसाधनमन्तरा || ६ ||

महापातकसंयुक्तो वीरसाधनसंयुतः |
स एव सिद्धिदो लोके सर्वदेवनमस्कृतः || ७ ||

याममात्रेण संसिद्धिर्वीरसाधनयोगतः |
अष्टम्यां च चतुर्दश्यां पक्षयोरुभयोरपि || ८ ||

सार्धयामोत्तरं देवि वीरसाधनमाचरेत् |
तरुणं सुन्दरं शूरं संमुखे रसवर्तिनम् || ९ ||

पलायनविशून्यं च महावीरशवं हरेत् |
यष्टिविद्धं शूलविद्धं सर्पदष्टं पयोमृतम् || १० || 

खड्गविषहतं विद्धं चाण्डालाद्यभिभूतकम् |
शीघ्रसिद्धिप्रदं देवि पूर्वोक्ताष्टशवं त्यजेत् || ११ ||

वीरवेषं समासाद्य वीरचर्यां समाचरेत् |
पूर्ववत् तिलकं कृत्वा बलिद्रव्याणि चाहरेत् || १२ ||

मंत्रं वा साधयिष्यामि देहं वा पातयाम्यहम् |
प्रतिज्ञामीदृशीं कृत्वा बलिद्रव्यानि संग्रहेत् || १३ ||

मेषमाहिषमार्जारछागकुक्कुटकुञ्जरान् |
गुडपायससंपातो मोदकान् पूपलड्डुकान् || १४ ||

प्. १६७) जम्बीरपनसादीनि नाना स्वादूनि पार्वति |
फलानि चाहरेद्देवि ताम्बूलाद्यैः समन्वितः || १५ ||

जातीपत्रं तत्फलं च कङ्कोलं विजया तथा |
कस्तूरीकुङ्कुमादीनि भक्ष्यद्रव्याणि यानि च || १६ ||

तानि सर्वाणि संगृह्य यथोक्तं स्थानमाचरेत् |
बिल्वमूले प्रान्तरे वा शून्यागारे नदीतटे || १७ ||

समुद्रे विपिने घोरे श्मशाने चत्वरे तथा |
गङ्गागर्भे तडागे च कामिनीमण्डलेऽपि च || १८ ||

एकलिङ्गे विशेषेण वनमध्ये विशेषतः |
वीरवेषं समासाद्य वीरसाधनमाचरेत् || १९ ||

सिद्धमन्त्रं पुरस्कृत्वा देवतादर्शनोत्सुकः |
सार्धयामोत्तरं देवि वीरसाधनमाचरेत् || २० ||

खदिरानष्टकीलाद्यैर्वतस्तैर्वा हरेच्छिवे |
दशदिक्षु क्षिपेद्देवि दिक्पालेभ्यो बलिं हरेत् || २१ ||

दिग्बन्धनं समाचर्य साम्राज्यमण्डलक्रमात् |
विद्यामण्डलमार्गेण महाविद्यादिमार्गतः || २२ ||

श्मशानदेवताभ्यो हि बलिं यत्नेन दापयेत् |
राजराजेश्वरायाऽथ बलिं यत्नेन दापयेत् || २३ ||

ततः श्रीकुरुकुल्लायै चाण्डाल्यै तदनन्तरम् |
बटुकयोगिनीक्षेत्रपालगाणपमूर्तये || २४ ||

देवता ललिताधीशः सर्वेभ्यो बलिमाहरेत् |
बलिदाने समभ्यर्च्य वीरसाधनमाचरेत् || २५ ||

वीरं संक्षाल्य यत्नेन सिन्दूराङ्कितभालकः |
कज्जलमञ्जनं तैलं कस्तूरीकुङ्कुमन्वितम् || २६ ||

ताम्बूलं मुखमध्यं च दुग्धेनोत्सर्गमाचरेत् |
वीरं संक्षाल्य यत्नेन कारेणेन सुरेश्वरि || २७ ||

मासप्रधानं नैवेद्यं मत्स्यामुद्रां तथैव च |
दत्त्वा यत्नेन देवेशि लवङ्गैलादिसंयुतः || २८ ||

कर्पूरवासितं धूपं गन्धाद्यष्टौ पञ्च च |
षोडशाङ्गं दशाङ्गं वा अष्टादशसमन्वितम् || २९ ||

प्. १६८) श्रीखण्डधूपो देवेशि तथा चागुरुसम्भवः |
गुग्गुलं लोहबाणश्च रालश्च देवदारुकः || ३० ||

लाक्षा गूडश्च वा देवि गोघृतं शकराञ्च वा |
मांसीनखं वा देवि कर्पूरमेकमेव वा || ३१ ||

श्रीखण्डमगुरुं चापि गन्धसारं शिलारसम् |
मलयोद्भवसारञ्च विद्याया युग्मभेदतः || ३२ ||

दशविद्याक्रमेणैव कीर्तितन्तु मया तव |
देवदारुमयो धूपः सर्वभूतविनाशकः || ३३ ||

एवं सन्धूप्य यानेन खड्गहस्तो भवेद् ध्रुवम् |
मुक्तकेशो दिशावासो दूरे चोत्तरसाधकम् || ३४ ||

दीपं प्रज्वाल्य यत्नेन न च विघ्नैः समाकुलः |
मध्ये वीरं तु संस्थाप्य झुटिकाबन्धनं चरेत् || ३५ ||

पृष्ठ लिखेद्यन्त्रं पादबन्धनमाचरेत् |
मुखबन्धं मुखे दत्त्वा हयारोहक्रमेण || ३६ ||

अचूडकं पूर्वभागे मृदु दक्षिणगोचरे |
कोमलं पश्चिमायां च त्रिमुण्डमुत्तरे भवेत् || ३७ ||

ततो मृतकं पूजयेत्क्रमात् |
वीरार्गलाघोरमन्त्रैश्चक्रपाशुपतास्त्रकैः || ३८ ||

जयदुर्गाख्यमन्त्रोऽपि वीरप्रार्थनकृन्मनुः |
तिलोऽसीति यवाख्यो हि मनवः परिकीर्तिताः || ३९ ||

स्वस्वस्थाने नियुञ्जीत यथोक्तेन तु वर्त्मना |
ऋषिच्छदादिकं ज्ञात्वा यथोक्तं ध्यानमाचरेत् || ४० ||

स्वदेष्टदेवं तु समूज्य साङ्गं सावरणं प्रिये |
पञ्चोपचारैर्वा पूज्य जपं कुर्यादनन्यधीः || ४१ ||

भयं न कुर्याद्देवेशि स्वप्नवद्भावयेज्जगत् |
देवताः खेचराः सिद्धा भैरवा यातु धानकाः || ४२ ||

आयान्ति छलनार्थं च भयं तत्र न कारयेत् |
व्याघ्राः शस्त्राणि सर्पाद्या वृश्चिकाः क्रूरजन्तवः || ४३ ||

वक्रक्रूराणि रूपाणि समुद्रस्वर्गपातनम् |
मृताश्च पूर्वजाः सर्वे राजकीयातनास्तथा || ४४ ||

नीलं वा प्रप्यते देवि कुक्कुटं चामृतं च वा |
तृणीकृत्य च तत्सर्वं दृढभावसमन्वितः || ४५ ||

प्. १६९) प्रजपेद्द्यात्नतो देवि देवता वरदा भवेत् |
संस्कृतं वक्ति या चाग्रे सा देवी परिकीर्तिता || ४६ ||

तस्या वरस्तु संग्राह्यास्त्रिवारं वक्ति सा शिवा |
ब्राह्मणः संस्कृतं वक्ति भैरवः सम्प्रकीर्तितः || ४७ ||

तया यदुच्यते देवि या बलिर्याच्यते तया |
तान् दद्यात्नतो देवि नरकुञ्जरमाहिषान् || ४८ ||

शालीपिष्टमयान् कृत्वा यवक्षोदमयानपि |
दिनान्तरे तु तद्दद्याद् वरं गृह्यं सुखी भवेत् || ४९ ||

वीरादि सर्वसामग्रीं गर्तमध्ये विनिक्षिपेत् |
वीरयुद्धं तत्र भूयात् दृढस्तत्र नरो भवेत् || ५० ||

एकविंशद्दिनं यावत्तावत्संगोपयेत्स्वयम् |
गीतं श्रुत्वा तु वधिरः स्त्रीसङ्गाद् रोगभाग्भवेत् || ५१ ||

होमहीने न सिद्धिः स्याद् द्विजभोजविहीनके |
दरिद्रस्तु भवेदेवि सर्वं संसाधयेद् ध्रुवम् || ५२ ||

बिल्वपत्रोदकं पीत्वा सर्वं संसाधयेद् ध्रुवम् |
अष्टादशविधो देवि शक्तिपातः प्रजायते || ५३ ||

षष्टिसिद्धीश्वरो भूयान्नात्र कार्या विचारणा |
अणिमाद्यष्टसिद्धीनामधीशो धार्मिकः कृती || ५४ ||

ब्रह्माण्डगोलद्भया च या काचिज्जगतीतले |
समस्ताः सिद्धयो देवि तस्य पादे व्यवस्थितः || ५५ ||

भैरवाः खेचरा यक्षाः किन्नराश्चाप्सरोगणाः |
यातुधानास्तथा नागा दानवा दैत्यराक्षसाः || ५६ ||

कुष्माण्डाश्च तथा भूताः विशाचाः प्रेतजातयः |
निवातकवचाश्चान्ये तथैव ब्रह्मराक्षसाः || ५७ ||

वेतालाश्च तथा साध्याः सिद्धाश्च यक्षिणीगणाः |
राकिनीकिन्नरीसंघा भूतिनीचेटकादयः || ५८ ||

महेन्द्रजालमिन्द्रादिजां पादगतं भवेत् |
सुरयोत्सर्गमासाद्य तेन सिद्धीश्वरो भवेत् || ५९ ||

प्. १७०) गुडार्द्रकसेनैव सुरा तु ब्राह्मणस्य च |
गोपनीयं गोपनीयं गोपनीयं स्वयोनिवत् || ६० ||

रहस्यातिरहस्यञ्च रहस्यातिरहस्यकम् |
प्राणा देयाः शिरो देयं न देया साधना वरा || ६१ ||

इति विद्याविधौ प्रोक्ता श्रीविद्यायां विशेषतः |
बटुके क्षेत्रपालेऽपि गाणपे शाङ्करेऽपि च || ६२ ||

साधनेयं मया प्रोक्ता गोपनीयं स्वयोनिवत् |
इति संक्षेपतः प्रोक्तं किमन्यच्छोतुमिच्छसि || ६३ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतासंवादे सुन्दरीसाधनं नाम 
चतुश्चत्वारिंशतिः पटलः || ४४ ||


पञ्चत्वारिशतिः पटलः |

श्रीदेव्युवाच |

देवेश शङ्कर स्वामिन्सुरादिकारणोत्तम |
त्वया संसूचितं पूर्वं वरासनविनिर्णयम् || १ ||

देवताऽवाहनं देवि सूतकद्वयविनिर्णयम् |
यन्त्रप्राणनिर्णयं च विसर्जनविनिर्णयम् || २ ||

शिवशक्तिक्रमेणैव सम्प्रदायविनिर्णयम् |
दशविद्याक्रमेणैव दशधूपविनिर्णयम् || ३ ||

पूर्वं संसूचितं नाथ न मह्यं तु प्रकाशितम् |
तत्सर्वं कथय स्वामिन् यद्यहं तव वल्लभा || ४ ||

श्रीशिव उवाच |

रहस्यातिरहस्यं ते कथं च कथयाम्यहम् |
तथापि तव संप्रीत्या कथ्यते शृणु साम्प्रतम् || ५ ||

सर्वादिभूतरूपत्वात् सूतकस्य विनिर्णयम् |
वरासनं चान्यभागे सर्वं संकथ्यते शृणु || ६ ||

जातसूतकमादौ स्यात्तदन्ते मृतसूतकम् |
सूतकद्वयसंयुक्तः स मन्त्रो नैव सिध्यति || ७ ||

जातसूतकमादौ स्यात्तदन्ते मृतसूतकम् |
सूतकद्वयसंयुक्तः स मन्त्रो नैव सिध्यति || ८ ||

गुरुकुण्डलिनीध्याने विवाहः परिकीर्तितः |
द्विरागमो भवेत्स्नानं संयोगस्तर्पणम् || ९ ||

अर्घ्यदानं भवेद्गर्भो गायत्री त्वष्टमासिकम् |
भूतशुद्ध्यादि प्राणान्तं तत्रावयवकल्पनम् || १० ||

देहावाप्तिर्मातृक या प्राणायामस्तु संस्क्रिया |
ध्यानोच्चारे महेशानि बालकोत्पत्तिरीरिता || १० ||

मन्त्रोच्चारणतो देवि जातसूतकमीरितम् |
जातसूतस्य दोषस्य शमनार्थं महेश्वरि || ११ ||

दश विशंति पञ्चाशद्ययाशक्त्या जपेच्छिवे |
दशाङ्गादि पुरश्चर्या संस्कारा दश वै शिवे || १२ ||

इदमादि मयादिष्टमन्तिमं शृणु साम्प्रतम् |
संस्काराः सप्तनवकास्तथा जाड्यं हृदि शिवे || १३ ||

प्. १७२) प्रसन्नाञ्जलिस्तु तच्चक्रं तत्सिद्धिसाधनं तथा |
सोऽहं भावो मातृकाप्तिः पञ्च चैतन्यमेलनम् || १४ ||

अङ्गज्ञानञ्च तादात्म्यं तदनन्तरमीरितम् |
विसर्जनं महेशानि मृतसूतकमीरितम् || १५ ||

मृतसूतकशान्त्यर्थं दशविंशति वा जपेत् |
तेन तस्य निवृत्तिर्हि भवत्येव न संशयः || १६ ||

केरलश्चैव काश्मीरो गौडमार्गस्त्रयात्मकः |
सम्प्रदायत्रये प्रोक्तं त्रितयं त्रितयं भवेत् || १७ ||

शैवकेरललकं देवि शक्तिकेरलकं तथा |
शिवशक्तिकेरलाख्यं त्रितयं परिकीर्तितम् || १८ ||

शुद्धोग्रगुप्तभेदेन नवधा केरले भवेत् |
नवधा चैव काश्मीरं गौडं च नवधा भवेत् || १९ ||

विलासाख्यस्त्रिधा देवि भेदाश्चान्ये भवन्ति च |
केरलाख्ये सम्प्रदाये हृदये च विसर्जनम् || २० ||

मनुहृद्देवतां शम्भुं सहस्रारे विसर्जनम् |
काश्मीराख्ये सम्प्रदाये सहस्रारे विसर्जनम् || २१ ||

गौडमार्गे महेशानि हृदये च विसर्जनम् |
विसर्जनं च सम्प्रोक्तं निर्णयं सूतकस्य च || २२ ||

शृणु यत्नेन देवेशि रहस्यं कथ्यते मया |
मन्त्रस्य सूतकं प्रोक्तं मनुष्यस्य यथा || २३ ||

जातसूतकमादौ च तदन्ते मृतसूतकम् |
द्वितये सूतके देवि न मन्त्रोच्चारमाचरेत् || २४ ||

सन्ध्यां च मानसीं कुर्यादर्घ्यान्तां परमेश्वरि |
शालिग्रामं च प्रतिमां न स्पृशेत्कर्हिचितुप्रिये || २५ ||

स्पर्शात् पापी नरो भूयान्नात्र कार्या विचारणा |
इति संक्षेपतः प्रोक्तं किमन्यच्छ्रोतुमिच्छसि || २६ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे सूतकविनिर्णयो नाम 
पञ्चचत्वारिंशतिः पटलः || ४५ ||


षट्चत्वारिंशतिः पटलः |

श्रीदेव्युवाच |

देवेश श्रोतुमिच्छामि रहस्यातिरहस्यकम् |
तन्मे कथय देवेश पूर्वं सूचितं त्वया || १ ||

पूर्वं त्वयोक्तं देवेश मन्त्रत्यागे दरिद्रता |
दीक्षोत्तरं महेशान पत्यहं प्रजपेन्मनुम् || २ ||

प्राणान्तेऽपि न वै त्याज्यस्त्यागाच्छापमवान्पुयात् |
जपपूजां ततो जापं कुर्याद्यत्नेन नित्यशः || ३ ||

पूजान्ते प्रजपेन्मन्त्रं न मन्त्रं केवलं जपेत् |
इत्याद्युक्तं त्वया नाथ कथं त्याज्यः स वै मनुः || ४ ||

श्रीशिव उवाच |

पूर्वकल्पः पशूनाञ्च वैष्णवानां विशेषतः |
सन्ध्या तु वैदिकी प्रोक्ता मानसी तु तथा तव || ५ ||

त्रिसन्ध्यां तान्त्रिकीं कुर्याच्छक्तिमन्त्रे महेश्वरि |
पूर्णाभिषेकहीने तु पूजा पञ्चोपचारिकाः || ६ ||

पूजोपचारैः सम्पूज्य दीपे कुड्ये जले प्रिये |
दर्पणे श्रीगुरौ देवि पशुपक्षे मनस्त्विदम् || ७ ||

पूर्णाभिषेकसंयुक्तः पूर्णरूपः स वै भवेत् |
को वा देही कस्य देहः सुखं दुःखं च कस्य वै || ८ ||

को जातः को मृतो देवि सर्वं ब्रह्मस्वरूपकम् |
नामपारायणं देवि मन्त्रपारायणं तथा || ९ ||

नाडीपारायणं देवि चक्रपारायणं तथा |
यन्त्रपारायणं देवि सन्ध्यानां च चतुष्टयम् || १० ||

प्रस्ताराख्यसहस्राणि तथोपस्थानरूपिणी |
आवर्णाख्यसहस्राणि विद्याकल्पलता मया || ११ ||

द्वाविंशतिक्रमेणैव दीक्षासोपानमालिका |
षडाम्नायस्य विज्ञानी श्रीमहापञ्चिकाक्रमी || १२ ||

कादिहादिमाताधीशस्तस्य वै सूतकं कुतः |
ऊर्ध्वाम्नायी तथा देवि तथा चरणदीक्षितः || १३ ||

चतुश्चरणसम्पन्नः षडन्वयक्रमी तथा |
मेधादीक्षादिसंयुक्तः साम्राज्यमेधया पुनः || १४ ||

प्. १७४) श्रीगुरोः पादुकाज्ञानी श्रीमहापादुका तथा |
निर्वाणपादुकाज्ञानी श्रीमूर्तिपादुका तथा || १५ ||

वाराहीपादुका देवि मातङ्गीपादुका तथा |
शाम्भव्याख्यपादुकायाः श्रीमेधापादुकान्वितः || १६ ||

सूतकं तस्य कुत्रास्ति पूर्णरूपः स एव तु |
यस्मिन्काले भवेद्देवि मन्त्रदेवस्य विस्मृतिः || १७ ||

तदैव मरणं प्रोक्तं मरणं मरणम् नहि |
जीवनं तु तदैव स्याद्यस्मिन् काले तु सम्भ्रमः || १८ ||

चतुर्वेदास्तूप वेदाः श्रीचक्रद्वारि सन्ति च |
पूर्णाभिषेकी देवेशि यस्मिन् देशे विराजते || १९ ||

स देशो धन्यतां याति समन्तात्कोटियोजनम् |
न व्याधिर्न च वै मृत्युर्न शत्रुर्न भयं क्वचित् || २० ||

पूर्णरूपः शिवः प्रोक्तः शिव एव न संशयः |
बहुमन्त्रवतः पुंसः का कथा शिव एव सः || २१ ||

पूर्णाभिषेकी देवेशि दशविद्याविधौ स्मृतः |
तूर्यभेदा हादिमते कादौ भेदचतुष्टयम् || २२ ||

पञ्चरत्नेश्वरी द्वेधा हादिकादिक्रमेण च |
उग्रा कादिक्रमेणैव सौम्या हादिक्रमेण च || २३ ||

कादुहादिक्रमेणैव उग्रसौम्यद्वये शिवे |
अभिषेकः शुभः प्रोक्तः सर्वसाम्राज्यदायकः || २४ ||

श्रीदेव्युवाच |

अभिषेकविहीनस्य ग्रहणक्रमगस्य च |
पुरश्चर्या प्रयुक्तस्य कथं भवति तद्वद || २५ ||

श्रीशिव उवाच |

सूर्यग्रहणकालाद्धि नान्यः कालः प्रशस्यते |
सूर्यचन्द्रग्रहे यद्यत् कृतं वा कारितं च वा || २६ ||

तत्तदक्षययमायाति विद्या सिद्धिप्रदा मता |
जातशौचं मृताशौचं ग्रहणे नास्ति पार्वति || २७ ||

सूर्याशौचं महेशानि नान्यत्सञ्चरति क्वचित् |
स्नानं दानं जपो होमो मार्जनं तर्पणं तथा || २८ ||

प्. १७५) द्विजभोज्यं शक्तियोगात्कर्तव्यं परमेश्वरि |
संकल्पमात्रात्सिद्धिः स्याच्चन्द्रसूर्यग्रहे || २९ ||

दीक्षायोगः पीठजपो मन्त्रपारायणं तथा |
नामनाडी चक्रमन्त्रपारायणविधिर्भवेत् || ३० ||

पूर्णाभिषेकदीक्षा तु चन्द्रसूर्यग्रहे शिवे |
सूतकेऽपि भवत्येव पूर्णस्य सूतकं कुतः || ३१ ||

होमादिकं सूतकान्ते मोणः प्रतिनिधिः स्मृतः |
काली तारा छिन्नामस्ता सुन्दर्याः परमेश्वरि || ३२ ||

विशेषात् सूतकं नास्ति सर्वकालं जपेच्छिवाम् |
अभिषेकाद्भवेच्छुद्धः सर्वरूपः सनातनः || ३३ ||

अभिषेकः पूर्णरूपः सर्वसिद्धिफलप्रदः |
अनेकक्रमयोगेन त्वभिषेकः प्रकीर्तितः || ३४ ||

पूर्णाभिषेकसंयुक्तश्चाण्डालोऽपि भवेद्यदि |
स ब्रह्मर्षिर्महेशानि नात्र कार्या विचारणा || ३५ ||

पूर्णाभिषेकहीनोऽयमृषिवर्योऽपि पार्वति |
स ब्राह्मणाधमः प्रोक्तस्त्वभिषेके द्विजोत्तमः || ३६ ||

अभिषेकाद्भवेच्छ्रेष्ठो वयोधिक्यान्न वै प्रभो |
श्रीवृद्धो दीक्षया हीनो बालो दीक्षासमन्वितः || ३७ ||

पूर्णरूपो भवेच्छ्रेष्ठो न वयो हेतुरत्र तु |
अपि चाण्डालजातिस्थः पूर्णदीक्षासमन्वितः || ३८ ||


स एव शिवरूपः स्यान्नात्र कार्या विचारणा |
जपऊजां तपो होमं तथा ब्राह्मणभोजनम् || ३९ ||

कारयेद्द्यत्नतो देवि नान्तरायं समाचरेत् |
आदौ मानसिकीं पूजां महापूजां ततः || ४० ||

कारयेद्यत्नतो देवि नात्र कार्या विचारणा |
पूर्णाभिषेकहीनानां पशूनां जप एव च || ४१ ||

क्वचित्प्रोक्तो महेशानि स जपो हि निरर्थकः |
यद्यप्यस्ति त्रिकालज्ञस्त्रैलोक्याकर्षणक्षमः || ४२ ||

तथापि लौकिकाचारं मनसाऽपि न लङ्घयेत् |
इति चिन्तापरो यस्तु तस्य पूजा महेश्वरि || ४३ ||

गुरुहस्तात् गुरुभ्रातुस्तथाचार्यस्य हस्ततः |
कारणीया प्रयत्नेन न मन्त्रं केवलं जपेत् || ४४ ||

केवलं मन्त्रजापस्तु नाम इत्यभिधीयते |
गोपनीयं गोपनीयं गोपनीयं स्वयोनिवत् |
इति संक्षेपतः प्रोक्तं किमन्यच्छ्रोतुमिच्छसि || ४५ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे मन्त्रजापविधानं नाम 
षट्चत्वारिंशतिः पटलः || ४६ ||


सप्तचत्वारिंशतिः पटलः |

श्रीदेव्युवाच |

देवेश श्रोतुमिच्छामि यन्त्रस्थापननिर्णयम् |

श्रीशिव उवाच |

स्फाटिकं स्वर्णजं रोप्यं यन्त्रं च कारयेत् प्रिये || १ ||

यन्त्रं तु गृहामित्युक्तं यन्त्रं पीठं प्रकीर्त्तितम् |
यन्त्रे तु पूजिता देवि सहसैव प्रसीदति || २ ||

शालिग्रामे बाणलिङ्गे जीवचक्रे महेश्वरि |
स्थिरयन्त्रे प्रतिकृतौ नावाहनविसर्जनम् || ३ ||

प्रतिष्ठाय महायन्त्रं न तद्यन्त्रं विसर्जयेत् |
यन्त्रप्रतिष्ठामासाद्य विद्यां तत्र विभावयेत् || ४ ||

जीवन्यासं तत्र कृत्वा विद्यां तत्रैव भावयेत् |
यन्त्रप्रतिष्ठां कृत्वादौ देवं तत्र प्रतिष्ठयेत् || ५ ||

तदा विसर्जनं नास्ति न चावाहनमेव च |
अन्तः कालं प्रविन्यस्य यन्त्रमेवं प्रतिष्ठयेत् || ६ ||

मूर्तिं स्वहृद्गतां तत्र ध्यात्वा पूज्य विसर्जयेत् |
देवप्रतिष्ठा चेद्भूयात्तदा नैव विसर्जनम् || ७ ||

इति संक्षेपतः प्रोक्तं दशविद्याक्रमेण च |
दशधूपान् शृणु प्राज्ञे सावधानमना भव || ८ ||

लोहबाणः षोडशाङ्गः श्रीविद्यायां प्रकीर्तितः |
कालीविद्याविधौ देवि अगुरुञ्च दशाङ्गकः || ९ ||

अष्टादशाङ्गं श्रीखण्डं ताराविद्याविधौ स्मृतम् |
छिन्नाविद्याविधौ देवि पञ्चाङ्गो गुग्गुलुस्तथा || १० ||

कृष्णागुरुः पीतसारो ब्रह्मास्त्रमनुगोचरः |
आलोड्यागुरुधूपं च मातंग्यां परिकीर्तितम् || ११ ||

कस्तूरी चैव कर्पूरमष्टगन्धं तथैव च |
भैरव्यां कीर्तितं देवि न विनैव शिलारसम् || १२ ||

भुवनेश्यां मया प्रोक्तं श्रीखण्डं कमलामनौ |
लाक्षागुडो हि धूम्रायां सिद्धविद्याविधौ शिवे || १३ ||

सर्वधूपस्तु संप्रोक्तः शृणु देवि वरासनम् |
वरासनानि देवेशि कथ्यन्ते सुमुखी भव || १४ ||

प्. १७८) बाणदुन्दुभि वीणादि भेरी वादित्रवेणवः |
शङ्ख्यघण्टापताकादि त्रिशतं पञ्चविंशतिः || १५ ||

वरासनप्रयोगे हि सर्वत्र दुर्लभो मतः |
स्तोत्रपाठश्च कवचं नामसाहस्रकं तथा || १६ ||

पूजाजपस्तथा देवि वरयोगे प्रकीर्तितम् |
यदैव कार्यमुत्पन्नं यत्र कुत्रापि पार्वति || १७ ||

जपः क्वचिद्भवेद्देवि होमपूजा क्वचिद्भवेत् |
यत्र यल्लभते देवि तत्र तच्च समाचरेत् || १८ ||

तर्पणं च क्वचित्कार्यं पाठश्चैव क्वचिद्भवेत् |
पूजाहोमौ क्वचित्कार्यौ क्वचिद् ब्राह्मणभोजनम् || १९ ||

यथालाभेन कर्तव्यं शाबरादौ विशेषतः |
वरप्रयोगे देवेशि द्विधा वाऽसनसंहतिः || २० ||

देहासनानि देवेशि परिभाषासनानि च |
भद्रादीनि महेशानि देहजानि भवन्ति च || २१ ||

व्याघ्रमुण्डं कम्बलाश्च चर्माणि भेषजान्यपि |
उष्ट्रजासनरूपाणि कुशादीनि यथाक्रमात् || २२ ||

परिभाषासनान्येव कथितानि मया तव |
प्रत्येकं द्विविधो भेदस्त्वासनानां महेश्वरि || २३ ||

निर्जीवानि सजीवानि सर्वसिद्धिकराणि च |
सजीवानामभावे तु निर्जीवानि महेश्वरि || २४ ||

मुख्यानि तु सजीवानि रहस्यानि महेश्वरि |
अश्वासनं गजश्चैव पल्लकी मानुषस्तथा || २५ ||

महिषो वृषभश्चेति भल्लुको वनरस्तथा |
व्याघ्रश्वजम्बुको देवि मेषाजौ परमेश्वरि || २६ ||

उष्ट्रश्च मृगभेदश्च कुशमृत्प्रकृतिश्च वा |
कुक्कुरः कुक्कुटो देवि मकरः शरस्तथा || २७ ||

गवयः शूकरश्चैव शिविरः शबरः स्मृतः |
तरणिश्च रथश्चैव शंकटश्च सुखासनम् || २८ ||

दण्डिका दोलिकाचक्रं चक्रदोला गृहाभिधा |
पादासनमथारोहो नारिकेलासनं तथा || २९ ||

पूगो मधुकश्चाक्रश्च वटोश्वत्थसतालकौ |
खर्जुरः पिप्पलः प्लक्षः शमी जंबुस्तथैव च || ३० ||

प्. १७९) तारा काली छिन्नमस्ता श्रीविद्याकल्पवृक्षजम् |
कुक्कुरः कच्छपः खड्गी गजाख्यं च सुखासनम् || ३१ ||

गजाश्चासनकं देवि तथा तररथं शिवे |
वृसभाख्यो हयाख्यश्च महिषाख्योऽपि पार्वति || ३२ ||

नरयानं राजयानं छत्रयानञ्च पार्वति |
तथा नरपतेर्यानं अश्वनाथाभिधं तथा || ३३ ||

गजनाथाभिधं देवि साम्राज्यख्य रथस्तथा |
वरासनानि देवेशि कथितानि मया तव || ३४ ||

शतं सप्तति देवेशि भेदास्तेषां शृणु प्रिये |
ब्रह्मक्षत्रियविट्शूद्रजातिभेदैश्चतुर्विधाः || ३५ ||

देशभेदैर्महेशानि संख्यां शृणु महेश्वरि |
अश्वाः पञ्चविधाः प्रोक्ता जातयोष्टादश स्मृताः || ३६ ||

वह्लीकाश्चव काम्बोजाः कोंकणैराकसम्भवाः |
वनजोत्थाः पञ्चमाः स्युर्वर्णोस्तेषां शृणु प्रिये || ३७ ||

सर्वेऽपि सूर्यहयाः स्युर्वर्णभेदाद् ग्रहत्वता |
सूर्यः सोमस्तथा भौमो बुधश्च गुरुरेव च || ३८ ||

शुक्रः शनिस्तथा राहुः केतुश्च नवमः स्मृतः |
नववर्णक्रमेणैव पञ्चवर्णक्रमेण च || ३९ ||

प्रत्येकसंकरत्वेन नवतिश्चन्द्रन्यूनता |
पञ्चवर्णक्रमेणैव पञ्चविंशतिभेदभाक् || ४० ||

सपादशत संख्या तु श्यामकर्णसमागमात् |
अन्योन्यसंसृष्टिभेदात्त्रिशतं पञ्चसप्ततिः || ४१ ||

फलमेषां महेशानि कथ्यते शृणु साम्प्रतम् |
सूर्यवर्णं समारुह्य विंशत्साहस्रकं जपेत् || ४२ ||

त्रैलोक्य विजयी भूयान्नात्र कार्या विचारणा |
कवचे स्तोत्रपाठे च नामसाहस्रके तथा || ४३ ||

संख्या सामान्यतः प्रोक्ता गजान्तकसहस्रकम् |
सोमवर्णं समारुह्य दिक्सहस्रं शिवां जपेत् || ४४ ||

कीर्तिलक्ष्मीपतिर्भूयान्नात्र कार्या विचारणा |
भौमवर्णं समारुह्य त्रिसहस्रं मनुं जपेत् || ४५ ||

प्. १८०) दरिदोऽपि धनाढ्यः स्यान्नात्र कार्या विचारणा |
बुधवर्णं समारुह्य त्रिंशत्साहस्रकं जपेत् || ४६ ||

रोगी रोगात्प्रमुच्येत दरिद्रो धनमाप्नुयात् |
गुरुर्णं समारुह्य नवसाहस्रकं जपेत् || ४७ ||

नवनिधीश्वरो भूयान्नात्र कार्या विचारणा |
भृगुवर्णं समारुह्य लक्षसंख्यं जपं चरेत् || ४८ ||

सर्वसिद्धीश्वरो भूयान्नात्र कार्या विचारणा |
शनिवर्णं समास्थाय त्रिसहस्रं जपेत्सदा || ४९ ||

सर्वबाधाविनिर्मुक्तो मानवः स्यात् सुरोपमः |
राहुवर्णं समास्थाय सहस्राणां तु सप्ततिः || ५० ||

प्रजपेन्मानवो यस्तु स च लक्ष्मीपतिर्भवेत् |
केतुवर्णं समारूह्य पञ्चविंशत्सहस्रकम् || ५१ ||

प्रजपेन्मानवो यस्तु परराज्यजयी भवेत् |
श्वेतवर्णं समारूह्य लक्षसंख्यं मनुं जपेत् || ५२ ||

शत्रुसेनां विनिर्जित्य राज्यभोक्ता नरो भवेत् |
अश्वव्याघ्रासनं कृत्वा दिक्साहस्रं जपं चरेत् || ५३ ||

स्तोत्रं वा कवचं नाम यत्किम्चित् प्रजपेच्छिवे |
वाञ्छाकामी नरो भूयात् त्रैलोक्यवीजयी भवेत् || ५४ ||

जीवासनानि देवेशि भवन्त्येतानि निश्चितम् |
यद्यत्कामयते कामं तत्तदाप्नोति निश्चितम् || ५५ ||

जपमात्रे पाठमात्रे होमादौ कल्पितानि च |
श्वेतरौप्यासनं कृत्वा त्रिलक्षं प्रजपेद्विभुः || ५६ ||

इन्द्रादीन् समरे जित्वा विजयी भुवि जायते |
श्वेतवर्णासनं कृत्वा सूर्यसाहस्रकम् || ५७ ||

त्रैलोक्यविजयी राजा किंकरो निधिमुग्भवेत् |
श्वेतचित्रासनं कृत्वा मन्त्रमात्रं जपेच्छिवे || ५८ ||

रक्तवर्णे नरः स्थित्वा सहस्रं प्रत्यहं जपेत् |
शत्रुसेनां नरः स्थित्वा सहस्रं प्रत्यहं जपेत् || ५९ ||

कृष्णवर्णं समास्थाय पञ्चसाहस्रकं जपेत् |
शत्रवो दासतां यान्ति कालीताराप्रसादतः || ६० ||

पीतवर्णं समास्थाय मन्त्रं लक्षमितं जपेत् |
राजराजो नरो भूयान्नात्र कार्या विचारणा || ६१ ||

प्. १८१) नीलवर्णाश्वमास्थाय लक्षार्धं जपमाचरेत् |
सर्वसिद्धीश्वरो भूयान्नात्र कार्या विचारणा || ६२ ||

हरिताश्वे नरः स्थित्वा लक्षद्वयमिदं जपेत् |
पृथ्वीपतिपदं प्राप्य त्रैलोक्यभोगभाग्भवेत् || ६३ ||

धूसराश्वं समाश्रित्य नित्यं पञ्चसहस्रकम् |
मासमात्रेण वेतालः किङ्करो भवति ध्रुवम् || ६४ ||

श्यामवर्णं समासाद्य चत्वारिंशत्सहस्रकम् |
प्रजपेन्मानवो यस्तु विष्णुरेव न संशयः || ६५ ||

कपिलाश्वं समारुह्य लक्षं जपति भूमिपः |
विकलाश्वे नरः स्थित्वा त्रिलोकं वशमानयेत् || ६६ ||

कुर्वराश्वे समारुह्य विश्वं जयति जापतः |
त्रिशतं प्रजपेन्नित्यं मासमात्रेण सिद्धिकृत् || ६७ ||

धूम्रवर्णं समारुह्य सर्वज्ञः साधको भवेत् |
नानावर्णे नरः स्थित्वा प्रत्यहं शतमात्रकम् || ६८ ||

शतमात्रप्रजापेन मासद्देवी वरप्रदा |
द्वित्रिवेदवाणषट्कवऋणैः स्थित्वाऽयुतं जपेत् || ६९ ||

धनभोगं तथा राज्यं लोकेशत्वं विभुत्वता |
क्रमेण फलमेतद्धि कथितं परमेश्वरि || ७० ||

चतुरासनयोगो हि सर्वत्र यदि चेद्भवेत् |
साधकस्य सदा देवि किं तद्यन्न करे स्थितम् || ७१ ||

अष्टादशतित्वेन तावद्वाक्सिद्धिमाप्नुयात् |
संकल्पमात्रद्देवेशि सिद्धिर्मभवति निश्चितम् || ७२ ||

श्लक्ष्णश्वाना फलं प्रोक्तं कोङ्कणानां फलं शिवे |
एतद्द्वै शून्यवादैऽऽच कीर्तितं परमेश्वरि || ७३ ||

कम्बोजाना पक्षमात्रान्सिद्ध्यति जपमात्रतः |
बाह्लीकानां फलं देवि दिवसत्रयगोचरम् || ७४ ||

फलं तु पार्वतीयानां मासाद्भवति निश्चितम् |
वर्णानां सान्वता देवि पञ्चानां च वियुज्यते || ७५ ||

गत्या पञ्चविवत्वञ्च पर्वतानां विशेषतः |
गुणिताः पञ्चसंख्याभिस्त्रयस्त्रिंशत्सहस्रकम् || ७६ ||

प्. १८२) तथाष्टदशतसंख्यानां मया प्रोक्ता महेश्वरि |
नानालयप्रभेदेन कलौ त्वर्बुदसंख्यकाः || ७७ ||

अश्वाः प्रोक्ता मया देवि पक्षच्छेदस्तदा कृतः |
कवचं स्तोत्रपाठश्च नामसाहस्रं कीर्तितम् || ७८ ||

जपमात्रेऽपि कर्तव्यं सर्वसिद्धिमभीप्सुभिः |
शङ्कराणां फलं ह्येवमेव भवेद् ध्रुवम् || ७९ ||

इति श्रीशक्तिसङ्गममहातन्त्रराजे उत्तरभागे द्वितीयखण्डे 
श्रीमदक्षोभ्यमहोग्रतारासंवादे अश्वासनं नाम 
सप्तचत्वारिंशतिः पटलः || ४७ ||




###########   END OF FILE  #######